على صفيح ساخن نادر التوم
ساخر بارد
(1)
يصر المدربون السودانيون على ان المدرب الأجنبى (ما عندو أى حاجه) وانهم افهم منو
والدليل ان غارزيتو الحائز على كاس افريقيا مرتين ووصافة العالم للاندية لم يختر سيدا وابعده
بينما مازدا يرى ان هيثم لاعب(إستثنائى)... النبى؟؟؟
(2)
طالب نجم الخرطوم الوطنى عنكبة بمبلغ سبعمية وخمسين جنيها حتى يوقع للمريخ
شنو يعنى؟؟ ولا حاجه كدا بس حولوها لى دولارات و(عوموها) كدا وشوفوها بتطلع بى كم؟
خمسطاشر ستاشر عشرين؟؟
طيب بعد عملتو العملية الحسابية دى شوفوا اوتو(بنك) الهلال سجلو بى كم مليون دولار؟؟ يعنى قروش اوتوبنك دى كان عملت كم عنكبة؟؟ مع انو عنكبة افضل مليون دولار مرة من اوتوبنك والمقارنة بينه واوتو زى المقارنة بين الدولار وجنيهنا ودا بس(عشان تعرفوا قيمة الجنيه)!
(3)
زمان كان عندنا واحد بجى الحلة بوزع حلاوة للاطفال(شنو يعنى ما عادى) المهم الزول دا بقى يعرف الشفع وبقى لما الشفع اتلموا ويكون فيهم اخوان بدى واحد بس والتانى بقول ليو ادينا اخوك.. إتذكرت زول الحلاوة دا وانا اخال اتحادنا الهمام يرد على المعلم عمر بخيت ان هو سال ما اخترتونى ليه؟ ماااا إخترنا أخوك خلاص.. شنو يعنى؟
(4)
قال الكوتش جعفر عبد الرازق: (أجانب الهلال لا يستحقون البقاء باستثناء سادومبا) مع ان الجميع يرى ان ساساقيت هو الاحق بالمغادرة لانو تمثيلو كتر فى الفترة الماضية.. الكلام دا معناتو اوتو بنك وعيد الحب وهوط وديمبا قاعدين ساكت.. شنو يعنى ما يقعدوا ما الهلال كلو قاعد ساكت_بدون بطولة_!
(5)
فى وجود كليتشى وساكواها واديكو_نسيتونا المهاجمين(الوطنيين)_ فى وجود كل هؤلاء يفكر المريخ فى تسجيل عنكبة الناس ديل ماشين(هجليج) ولا شنو؟
(6)
أخفق أكرم فامتلات الصحف باخبار عودة الحضرى.. وتالق اكرم ولم يعد احد يتذكر الحضرى او يكتب عن عودته نتمنى الا نقرا من جديد عن عودة الحضرى يا أكرم.. تكون دى معنويات مازيمبى؟ شنو يعنى الحضرى؟ ما واحد مستهبل بس!
(7)
اول مرة اعرف انو هلال الحركة الوطنية والخريجين الاوائل روادو(شماشه) كتر خير رئيس الهلال.. مع تعازينا الحارة فى وفاة والدته عليها الرحمة!
(8)
راحة طويلة قبل النصف الثانى لذلك قررت ان ارتاح واكمل نصفى الثانى واتزوج ريثما تنطلق المنافسات من جديد معزومين معانا 27 رجب ان شاء الله!
(9)
ناس معتصم جعفر ومازدا واسامة واسماعيل كان عندهم لعب احسن يلعبوا بى حاجة غير المنتخب(الوطنى) وناس الحيكومة عليهم التدخل لايقاف هذه المهازل لانهم يمثلوننا!
(10)
كم تبقى من المهلة التى قال اخونا ريكاردو انه يحتاجها ليجعل من المريخ فريقا يشار اليه بالبنان؟ عشان نعرف بس.. شنو يعنى لو وريتنا؟
(11)
انا اسعد الناس باختيار الخلوقين خالد احمد المصطفى(خالدونا) والمهندس محمد موسى لدائرة الكرة واولاد المريخ على قفا وفى كل المجالات ولكين (مين يشوف)؟
(12)اسماعيل عطا المنان قال اخترنا اللاعبين ديل لكتيبة المنتخب فى شان شاركو فى الكان.. صحى؟؟ بالله! يا سلام.. أصلو مااااممكن.. معقول؟
طيب افرض مثلا يعنى اللاعبين ديل عملوا زى لعيبة الهلال (إعتزال جماعى) اها ح تقولوا المنتخب دا (سرحناهو)؟ ياراجل قول كلام منطقى انت والمعاك بلا استثنائى بلا رقم وطنى!
(13)
الشطب يهدد كبار النجوم بالقمة.. كبار السن يعنى ولا شنو يعنى؟
(14)
اتهمت الزميلة هنادى الصديق زملائها فى البيت الازرق بانهم يبيعون اقلامهم ويكتبون حسب الظروف ولمن يملا جيوبهم(الخاوية) وقالت فى واحدين ما كنت قايلاهم كدا.. الكلام دا كلو فى عمودها اول امس(إعلام الضلال الهلالى)
وقالت زوووول مافى بقى همو مصلحة(البيت الازرق) وكلو زول همو نفسو وجيوبو بس.. هنادى حريفة خلتها كدا مفتوحة وبعد داك كلو زول و_ظروفو_... شنو يعنى!
(15)
الناس_كل الناس_ وقفوا مع منتخب شبابنا ضد تنزانيا وشجعوه بحرارة اكتر من اجواء العاصمة الايام دى.. ما تسالونى ليه؟؟ لانو ديل _شباب البلد_ واولاد البلد موش شان بلعبوا فى القمة.. شنو يعنى الحركات دى؟ كدا السودانيين ما ح يشجعوا منتخب السودان ح تجيبوا محترفين يشجعكم برضو؟؟
(16)
تخريمة: كدا كدا الاسعار ماشه زايده احسن الواحد يعرس!
(17)
رحم الله الفنان نادر خضر.. والذى لقى مصرعه عن طريق حادث حركة_برضو_ وفى ايام احتفالات عيد المرور.. شنو يعنى لو اهتميتو بالشوارع دى شوية الشوارع التى لو كانت مثل دفاع القمة(فسيييحه) وكلها براح لما اصيب احد بسوء!
(18)
ويظل المريخ الحاضر والمستقبل والتأريخ.. وكلنا مريخاب.. ويا مريخ كان عرسنا اربعه برضو ح تظل حبيبناو... للأبد!
آخر قطرة: انت براك البدرى اخترت! وهذه بصمتى!
ساخر بارد
(1)
يصر المدربون السودانيون على ان المدرب الأجنبى (ما عندو أى حاجه) وانهم افهم منو
والدليل ان غارزيتو الحائز على كاس افريقيا مرتين ووصافة العالم للاندية لم يختر سيدا وابعده
بينما مازدا يرى ان هيثم لاعب(إستثنائى)... النبى؟؟؟
(2)
طالب نجم الخرطوم الوطنى عنكبة بمبلغ سبعمية وخمسين جنيها حتى يوقع للمريخ
شنو يعنى؟؟ ولا حاجه كدا بس حولوها لى دولارات و(عوموها) كدا وشوفوها بتطلع بى كم؟
خمسطاشر ستاشر عشرين؟؟
طيب بعد عملتو العملية الحسابية دى شوفوا اوتو(بنك) الهلال سجلو بى كم مليون دولار؟؟ يعنى قروش اوتوبنك دى كان عملت كم عنكبة؟؟ مع انو عنكبة افضل مليون دولار مرة من اوتوبنك والمقارنة بينه واوتو زى المقارنة بين الدولار وجنيهنا ودا بس(عشان تعرفوا قيمة الجنيه)!
(3)
زمان كان عندنا واحد بجى الحلة بوزع حلاوة للاطفال(شنو يعنى ما عادى) المهم الزول دا بقى يعرف الشفع وبقى لما الشفع اتلموا ويكون فيهم اخوان بدى واحد بس والتانى بقول ليو ادينا اخوك.. إتذكرت زول الحلاوة دا وانا اخال اتحادنا الهمام يرد على المعلم عمر بخيت ان هو سال ما اخترتونى ليه؟ ماااا إخترنا أخوك خلاص.. شنو يعنى؟
(4)
قال الكوتش جعفر عبد الرازق: (أجانب الهلال لا يستحقون البقاء باستثناء سادومبا) مع ان الجميع يرى ان ساساقيت هو الاحق بالمغادرة لانو تمثيلو كتر فى الفترة الماضية.. الكلام دا معناتو اوتو بنك وعيد الحب وهوط وديمبا قاعدين ساكت.. شنو يعنى ما يقعدوا ما الهلال كلو قاعد ساكت_بدون بطولة_!
(5)
فى وجود كليتشى وساكواها واديكو_نسيتونا المهاجمين(الوطنيين)_ فى وجود كل هؤلاء يفكر المريخ فى تسجيل عنكبة الناس ديل ماشين(هجليج) ولا شنو؟
(6)
أخفق أكرم فامتلات الصحف باخبار عودة الحضرى.. وتالق اكرم ولم يعد احد يتذكر الحضرى او يكتب عن عودته نتمنى الا نقرا من جديد عن عودة الحضرى يا أكرم.. تكون دى معنويات مازيمبى؟ شنو يعنى الحضرى؟ ما واحد مستهبل بس!
(7)
اول مرة اعرف انو هلال الحركة الوطنية والخريجين الاوائل روادو(شماشه) كتر خير رئيس الهلال.. مع تعازينا الحارة فى وفاة والدته عليها الرحمة!
(8)
راحة طويلة قبل النصف الثانى لذلك قررت ان ارتاح واكمل نصفى الثانى واتزوج ريثما تنطلق المنافسات من جديد معزومين معانا 27 رجب ان شاء الله!
(9)
ناس معتصم جعفر ومازدا واسامة واسماعيل كان عندهم لعب احسن يلعبوا بى حاجة غير المنتخب(الوطنى) وناس الحيكومة عليهم التدخل لايقاف هذه المهازل لانهم يمثلوننا!
(10)
كم تبقى من المهلة التى قال اخونا ريكاردو انه يحتاجها ليجعل من المريخ فريقا يشار اليه بالبنان؟ عشان نعرف بس.. شنو يعنى لو وريتنا؟
(11)
انا اسعد الناس باختيار الخلوقين خالد احمد المصطفى(خالدونا) والمهندس محمد موسى لدائرة الكرة واولاد المريخ على قفا وفى كل المجالات ولكين (مين يشوف)؟
(12)اسماعيل عطا المنان قال اخترنا اللاعبين ديل لكتيبة المنتخب فى شان شاركو فى الكان.. صحى؟؟ بالله! يا سلام.. أصلو مااااممكن.. معقول؟
طيب افرض مثلا يعنى اللاعبين ديل عملوا زى لعيبة الهلال (إعتزال جماعى) اها ح تقولوا المنتخب دا (سرحناهو)؟ ياراجل قول كلام منطقى انت والمعاك بلا استثنائى بلا رقم وطنى!
(13)
الشطب يهدد كبار النجوم بالقمة.. كبار السن يعنى ولا شنو يعنى؟
(14)
اتهمت الزميلة هنادى الصديق زملائها فى البيت الازرق بانهم يبيعون اقلامهم ويكتبون حسب الظروف ولمن يملا جيوبهم(الخاوية) وقالت فى واحدين ما كنت قايلاهم كدا.. الكلام دا كلو فى عمودها اول امس(إعلام الضلال الهلالى)
وقالت زوووول مافى بقى همو مصلحة(البيت الازرق) وكلو زول همو نفسو وجيوبو بس.. هنادى حريفة خلتها كدا مفتوحة وبعد داك كلو زول و_ظروفو_... شنو يعنى!
(15)
الناس_كل الناس_ وقفوا مع منتخب شبابنا ضد تنزانيا وشجعوه بحرارة اكتر من اجواء العاصمة الايام دى.. ما تسالونى ليه؟؟ لانو ديل _شباب البلد_ واولاد البلد موش شان بلعبوا فى القمة.. شنو يعنى الحركات دى؟ كدا السودانيين ما ح يشجعوا منتخب السودان ح تجيبوا محترفين يشجعكم برضو؟؟
(16)
تخريمة: كدا كدا الاسعار ماشه زايده احسن الواحد يعرس!
(17)
رحم الله الفنان نادر خضر.. والذى لقى مصرعه عن طريق حادث حركة_برضو_ وفى ايام احتفالات عيد المرور.. شنو يعنى لو اهتميتو بالشوارع دى شوية الشوارع التى لو كانت مثل دفاع القمة(فسيييحه) وكلها براح لما اصيب احد بسوء!
(18)
ويظل المريخ الحاضر والمستقبل والتأريخ.. وكلنا مريخاب.. ويا مريخ كان عرسنا اربعه برضو ح تظل حبيبناو... للأبد!
آخر قطرة: انت براك البدرى اخترت! وهذه بصمتى!