* ﺍﺣﺪﺍﺙ ﻣﺼﺮ ﻣﺆﺳﻔﻪ
ﺟﺪﺍ
* ﻭﻟﻜﻨﻬﺎ ﺍﻧﺼﻔﺘﻨﺎ
* ﺗﺘﺬﻛﺮﻭﺍ ﻓﺎﺻﻠﺔ ﻣﺼﺮ ﻭﺍﻟﺠﺰﺍﺋﺮ ﺍﻟﺘﻲ ﺍﻗﻴﻤﺖ ﺑﺎﺭﺽ ﺍﻟﺤﻀﺎﺭﺍﺕ ﺍﻟﻘﻠﻌﻪ ﺍﻟﺤﻤﺮﺍﺀ ؟؟
* ﺗﺘﺬﻛﺮﻭﺍ ﺍﺑﺮﺍﻫﻴﻢ ﺣﺠﺎﺯﻱ ﻗﺎﻝ ﺷﻨﻮ ؟؟؟
* ﻃﺒﻌﺎ ﻣﺸﺎﻏﻞ ﺍﻟﺤﻴﺎﻩ ﻧﺴﺘﻜﻢ ﺍﺳﺎﻣﻴﻜﻢ ﺫﺍﺗﻬﺎ
* ﻟﻜﻦ ﺍﻧﺎ ﺑﺬﻛﺮﻛﻢ
* ﺍﺑﺮﺍﻫﻴﻢ ﺣﺠﺎﺯﻱ ﻗﺎﻝ ﺑﻜﻞ ﺑﺠﺎﺣﻪ ﻭﺑﺎﻟﻠﻬﺠﻪ ﺍﻟﻤﺼﺮﻳﻪ ﻣﺎ ﻳﻠﻲ
* ﺍﻟﺸﺮﻃﻪ ﺍﻟﺴﻮﺩﺍﻧﻴﻪ ﻣﻮﺵ ﺁﺩﺭﻩ ﺗﺤﻤﻲ ﺍﻟﻤﺼﺮﻳﻴﻦ ﻓﻲ ﺍﻟﺴﻮﺩﺍﻥ
* ﺍﻭﻻﺩﻧﺎ ﺑﻴﺘﺄﺗﻠﻮﺍ ﻓﻲ ﺷﻮﺍﺭﻉ ﺍﻟﺨﺮﻃﻮﻡ
* ﻣﺼﺮ ﺁﺩﺭﻩ ﻋﻠﻲ ﺣﻤﺎﻳﺔ ﺍﺑﻨﺎﺋﻬﺎ
* ﻣﻤﻜﻦ ﻧﺮﺳﻞ ﺍﻟﺠﻴﺶ ﺍﻟﻤﺼﺮﻱ ﻭﺍﻟﺸﺮﻃﻪ ﺍﻟﻤﺼﺮﻳﻪ ﺗﺤﻤﻲ ﺍﻭﻻﺩﻧﺎ ﺑﺎﻟﺴﻮﺩﺍﻥ
* ﻋﻤﺮ ﺍﻟﺒﺸﻴﺮ ﻧﺎﻳﻢ ﺍﺯﺍﻱ
* ﻳﺼﺤﻮﻩ ﻭﻳﻘﻮﻟﻮﻟﻮ ﺍﻭﻡ ﺍﺣﻤﻲ ﻭﻻﺩ ﻣﺼﺮ
* ﺗﺨﻴﻠﻮﺍ ﻋﻤﺮ ﺍﻟﺒﺸﻴﺮ ﺩﻩ ﺭﺋﻴﺴﻨﺎ
* ﺍﻟﺰﻭﻝ ﺩﻩ ﻳﻘﻮﻝ ﻳﺼﺤﻮﻩ
* ﻭﻧﺤﻨﺎ ﻟﻮ ﺍﺧﻮﻙ ﺍﻟﻜﺒﻴﺮ ﻧﺎﻳﻢ ﻣﺎﺑﺘﺼﺤﻴﻬﻮ ﺧﻠﻲ ﺭﺋﻴﺴﻨﺎ
* ﻭﻛﺜﻴﺮ ﻣﻦ ﺍﻟﻌﺒﺎﺭﺍﺕ ﺍﻟﺒﺠﺤﻪ ﻗﻠﻴﻠﺔ ﺍﻻﺩﺏ ﺭﺩﺩﻫﺎ ﺍﺑﺮﺍﻫﻴﻢ ﺣﺠﺎﺯﻱ
* ﻭﺍﺛﺒﺘﺖ ﺍﻟﻮﻗﺎﺋﻊ ﺍﻧﻮ ﻻ ﻓﻲﻣﺼﺮﻱ (ﺍﺗﺄﺗﻞ) ﻓﻲ ﺍﻟﺸﺎﺭﻉ ﻓﻲ ﺍﻟﺨﺮﻃﻮﻡ
* ﻭﻻ ﻓﻲ ﻣﺼﺮﻱ (ﺍﻧﻀﺮﺏ ﻳﺎﺭﺟﺎﻟﻪ ﺑﺎﻻﻧﺠﻠﻴﺰﻱ) ﻓﻲ ﻣﻄﻌﻢ ﺍﻟﺴﺎﺣﻪ
* ﻭﻻ ﻓﻲ ﻣﺼﺮﻱ ﻭﻗﻊ ﻣﻦ ﺍﻟﺘﻜﺘﻮﻙ
* ﻭﻻ ﻓﻲ ﻣﺼﺮﻱ ﺟﺎﺑﺘﻮﺍ ﺍﻟﻘﻨﻮﺍﺕ ﺟﺎﺭﻱ ﻣﻴﺖ ﻣﻦ ﺍﻟﺨﻮﻑ
* ﻭﻋﻠﻲ ﺍﻟﺮﻏﻢ ﻣﻦ ﺫﻟﻚ ﺧﺮﺝ ﻋﻠﻴﻨﺎ ﻭﻗﺘﻬﺎ ﻣﻦ ﻳﻨﺎﺩﻱ ﺑﺘﻜﻮﻳﻦ ﻭﻓﺪ ﻳﺬﻫﺐ ﻟﻠﻘﺎﻫﺮﻩ ﻟﻼﻋﺘﺬﺍﺭ
* ﻓﻜﺎﻥ ﻣﻮﻗﻔﻪ ﺍﻗﺒﺢ ﻣﻦ ﻣﻮﻗﻒ ﺍﺑﺮﺍﻫﻴﻢ ﺣﺠﺎﺯﻱ
* ﺍﻟﻤﻬﻢ
* ﻳﺎ ﺍﺑﺮﺍﻫﻴﻢ ﻳﺎ ﺣﺠﺎﺯﻱ
* ﻓﻲ ﺑﻮﺭﺳﻌﻴﺪ ﻻ ﺷﻔﻨﺎ ﺷﺮﻃﻪ ﻣﺼﺮﻳﻪ ﻭﻻ ﺟﻴﺶ ﻣﺼﺮﻱ
* ﻭﻻ ﺷﻔﻨﺎ ﻣﺼﺮ ﻗﺪﺭﺕ ﺗﺤﻤﻲ ﺍﺑﻨﺎﺋﻬﺎ ﺩﺍﺧﻞ ﺣﺠﺮﻫﺎ
* ﺍﻫﺎ
* ﻧﻘﻮﻝ ﻟﻴﻜﻢ ﺍﻟﻤﺠﻠﺲ ﺍﻟﻌﺴﻜﺮﻱ ﻧﺎﻳﻢ ﻟﻴﻪ ؟؟؟ ﺻﺤﻮﻭﻭﻭﻭﻭﻭﻭﻭﻩ
* ﻭﻻ ﻧﻘﻮﻝ ﻟﻴﻜﻢ ﻣﺒﺎﺭﻙ ﻛﺎﻥ ﻣﺎﺳﻚ ﺑﻠﻲ ﺭﺟﻌﻮﻭﻭﻭﻭﻭﻭﻭﻭﻭﻭﻭﻭﻩ
* ﻭﻻ ﻧﻘﻮﻝ ﻟﻴﻜﻢ ﺍﻟﺪﻭﺭﻱ ﺍﻟﻤﺼﺮﻱ ﺧﺮﺏﺧﻠﻠﻮﻭﻭﻭﻭﻭﻭﻭﻭﻭﻭﻭﻭﻭﻩ
* ﻣﺎﺗﺨﻠﻠﻮ
* ﺑﻮﺭ ﺳﻌﻴﺪ ﺍﺛﺒﺘﺖ ﺑﻮﺑﺎﺭ ﺣﺠﺎﺯﻱ
* ﻗﻮﻝ ﻳﺎﺣﺠﺎﺯﻱ ﻟﻠﻤﺠﻠﺲ ﺍﻟﻌﺴﻜﺮﻱ ﺑﺘﺎﻋﻜﻢ
* ﺁﻋﺪﻳﻦ ﻟﻴﻪ ﻣﺎ ﻳﺘﻼ ترﻭﺣﻮﺍ
* ﺍﻟﻤﻬﻢ
* ﺩﺍﻳﺮﻳﻦ ﻧﺒﺤﺚ ﻭﻧﺤﻘﻖ ﻣﻊ ﺍﻟﻔﺮﻳﻖ ﺍﻟﻘﻮﻣﻲ
* ﺩﺍﻳﺮﻳﻦ ﻧﻌﺮﻑ ﺍﻟﻤﻨﺘﺨﺐ ﺩﻩ ﺫﺍﺗﻮ ﻛﻴﻒ ﺗﻢ ﺍﺧﺘﻴﺎﺭﻩ
* ﺩﺍﻳﺮﻳﻦ ﻧﻌﺮﻑ ﺍﻭﻻﺩ
ﻣﺎﺯﺩﺍ ﺍﻻﻋﺘﻤﺪ ﻋﻠﻴﻬﻢ ﻓﻲ ﺑﻄﻮﻻﺕ ﺍﻝ ﺟﻲ ﻭﻗﺎﻝ ﺩﻳﻞ ﺑﻤﺜﻠﻮﺍ ﺍﻟﻔﺮﻳﻖ ﺍﻟﻘﻮﻣﻲ
* ﺩﺍﻳﺮﻳﻦ ﻧﻌﺮﻑ ﻛﻴﻒ ﺗﻢ ﺍﺳﺘﺒﻌﺎﺩ ﺑﻌﻀﻬﻢ (ﻣﺜﻞ ﺍﻳﻬﺎﺏ ﺯﻏﺒﻴﺮ) ﻭﺗﻜﻨﻴﺐ ﺍﻟﺒﻌﺾ ﺍﻵﺧﺮ (ﺍﻣﻴﺮ ﻛﻤﺎﻝ ﻭﻋﺠﺐ)
* ﺩﺍﻳﺮﻳﻦ ﻧﻌﺮﻑ ﺍﺳﺒﺎﺏ ﺍﺑﻌﺎﺩ ﺑﻠﻪ ﺟﺎﺑﺮ
* ﻣﻦ ﺣﻘﻨﺎ
* ﺩﺍﻳﺮﻳﻦ ﻧﻌﺮﻑ ﻣﺪﻱ ﺍﺻﺎﺑﺔ ﻧﺠﻢ ﺍﻟﺪﻳﻦ ﺍﻟﺘﻲ ﺍﺑﻌﺪﺗﻪ ﻋﻦ ﻣﺒﺎﺭﺍﺕ ﺍﻟﻄﻴﺮﺍﻥ
* ﺩﺍﻳﺮﻳﻦ ﻧﻌﺮﻑ ﺍﻣﻴﺮ اﻟﺮﺑﻴﻊ ﻛﻴﻒ ﺩﺧﻞ ﺍﻟﻤﻨﺘﺨﺐ ﻭﻛﻴﻒ ﺧﺮﺝ
* ﺩﺍﻳﺮﻳﻦ ﻧﺘﺄﻛﺪ ﺍﻥ ﺳﺒﺐ ﺩﺧﻮﻟﻪ ﺍﻟﻤﻨﺘﺨﺐ ﻟﻴﺲ ﺗﻮﻗﻴﻌﻪ ﻟﻠﻬﻼﻝ
* ﻭﺩﺍﻳﺮﻳﻦ ﻧﺴﻤﻊ ﺍﻧﻮ ﺳﺒﺐ ﺍﺑﻌﺎﺩﻩ ﻣﻦ ﺍﻟﻤﻨﺘﺨﺐ ﻟﻴﺲ ﺷﻄﺒﻪ ﻣﻦ ﺍﻟﻬﻼﻝ
* ﻭﺩﺍﻳﺮﻳﻦ ﻧﻌﺮﻑ ﻟﻮ ﻛﺎﻥ ﻓﻴﺼﻞ ﻣﻮﺳﻲ ﻭﻗﻊ ﻓﻲ ﺍﻟﻬﻼﻝ ﻫﻞ ﻛﺎﻥ ﺳﻴﺒﻌﺪ ﻋﻦ ﺷﻌﺎﺭ ﺍﻟﻔﺮﻳﻖ ؟؟
* ﻭﺩﺍﻳﺮﻳﻦ ﻧﻤﺸﻲ ﺍﻟﺒﺮﻟﻤﺎﻥ
* ﺍﻳﻬﺎ ﺍﻟﻨﺎﺱ
* ﺳﻌﻴﺪ ﺍﻟﺴﻌﻮﺩﻱ ﺗﻤﺴﻜﻨﺎ ﺑﻪ ﻋﻨﺪﻣﺎ ﻗﺮﺭﻭﺍ ﺍﻋﺎﺭﺗﻪ
* ﻭﻋﺎﺩ ﻭﺗﺄﻟﻖ ﻣﻊ ﺍﻟﻔﺮﻳﻖ ﺑﺎﻟﺪﻭﺣﻪ
* ﻭﺍﻓﺘﻘﺪﻩ ﺍﻟﻌﻼﻣﻪ ﺍﻟﺮﺷﻴﺪ ﺍﻟﻤﻬﺪﻳﻪ
* ﺍﻓﺘﻘﺪﻩ ﻟﺤﻮﺟﺔ ﺍﻟﻔﺮﻳﻖ ﺍﻟﻘﻮﻣﻲ ﻟﻪ
* ﺍﻓﺘﻘﺪﻩ ﻻﻧﻪ ﻳﻌﺮﻑ ﻣﺪﻱ ﺍﻣﻜﺎﻧﻴﺎﺗﻪ
* ﺍﻓﺘﻘﺪﻩ ﻻﻧﻪ ﺷﺎﻑ ﺧﻠﻴﻔﻪ ﻋﺎﻣﻞ ﻟﻴﻬﻮ ﺷﺎﺭﻉ
* ﺍﻓﺘﻘﺪﻩ ﻟﻤﺎ ﻛﻨﺎ ﺑﻨﻨﻀﻐﻂ ﻓﻲ ﺍﻟﻮﺳﻂ ﻭﻓﻲ ﺍﻟﺪﻓﺎﻉ
* ﺩﺍﻳﺮﻳﻦ ﻧﻌﺮﻑ ﻣﺸﻜﻠﺔ ﺳﻌﻴﺪ ﺍﻟﺴﻌﻮﺩﻱ ﻣﻊ ﺍﻟﻔﺮﻳﻖ ﺍﻟﻘﻮﻣﻲ ﺷﻨﻮ ؟؟؟؟؟
* ﻭﺣﻘﻴﻘﺔ ﻣﺸﻜﻠﻪ ﺍﻟﺒﺎﺷﺎ ﺷﻨﻮ
* ﺩﺍﻳﺮﻳﻦ ﻧﺘﺄﻛﺪ ﻣﻦ ﺍﻥ ﺍﻟﺠﻬﺎﺯ ﺍﻟﻔﻨﻲ ﻭﺍﻻﺩﺍﺭﻱ ﻟﻠﻘﻮﻣﻲ ﺷﺘﺘﻮﺍ ﺧﻼﺹ
* ﻭﺍﻟﻄﺮﻳﻔﻲ ﺷﺘﺖ ﻗﺒﺎﻟﻬﻢ
* ﺩﺍﻳﺮﻳﻦ ﺟﻬﺎﺯ ﻓﻨﻲ ﻣﻘﺘﺪﺭ ﻭﻣﺤﺎﻳﺪ
* ﻭﺟﻬﺎﺯ ﺍﺩﺍﺭﻱ ﻻ ﻳﻌﺮﻑ ﺍﻻﻧﺘﻤﺎﺀ ﺍﻟﻀﻴﻖ ﻭﻣﺼﺎﻟﺢ ﺍﻟﻔﺮﻕ ﺍﻟﻤﺤﻠﻴﻪ
* ﺩﺍﻳﺮﻳﻦ ﻧﻤﺸﻲ ﺍﻟﺒﺮﻟﻤﺎﻥ
* ﺍﻫﺎ
* ﺷﻔﻨﺎ ﺟﻨﺎﺡ ﺍﻟﻤﺮﻳﺦ ﻓﻲ ﻣﻌﺮﺽ ﺍﻟﺨﺮﻃﻮﻡ
* ﻭﺷﻔﻨﺎ ﺟﻨﺎﺡ ﺍﻟﺠﻤﺎﻋﻪ ﻓﻲ ﻧﻔﺲ ﺍﻟﻤﻌﺮﺽ
* ﻟﻢ ﻧﺴﺘﻐﺮﺏ
* ﻛﻞ ﺯﻭﻝ ﻣﻌﺮﺿﻮ ﺑﺸﺒﻬﻮ
* ﻟﻜﻦ ﺍﻻﺳﺘﻐﺮﺑﻨﺎ ﻟﻴﻬﻮ ﺍﻟﺰﻭﻝ ﻛﻴﻒ ﺑﺸﺠﻊ ﻓﺮﻳﻖ ﺑﺎﻛﻮ ﺧﻠﻴﻔﻪ ﻭﺟﻨﺎﺣﻮ ﺍﻟﺸﻔﻨﺎﻫﻮ ﻓﻲ ﻣﻌﺮﺽ ﺍﻟﺨﺮﻃﻮﻡ ﺩﻩ ؟؟؟
* ﺍﻟﻨﺎﺱ ﺩﻳﻞ ﺣﻘﻮ ﻳﻤﺸﻮﺍ ﺍﻟﺒﺮﻟﻤﺎﻥ
* ﺍﻫﺎ
* ﺧﺒﺮ ﻫﺎﻡ
* ﻫﺬﺍ ﺍﻟﻤﻮﺳﻢ ﻫﻮ ﻣﻮﺳﻢ ﺍﻟﺸﻔﻮﺕ
* ﺍﻟﺠﻤﺎﻫﻴﺮ ﺍﻟﺤﻤﺮﺍﺀ
* ﺗﺸﺠﻴﻊ ﺩﺍﻭﻱ
* ﺣﻤﺎﻳﺔ ﻟﻠﻤﻜﺘﺴﺒﺎﺕ
* ﺍﻋﻼﻥ ﺍﻟﺤﺮﺏ ﻋﻠﻲ ﺍﻻﺗﺤﺎﺩ
* ﺍﻟﻌﻤﻞ ﻋﻠﻲ ﺗﻐﻴﺮ ﻭﺟﻮﻩ ﺍﻻﺗﺤﺎﺩﺍﺕ ﻛﻠﻬﺎ ﺍﻟﺘﻲ ﺗﻄﻞ ﺑﻘﺒﺢ ﻋﻠﻲ ﺍﻟﻮﺳﻂ ﺍﻟﺮﻳﺎﺿﻲ
* ﺗﻐﻴﻴﺮ ﺣﺘﻲ ﻓﻲ ﻣﺠﺎﻟﺲ ﺍﺩﺍﺭﺍﺕ ﺍﻧﺪﻳﺔ ﺍﻻﺣﻴﺎﺀ
* ﻭﺣﺎﺗﺸﻮﻓﻮﺍ
* ﻭﺑﺪﺃ ﺍﻟﺸﻔﻮﺕ
* ﻳﻮﻡ ﺍﻻﺭﺑﻌﺎﺀ ﺍﻟﻘﺎﺩﻡ ﺳﻴﺘﻢ ﺗﺪﺷﻴﻦ ﻣﻨﺘﺪﻱ ﺍﺣﻤﺮ ﺟﺪﻳﺪ ﻭﺷﺪﻳﺪ
* ﺍﺳﻤﻪ ﻣﻨﺘﺪﻱ ﺷﻔﻮﺕ ﺍﻟﻤﺮﻳﺦ
* ﻣﻨﺘﺪﻱ ﺍﻟﺸﻔﻮﺕ
* ﺍﺣﻔﻈﻮﺍ ﺍﻻﺳﻢ ﺩﻩ ﻛﻮﻳﺲ
* ﻧﺠﻲ ﻟﺸﻤﺎﺭﺍﺕ ﻭﺍﻟﻲ ﺍﻟﺨﺮﻃﻮﻡ
* ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ ﺗﺤﺖ ﺗﺤﺖ ﺍﻟﻨﺎﺱ ﻗﺎﻟﻮﺍ ﺍﻟﺰﻭﻝ ﺍﻟﺤﺎﻭﺭ ﺍﻟﺴﻴﺪ ﺍﻟﺮﺋﻴﺲ ﻓﻲ ﺍﻟﻠﻘﺎﺀ ﻛﺎﻥ ﺿﻌﻴﻒ
* ﺭﻏﻢ ﺍﻧﻲ ﺷﺎﻳﻒ ﺻﺤﺘﻮ ﻛﻮﻳﺴﻪ ﻣﺎﺷﺎﺀ ﺍﻟﻠﻪ
* ﻭﻛﺎﻥ ﺷﻔﺖ ﻳﺎ ﻭﺍﻟﻴﻨﺎ ﻟﻤﺎ ﺍﻧﺎ ﻗﻠﺖ ﻛﺎﻥ ﻛﺘﻤﺖ ﺑﻨﺘﻬﺒﺐ ﻭﻛﺎﻧﺖ ﺟﺎﺑﺖ ﻟﻴﻬﺎ ﻫﻮﺍ ﺑﻨﺪﺧﻞ ﺟﻮﻩ
* ﻓﻲ ﻧﺎﺱ ﺍﻟﻜﻼﻡ ﻣﺎﻋﺠﺒﻬﻢ
* ﻭﻗﺎﻟﻮﺍ ﻟﻤﺎ ﺗﻜﺘﻢ ﻣﺎ ﻧﺘﻬﺒﺐ
* ﻋﺸﺎﻥ ﺍﻟﻜﺘﻤﻪ ﺩﻱ ﺯﺍﺗﻬﺎ ﺧﺪﻣﻪ ﻣﻦ ﺍﻟﺤﻜﻮﻣﻪ ﻟﻠﻤﻮﺍﻃﻦ
* ﺳﺎﻭﻧﺎ ﻳﺎ ﻋﻤﻚ ﻭ ﻣﺠﺎﻧﻴﻪ ﻟﻌﺎﻣﺔ ﺍﻟﺸﻌﺐ
* ﻭﻛﺎﻥ ﺷﻔﺖ ﻳﺎ ﻭﺍﻟﻴﻨﺎ ﻭﺍﺣﺪ ﻗﺎﻝ ﻟﻲ ﺍﻟﺮﻳﺲ ﻗﺎﻝ ﻧﺼﺒﺮ ﺗﺎﻧﻲ ﺳﻨﻪ
* ﻗﻠﺖ ﻟﻴﻬﻮ ﺍﻧﺎ ﻣﻮﺍﻓﻖ
* ﻗﺒﻞ ﻛﺪﻩ ﻗﺎﻟﻮﺍ ﻟﻴﻨﺎ ﺍﺻﺒﺮﻭﺍ ﺳﻨﺘﻴﻦ ﺻﺒﺮﻧﺎ
* ﺍﻟﺤﺼﻞ ﺷﻨﻮ ﻳﺎ ﻭﺍﻟﻴﻨﺎ !!!
* ﻭﻗﺎﻟﻮﺍ ﻟﻴﻨﺎ ﺍﺻﺒﺮﻭﺍ ﺧﻤﺴﻪ ﺳﻨﻴﻦ ﺻﺒﺮﻧﺎ
* ﺍﻟﺤﺼﻞ ﺷﻨﻮ ﻳﺎ ﻭﺍﻟﻴﻨﺎ !!!!
* ﻭﻗﺎﻟﻮﺍ ﻟﻴﻨﺎ ﺍﻟﺨﻄﻪ ﺍﻟﻌﺸﺮﻳﻪ ﺻﺒﺮﻧﺎ
* ﺍﻟﺤﺼﻞ ﺷﻨﻮ ﻳﺎ ﻭﺍﻟﻴﻨﺎ !!!!!
* ﺍﻟﺼﺒﺮ ﺩﻩ ﺻﻔﺔ ﺍﻟﺮﺳﻞ ﻭﺍﻻﻧﺒﻴﺎﺀ ﻳﺎ ﻭﺍﻟﻴﻨﺎ ﻣﻮﺵ !!!
* ﻗﺎﻣﺖ ﺧﺎﻟﺘﻲ ﻗﺎﻟﺖ ﻟﻲ ﻓﻴﻬﺎ ﺷﻨﻮ ﻛﺎﻥ ﺻﺒﺮﺗﻮﺍ ﻋﻠﻲ ﺍﻟﺤﻜﻮﻣﻪ !!! ﺍﺳﻲ ﺍﻟﺤﻜﻮﻣﻪ ﻣﺎﺻﺎﺑﺮﻩ ﻋﻠﻲ ﺍﻟﺸﻌﺐ ﺗﻼﺗﻪ ﻭﻋﺸﺮﻳﻦ
ﺳﻨﻪ ﺍﻟﺤﺼﻞ ﺷﻨﻮ ؟؟؟
* ﻗﻠﺖ ﻟﻴﻬﺎ ﺍﻟﻜﻼﻡ ﺩﻩ ﻛﻴﻒ ﻳﺎ ﺧﺎﻟﻪ ؟
* ﻗﺎﻟﺖ ﻟﻲ ﺍﺳﻲ ﻓﻲ ﺍﻟﻌﺎﻟﻢ ﺩﻩ ﻛﻠﻮ ﻻﻗﺎﻙ ﺷﻌﺐ ﻣﺘﺒﻮﻡ ﻛﺪﻩ ﻭﺣﻜﻮﻣﺘﻮ ﺻﺎﺑﺮﻩ ﻋﻠﻴﻬﻮ ؟؟
* ﻗﻠﺖ ﻟﻴﻬﺎ ﻳﺎ ﻭﺍﻟﻴﻨﺎ ﻣﺎﺷﻔﺖ ﺍﻟﺒﺘﻪ
* ﻗﺎﻟﺖ ﻟﻲ ﺍﻟﺤﺼﻞ ﺷﻨﻮ ؟؟؟
* ﻭﻻ ﺷﺊ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﺤﻜﻮﻣﻪ
ﺻﺎﺑﺮﻩ ﻋﻠﻲ ﺍﻟﺸﻌﺐ
ﻭﺍﻟﻲ ﻟﻘﺎﺀ
ﺳﻠﻚ