رحيق الختام --------الصافى دهب الخزانة
كان التسامح هو سمة أهل السودان عندما كان الزمان أخضراً حيث كانت ألسنة الخلاف لاتمتد خارج حدود الوطن ويحفظ الجيل الذهبى للراحل محمد أحمد المحجوب موقفه التاريخى عندما كان فى زيارة للشقيقة مصر وكانت بعض الغيوم تلبد سماء العلاقة بينه وبين الزعيم الراحل إسماعيل الأزهرى ، وأرادت صحافة مصر فى ذلك الزمان نصب شراك للرجل فطلبوا منه بإلحاح عقد مؤتمر صحفى فوافق المحجوب وهو الخطيب اللبيب وكان أول سؤال قدموه له ماذا تقول فى الأزهرى فأجابهم على الفور ( إن الأزهرى أطهر من ولدته حواء السودانية ) فقالوا له ولكنا نعلم أن لديك معه خلاف فأجابهم المحجوب بإبتسامته المشرقة إننا لاننشر غسيلنا فى الخارج وخلافنا فقط داخل الخرطوم ، ما أحوجنا ونحن فى سودان اليوم لمثل هذه القيم الرفيعة وبلادنا تسير بحفظ الله ورعايته من حسن إلى أحسن ،كنا نظن أن نفحات الزمن الجميل قد إندثرت وهاهو هلال العشق الجميل يعيد لنا سيرتها الأولى ، فقد حملت الأنباء أن وكيل عبدالكريم الدافى قد ذكر أن نادى الهلال قد إتصل به وطلب خدمات الدافى للنادى الأزرق وكان رئيس الهلال يتحدث بكل جدية ثم قام بعده رئيس المريخ بالإتصال بنا وقدم عرضاً أكبر من عرض الهلال وعندما شرحت هذا الأمر للسيد رئيس نادى الهلال بارك الصفقة بكل روح رياضية وقال ( نحن فى السودان أخوان ) إنها مدرسة الهلال وقيمه الرفيعة التى تربى عليها أبناء الهلال الأماجد ، لن ننشر غسيلنا بالخارج ( كما فعل الإخوة الذين إشتكونا عند الكاف قبل كدة وطلعت الشكوى فالصو ) ، الغريبة إعلام المريخ عمل من إعادة تسجيل اللاعب بطولة كأن الدافى ده كان بيلعب فى فريق الهلال قبل كدة !! فأصل الحكاية ( بضاعتكم ردت إليكم ) ، علماً أن فريق الهلال عندما كان أحرز المركز الثالث لأبطال أفريقيا لم يكن الدافى ضمن صفوفه وعندما أحرز كأس الممتاز وكأس السودان كان الدافى ضمن صفوف المريخ ، كنا يادافى عايزين نعمل ليك صيانة فى ( مرمة الهلال ) لكن معليش نصيبك كدة !! تلعب تمهيدى !! وبمناسبة وكيل الأعمال فإن وكيل أعمال النفطى إسمه فخرى يعيش ، من الله خلقكم شفتوا ليكم زول وكيل أعمالو فعل مضارع ( يعيش ) الله يجازى محنكم ياناس المريخ !! وبمناسبة محن ناس المريخ الكل يذكر الضجة التى افتعلها الإعلام الأحمر عند تسجيل وارغو بملايين الدولارات وقالت إدارة المريخ وقتها أنها تريد وارغو صفقة إستثمارية وبيعه لأوربا بملايين الدولارات وكتب الإعلام الأحمر إن المريخ سوف يقوم بطباعة مليون فنيلة من فنائل سيد الإسم ويكون سعر الفنيلة عشرة دولارات فقط ، تخيلوا فى النهاية الحصل شنو ؟ طبعاً كلكم عارفين المستر وارغو ذهب إعارة للأهلى المصرى لمدة سنة ونص مقابل 250 ألف دولار فقط ( ياربى ده وارغو ولاً بلة جابر !! ) طبعاً وارغو إنتهى به المقام أن يطلق صديق عوض الكريم فاكهة هلالاب بيشة إسم وارغو على سيارته الكريسبدا موديل 79تخليداً لذكراه العطرة ، معقول يا أخوان من خمسة مليون دولار لى 250 ألف دولار ، يعنى 5% فقط من قيمة الصفقة الأصلية ، لو كانت الصفقة 30% كنا نقول المال تلتو ولا كتلتو لكن دى كتلتو ذاتها ، والغريبة بعد كده برضو فشلت ، خلونا فى المهم وفى هلال العشق الجميل الذى تم تصنيف دفاعه كأفضل دفاع فى العالم والكلام ده يا أخوان كلام ناس الفيفا لأن الفريق لعب 24 مباراة دورية وولجت مرماه فقط 8 أهداف رغم وجود وارغو والدافى فى المنافسة وهم يلعبون ضد سيد البلد ،بالمناسبة بخصوص إشتراك الهلال الشهرى فقد أبدى كثير من أبناء الهلال في المملكة العربية السعودية رغبتهم فى التسديد الفورى وقال الأخ الحاج عبد الحق ( الشقيق الأكبر للكاتب المريخى أبو رونق بصحيفة الخرطوم طبعة الخليج ) قال الحاج أنا مستعد أدفع إشتراك سنة مقدماً الليلة قبل باكر بس عايز التيجانى محمود يحدد مكان الدفع فى الرياض وكذا فى جدة أعلنها عبدالله الحمدى وقال عايز عثمان الأحمر يمر علينا وأنا سوف أسدد إشتراك سنتين وأعلن هلالاب البطانة بالرياض بقيادة الياس أحمد الياس أنهم على أتم الإستعداد للسداد حتى لو كان نصف الراتب ، وهؤلاء هم أبناء الهلال الميامين جاهزون لدعم عشقهم السرمدي ، حبيب الناس الزينين ، ونهدى لهلالاب البطانة قصيدة الشاعرة حرم عبد الإله أبو سن التى يقول مطلعها ** الصافى دهب الخزانة ** الدولة أم فوت سيد بكانة**بريدو ود شيوخ البطانة **شدوا ليها البمغى الرسانة**ومرق المابدورلو إعانة **بقيم الليل بالديانة**بحل مفصول الضمانة** بريدو ود شيوخ البطانة ، بالله يا أخوان الشاعرة بت أبو سن دى مش كأنها قاصدة هلال العشق الجميل ؟ مجرد سؤال .
محمد عثمان الجعلي - الرياض
+ من المحرر
افسح اليوم مساحة همس الهتاف للصديق الهلالابي النضير محمد عثمان الجعلي من الرياض ، وهو محبر معروف لقراء صحيفة الخرطوم طبعة الخليج ليبث محبوبه الازرق مداد عشقه الفواح ، ومحبته الوريفة ، على امل ان نلتقي قريباً لنحكي معاً مشاوير الانتخابات وتاثيراتها الرياضية ، مع تركيز مطلوب على دائرة مدني الكبرى حيث حبيبنا وعديلنا الوالي ،،، لنحضر تدشين الحملة من قبل حملة المباخر وهم يصدعون ليل المدينة بالنشيد الطازج ، والينا زينة...ودائرة مدني لينا........والسلام .
كان التسامح هو سمة أهل السودان عندما كان الزمان أخضراً حيث كانت ألسنة الخلاف لاتمتد خارج حدود الوطن ويحفظ الجيل الذهبى للراحل محمد أحمد المحجوب موقفه التاريخى عندما كان فى زيارة للشقيقة مصر وكانت بعض الغيوم تلبد سماء العلاقة بينه وبين الزعيم الراحل إسماعيل الأزهرى ، وأرادت صحافة مصر فى ذلك الزمان نصب شراك للرجل فطلبوا منه بإلحاح عقد مؤتمر صحفى فوافق المحجوب وهو الخطيب اللبيب وكان أول سؤال قدموه له ماذا تقول فى الأزهرى فأجابهم على الفور ( إن الأزهرى أطهر من ولدته حواء السودانية ) فقالوا له ولكنا نعلم أن لديك معه خلاف فأجابهم المحجوب بإبتسامته المشرقة إننا لاننشر غسيلنا فى الخارج وخلافنا فقط داخل الخرطوم ، ما أحوجنا ونحن فى سودان اليوم لمثل هذه القيم الرفيعة وبلادنا تسير بحفظ الله ورعايته من حسن إلى أحسن ،كنا نظن أن نفحات الزمن الجميل قد إندثرت وهاهو هلال العشق الجميل يعيد لنا سيرتها الأولى ، فقد حملت الأنباء أن وكيل عبدالكريم الدافى قد ذكر أن نادى الهلال قد إتصل به وطلب خدمات الدافى للنادى الأزرق وكان رئيس الهلال يتحدث بكل جدية ثم قام بعده رئيس المريخ بالإتصال بنا وقدم عرضاً أكبر من عرض الهلال وعندما شرحت هذا الأمر للسيد رئيس نادى الهلال بارك الصفقة بكل روح رياضية وقال ( نحن فى السودان أخوان ) إنها مدرسة الهلال وقيمه الرفيعة التى تربى عليها أبناء الهلال الأماجد ، لن ننشر غسيلنا بالخارج ( كما فعل الإخوة الذين إشتكونا عند الكاف قبل كدة وطلعت الشكوى فالصو ) ، الغريبة إعلام المريخ عمل من إعادة تسجيل اللاعب بطولة كأن الدافى ده كان بيلعب فى فريق الهلال قبل كدة !! فأصل الحكاية ( بضاعتكم ردت إليكم ) ، علماً أن فريق الهلال عندما كان أحرز المركز الثالث لأبطال أفريقيا لم يكن الدافى ضمن صفوفه وعندما أحرز كأس الممتاز وكأس السودان كان الدافى ضمن صفوف المريخ ، كنا يادافى عايزين نعمل ليك صيانة فى ( مرمة الهلال ) لكن معليش نصيبك كدة !! تلعب تمهيدى !! وبمناسبة وكيل الأعمال فإن وكيل أعمال النفطى إسمه فخرى يعيش ، من الله خلقكم شفتوا ليكم زول وكيل أعمالو فعل مضارع ( يعيش ) الله يجازى محنكم ياناس المريخ !! وبمناسبة محن ناس المريخ الكل يذكر الضجة التى افتعلها الإعلام الأحمر عند تسجيل وارغو بملايين الدولارات وقالت إدارة المريخ وقتها أنها تريد وارغو صفقة إستثمارية وبيعه لأوربا بملايين الدولارات وكتب الإعلام الأحمر إن المريخ سوف يقوم بطباعة مليون فنيلة من فنائل سيد الإسم ويكون سعر الفنيلة عشرة دولارات فقط ، تخيلوا فى النهاية الحصل شنو ؟ طبعاً كلكم عارفين المستر وارغو ذهب إعارة للأهلى المصرى لمدة سنة ونص مقابل 250 ألف دولار فقط ( ياربى ده وارغو ولاً بلة جابر !! ) طبعاً وارغو إنتهى به المقام أن يطلق صديق عوض الكريم فاكهة هلالاب بيشة إسم وارغو على سيارته الكريسبدا موديل 79تخليداً لذكراه العطرة ، معقول يا أخوان من خمسة مليون دولار لى 250 ألف دولار ، يعنى 5% فقط من قيمة الصفقة الأصلية ، لو كانت الصفقة 30% كنا نقول المال تلتو ولا كتلتو لكن دى كتلتو ذاتها ، والغريبة بعد كده برضو فشلت ، خلونا فى المهم وفى هلال العشق الجميل الذى تم تصنيف دفاعه كأفضل دفاع فى العالم والكلام ده يا أخوان كلام ناس الفيفا لأن الفريق لعب 24 مباراة دورية وولجت مرماه فقط 8 أهداف رغم وجود وارغو والدافى فى المنافسة وهم يلعبون ضد سيد البلد ،بالمناسبة بخصوص إشتراك الهلال الشهرى فقد أبدى كثير من أبناء الهلال في المملكة العربية السعودية رغبتهم فى التسديد الفورى وقال الأخ الحاج عبد الحق ( الشقيق الأكبر للكاتب المريخى أبو رونق بصحيفة الخرطوم طبعة الخليج ) قال الحاج أنا مستعد أدفع إشتراك سنة مقدماً الليلة قبل باكر بس عايز التيجانى محمود يحدد مكان الدفع فى الرياض وكذا فى جدة أعلنها عبدالله الحمدى وقال عايز عثمان الأحمر يمر علينا وأنا سوف أسدد إشتراك سنتين وأعلن هلالاب البطانة بالرياض بقيادة الياس أحمد الياس أنهم على أتم الإستعداد للسداد حتى لو كان نصف الراتب ، وهؤلاء هم أبناء الهلال الميامين جاهزون لدعم عشقهم السرمدي ، حبيب الناس الزينين ، ونهدى لهلالاب البطانة قصيدة الشاعرة حرم عبد الإله أبو سن التى يقول مطلعها ** الصافى دهب الخزانة ** الدولة أم فوت سيد بكانة**بريدو ود شيوخ البطانة **شدوا ليها البمغى الرسانة**ومرق المابدورلو إعانة **بقيم الليل بالديانة**بحل مفصول الضمانة** بريدو ود شيوخ البطانة ، بالله يا أخوان الشاعرة بت أبو سن دى مش كأنها قاصدة هلال العشق الجميل ؟ مجرد سؤال .
محمد عثمان الجعلي - الرياض
+ من المحرر
افسح اليوم مساحة همس الهتاف للصديق الهلالابي النضير محمد عثمان الجعلي من الرياض ، وهو محبر معروف لقراء صحيفة الخرطوم طبعة الخليج ليبث محبوبه الازرق مداد عشقه الفواح ، ومحبته الوريفة ، على امل ان نلتقي قريباً لنحكي معاً مشاوير الانتخابات وتاثيراتها الرياضية ، مع تركيز مطلوب على دائرة مدني الكبرى حيث حبيبنا وعديلنا الوالي ،،، لنحضر تدشين الحملة من قبل حملة المباخر وهم يصدعون ليل المدينة بالنشيد الطازج ، والينا زينة...ودائرة مدني لينا........والسلام .
عليكم الله دا كلام واحد صحفي ويحمل اجازة كمان في القانون
الله يرحم الصحافة ويرحمنا كمان من نوع هذا الكلام ومن يكتب مثل هذا الكلام
ضحكتني يا الواثق اخوي ... غايتو شر البلية ما يضحك
قلت شنو يا الواثق ... وبلادنا تسير بحفظ الله ورعايته من حسن إلى أحسن
من متين كدا
أموووووت أنا في الحصاحيصا
تم حذف جزء من التعليق لمخالفته لوائح النشر
اليوم كمان جبت بتاع الابتدائيه دا الله يعينك