الي ان نلتقي
قوة عين وفلس.. كان الله في عونكم..!!
*خلال حركة تسجيلات وتنقلات اللاعبين التي تدور رحاها هذه الايام ظل كُتّاب الأحمر يكتبون يوميا عن القدرات المالية الكبيرة التي يتمتع بها مجلس إدارتهم وعن قدرتهم في كسب أي لاعب لأن الامر عندهم محسوم والكاش كما يقولون بقلل النقاش.. لا اعترض لدينا إن وهبهم الله مالا يسيرون به امور ناديهم ولكنهم للأسف الشديد تطاولوا علي الاسياد واشاعوا ان الهلال يمر بظروف مالية صعبة للحد البعيد الامر الذي جعل مجلس ادارتهم يسجل اللاعبين لدعم فريقه عن طريق الاقساط المريحة.. وبالامس القريب علمت ان الشيك الذي سلم لفريق الشجرة نظير اطلاق نجمه حمد للمريخ (رجع) لأن المريخ الغني جدا خزانته خاوية علي عروشها ولا يوجد بها ما يسدد قيمة الشيك الممهور بإمضاء امين المال والامين العام وربما رئيس النادي. والإعلام الأحمر يكذب ويكذب علي جماهيره الصابرة التي باتت لا تدري ماذا تفعل حيال ذاك الكذب الصريح..!
طيب يا جماعه انتو لو ما عندكم قروش الشلاقة ليكم شنو؟ كان تخلو نادي الشجرة المسكين ده يبيع اللاعب للهلال ويستلم امواله (كاش داون) مش كان احسن ليهو من بهدلة يمشي البنك ويلقي الحساب ما فيهو رصيد يسدد قيمة الشيك المكتوب..!
انا العارفو انو ناس الشجرة ديل اولاد قبائل؛ يعني ما بمشوا المحاكم علي الاقل عشان خاطر المرحوم صلاح سعيد والاخ ازهري وداعة الله وكل مريخاب الشجرة، لكن ناس المريخ ذاتم قاعدين يبالغوا؛ يعني لو ما عندهم قروش (الشلاقة) البتخليهم يكتبوا الشيكات شنو..!
يا ربي يكونوا منتظرين نصيبهم من دخل مباراة مصر والجزائر التي جرت بملعب الحكومة.. واحد ثقيل جدا قال لي يا استاذ كل يوم ناس متوكل أحمد علي وقريش ديل عاملين لينا وجع راس قروشنا الاتحاد ما ادنا ليها دي ياتو قروش ومالهم ومال القروش اصلا مش الاستاد ده شيدته الحكومة، يعني المفروض نصيب الاستاد يمشي للدولة هو استاد ما بنو فيهو طوبه واحد يتفاصحوا ويقولو كمان ما ادونا نصيبنا من الدخل عليك الله يا استاذ الناس ديل ما بخجلو..!
واحد اثقل من الاول قال لي يا استاذ معقول ما ختو فيهو طوبة واحدة طيب الفصاحة ليهم شنو.. مرة الرد كسر ومرة المفخرة.. ومرة شنو ما عارف طيب كيف ده؟ قلت ليهو انت مش سمعت وقريت في الجرايد انو الكاردينال قال ليهم عايز الطوب بتاعي الاتبرعت بيهو ليكم، يعني كلام واضح جدا انو الكاردينال ده اتبرع ليهم بالطوب.. وبعدين ما تنسي الـ100 الف دولار بتاعة الارباب، يعني بالسعر الجاري زايد قروش الكاردينال زايد قروش الحكومة بكونو ناس المريخ ديل لقو ليهم استاد (ملح) ساااااكت بعد ده كلو قاعدين يتفاصحوا كمان في الجرايد.. والله يا استاذ انا قوة عين زي دي ما لاقتني قبل كده..!
امبارح القريب ده في واحد من اهل الوصيف اتصل علي واشبعني شتما وتقريعا وقال لي بعبارة صريحة ياخي خليك منطقي والي شنو البجي الهلال.. قلت ليهو ناس الهلال ذاتم زعلانين مني كيف اجيب ليهم رئيس من الوصيف ونحن الكنا بنصدر رؤساء ولاعبين لضلنا.. وضربت ليهو مثل بأبوالعائلة.. اعظم رؤساء المريخ وهو بالطبع خريج جامعة الهلال اما اللاعبون فحدث ولا حرج يعني الواحد لو عايز يرصد كمية اللاعبين المشوا المريخ عايز ليهو جريدة كاملة ما عمود واحد.. بالعدم ممكن الاستعانة بمؤرخ الهلال الكبير العم علي الفكي..!
اها يا جماعة ناس الشجرة ديل بتعملوا ليهم شنو.. الناس ديل خاشين علي تسجيلات ودايرين قروش يعملوا شنو يعني والشيك رجع.. ما يجلوا ولا شنو يا جماعة ما اعلامكم ملا الجرايد انكم مرتاحين وما عارفين القروش تودوها وين.. ما مشكلة اعتقد انو المبلغ ما كتير اعملوا (شيرنق) يعني اي واحد من اعضاء مجلس ادارتكم انتو مش 16 عضو كل واحد يدفع 30 مليون ادو ناس الشجرة قروشهم والباقي تموا عليهو وسددوا باقي قروش سفاري، وطمبل اخروه شويه.. آه نسيت ناس امبدة برضوا ما تنسوهم ده فريق محتاج والله جد جد يعني الشيك الاديتو ليهم ويستحق الصرف في شهر تلاته عليكم الله لازم تغطوه عشان ما يقوموا يشتكوكم وتبقي فضيحة اصلو انا عارف ناس امبدة ديل ما برضوا نادي يغشهم وفوق كده معظم اعضاء المجلس هلالاب بشاكلوا لكن الخلاهم يتعاملوا مع ناس المريخ انو ناس الهلال ما جو للاعب عبد الرحيم من بدري، يعني لو كان ناس الهلال جو من بدري كان فكوهو ليهم بلاش..!
واحد برضوا قال لي تعرف ناس المريخ ديل فكروا في اعارة الثنائي بله جابر وأحمد الباشا ليه.. ديل يا استاذ عايزين يلقوا ليهم قروش يحلو بيها الضائقة المالية التي يمر بها الفريق هذه الايام.. طيب وكلام الوالي انو جماهير المريخ سقف طموحها بقي اكبر من الـ500 مليون جنيه يا اخوي دي مكنة سااااكت الجماعه ديل بدل يقولوا انهم مفلسين قالو احسن نعمل لينا اعارة للاعبين ديل نلقي لينا كم مليون كده نمشي بيها الامور لحدي ما الله يهون علينا والانتخابات دي تنتهي..!!
أخيراً أخيرًا..!!
في هدؤ تام وبلا اي ضوضاء ابدى النيجيري امادو عثمانو رغبته الاكيدة في التوشح بالازرق بمكاتب الاتحاد السوداني امس.. وعقب طلب ابداء الرغبة سجل عثمانو مع الاخ فخري زيارة لمقر صحيفة النادي لتقديم الشكر لها للدور الكبير الذي لعبته في حضور اللاعب للسودان والتوقيع للهلال، وبدورنا اكدنا له ان دور الصحيفة اكبر من كونها توجيها معنويا للفريق بل ان لها ادوار اخرى تلعبها بامتياز تام..!
كل الامنيات ان يوفق الله امادو في مشواره الجديد مع الاسياد ويكون علي يديه الحل الناجع لخانة الطرف الشمال التي اعيت كل الاجهزة الفنية التي تعاقبت علي الهلال في الفترة الاخيرة والتي سببت صداعا دائما للجماهير..!
أخيراً جداً..!
بات الدكتور كمال شداد ينتهز اية فرصة للنيل من الصحافة الرياضة والتقليل من شأنها، كان آخرها السبت الماضي في الندوة التي اقيمت بالسفارة السودانية بالدوحة؛ اذ تحدث وحيد زمانه في كافة الامور وكالعادة لم نخرج بجديد من حديثه غير رغبته الاكيدة في الاستمرار في قيادة الكرة السودانية الي الدمار الذي كان هو بطله الاوحد..!
شداد قال إنه لا يمكن ان يرفض طلبا للاتحادات إن قامت بترشيحه لدورة رابعة وهو ما يؤكد ان الرجل لازال يحلم بإدارة الاتحاد بعد الفشل المتلاحق الذي ظل يحققه طيلة فترة توليه سدة الحكم وطلب من الذين يرغبون في ترشيحه يأتوا له بفتوى قانونية تجيز ترشحه من جديد!!
شداد يرغب في الترشح لرئاسة الاتحاد؛ اذن علي الكرة السودانية السلام..!
الاريحية والاستقبال الطيب الذي قوبل به وفد الهلال المكون من السيد صلاح ادريس رئيس النادي ونائبه الفريق الطاش من قبل وزير العدل الاستاذ الفاضل عبد الباسط سبدرات يدل علي ان الرجل مهموم بقضايا الوسط الرياضي، كيف لا وهو احد افراد هذا الوسط الكبير ويعلم خباياه جيدا وانه لفخر كبير ان يكون وزير العدل احد افراد وسطنا الرياضي.
قوة عين وفلس.. كان الله في عونكم..!!
*خلال حركة تسجيلات وتنقلات اللاعبين التي تدور رحاها هذه الايام ظل كُتّاب الأحمر يكتبون يوميا عن القدرات المالية الكبيرة التي يتمتع بها مجلس إدارتهم وعن قدرتهم في كسب أي لاعب لأن الامر عندهم محسوم والكاش كما يقولون بقلل النقاش.. لا اعترض لدينا إن وهبهم الله مالا يسيرون به امور ناديهم ولكنهم للأسف الشديد تطاولوا علي الاسياد واشاعوا ان الهلال يمر بظروف مالية صعبة للحد البعيد الامر الذي جعل مجلس ادارتهم يسجل اللاعبين لدعم فريقه عن طريق الاقساط المريحة.. وبالامس القريب علمت ان الشيك الذي سلم لفريق الشجرة نظير اطلاق نجمه حمد للمريخ (رجع) لأن المريخ الغني جدا خزانته خاوية علي عروشها ولا يوجد بها ما يسدد قيمة الشيك الممهور بإمضاء امين المال والامين العام وربما رئيس النادي. والإعلام الأحمر يكذب ويكذب علي جماهيره الصابرة التي باتت لا تدري ماذا تفعل حيال ذاك الكذب الصريح..!
طيب يا جماعه انتو لو ما عندكم قروش الشلاقة ليكم شنو؟ كان تخلو نادي الشجرة المسكين ده يبيع اللاعب للهلال ويستلم امواله (كاش داون) مش كان احسن ليهو من بهدلة يمشي البنك ويلقي الحساب ما فيهو رصيد يسدد قيمة الشيك المكتوب..!
انا العارفو انو ناس الشجرة ديل اولاد قبائل؛ يعني ما بمشوا المحاكم علي الاقل عشان خاطر المرحوم صلاح سعيد والاخ ازهري وداعة الله وكل مريخاب الشجرة، لكن ناس المريخ ذاتم قاعدين يبالغوا؛ يعني لو ما عندهم قروش (الشلاقة) البتخليهم يكتبوا الشيكات شنو..!
يا ربي يكونوا منتظرين نصيبهم من دخل مباراة مصر والجزائر التي جرت بملعب الحكومة.. واحد ثقيل جدا قال لي يا استاذ كل يوم ناس متوكل أحمد علي وقريش ديل عاملين لينا وجع راس قروشنا الاتحاد ما ادنا ليها دي ياتو قروش ومالهم ومال القروش اصلا مش الاستاد ده شيدته الحكومة، يعني المفروض نصيب الاستاد يمشي للدولة هو استاد ما بنو فيهو طوبه واحد يتفاصحوا ويقولو كمان ما ادونا نصيبنا من الدخل عليك الله يا استاذ الناس ديل ما بخجلو..!
واحد اثقل من الاول قال لي يا استاذ معقول ما ختو فيهو طوبة واحدة طيب الفصاحة ليهم شنو.. مرة الرد كسر ومرة المفخرة.. ومرة شنو ما عارف طيب كيف ده؟ قلت ليهو انت مش سمعت وقريت في الجرايد انو الكاردينال قال ليهم عايز الطوب بتاعي الاتبرعت بيهو ليكم، يعني كلام واضح جدا انو الكاردينال ده اتبرع ليهم بالطوب.. وبعدين ما تنسي الـ100 الف دولار بتاعة الارباب، يعني بالسعر الجاري زايد قروش الكاردينال زايد قروش الحكومة بكونو ناس المريخ ديل لقو ليهم استاد (ملح) ساااااكت بعد ده كلو قاعدين يتفاصحوا كمان في الجرايد.. والله يا استاذ انا قوة عين زي دي ما لاقتني قبل كده..!
امبارح القريب ده في واحد من اهل الوصيف اتصل علي واشبعني شتما وتقريعا وقال لي بعبارة صريحة ياخي خليك منطقي والي شنو البجي الهلال.. قلت ليهو ناس الهلال ذاتم زعلانين مني كيف اجيب ليهم رئيس من الوصيف ونحن الكنا بنصدر رؤساء ولاعبين لضلنا.. وضربت ليهو مثل بأبوالعائلة.. اعظم رؤساء المريخ وهو بالطبع خريج جامعة الهلال اما اللاعبون فحدث ولا حرج يعني الواحد لو عايز يرصد كمية اللاعبين المشوا المريخ عايز ليهو جريدة كاملة ما عمود واحد.. بالعدم ممكن الاستعانة بمؤرخ الهلال الكبير العم علي الفكي..!
اها يا جماعة ناس الشجرة ديل بتعملوا ليهم شنو.. الناس ديل خاشين علي تسجيلات ودايرين قروش يعملوا شنو يعني والشيك رجع.. ما يجلوا ولا شنو يا جماعة ما اعلامكم ملا الجرايد انكم مرتاحين وما عارفين القروش تودوها وين.. ما مشكلة اعتقد انو المبلغ ما كتير اعملوا (شيرنق) يعني اي واحد من اعضاء مجلس ادارتكم انتو مش 16 عضو كل واحد يدفع 30 مليون ادو ناس الشجرة قروشهم والباقي تموا عليهو وسددوا باقي قروش سفاري، وطمبل اخروه شويه.. آه نسيت ناس امبدة برضوا ما تنسوهم ده فريق محتاج والله جد جد يعني الشيك الاديتو ليهم ويستحق الصرف في شهر تلاته عليكم الله لازم تغطوه عشان ما يقوموا يشتكوكم وتبقي فضيحة اصلو انا عارف ناس امبدة ديل ما برضوا نادي يغشهم وفوق كده معظم اعضاء المجلس هلالاب بشاكلوا لكن الخلاهم يتعاملوا مع ناس المريخ انو ناس الهلال ما جو للاعب عبد الرحيم من بدري، يعني لو كان ناس الهلال جو من بدري كان فكوهو ليهم بلاش..!
واحد برضوا قال لي تعرف ناس المريخ ديل فكروا في اعارة الثنائي بله جابر وأحمد الباشا ليه.. ديل يا استاذ عايزين يلقوا ليهم قروش يحلو بيها الضائقة المالية التي يمر بها الفريق هذه الايام.. طيب وكلام الوالي انو جماهير المريخ سقف طموحها بقي اكبر من الـ500 مليون جنيه يا اخوي دي مكنة سااااكت الجماعه ديل بدل يقولوا انهم مفلسين قالو احسن نعمل لينا اعارة للاعبين ديل نلقي لينا كم مليون كده نمشي بيها الامور لحدي ما الله يهون علينا والانتخابات دي تنتهي..!!
أخيراً أخيرًا..!!
في هدؤ تام وبلا اي ضوضاء ابدى النيجيري امادو عثمانو رغبته الاكيدة في التوشح بالازرق بمكاتب الاتحاد السوداني امس.. وعقب طلب ابداء الرغبة سجل عثمانو مع الاخ فخري زيارة لمقر صحيفة النادي لتقديم الشكر لها للدور الكبير الذي لعبته في حضور اللاعب للسودان والتوقيع للهلال، وبدورنا اكدنا له ان دور الصحيفة اكبر من كونها توجيها معنويا للفريق بل ان لها ادوار اخرى تلعبها بامتياز تام..!
كل الامنيات ان يوفق الله امادو في مشواره الجديد مع الاسياد ويكون علي يديه الحل الناجع لخانة الطرف الشمال التي اعيت كل الاجهزة الفنية التي تعاقبت علي الهلال في الفترة الاخيرة والتي سببت صداعا دائما للجماهير..!
أخيراً جداً..!
بات الدكتور كمال شداد ينتهز اية فرصة للنيل من الصحافة الرياضة والتقليل من شأنها، كان آخرها السبت الماضي في الندوة التي اقيمت بالسفارة السودانية بالدوحة؛ اذ تحدث وحيد زمانه في كافة الامور وكالعادة لم نخرج بجديد من حديثه غير رغبته الاكيدة في الاستمرار في قيادة الكرة السودانية الي الدمار الذي كان هو بطله الاوحد..!
شداد قال إنه لا يمكن ان يرفض طلبا للاتحادات إن قامت بترشيحه لدورة رابعة وهو ما يؤكد ان الرجل لازال يحلم بإدارة الاتحاد بعد الفشل المتلاحق الذي ظل يحققه طيلة فترة توليه سدة الحكم وطلب من الذين يرغبون في ترشيحه يأتوا له بفتوى قانونية تجيز ترشحه من جديد!!
شداد يرغب في الترشح لرئاسة الاتحاد؛ اذن علي الكرة السودانية السلام..!
الاريحية والاستقبال الطيب الذي قوبل به وفد الهلال المكون من السيد صلاح ادريس رئيس النادي ونائبه الفريق الطاش من قبل وزير العدل الاستاذ الفاضل عبد الباسط سبدرات يدل علي ان الرجل مهموم بقضايا الوسط الرياضي، كيف لا وهو احد افراد هذا الوسط الكبير ويعلم خباياه جيدا وانه لفخر كبير ان يكون وزير العدل احد افراد وسطنا الرياضي.
حسبي الله ونعم الوكيل