جابت ليها ( برد )
قال ليه : شكلك دا ما غريب علي...عامل كدا متل (لقد نفد رصيدكم الان).
} قعد يطلع ويرفع في (حواجبو) ...تقول منتظر نتيجة الفحص.
} اسمع يا ابو الشباب : انا شفتك وين؟...اتذكر معاي ما تقيف لي كدا زي الزول القطعوه (مخالفة) وهو حق الفطور ما عندو.
} ساعدني ...انا شفتك وين؟...جني وجن اشوف لي زول اشعر اني بعرفو وما اقدر اتذكر اني شفتو وين؟.
} شفتك وين؟..شفتك وين؟..شفتك وين؟...شفتك وين!!.
} تصور وقت القي زول ما غريب علي ومع ذلك ما اعرفو...بحس اني انا في الدنيا دي ما بسوي اي شيء...ببقي زي الزول الدخل ليه بيت بالغلط ..قام عاوز يطلع منو لاقاه (كلب).
} شوف انت موقفك ببقي بايخ كيف في الحالة دي.
} الكلب دا قدر ما تحاول تقنعو انك داخل هنا بالغلط ما بقتنع ليك.
} انا ما عارف الكلاب دي بتطلع لينا من وين؟.
} ساعدني...اتذكر معاي انا شفتك وين؟.
} انت ساكن وين يا ابوالشباب؟.
} انا ساكن في مقابر حمد النيل.
} طبعا اكيد ما شفتك هناك ...استبعد لي النقطة دي لو سمحت...قبل مقابر حمد النيل كنت ساكن وين؟.
} قبل المقابر دي كنت في سجن كوبر...احتمال تكون لاقيتني هناك...سبع سنوات انا قاعد هناك.
} لا ابدا انا البوديني سجن كوبر شنو؟....تتصور السجن دا زيارات ساكت ما بمشي ليه ..استبعد لي الحتة دي ..ما معقول اكون شفتك في سجن.
} طيب قبل ما تدخل السجن كنت وين؟.
} قبل السجن كنت في (روسيا).
} بس تعال لي جاي ...انا من الصباح بقول انا الزول دا شفتو وين؟...عيونك ديل ما غريبة علي ...لكن (صلعتك) مشت ولونك خضر شوية...بقيت زي السلفية الما مُصدقة.
} انت اصلا ما غريب علي ...تلقاك كنت معاي في روسيا دفعة (برد)...والله الروس ديل عندهم (برد) السمكة تطلع من بحرها بي سيوترها.
} شفت الزول ابو صلعة الفي المائة دولار داك...الزول دا قالوا ليك في كل الدول في العالم بي صلعتو دي...إلا في (روسيا)...قالوا ليك هناك في موسكو بلف (صلعتو) بي شال من البرد..وبلبس ليه نضارات.
} اسمع يا ابوالشباب انت عاوز تفك لي اي حاجة وتمسك لي في (البرد)..مالك عاوز تبقي لي زي (سفاري) قالوا ليه امسك (امبيلي) قال ليهم : انا اسامة التعاون دا خلوه لي.
} بعدين انا عارف طبعك الكعب دا...هسع تقول لينا (الايميل) مسحوه.
} ما يمسحوه كان مسحوه ...هي (جنينة الحيونات) مسحوها..في زول قال حاجة...بس تفلحوا لي في (الايميل).
} يا دا الايميل العملت لينا بيه حول في (الطوحال).
} طوحلتونا يا عالم.
} لكن ما قلت لي انت في (روسيا) كنت بتعمل شنو؟...اكيد كنت بتقرأ هندسة طيران ...صلعتك دي ما صلعة بتاعة (دبلوم).
} احتمال اكون قابلتك هناك في روسيا ...اكيد ...قلت ليك وشك دا ما غريب علي...عليك الله كنت بتعمل هناك في (روسيا) شنو؟.
} في روسيا يا اخوي كنت في (مصحة نفسية).
} ايوه مصحة نفسية مالك طيرت عيونك وبقيت لي متل (المفتاح الرايح).
} يا زول اقول ليك حاجة استبعد لي الخيار دا ...اكيد يعني ما شفتك في (مصحة نفسية) ...انا المصحة النفسية البوديني ليها شنو؟.
} تصور عندي خالي ليه عشر سنوات في مصحة نفسية ...ما مشيت عليه...انا مقاطع المصحات دي بشكل اساسي ورئيسي ..ولا بجامل في الحاجات دي.
} بعدين اقول ليك حاجة...انا روسيا دي في (الاطلس) ما شفتها ...روسيا شنو يا زول البمشي ليها في (البرد).
} قالوا ليك روسيا فيها برد (السمكة) في الزيت وقت تكون في النار بحمروا فيها بتكون (بردانة).
} انا عندي موقف واضح من البرد ..عشان تكون عارف.
} لكن ما قلت لي قبل روسيا كنت وين؟...وشك دا ما غريب علي.
} قبل روسيا كنت في (القمر).
} بس اكون قابلتك هناك ...اصلي عندي خالي هناك ...كل اسبوع بمشي عليها.
} بتمشي ليه في القمر يا زول.
} بمشي ليه : انت قايل القمر بعيد ...مع الكباري الطايرة دي...خمس دقايق وتلقي نفسك في القمر.
} لكن ما قلت لي في (القمر) كنت بتعمل في شنو؟.
} في القمر كان عندي معرض عن الرسوم بالالوان الزيتية.
} معقولة ...معرض في القمر.
} اعمل ليك شنو ؟..ما كرهتني...اذا انت كنت بتصل القمر في خمس دقايق ...البحميني انا شنو من اني اعمل لي معرض تشكيلي في القمر.
} كمان قول صعبة دي.
} طيب نحن نستبعد خيار القمر دا ...قبل القمر دا كنت وين؟...وشك دا ما غريب علي ..أنا متأكد اني شفتك.
} قميصك الاخضر دا انا شايفو قبل كدا...لو انت اتغيرت ...قميصك ما اتغير...بي كرفستو وزرارتو المقطوعة دي.
} يا زول قبل ما امشي للقمر ..انا كنت ما اتولدت ..يعني كنت في بطن امي.
} بس....طيب ما تقول كدا ...من الصباح ...اكيد اكون قابلتك هناك ...عشان امك دي جاتني قبل 30 سنة وعملت ليها عملية زايدة في بطنها ..اكيد شفتك وقتها في بطن امك.
} قلت ليك قميصك الاخضر دا ما غريب علي.
} يعني انا وقت كنت في بطن امي كنت لابس قميصي الاخضر دا.
} انت بتكون لابسو ...ما في حاجة بعيدة عليك...حتي عشان تقتنع وريني (كُم القميص) حقك لو فيه حرقة بتاعة سجاير ..يبقي دا القميص ذاتو.
} بس طلع فيه (حرقة).
} لكن الحرقة دي من وين؟.
} الحرقة دي يا ولدي ...دي من سجارة كنت بشرب فيها وقت كنت بعمل لي امك في عملية الزايدة ...قامت السجارة وقعت في كم قميصك.
} معقولة!!.
} ليه ما معقولة ؟...يا ولدي الطب اتقدم والعلم تتطور...يعني باختصار كدا ما في حاجة اسمها (خيال).
} الروس ديل اي حاجة في الخيال طبقوها.
} تجي انت بعد العمر دا كلو ..تقول لي : الايميل مسحوه.
} ايميل هو وإلا لبن رايب.
} خلاص يا الهلالاب عاوزين تفكوا اي حاجة وتقبلوا علي (اللبن الرايب).
} عاوزين كمان تمسخوا لينا (اللبن الرايب).
} لبن رايب في عينك.
} قالوا ليك روسي لاقي ليه روسية فكر يتقدم ليها ويطلب يدها..قام قال ليها : اسمعي يا روسية انتي ..رأيك فيني شنو من حيث المبدأ.
} قالت ليه من حيث المبدأ كدا اول حاجة غير لينا عربيتك دي.
} انا ما عارف (المبدأ) البقولوا لينا.
} اول واحد يقابلك يقول ليك ..من حيث المبدأ.
} المبدأ في عينك.
} قولوا كمان ما بتعرفوا (المبدأ).
} المبدأ مسحوه.
} ملحوظة : هو وين البرد؟.
هوامش
} الهلالاب مفروض ينسوا مباراة مازمبي وما قدموه في هذه المباراة التي ردوا بها اعتبارهم ويفكروا بصورة عملية وجادة في مباريات الممتاز.
} مباراة الهلال والميرغني من اخطر مباريات الهلال في الدورة الثانية هذا الموسم.
} فريق الميرغني افضل فريق بيلعب كورة ويقود جهازه الفني المدرب القدير مبارك سليمان.
} في الميرغني اللاعب فيصل موسي افضل لاعب سوداني خارج قائمة الهلال والمريخ.
} الهلال كذلك عليه ان يحسم امور تسجيلاته من بدري ونتمني ان يكون الحسم هذه المرة بصورة قاطعة.
} ما عاوزين غلطات الموسم الماضي تتكرر.
} عنتر يكون في غرفة تسجيلات الهلال ويتسجل في المريخ ..ومنتصر فرج الله يوقع عقد خارجي مع الهلال ويمشي يتسجل في النيل الحصاحيصا.
} نتمني ان تتاح الفرصة كاملة للاعب صالح عبدالله.
} مدثر كاريكا عليه ان يتذكر انه هداف الدوري الممتاز.
} لذلك فهو مطلوب منه عدد من الاهداف في مباراة الميرغني ..رغم صعوبة المباراة.
} اعتقد ان مباراة الهلال ومازمبي استفاد منها الهلال في كيفية ان يسجل انتصار خارج اراضيه.
} الهلال في بطولة الممتاز سوف يلعب امام الميرغني وامام النيل والامل عطبرة وامام المريخ.
} مطلوب من الهلال ان يحقق انتصارات علي هذه الاندية التي سوف يلعب ضدها وهي تلعب في ارضها.
} خبر عاجل: الهلال في نوفمبر ببلع جب يا ناس المريخ.
قال ليه : شكلك دا ما غريب علي...عامل كدا متل (لقد نفد رصيدكم الان).
} قعد يطلع ويرفع في (حواجبو) ...تقول منتظر نتيجة الفحص.
} اسمع يا ابو الشباب : انا شفتك وين؟...اتذكر معاي ما تقيف لي كدا زي الزول القطعوه (مخالفة) وهو حق الفطور ما عندو.
} ساعدني ...انا شفتك وين؟...جني وجن اشوف لي زول اشعر اني بعرفو وما اقدر اتذكر اني شفتو وين؟.
} شفتك وين؟..شفتك وين؟..شفتك وين؟...شفتك وين!!.
} تصور وقت القي زول ما غريب علي ومع ذلك ما اعرفو...بحس اني انا في الدنيا دي ما بسوي اي شيء...ببقي زي الزول الدخل ليه بيت بالغلط ..قام عاوز يطلع منو لاقاه (كلب).
} شوف انت موقفك ببقي بايخ كيف في الحالة دي.
} الكلب دا قدر ما تحاول تقنعو انك داخل هنا بالغلط ما بقتنع ليك.
} انا ما عارف الكلاب دي بتطلع لينا من وين؟.
} ساعدني...اتذكر معاي انا شفتك وين؟.
} انت ساكن وين يا ابوالشباب؟.
} انا ساكن في مقابر حمد النيل.
} طبعا اكيد ما شفتك هناك ...استبعد لي النقطة دي لو سمحت...قبل مقابر حمد النيل كنت ساكن وين؟.
} قبل المقابر دي كنت في سجن كوبر...احتمال تكون لاقيتني هناك...سبع سنوات انا قاعد هناك.
} لا ابدا انا البوديني سجن كوبر شنو؟....تتصور السجن دا زيارات ساكت ما بمشي ليه ..استبعد لي الحتة دي ..ما معقول اكون شفتك في سجن.
} طيب قبل ما تدخل السجن كنت وين؟.
} قبل السجن كنت في (روسيا).
} بس تعال لي جاي ...انا من الصباح بقول انا الزول دا شفتو وين؟...عيونك ديل ما غريبة علي ...لكن (صلعتك) مشت ولونك خضر شوية...بقيت زي السلفية الما مُصدقة.
} انت اصلا ما غريب علي ...تلقاك كنت معاي في روسيا دفعة (برد)...والله الروس ديل عندهم (برد) السمكة تطلع من بحرها بي سيوترها.
} شفت الزول ابو صلعة الفي المائة دولار داك...الزول دا قالوا ليك في كل الدول في العالم بي صلعتو دي...إلا في (روسيا)...قالوا ليك هناك في موسكو بلف (صلعتو) بي شال من البرد..وبلبس ليه نضارات.
} اسمع يا ابوالشباب انت عاوز تفك لي اي حاجة وتمسك لي في (البرد)..مالك عاوز تبقي لي زي (سفاري) قالوا ليه امسك (امبيلي) قال ليهم : انا اسامة التعاون دا خلوه لي.
} بعدين انا عارف طبعك الكعب دا...هسع تقول لينا (الايميل) مسحوه.
} ما يمسحوه كان مسحوه ...هي (جنينة الحيونات) مسحوها..في زول قال حاجة...بس تفلحوا لي في (الايميل).
} يا دا الايميل العملت لينا بيه حول في (الطوحال).
} طوحلتونا يا عالم.
} لكن ما قلت لي انت في (روسيا) كنت بتعمل شنو؟...اكيد كنت بتقرأ هندسة طيران ...صلعتك دي ما صلعة بتاعة (دبلوم).
} احتمال اكون قابلتك هناك في روسيا ...اكيد ...قلت ليك وشك دا ما غريب علي...عليك الله كنت بتعمل هناك في (روسيا) شنو؟.
} في روسيا يا اخوي كنت في (مصحة نفسية).
} ايوه مصحة نفسية مالك طيرت عيونك وبقيت لي متل (المفتاح الرايح).
} يا زول اقول ليك حاجة استبعد لي الخيار دا ...اكيد يعني ما شفتك في (مصحة نفسية) ...انا المصحة النفسية البوديني ليها شنو؟.
} تصور عندي خالي ليه عشر سنوات في مصحة نفسية ...ما مشيت عليه...انا مقاطع المصحات دي بشكل اساسي ورئيسي ..ولا بجامل في الحاجات دي.
} بعدين اقول ليك حاجة...انا روسيا دي في (الاطلس) ما شفتها ...روسيا شنو يا زول البمشي ليها في (البرد).
} قالوا ليك روسيا فيها برد (السمكة) في الزيت وقت تكون في النار بحمروا فيها بتكون (بردانة).
} انا عندي موقف واضح من البرد ..عشان تكون عارف.
} لكن ما قلت لي قبل روسيا كنت وين؟...وشك دا ما غريب علي.
} قبل روسيا كنت في (القمر).
} بس اكون قابلتك هناك ...اصلي عندي خالي هناك ...كل اسبوع بمشي عليها.
} بتمشي ليه في القمر يا زول.
} بمشي ليه : انت قايل القمر بعيد ...مع الكباري الطايرة دي...خمس دقايق وتلقي نفسك في القمر.
} لكن ما قلت لي في (القمر) كنت بتعمل في شنو؟.
} في القمر كان عندي معرض عن الرسوم بالالوان الزيتية.
} معقولة ...معرض في القمر.
} اعمل ليك شنو ؟..ما كرهتني...اذا انت كنت بتصل القمر في خمس دقايق ...البحميني انا شنو من اني اعمل لي معرض تشكيلي في القمر.
} كمان قول صعبة دي.
} طيب نحن نستبعد خيار القمر دا ...قبل القمر دا كنت وين؟...وشك دا ما غريب علي ..أنا متأكد اني شفتك.
} قميصك الاخضر دا انا شايفو قبل كدا...لو انت اتغيرت ...قميصك ما اتغير...بي كرفستو وزرارتو المقطوعة دي.
} يا زول قبل ما امشي للقمر ..انا كنت ما اتولدت ..يعني كنت في بطن امي.
} بس....طيب ما تقول كدا ...من الصباح ...اكيد اكون قابلتك هناك ...عشان امك دي جاتني قبل 30 سنة وعملت ليها عملية زايدة في بطنها ..اكيد شفتك وقتها في بطن امك.
} قلت ليك قميصك الاخضر دا ما غريب علي.
} يعني انا وقت كنت في بطن امي كنت لابس قميصي الاخضر دا.
} انت بتكون لابسو ...ما في حاجة بعيدة عليك...حتي عشان تقتنع وريني (كُم القميص) حقك لو فيه حرقة بتاعة سجاير ..يبقي دا القميص ذاتو.
} بس طلع فيه (حرقة).
} لكن الحرقة دي من وين؟.
} الحرقة دي يا ولدي ...دي من سجارة كنت بشرب فيها وقت كنت بعمل لي امك في عملية الزايدة ...قامت السجارة وقعت في كم قميصك.
} معقولة!!.
} ليه ما معقولة ؟...يا ولدي الطب اتقدم والعلم تتطور...يعني باختصار كدا ما في حاجة اسمها (خيال).
} الروس ديل اي حاجة في الخيال طبقوها.
} تجي انت بعد العمر دا كلو ..تقول لي : الايميل مسحوه.
} ايميل هو وإلا لبن رايب.
} خلاص يا الهلالاب عاوزين تفكوا اي حاجة وتقبلوا علي (اللبن الرايب).
} عاوزين كمان تمسخوا لينا (اللبن الرايب).
} لبن رايب في عينك.
} قالوا ليك روسي لاقي ليه روسية فكر يتقدم ليها ويطلب يدها..قام قال ليها : اسمعي يا روسية انتي ..رأيك فيني شنو من حيث المبدأ.
} قالت ليه من حيث المبدأ كدا اول حاجة غير لينا عربيتك دي.
} انا ما عارف (المبدأ) البقولوا لينا.
} اول واحد يقابلك يقول ليك ..من حيث المبدأ.
} المبدأ في عينك.
} قولوا كمان ما بتعرفوا (المبدأ).
} المبدأ مسحوه.
} ملحوظة : هو وين البرد؟.
هوامش
} الهلالاب مفروض ينسوا مباراة مازمبي وما قدموه في هذه المباراة التي ردوا بها اعتبارهم ويفكروا بصورة عملية وجادة في مباريات الممتاز.
} مباراة الهلال والميرغني من اخطر مباريات الهلال في الدورة الثانية هذا الموسم.
} فريق الميرغني افضل فريق بيلعب كورة ويقود جهازه الفني المدرب القدير مبارك سليمان.
} في الميرغني اللاعب فيصل موسي افضل لاعب سوداني خارج قائمة الهلال والمريخ.
} الهلال كذلك عليه ان يحسم امور تسجيلاته من بدري ونتمني ان يكون الحسم هذه المرة بصورة قاطعة.
} ما عاوزين غلطات الموسم الماضي تتكرر.
} عنتر يكون في غرفة تسجيلات الهلال ويتسجل في المريخ ..ومنتصر فرج الله يوقع عقد خارجي مع الهلال ويمشي يتسجل في النيل الحصاحيصا.
} نتمني ان تتاح الفرصة كاملة للاعب صالح عبدالله.
} مدثر كاريكا عليه ان يتذكر انه هداف الدوري الممتاز.
} لذلك فهو مطلوب منه عدد من الاهداف في مباراة الميرغني ..رغم صعوبة المباراة.
} اعتقد ان مباراة الهلال ومازمبي استفاد منها الهلال في كيفية ان يسجل انتصار خارج اراضيه.
} الهلال في بطولة الممتاز سوف يلعب امام الميرغني وامام النيل والامل عطبرة وامام المريخ.
} مطلوب من الهلال ان يحقق انتصارات علي هذه الاندية التي سوف يلعب ضدها وهي تلعب في ارضها.
} خبر عاجل: الهلال في نوفمبر ببلع جب يا ناس المريخ.
