سيناريو اليابسة...لقيتك دقوس
مفتتح : باقات من الود والعرفان للصديق الشاعر عاطف خيري
قال محدثي ، ربما تخيلاً ، ان النيجيري الرحال همس في اذن زميله...عارف يا فردة...السودانيين ديل ناس مساكين خلاص...وناس الكورة بالتحديد اكثرهم مسكنة...ديل يا اخوي رضاهم بسيط خلاص..ركها علي قون...بس تجيب قون في الهلال ...وامورك تبقى باسطة...تختها في الشبكة وناس اسماعين يختوها في المانشيت...الاباتشي...الفاشي..الضباح ...اللفاح...اللباح..اللباح دي شنو كمان...والله ما عارف...اهو القاب جماعتك ينجروها وتبقى انت البريمو ...ويبقى اسمك زي نغمات موبيتيل...عارف يا صاحب...انا لعبت مع الجماعة بطولة افريقيا ...الله وكيلك قون واحد ما جبتو...ستة وستوت...ستة كور وانا صايم الستوت....ياخوي مع جهابذة افريقيا ديل ما بقدر ..انت قايلني قودوين...انت عارف في بطولة افريقيا دي الا يصلحا ليك البرنس...غير كده سكة مافي....وبعدين ما فارقة...يعني شنو جبت والا لا...في النهاية المسألة هلال مريخ...قون واحد وتبقى انت البطل...ما شايفني يوم الغمة السودانية بلعب شديد كيف...اسد عليهم وفي بطولة افريقيا نعامة..نعامة شنو حمل وديع عديل كده....انا اصلي قريت الحاصل...الجماعة الفوق....الفي الكراسي...عارفين القعدة السمحة...والوجاهة الكاربة...وهتافات الجماهير بتجي كيف..دي كلها بجيبا القون في الهلال....بعد داك بلقوا ليهم شوية حاجات كده...شوية منشأت ... شوية استضافات...يعني مثلاً تستضيف ليك لقاء كبير وفاصل...آآآي تبقى فاصلاوي...قلنا ليك فاصلاوي ما فاصولاوي....وما فوقا حاجة كمان كان عملت ليك سيكافا تفصيل كده...فاصولاوي وتفصيلاوي...بس الله يجازي التكاسة...بعد الستة ...الجماعة حضروا الالعاب النارية...والخطابات المجيدة في حضرة الوالي...والمسيرة من الرد المدقوش لي بيت الوالي...تيت تيت...والينا حديد...والينا زينة..ومن جيبوا ما بجلينا...اها قاموا التكاسة العورا ديل ...خبطونا ليك واحد مسمار...عشان كده الجماعة ديل جابو مدافعهم كاسروكا...وعايزين الحارس اندوشيمي...وما بعيدة يستوردوا رئيسهم زاتو....ما مشكلة زي ما قال حلنقي ولحن اربابنا...القروش في..بكرة جماعتنا بعملوا ليهم سيكافاية جديدة..والتكاسة المرة دي يشموها قدحة...والله لو بلاتر زاتو اتدخل ما حا يشاركوا.. تكاسة نهي....ده بخصوص الادارة..واما صحافتهم الحمراء فدي برضوا عندها مصالح زينا...نحن يا ابو الوراريغ نجيب قونا...وهم يجيبوا قونهم...نحن نغلب وهم يكتروا الردحي...والاعلانات مطر..والظروف زخات زخات...مصالحنا واحدة...عشان كده يا اخوي لا تزعل..ولا تخلي حوامة نص الليل...القروش الكتيرة الاكتر من ولاية شنو ديك ولا يهمك بيها...كلام ائمتهم في المساجد ما تشتغل بيهو..بكرة بيعدي...بس انت جيب قون واحد في الهلال...صاحبنا استلم السيناريو وهاك يا مذاكرة...في نهائي الممتاز قربت...جات في العارضة..آآآآخ...بت اللذينا احبهم...في نهائي كاس السودان صاحبك جاء مصمم ..هايج هيجان شديد...اها لقا ليك الجبل الهادر ديمبا...والصخرة السودانية منير ام بدة...صاحبك قال ما دام مافي سكة لي قون خلي نجيب لينا نص قون...اكرم ده رقيص ساي عاجب الجماعة...نحن ما نمثل..تمثيل عديل كده...اهو كلها فنون...صاحبنا لقى الحكم كريم ومن كريمة...احتكاك طبيعي ...سلام ملك زي ما قال الخبير الطاهر احمد عثمان...وزول كريمة اتذكر صفارة القطر..وصفر على طول...اها يا فردة انا عملت بي نصيحتك...وكت غلبني اجيب لي قون جبت ليكم نص قون...بالله لقيتني كيف....صاحبنا التاني...الشفت ...الطابق من الاتنين...الزرق والحمر...ضحك في سره...شوف الداقس ده...وصيتوا بالقون جاب بلنتي...والبخلي بيشوت منو...امال الاباتشي يبقى منو كان خليتوا يشوت...هو موش قال بمثل..اها هو يمثل وانا المخرج...ما كلها زي ما قال فنون...والفنون جنون...هوي يا فردة...بعد كده اتخارج خلاص شوف ناس جنت...قبال ما تجنني معاك...لقيتك كيف...لقيتك دقوس...
هتاف اخير
الى الهلال بلسان الكتيابي النبيل القادر عبد القادر
اني تهيمني هواك وشفني
ومسافر لك مذ كان النخل ينبت في الجبل
الزاد خير الزاد نوري مقلتيك
ومن استنار بمقلتيك فقد وصل
حتى ولو رجع التراب الى التراب
فالروح نحوك يا ديار احبتي
لا البحر يحبس خيلها
لا الريح لا الطوفان يمنعها
ولا كف الاجل
مسدار الامجاد الزرقاء
نحن ولاد هلال... والباقي ما همانا
عارفنا الوصيف..لا بنسى لا بيغبانا
الداير الرقيص..في الساحة يبقى معانا
صقرية الرجال......البستروا العريانة
مفتتح : باقات من الود والعرفان للصديق الشاعر عاطف خيري
قال محدثي ، ربما تخيلاً ، ان النيجيري الرحال همس في اذن زميله...عارف يا فردة...السودانيين ديل ناس مساكين خلاص...وناس الكورة بالتحديد اكثرهم مسكنة...ديل يا اخوي رضاهم بسيط خلاص..ركها علي قون...بس تجيب قون في الهلال ...وامورك تبقى باسطة...تختها في الشبكة وناس اسماعين يختوها في المانشيت...الاباتشي...الفاشي..الضباح ...اللفاح...اللباح..اللباح دي شنو كمان...والله ما عارف...اهو القاب جماعتك ينجروها وتبقى انت البريمو ...ويبقى اسمك زي نغمات موبيتيل...عارف يا صاحب...انا لعبت مع الجماعة بطولة افريقيا ...الله وكيلك قون واحد ما جبتو...ستة وستوت...ستة كور وانا صايم الستوت....ياخوي مع جهابذة افريقيا ديل ما بقدر ..انت قايلني قودوين...انت عارف في بطولة افريقيا دي الا يصلحا ليك البرنس...غير كده سكة مافي....وبعدين ما فارقة...يعني شنو جبت والا لا...في النهاية المسألة هلال مريخ...قون واحد وتبقى انت البطل...ما شايفني يوم الغمة السودانية بلعب شديد كيف...اسد عليهم وفي بطولة افريقيا نعامة..نعامة شنو حمل وديع عديل كده....انا اصلي قريت الحاصل...الجماعة الفوق....الفي الكراسي...عارفين القعدة السمحة...والوجاهة الكاربة...وهتافات الجماهير بتجي كيف..دي كلها بجيبا القون في الهلال....بعد داك بلقوا ليهم شوية حاجات كده...شوية منشأت ... شوية استضافات...يعني مثلاً تستضيف ليك لقاء كبير وفاصل...آآآي تبقى فاصلاوي...قلنا ليك فاصلاوي ما فاصولاوي....وما فوقا حاجة كمان كان عملت ليك سيكافا تفصيل كده...فاصولاوي وتفصيلاوي...بس الله يجازي التكاسة...بعد الستة ...الجماعة حضروا الالعاب النارية...والخطابات المجيدة في حضرة الوالي...والمسيرة من الرد المدقوش لي بيت الوالي...تيت تيت...والينا حديد...والينا زينة..ومن جيبوا ما بجلينا...اها قاموا التكاسة العورا ديل ...خبطونا ليك واحد مسمار...عشان كده الجماعة ديل جابو مدافعهم كاسروكا...وعايزين الحارس اندوشيمي...وما بعيدة يستوردوا رئيسهم زاتو....ما مشكلة زي ما قال حلنقي ولحن اربابنا...القروش في..بكرة جماعتنا بعملوا ليهم سيكافاية جديدة..والتكاسة المرة دي يشموها قدحة...والله لو بلاتر زاتو اتدخل ما حا يشاركوا.. تكاسة نهي....ده بخصوص الادارة..واما صحافتهم الحمراء فدي برضوا عندها مصالح زينا...نحن يا ابو الوراريغ نجيب قونا...وهم يجيبوا قونهم...نحن نغلب وهم يكتروا الردحي...والاعلانات مطر..والظروف زخات زخات...مصالحنا واحدة...عشان كده يا اخوي لا تزعل..ولا تخلي حوامة نص الليل...القروش الكتيرة الاكتر من ولاية شنو ديك ولا يهمك بيها...كلام ائمتهم في المساجد ما تشتغل بيهو..بكرة بيعدي...بس انت جيب قون واحد في الهلال...صاحبنا استلم السيناريو وهاك يا مذاكرة...في نهائي الممتاز قربت...جات في العارضة..آآآآخ...بت اللذينا احبهم...في نهائي كاس السودان صاحبك جاء مصمم ..هايج هيجان شديد...اها لقا ليك الجبل الهادر ديمبا...والصخرة السودانية منير ام بدة...صاحبك قال ما دام مافي سكة لي قون خلي نجيب لينا نص قون...اكرم ده رقيص ساي عاجب الجماعة...نحن ما نمثل..تمثيل عديل كده...اهو كلها فنون...صاحبنا لقى الحكم كريم ومن كريمة...احتكاك طبيعي ...سلام ملك زي ما قال الخبير الطاهر احمد عثمان...وزول كريمة اتذكر صفارة القطر..وصفر على طول...اها يا فردة انا عملت بي نصيحتك...وكت غلبني اجيب لي قون جبت ليكم نص قون...بالله لقيتني كيف....صاحبنا التاني...الشفت ...الطابق من الاتنين...الزرق والحمر...ضحك في سره...شوف الداقس ده...وصيتوا بالقون جاب بلنتي...والبخلي بيشوت منو...امال الاباتشي يبقى منو كان خليتوا يشوت...هو موش قال بمثل..اها هو يمثل وانا المخرج...ما كلها زي ما قال فنون...والفنون جنون...هوي يا فردة...بعد كده اتخارج خلاص شوف ناس جنت...قبال ما تجنني معاك...لقيتك كيف...لقيتك دقوس...
هتاف اخير
الى الهلال بلسان الكتيابي النبيل القادر عبد القادر
اني تهيمني هواك وشفني
ومسافر لك مذ كان النخل ينبت في الجبل
الزاد خير الزاد نوري مقلتيك
ومن استنار بمقلتيك فقد وصل
حتى ولو رجع التراب الى التراب
فالروح نحوك يا ديار احبتي
لا البحر يحبس خيلها
لا الريح لا الطوفان يمنعها
ولا كف الاجل
مسدار الامجاد الزرقاء
نحن ولاد هلال... والباقي ما همانا
عارفنا الوصيف..لا بنسى لا بيغبانا
الداير الرقيص..في الساحة يبقى معانا
صقرية الرجال......البستروا العريانة
على كل حال نقوم بفتح النت ونمني انفسنا بقراءة الجديد والمفيد وكل واحد يطبل لفريقه وكانما احرز كاس العالم للأندية فما هو الجديد في احراز كاس الممتاز او كاس السودان فكنت اظن ان يأتي هذا الإحتفال من فريق لم يحرز هذه البطولة من قبل هلال والمريخ ان يحتفلو بهذه الطريقة فهذا لا يتوافق مع طموحات مشجعيهم لعشرات السنين
ارحمونا من التطبيل والشعر والنثر والتمجيد في غير ناتج جديد حتى انتم الكتاب لا اسلوب جديد غير التهكم والاستخفاف بالطرف الآخر والتمجيد لفريقه مهما كان وضعه فهذا هو السبب الذي قادنا ويقودنا لهذه الدرك من المستوى الإقليمي والقاري والدولي كفانا مهازل