[[[]]] ما اروعك يا هلال جكسا والمدينه :

ابداعات الهلال رهيبه وفرايحيه

والدوري انشاء الله احلي عيديه

وحبيناك من قلوبنا واخترناك يا حلو

والاسد يحمي الهلال من عين الحسد

وجكسا روعه ونزار روعه وسيدي بييه اكثر من روعه

وفضل بابور جنن الوصيف وجاب ليهو النزيف

وفضل بابور بقوة بابور وعينك ما تشوف الا النور

وحينما انتصر المريخ علي نيل الحصاحيصا المسكين

تفاصح القوم والمطبلاتيه في النادي الحزين

وقال قائلهم لقد ابدع المريخ وسطر سطر يا تاريخ

وتغنوا بوانغا

ورفعوا ايمن سعيد

ومدحوا تراوري الهارب

و خرجت مسيراتهم في شوارع العرضه احتفالا بالفوز علي اضعف فريق

ووصفوا نادر مالك بالمشجع

وانا المريخ وانا التاريخ والمجد والمريخ توأمان

وكادوا ان يقيموا حفلا يغني فيه فرفور

وانصاف مدني كانت جاهزة عود وطنبور

ومحسن سيد قال ان من يريد العرض يدخل السينما الوطنيه

و برهان فرحان بالفوز علي طيش الدوري بالرباعيه

والغريب ان جمهور المريخ اصابته فرحة هستيريه

وعالمي ولا تكلمني وكلكلني ولا تبهدلني وخسرت الدوري وما تزعجني

لقد كانت الهزة في كادقلي وكانت الصدمة في كادقلي

وغدا سيكتب مزمل عن اهداف المريخ الضائعه في كادقلي وجريمة الجوازات

و سيكتب ابوشيبه عن ظلم الحكم وجريمة الجوازات

و سيكتب سلك عن هروب تراوري وجريمة الجوازات

لقد ظنوا ان رقصة الكمبلا مجرد رقصة تؤدي بسهوله

والكمبلا لها نظم معقدة وطقوس مرتبة وتكتيكات لا يجيدها الا مجدي مرجان

ولكن الأصح إن لها ميقات وطقوس لا تخرج عن نطاقه إطلاقا مهما كانت الظروف

انها اصلا تراث نوبي تمارسه بعض القبائل في كادقلي

وهي قبائل القوري والصبوري ( منشا الكمبلا ) كادقلي ميري مورتا

وبعد كادقلي النوم جافاني قسمته لي جيراني

لكن يا ناس المريخ اعملوا حسابكم من رعب فقدان الدوري فهو شيئ خطير و ممكن يمرضكم فرجاء عند ظهور اعراضه ابلاغ اقرب مستشفي في كادقلي :

ـ ضيق في التنفس

- احساس بضربات القلب

- صعوبة في البلع وكان شيئا يسد بلعومه

- دوخة

- دوار

- عدم اتزان أثناء السير

- نزيف حاد ومتواصل ولونه احمر

- سخونة أو برودة في كل جسده

- عرق غزير

- إغماء

- ارتعاش في كل الأطراف



[[[]]] هل حجاجنا كاذبون ؟

لا والف لا

فالسيد وزير الارشاد يقول ان الطعام ممتاز جدا جدا جدا

ونفي في البلد الحرام وفي الشهر الحرام كل ما حدث للحجاج

وبطريقة عادل امام قال ان الطعام ممتاز ( والرغيف كبييير والمواصلات فاضيييه )

ونفي السيد الوزير استدعاء بعثة الحج من قبل السعوديين

وقال بعض اعضاء البعثة ان الحجاج قالوا ان الطعام ممتاز وان المشكلة فقط في النزول من الطوابق العليا لتناول الطعام - انتهي

هل نضحك ام نبكي

يا ناس والله حجاجنا حقا يعانون الأمرين كل عام بدأ من التقديم الذي يرهق الحاج ماليا وساعات الوقوف في صفوف طويلة واجراءات معقدة و زحمة حجز

وهناك المعاناة الكبيرة في المشاعر والسكن والاطعام وضياع كبار السن اياما والتكدس في المطارات

ويخرج علينا امراء الحج المرفهين ليتحدثوا عن خدمات مثاليه اشبه بتلك التي نشاهدها في الافلام المصريه والسجون عند زيارة المسئوليين لها حيث تنظف الزنزانات وترش بالمياه ويقدم للسجانون اطعمة فاخرة وليوم واحد

لقد نقلت الاخبار ان حجاجنا المساكين قد تقدموا بشكوي للسلطات السعودية يشكون فيها بعثة الحج السودانيه عن سوء الخدمات مقابل ما يدفعونه من عملة صعبه ( الآف الريالات )

نعم الحجاج تقدموا بشكوى لوزارة الحج السعودية ضد البعثة السودانية الرسمية..

وفعلاً استدعت وزارة الحج مندوب البعثة وأنذرتهم..

وقال مندوب وزارة الحج السعودية لمندوب البعثة السودانية (عيب عليكم)..

و الأطباء السودانيين العاملين في المملكة العربية السعودية لا يمكن ان يكذبوا وقد زاروا الحجاج في مساكنهم ووفروا لهم الطعام

من الكاذب ؟ حجاجنا الابرياء ام بعثات الحج التي يعرفها الجميع بال..

الافضل ان مطوفون سعوديون كل امور الحجيج السوداني - يجب ان تبتعد بعثات الحج عن هذه المهمة لانها غير موثوق بها



[[[]]] العارف كادقلي يستريح :

-- الو معتصم معاك جمال الوالي

-- اهلا يا باشا اي خدمه

-- خدمة شنو يا معتصم الحاصل شنو في كادقلي ؟

-- والله ياباشا وصيناهم لكن اسود الجبال خطيرين

-- خطيرين يعني شنو ؟

-- وين حكامكم ووين صلاح محمد صالح

-- ياباشا حاولوا يحسبوا للمريخ بلنتات لكن ما كان في طريقه

-- وحسع يا معتصم حنعمل شنو لو الهلال فاز علي الخرطوم وفاتنا

-- يا باشا حنحاول نفرمل الهلال بأي طريقه بس المهم انت ما تزعل

-- بصراحة انا زعلان لانك ما شايف شغلك وانا ما راضي عنك

-- اعوذ بالله ياباشا نحن ما قصرنا مع المريخ

-- وفي سيكافا اجلنا الدوري عشان المريخ

-- وفي كل مباراة الحكم مع المريخ

-- ده ما كفايه يا معتصم انا داير الدوري يعني داير الدوري

-- انت داير ناس نادر وقريش يضحكوا علي

-- لا يا باشا ما عاش اللي يضحك عليك

-- وعلي العموم انا بحاول لكن باضمن ليك الكاس

-- طق طرق طق طرق

-- الو الو ياباشا الو الو الو الو - لا حول ولا قوة الا بالله - الراجل قفل الخط في وشيي

-- ياربي انا غلط علي الباشا والا شنو - الله يستر