* ناس المريخ فقدوا البوصله
*والفريق يترنح بشدة نحو الهاويه
* والحكايه ابتدت من الدوحه
* وصدق الله في محكم تنزيله بسم الله الرحمن الرحيم ( ان المبذرين كانوا اخوان الشياطين )
* والله لا كسب البايرن وسنين البايرن
والصحف الحمراء والصفراء بدأت تتململ
ومجزره شطب كبيره بدأت تطيح بلاعبين عمروا طويلا في المريخ
و هتافات في الشوارع ارحل ارحل ياوالى والوالي الوالي مش رئيس طوالي
وشبيحه وبلطجيه ورباطه يجوبون باسلحتهم شوارع العرضه جنوب
* وتقول الجنجاويد دخلوا الخرطوم لتحرير المريخ والقلعه الحمراء
* والتقشف قطع تذكره العوده
* وعصام الحاج بيشتري في البدل الجديده
* وكده وووب وكده وووبين
وجرأة غير عاديه من الاقلام الحمراء وهي تقول : ان الوالي لا يحتاج الى جمعة غضب لان كتابه مفتوح وهو الاداري (رقم صفر) في ترتيب رؤوساء المريخ و الوحيد الذي حكم المريخ اكثر من عشرة سنوات على التوالي ولم يحقق انجازا الا بمساعدة صديق !!
والمطبلاتيه بيقولوا ان الوالي خط احمر
والمنظراتيه شغالين احلال وابدال
* واتوفيستر بقي ينوم من المغرب بعد ما وقع عليهو لاعب هلال الفاشر
* وممكن يتغير المريخ كله وعمنا اتو ما عارف
* وممكن يوضع الخطه بالاسماء المشطوبه
* والراجل مسكين بره الشبكه
* وممكن الفريق كله يتغير وهو ما جايب خبر
وقروش الوالى ما ليها حد و ممكن يشتروا برشلونه كله
والوالي مستحيل يمشي من المريخ
* ولو مشي بيقلب عاليها واطيها والكهربا بتقطع
ودى ديونى على المريخ والحساب ولد
* والناس تعتصم قدام بيته ويرجع تاني
ومن ساعة عالمي ولا تكلمني والمريخ متشلهت ياعينى
يارب السبب شنو ؟
قالوا السبب هو بله جابر عندما اصبح كابتنا للفريق
وقالوا السبب اكرم وحركات اكرم
وقالوا السبب مزمل والتطبيل الكتير
وقالوا السبب الحضرى والعمله في المريخ
وقالوا السبب ابراهومه لانه طلع زعلان
و قالوا السبب اتوفيستر المخرف وقعدتو مع ناس مازيمبي
وقالوا السبب طارق وعداءه للاعلام
وقالوا السبب انسحاب الدجاجة الاثيوبيه والغزاله الصوماليه
وقالوا السبب جهشة بله جابر
وقالوا السبب هزيمة الهلال لمازيمبي
وقالوا السبب تمرد هيثم مصطفي
وقالوا السبب ابوشيبه والتحكيم
وقالوا السبب على بابا والاربعين حرامي
وقالوا السبب ناس ابوعاقله اماسا لما كتب : حاولت أمس أن أكتب متصنعاً التفاؤل، وأن أتناول ما نتمناه ونتطلع إليه، ولكن المريخ كعادته في الآونة الأخيرة لم يترك لنا مساحة للتفاؤل..
وقالوا السبب ما حدث في اتحاد الحصاحيصا والفيتامين سي
وقالوا السبب حوافز لاعبى المريخ في حالة الخساره
وقالوا السبب خروج المريخ من التمهيدي
وقالوا السبب احساس المريخ ان الدورى قد يطير منه
* وقالوا السبب تصدر الهلال والتفوق الافريقي
وقالوا السبب الاحلال والابدال
وقالوا السبب ناس نادر مالك وقريش
وقالوا السبب ان المريخ يدار بمزاج الاداريين ولا مجال لمراعاة مصلحته ولا مكان للتعاطف مع الغبش الغلابة الذين لا يفرحون الا بانتصاراته ويحزنون لسقوطه وهزيمته التي تكررت كثيراً في عهد حكم الجلابة .!
وقالوا السبب مقالات التسكين والخدر وادينى الحقنه بسرعه ارجوك محتاج الجرعه
وقالوا السبب ما قاله البعض ان المريخ يمرض ولا يموت والظاهر ان الموت يسبق المرض احيانا
وقالوا السبب شطب السعودى والزومه وسادومبا
وقالوا السبب رفض جمال الوالي عودة هيثم للهلال
وقالوا السبب هتاف الجماهير الليق الليق يا عواليق
* انها لعنة البايرن وريبيري ومرضة عالمي وما تكلمني التي اصابت المريخ ولم يشفي منها حتي الآن
من هنا وهناك :
(()) عمر حجوج ابدي امتعاضه من هيثم مصطفي والذي يمارس دﻻل غير عادى على ناد قام بتسجيله بعد ان تم شطبه من الهﻼل وبدﻻ من تقدير اﻻمر ياتى ليمارس غيابا ﻻيعرفه اﻻ الرئيس انها مهزلة حقيقية وهذا المتﻼعب ﻻبد من شطبه وان كنت الرئيس لشطبته ﻻيمكن لﻼعب يغيب اكثر من خمس اشهر بغير مبرر ..
(()) أكمل الهلال اتفاقه مع أطهر مقابل مبلغ كبير ومال و منزل بأبوسعد فهل يستحق هذا اللاعب كل هذا واين كان اطهر في العام الماضي - نتمني ان يكون اطهر مفيدا للهلال وان لا يكون حبيسا للكنبه
(()) سيرجيو ثم فالديسي كانديدو جونيور و السامبا تعانق الهﻼل وكاس العالم في البرازيل وندعو الله ان يوفق هؤلاء مع الهلال في البطوله الافريقيه وفأل خير يا شباب السامبا
(()) الاهلي الليبي خذل المريخ والكاف حول مباراته الي تونس - المريخ يشعر بالحرج الشديد بعد ان رفض للهلال استخدام ملعبه - هي بكل المقاييس سابقة غير وطنيه وخطيره لن ننساها في الهلال
محمد حسن شوربجى