الهلال ينتصر ودون مدرب
النابي في النابي ما في
كامبوسر في كامبوس ما في
الهلال هو المعز ومساوي وعمر بخيت
الهلال هو بكري وكازيكا وخليفه
الهلال هو نزار والشغيل
الهلال لن يموت عشان مدرب راح او مدرب جا
وهو قدامكم متصدر باستحقاق للدوري الممتاز
وثلاثيه ناريه في الفرقه الاكسبريسيه
وبدون النابي وبدون كامبوس
ومجدي مرجان كفايه علينا
وما تخافوا علي الهلال
والهلال ممكن يشيل الدوري بدون مدرب
والهلال ممكن يشيل الافريقيه دون مدرب
والهلال ممكن يضرب الوصيف في القمه
ومين يراهن
واخلاقنا رياضيه
وعطبره هلاليه
ومباراة نظيفه
ما قلتوا جمهور عطبره متعصب
وين التعصب ده انتو المتعصبين
المشكله في المريخ
وكراهية الناس للمريخ
وتكبر اهل المريخ
وانا عالمي وما تكلمني
في الفاشر شكل شديد
واتوفيستر كان حيروح فيها
و اشتباك بين لاعبي المريخ وهلال الفاشر
و7 بطاقات للمريخ العالمي وما تكلمني
وضرب من باسكال للاعب الهلال ادم والذي اصطدم بالمدرب التوفيستر الذي دخل الملعب من اجل شد انتباه الحكم
وقارنوا اخوتي ما بين الهلال والمريخ
وقارنوا اخوتي ما بين جمهور الهلال وجمهور المريخ
المريخ بيتشاكل في عطبره
والمريخ بيتشاكل في شندي
والمريخ بيتشاكل في الفاشر
والهلال محبوب في عطبره
والهلال محبوب في شندي
والهلال محبوب في شندي
الهلال بصراحه حاجه تانيه في اتبرا
والهلال بيحب اتبرا
والهلال بيحب فول اتبرا
وسامحنا يا جمال حسن سعيد
وسامحنا يا صلاح حسن سعيد
وسامحنا يا زغبير
وسامحنا يا شوقي
وسامحنا يا شجرابي
وسامحنا يا أبو شنب
وسامحنا يا كمال حامد
سامحونا يا ناس الوادي والوطن والشبيبة والنسر والشاطئ
وسامحونا يا عمال السكه حديد
اتبرا يا اخوانا عزيزه علينا
وهى حديد ونار وقد قال فيها هاشم حسن الطيب:
لمان تدفق عطبرة سيور الغضب
لمان تشابى من الورش ألسن لهب
تملأ الشوارع بالهتاف الداوي في اليوم الصعب
تتحدى في عزم مكين
تخرج جموع الكادحين
ممزوجه بى دم الزنوج الحار وبى عزم العرب
أهي عطبرة
للما سمع للقايل التاريخ كضب
أهي عطبرة
وأينما تكون شعلة نضال وولاده ماسكين الدرب
عن الكفاح لا لن نحيد
يا عطبرة النار والحديد
صوتك ملأ الآفاق هدير بيسمعوا الراح والقرب
يا عطبرة النور البشع الحاشا عننا ما إتحجب
يا عطبرة النار أم لهيب لعدوها بتسوى العجب
يا عطبرة الأم الحنون حبك على الأوطان وجب
يوم شمرتى والجرح إتوصل
سكتى في اليوم العظيم صوت العمل
سجلتا أعظم انتصار توج كفاحك في رجب
سامحونا اهل اتبرا فانتم فى حضرة الهلال
الهلال ما خلي حاجه للمريخ
الدوري ومتصدروا
وفي الافريقي مع كباروا
خبر وتعليق
الخبر :
(()) هدد المتهمون بتجاوزات في الأراضي والأموال بمكتب والي الخرطوم، بكشف معلومات خطيرة حول الاتهامات التي وجّهت لهم، ويجري التحقيق معهم حولها، هددوا بما أسموه كشف المستور.
وقال مصدر لصيق للتحريات ان المتهمين تم توقيفهم بحراسة ادارة التحقيق الجنائي التابعة للمباحث الجنائية بالخرطوم بحري. وأكد المصدر أن جملة الأموال السائلة التي أعادها المتهمون 2 مليار جنيه فقط. و15 ملياراً من المال الذي تم استرداده عبارة عن عقارات وأراضي وعربات، وأصول.
[[]] التعليق :
اذا اختلف اللصان ظهر المسروق
الخبر:
(()) علاء الدين يوسف لم يتخلي عن هواياته الشلاليتيه وفي مباراة هلال الفاشر قام بضرب لاعب هلال الفاشر
[[]] التعليق :
من خلي عادته قلت سعادته - في وقت سابق قررت ادارة المريخ منح علاء الدين شارة الكابتينيه ويا سبحان الله زول شلاليت يكون كابتن للفريق - انه فريق المريخ
الخبر :
(()) المحاكم السعوديه تبرأ السيد صلاح ادريس الارباب من كل التهم الموجهه اليه - والارباب ينوي ترشيح نفسه لرئاسة الهلال
[[]] التعليق :
هل يجيز القانون ترأس الاجانب للاندية السودانيه فصلاح ادريس يحمل الجنسية السعوديه فان كان كذلك فقد يستجلب نادي المريخ رئيس يهودي بعد ان قرر السيد جمال الوالي ترك المريخ والهجرة الي بريطانيا
الخبر :
(()) الجكومي يخسر ويخسر ويخسر
[[]] التعليق :
ما طار طير وارتفع الا كما طار وقع وهذا جزاء سنمار وكل من يغلط علي جمهور الهلال العظيم
محمد حسن شوربجي