المشهد الاول :

بصراحه الاعلام الهلالي هو سيد كل الساحه الرياضيه

والاعلام الهلالي هو المتحكم في كل الاحداث الرياضيه

والاعلام الهلالي بالجد حاضر في كل المناسبات الرياضيه

ولا تفوته وارده او شارده

والاعلام الهلالي هو الاعلام الوحيد والجدير بأن يقرأ

فهو اعلام مقنع

والمريخ اكيد بيخاف شديد من اعلام الهلالي

والاتحاد العام اكيد بيخاف شديد من الاعلام الهلالي

والجكومي اكيد بيخاف شديد من الاعلام الهلالي

اعلام الهلال هو المسيطر علي كل الجو الرياضي في السودان

وبيده وحده تغيير الكثير من القضايا للصالح الهلالي

الهلال بصراحه فخور باعلامه الرائع

والهلال بصراحه قوي بأعلامه القوي

الاعلام الهلالي تعمل كل اقلامه علي نصرة الكيان

الاعلام الهلالي هو الذي هزم الوزير وجعله ينسحب مطأطأ الرأس

والاعلام الهلالي هو من هزم كل اللوردات وجعلهم يختفون من الساحه الرياضيه

لا يجرؤ كائنا من كان ان يسيئ للهلال في وجود اعلامه الرائع

ولا يجرؤ كائنا من كان ان ينال من الهلال

اعلام الهلال هو العين الساهره لكل الاسياد

برافو اعلام الهلال



المشهد الثاني:

لولا هدف المدافع نادر في مرماه لما استطاع المريخ البقاء متصدرا للدوري

فالهدف الثانى وكما هو معروف تسلل واضح وصريح ولثلاثه من لاعبي المريخ

المحزن ان الحكم المسكين والذي يحركه اتحاد معتصم بالرموت كنترول صفر مشيرا لدائرة السنتر

والتعليمات ليهو صريحه وواضحه ويجب ان يفوز المريخ بدوري هذا العام

واحنا وعدنا الوالي بكده

ووعدنا رئيس الجمهوريه بكده

ومصطفي عثمان اسماعيل عنده خبر

وناس عفراء عندهم خبر

الهدف الثاني ايها الاخوة شبيه لهدف اديس انيستا بالظبط

ولكن سيحه طبعا حيدخل لون النجيله

وحيدخل لون العارضه

وحيدخل لون الفنايل

وكلها يصورها قوز قزح ودقي يا مزيكه

قارنوا اخوتي ما بين الحالتين وقولوا لينا الحقيقه

ما هو نفس الحاله والكوره رجعت من الحارس وتقدم لها لاعب متسلل واحرز الهدف

بس القاسم المشترك الاعظم هو ان تكون المصلحه العليا للمريخ هي الطاغيه

وهنا مربط الفرس

وهنا يظهر الفشل التحكيمي السوداني

وخرمجات جماعة صلاح محمد صالح

والتأثير الضار علي الكثير من النتائج

ايادي خفيه هي من تحاول تغيير الوقائع علي الارض

الوزير الفلاني

والقطب العلاني

وتبقي الحقيقه ماثله ولا يصح الا الصحيح

المريخ ليس اهل لان يكون بطلا للدوري

المريخ يا اخوانا ضعيف جدا

وحتشوفوا في التمهيدي الافريقي كيف سيكون المريخ

وسلمولي علي كروجر



المشهد الثالث :

ﺗﺪﻋﻮﻛﻢ ﺍﻣﺎﻧﺔ ﺍﻟﻌﻀﻮﻳﺔ ﺑﺎﻟﺘﺮﺍﺱ ﺍﻟﻬﻼﻝ ﻟﺤﻀﻮﺭ ﺍﻟﺠﻠﺴﺔ ﺍﻻﺳﺮﻳﺔ ﺍﻟﺸﻬﺮﻳﺔ ﻻﻟﺘﺮﺍﺱ ﺑﻨﺎﺩﻱ ﺍﻟﻬﻼﻝ اليوم ﺍﻟﺠﻤﻌﺔ ﺑﻌﺪ ﺻﻼﺓ ﺍﻟﻤﻐﺮﺏ ﻭﻧﻨﻮﻩ ﻟﻠﺠﻤﻴﻊ ﺑﺎﻥ ﺑﺎﺏ ﺍﻟﻌﻀﻮﻳﺔ ﻣﻔﺘﻮﻭﻭﺡ ﻟﺠﻤﻴﻊ ﺟﻤﺎﻫﻴﺮ ﺍﻟﻬﻼﻝ ﻟﻜﻞ ﻣﻦ ﻳﻮﺩ ﺍﻻﻧﻀﻤﺎﻡ ﻟﻼﺳﻮﺩ ﻣﻌﺎ ﻧﺘﺤﺎﻭﺭ ﻭﻧﺘﻔﺎﻛﺮ ﺣﺘﻰ ﺗﺼﻴﺮ ﺍﻟﻤﺪﺭﺟﺎﺕ ﺟﺤﻴﻤﺎ ﻻﻳﻄﺎﻕ

بصراحه تشجيع التراس الهلال ضعيف للغايه

والتراس الهلال تعبانين خالص

والتشجيع عامه هزيل للغايه

وادوات التشجيع لا صوت لها

وفي كل مباراة نسمع صوت شخص واحد عبر الميكرفون

يهتف بأسم الهلال

وبعد فتره ينقطع هذا الصوت ايضا

وينام المشجعين في المدرجات

دعوتي لالتراس الهلال ان تتعلم الجديد من التراس الاهلي المصري كيف يكون التشجيع

علينا ابتعاث مجموعه للقاهره لاقتباس طرق التشجيع وكيف تكون

الهلال في حاجه لالتراس رهيب يهز المدرجات

التراس يتواصل في اوقات الشده

التراس يوقظ اللاعبين من ثباتهم

التراس يغير كل النتائج

التراس يعيد البسمه للقلوب الزرقاء

التراس يكون هو الاول في السودان

دايرين تشجيع يزلزل الارض تحت اقدام الخصوم

ما دايرين التراس بالاسم وبس

دايرين رجال يتوشحون الازرق

ولا شيئ سوي الازرق



ختام المشاهد :

هلال سامي توسنامي

هلال سامي يبدع في كل مكان وزمان

مبروك هلال السعوديه من هلال السودان

الرباعيه الزرقاء في مرمي وليد عبد الله

اسياد السودان يهنئون اسياد السعوديه



محمد حسن شوربجي