تلاتة واجدة يامازدا
عاد ود الحيشان التلاتة مازدا لهوايته المحببة ونال المنتخب الوطنى ربع دستة بأرضه مقابل هدف من منتخب ليسوتو الضعيف حيث أحرز بكرى المدينة الهدف الأول فى الدقيقة الثالثة وعادل لفريق ليسوتو الطرف اليسار ثيرو ما ن فى الدقيقة 46 وإنتهى الشوط الأول بهذه النتيجة ، وبدأ شوط المدربين ورسب كالعادة مازدا وأخرج بكرى وأدخل نادر الطيب وبعد شوية تم طرد ضفر بالكارت الأحمر ولعب مازدا بكاريكا رأس حربة وحيد ... وأحرز الضيوف الهدف الثانى فى الدقيقة 78 بواسطة ناسيبو وبعد دقيقتين أضاف الضيوف الهدف الثالث بواسطة كاسيلى ، أدار المباراة الكينى سلفيستر شروة ، ولم تكن المباراة متلفزة ولله الحمد ، وتقدم ليسوتو الضعيف للمركز تانى الطيش فى المجموعة الرابعة وإحتل منتخبنا المركز الطيش بلا منازع... ومثل منتخب جنائز السودان الحارس الضعيف إيهاب زغبير ومعه خط دفاع يتكون من أربعة أشباح هم مالك وضفر وفارس والطاهر سادومبا وفى الوسط أربعة أقول عليهم شنو مانى عارف !!ّ وهم مهند وأمير كمال وراجى ونزار ودخل نادر الطيب وآدم ساير بدلاء بكرى وراجى ... يا أخوان والله أنا نفسى مقفولة ولو ما إلتزام أدبى بالكتابة الواحد يمشى ينوم بلا عشاء ويقول الله يجازى الكان سبب !! نحن فى غربة عايزين نفرق الهم بمناكفة هلال مريخ لأننا كان بارينا مازدا وإتحاد الذل والهوان بغطسوا حجرنا.
*** هل تؤجل عودة تراورى مباراة القمة
مباراة القمة هى التحلية بعد الأكل أو هكذا تعودنا عليها فى السودان وكنا فى الماضى نؤجلها حتى نهاية الدورة وفى العام السابق أقيمت مباراة الديربى بدون تأجيل ، ولكن هذا العام الديربى مهدد بالتأجيل لأن الراعى شركة سودانى تكبدت الكثير من الخسائر بسبب تعثر التلفزة ومن مصلحتها تأجيل القمة حتى يكسب الدورى المزيد من الألق والأضواء ، طبعاً القمة مرنقة للتأجيل والهلال قال إنه فى الحالتين جاهز أما المريخ عامل فيها حريص على إقامة ديربى الخميس لكن بينى وبينكم المدرب كروجر عايز المزيد من الوقت حتى يلعب مباراة القمة وهلال مريخ لها طعمها الخاص ونكهتها المميزة ... وماتستغربوا بعد وصول تراورى إذا طالب المريخ ( تحت تحت بالتأجيل ) والمريخ عندو عقدة من الشفافية !! وكما نعلم تراورى من مالى وصانع الألعاب عمر سيدى بيه من مالى... بس بالرطانة تراورى يقول لى سيدى بيه ألعب الكورة شمال ضفر أو يمين بلة جابر وتانى عينك ماتشوف إلا الحضرى يجوط فى واوا وغاندى ... يجب على هجوم الهلال أن يلعب للحضرى قذائف أرضية والحضرى لو حاول يسقط عشان يصد قذيفة مهند أو كاريكا أو تراورى بتلقوه فى النقالة على السلاح الطبى عدل !! بالمناسبة السن ليها حكمها ووقعة العجائز شينة !! لذا لزم التنويه .
*** الهلال يفتح صفحة بيضاء بيد بيضاء
أعلن مجلس إدارة نادى الهلال فى بيانه للجماهير الزرقاء أن إتفاق التراضى بين الوزارة والإدارة هدف إلى تهدئة الخواطر وتصفية النفوس وتهيئة مناخ مستقر حتى يتمكن الفريق من مواصلة مشواره التنافسى حتى نهاية الموسم ، وفى الختام يؤكد المجلس وبكل الصدق والنوايا الحسنة أنه يمد يده بيضاء مصافحة ومتعاونة لكل هلالى ويتقدم بالشكر الجزيل لكل أبناء الهلال الذين إختلفوا معه قبل الذين وقفوا معه من أجل الهلال الكيان ، وأبناء الهلال عندما يجتمعوا فهم أهل فعال !! عشان كدة لاحظنا هضربة الجيران من هسه قبل مباراة القمة حيث أعلنوا فى بيان رسمى إستنكارهم لإنحياز الحكام للهلال وقالوا مفروض المعز ينال كارت أحمر فى مباراة مريخ الفاشر !! ياناس قولوا بسم الله وختوا الرحمن فى قلبكم !! يادوب إتذكرتوا مباراة مريخ الفاشر !! صحى النوم يامجلس اللوردات !! وقول لى كلاتشى عندك 7 أهداف وسيد التسعة رجع !! معقول عودة الإستقرار تسبب كل هذه الهضربة !! مجلس اللوردات هين أخبار العنقالى سيد الباسطة شنو !! بعد الوزير الطيب حسن بدوى قال مجلس البرير شرعى !! وكما يقول أهلنا القريات فى مثلهم الشعبى ( النغم مبارى الزى ) والزول الطاعم حاجته طاعمة... وأكيد باسطة العنقالى مسيخة ياعبدالله بلل القرياتى .
*** همسة الوداع
صدقونى مجلس اللوردات ماعنده موضوع ... مجلس طول وعرض إجتمع عشان يطلع بيان ويقول مفروض المعز ينطرد فى مباراة الهلال مع السلاطين !! هسه معقول مجلس الهلال يطلع بيان ويقول يجب طرد أكرم أو الحضرى فى المباراة الفلانية !! كبير إنت ياهلال ...وليك حق تكون سيد بلد ، وللذكرى والتاريخ يوم الخميس 10يونيو 2010 فى مباراة كأس الممتاز بين الهلال والمريخ تم طرد المعز وفاز الهلال بثنائية مهند وكاريكا وفى النهائى مساء الخميس 18 نوفمبر فاز الهلال بثلاثية مقابل هدفين أحرز للهلال بشة هدفين وبارى ديمبا هدف وأحرز للمريخ سعيد ولاسانا وكان مدرب المريخ وقتها ( كروجر حى الدنيا ده ) ... والطريف أن كروجر هذه الأيام يتحدى الهلال بالثنائى المشطوب وقال يمكن أن يلعب هيثم ولو بلغ عمره 80 سنة ولو كان فى كرسى متحرك !! وبهذه المناسبة نهمس فى أذن صاحب القلم الأحمر إنت الخواجة المطرطش ده عايز ليه صانع ألعاب ولاّ متسول ؟ مجرد سؤال
عاد ود الحيشان التلاتة مازدا لهوايته المحببة ونال المنتخب الوطنى ربع دستة بأرضه مقابل هدف من منتخب ليسوتو الضعيف حيث أحرز بكرى المدينة الهدف الأول فى الدقيقة الثالثة وعادل لفريق ليسوتو الطرف اليسار ثيرو ما ن فى الدقيقة 46 وإنتهى الشوط الأول بهذه النتيجة ، وبدأ شوط المدربين ورسب كالعادة مازدا وأخرج بكرى وأدخل نادر الطيب وبعد شوية تم طرد ضفر بالكارت الأحمر ولعب مازدا بكاريكا رأس حربة وحيد ... وأحرز الضيوف الهدف الثانى فى الدقيقة 78 بواسطة ناسيبو وبعد دقيقتين أضاف الضيوف الهدف الثالث بواسطة كاسيلى ، أدار المباراة الكينى سلفيستر شروة ، ولم تكن المباراة متلفزة ولله الحمد ، وتقدم ليسوتو الضعيف للمركز تانى الطيش فى المجموعة الرابعة وإحتل منتخبنا المركز الطيش بلا منازع... ومثل منتخب جنائز السودان الحارس الضعيف إيهاب زغبير ومعه خط دفاع يتكون من أربعة أشباح هم مالك وضفر وفارس والطاهر سادومبا وفى الوسط أربعة أقول عليهم شنو مانى عارف !!ّ وهم مهند وأمير كمال وراجى ونزار ودخل نادر الطيب وآدم ساير بدلاء بكرى وراجى ... يا أخوان والله أنا نفسى مقفولة ولو ما إلتزام أدبى بالكتابة الواحد يمشى ينوم بلا عشاء ويقول الله يجازى الكان سبب !! نحن فى غربة عايزين نفرق الهم بمناكفة هلال مريخ لأننا كان بارينا مازدا وإتحاد الذل والهوان بغطسوا حجرنا.
*** هل تؤجل عودة تراورى مباراة القمة
مباراة القمة هى التحلية بعد الأكل أو هكذا تعودنا عليها فى السودان وكنا فى الماضى نؤجلها حتى نهاية الدورة وفى العام السابق أقيمت مباراة الديربى بدون تأجيل ، ولكن هذا العام الديربى مهدد بالتأجيل لأن الراعى شركة سودانى تكبدت الكثير من الخسائر بسبب تعثر التلفزة ومن مصلحتها تأجيل القمة حتى يكسب الدورى المزيد من الألق والأضواء ، طبعاً القمة مرنقة للتأجيل والهلال قال إنه فى الحالتين جاهز أما المريخ عامل فيها حريص على إقامة ديربى الخميس لكن بينى وبينكم المدرب كروجر عايز المزيد من الوقت حتى يلعب مباراة القمة وهلال مريخ لها طعمها الخاص ونكهتها المميزة ... وماتستغربوا بعد وصول تراورى إذا طالب المريخ ( تحت تحت بالتأجيل ) والمريخ عندو عقدة من الشفافية !! وكما نعلم تراورى من مالى وصانع الألعاب عمر سيدى بيه من مالى... بس بالرطانة تراورى يقول لى سيدى بيه ألعب الكورة شمال ضفر أو يمين بلة جابر وتانى عينك ماتشوف إلا الحضرى يجوط فى واوا وغاندى ... يجب على هجوم الهلال أن يلعب للحضرى قذائف أرضية والحضرى لو حاول يسقط عشان يصد قذيفة مهند أو كاريكا أو تراورى بتلقوه فى النقالة على السلاح الطبى عدل !! بالمناسبة السن ليها حكمها ووقعة العجائز شينة !! لذا لزم التنويه .
*** الهلال يفتح صفحة بيضاء بيد بيضاء
أعلن مجلس إدارة نادى الهلال فى بيانه للجماهير الزرقاء أن إتفاق التراضى بين الوزارة والإدارة هدف إلى تهدئة الخواطر وتصفية النفوس وتهيئة مناخ مستقر حتى يتمكن الفريق من مواصلة مشواره التنافسى حتى نهاية الموسم ، وفى الختام يؤكد المجلس وبكل الصدق والنوايا الحسنة أنه يمد يده بيضاء مصافحة ومتعاونة لكل هلالى ويتقدم بالشكر الجزيل لكل أبناء الهلال الذين إختلفوا معه قبل الذين وقفوا معه من أجل الهلال الكيان ، وأبناء الهلال عندما يجتمعوا فهم أهل فعال !! عشان كدة لاحظنا هضربة الجيران من هسه قبل مباراة القمة حيث أعلنوا فى بيان رسمى إستنكارهم لإنحياز الحكام للهلال وقالوا مفروض المعز ينال كارت أحمر فى مباراة مريخ الفاشر !! ياناس قولوا بسم الله وختوا الرحمن فى قلبكم !! يادوب إتذكرتوا مباراة مريخ الفاشر !! صحى النوم يامجلس اللوردات !! وقول لى كلاتشى عندك 7 أهداف وسيد التسعة رجع !! معقول عودة الإستقرار تسبب كل هذه الهضربة !! مجلس اللوردات هين أخبار العنقالى سيد الباسطة شنو !! بعد الوزير الطيب حسن بدوى قال مجلس البرير شرعى !! وكما يقول أهلنا القريات فى مثلهم الشعبى ( النغم مبارى الزى ) والزول الطاعم حاجته طاعمة... وأكيد باسطة العنقالى مسيخة ياعبدالله بلل القرياتى .
*** همسة الوداع
صدقونى مجلس اللوردات ماعنده موضوع ... مجلس طول وعرض إجتمع عشان يطلع بيان ويقول مفروض المعز ينطرد فى مباراة الهلال مع السلاطين !! هسه معقول مجلس الهلال يطلع بيان ويقول يجب طرد أكرم أو الحضرى فى المباراة الفلانية !! كبير إنت ياهلال ...وليك حق تكون سيد بلد ، وللذكرى والتاريخ يوم الخميس 10يونيو 2010 فى مباراة كأس الممتاز بين الهلال والمريخ تم طرد المعز وفاز الهلال بثنائية مهند وكاريكا وفى النهائى مساء الخميس 18 نوفمبر فاز الهلال بثلاثية مقابل هدفين أحرز للهلال بشة هدفين وبارى ديمبا هدف وأحرز للمريخ سعيد ولاسانا وكان مدرب المريخ وقتها ( كروجر حى الدنيا ده ) ... والطريف أن كروجر هذه الأيام يتحدى الهلال بالثنائى المشطوب وقال يمكن أن يلعب هيثم ولو بلغ عمره 80 سنة ولو كان فى كرسى متحرك !! وبهذه المناسبة نهمس فى أذن صاحب القلم الأحمر إنت الخواجة المطرطش ده عايز ليه صانع ألعاب ولاّ متسول ؟ مجرد سؤال
اذا كان جواب الهمسة بنعم .. انا عندى ناصية فى السوق العربي على كيفك جنب الجامع