على صفيح ساخن نادر التوم
قوول تلااااتة!!
تسخينة: العرض (مستمر)!
مضحكون جدا هؤلاء الهلالاب، مضحكون حد الشفقة، وحاقدون (لى درجة)..
قبل أن يلعب المريخ بل قبل أن يسافر إلى أنغولا كانوا مهتمين به
إنشغلوا به عن فريقهم الكحيان وعن حاله المائل وطفقوا يكتبون عن الزعيم
ولما مُنى فريقهم بهزيمة ثقيلة وقاسية ومتوقعة، وكان المريخ يلعب بعدهم
ظلوا يُرسلون (الأمانى العذبة) ويدعون أن يهزم أكبر من (خيبتهم)
ولما حقق المريخ نتيجة إيجابية جدا بحساب الذهاب والإياب
نسوه و(ما جابوا ليو سيرة) لأنهم كانوا قد أعلنوا حالة الطوارئ
على مدربهم ورئيسهم ولاعبيهم وبعد كل هذا على الفريق العاجى
المضحك ان بعض الأقلام إحتفت بفوز الاهلى شندى بهدف يتيم
وقالوا إن الاهلى مسح أحزان الكرة السودانية بهذا الفوز بالله؟؟ ياسلام؟
وبحسابات الذهاب والإياب، نجد أن الأهلى موقفه أصعب من القمة
صحيح الهلال ستة وتسعين فى المية طار، وإعلامه يؤمَِل على الأربعة
فى الميه الباقية، وهذا جيَِد لأن الطموح وعدم اليأس مطلوبين
المريخ خسر بهدفين لهدف وهو الاكثر حظا برضو بى نسبة 96%
والأربعة الباقية إحتمال تأهل الفريق الأنغولى (ليوبولو)
وذلك بحسبان أن الفريقين يلعبان الرد فى أم درمان كل فى ملعبه
وبإعتبار السند والدعم المعنوى والجماهيرى الكبير الذى سيجدانه
أما أهلى شندى فهو قد طار، وليس هذا حقد أو حسد لكنها الحقيقة
وذلك لعدة إعتبارات: أولها أن الفريق حقق نتيجة (مفخخة) ومخيفة
وثانيها أن مدربه (ما متفائل)، وثالثها أن لاعبيه ومدربهم يتحدثون بثقة
فى انهم يلعبون أفضل خارج القواعد قائسين بنتائج (الموسم لسابق)
وهذه ثقة لابد أن تؤدى بهم وتخرجهم، مثلما فعلت الثقة الزائفة فى( أبو اربعة)
الشئ (الرابع).. وهو المهم.. هو أن فريق دادة البيت والذى سخرنا منه وظلمناه..
فريق طموح ومنظم وفريق حماسى يؤدى بجدية وهو متطور
شأنه شان الكرة الإثيوبية التى لعبت فى الأمم والتى اعطاها هذا جرعة
معنوية هائلة، فتقدمت على صعيد الأندية والمنتخب، وإنعكس إيجابا على كرتهم، بعكس منتخبنا الذى انعكس طيرانه من الأثيوبيين سلبا على كرة القدم السودانية، ثم أن الجمهور الأثيوبى شرس وخطر و(مزاجو رايق)
ويشجع حتى نهاية المباراة ويدعم اللاعبين نفسيا ومعنويا
لكل هذه الأسباب نقول إن الأهلى شندى سيصبح (الضحية رقم تلاتة)
بعد الخرطوم الوطنى وهلال الوطنية، وبعد أيام وفى ظل عشوائية الإختيار والتعامل مع المنتخب، سنكتب عمودا بنوان قوول (أربعة)، وهنا لانعنى الهلال بالطبع لانو موضوعو إنتهى، ولكنا نعنى المنتخب اليتيم
وبذا سيبقى الزعيم يقاتل وحيدا ولابدَ من تضافر كل الجهود معه
من إتحاد وهلال وفرق كونفدرالية بعيدا عن الحزازات والحساسيات
وبعيدا عن الحقد والحسد والدونية، فقط لأنه يمثل الكرة السودانية
وحامل لوائها الوحيد فى المحافل الخارجية صاح ولا ما صاح؟؟؟
(2)
إنقلب السحر على الساحر، أحد كتاب الهلال الظريفين كتب فى (هترشة) من هترشاتو: المريخ ح ينغلب (أربعة)، وفى نفس العمود متسائل ترى ماذا فعل(أبو الهول) بالأمس؟؟؟؟ هو الهلال دا ذاتو من ما بقى كل من هبَ ودبَ يهترش وينظَِر ويكتب، بقى يطير من بدرى! وبعدين هى الكورة (عصر) إنت ما تحضرها وتعلَق، فى داعى لى ماذا فعل الهلال بالأمس؟؟ هو من أمس الزمااان فعل شنو يعنى، لما يفعل بالأمس الغريب دا؟؟؟
(3)
قال الشقيق أسامة عطا المنان إن الهلال سوف يقلب الطاولة ويتاهل
والهلال لن يرمى المنديل (المناديل بقت غااالية)، وله نسال: إنت قاصد ياتو هلال؟؟ هلال سنكارا ولا (الهلال الأحمر).... _المنتخب_، إن كنت تعنى هلال غرزته فقد (إتسنكر) مااان ولم يبق إلا الدفن فى المقبرة، أما الهلال الأحمر السودانى _فهو كذلك_ لن يتأهل لأنو طار زمان، من يوم نقاط زامبيا طارت زى كورة داريو كان، أسامة أعرض عن هذا! وخليك واقعى وما تعشَِم الناس ديل ساكت، الناس ديل (لواييييق) انا بعرفهم يقوموا يطيروا يجو يقولوا ليك ألست وعدتنا؟؟؟ ويطالبوك ترجعهم كمان إنت الجابرك شنو؟؟؟
(4)
قال ليك فى واحد عمل لى ناس الهلال (نفسيات) أقصد محاضرة تأهيل نفسى قبل السفر لأبيدجان، وكتَاب الهلال قالوا (من أين اتى هذا)؟؟ وبعدين قالوا المحاضرة دى هى السبب، الغريبة ناس الهلال ديل متناقضين التناقض دا يخلوهو ليهم ،صاح ولا ما صاح، واحدين قالوا زمااان الهلال لما أخد خمسة مازيمبية، فى زمن الأرباب عملوا إعداد نفسى مشى هناك غلب والناس كانوا متوقعنوا ياخد فى خاترو أكتر، المشكلة كلها إنو الناس ديل عندهم مشكلة مع البرير، لانو داك فى زمن الأرباب.. لاحظت؟؟ ودا (فى زمن الغربة والإرتحال) الإرتحال يعنى الطيران باللغة السنكارية! من الآخر كدا الكورة الجاية محتاجة شغل نفسى برضو، ولا بتجيب الأربعات تانى؟؟؟
(5)
أحمدوا ربنا إنو سافرتو ساحل العاج بعد الإسبوع (الرابع) من الممتاز، لو كان سافرتو الإسبوع (رقم 8) كان جرجيركم شرب الأصلو شربان، تخريمة: بمناسبة رقم تمنية دى: سيدى (البيه) ودومنيك ديل ح يلهطوا الدولارات د كلها، ويبقوا ناس ممتاز؟؟؟
(6)
مجدى ديمباوى دا هلالابى قلبو حار وكتااااب أمس بقرأ فى صفحتو ومدمع التقول مكتوبة فى _الممشى العريض_ الممشى العريض دا كمان كلامو براو خالد ابوشيبة صاحبى، التقول مكتوبة بى بمبان شططططه بس تعالوا النقرأ ليكم منها: (تآكل من الداخل وبلغ محلة الإنهيار).. يا ساااتر، (الهلال من بره هلَ هلَ ومن جوه يعلم الله) هلا هلا! من بره أربعة ياصاحبى ومن جوه دى لسه، ياخى انا عبيط كدا لى شنو ما أخلى الزول يتم كلامو، (المجلس خارج التغطية)فى الدهب؟؟ (ثعلب التسجيلات رئيس خالى قدرات وغارزيتو مصيرو يلزم بيتو) إتقاعد؟؟ (إعلام التخدير الكذب حبلو قصير) قصر من تمريرة سنكرة؟، (تعدد أسماء الروابط الهلالية: دار أبوك كان خربت شيل ليك فيها شيلة) ما تقول العرس بقى صعب، (سياسة الإقصاء: التسوَِى كريت فى القرض تلقاهو فى جلدها) الكلام دا فى (أشرعة العشم) هو فضَل فيها عشم يا مجدى اخوى مع الرباعية العاجية دى؟؟ هسه عليك الله خليت شنو يا ديمبا؟
معناتها إنتو بتشجعوا فى (فراغ).. صاح ولا ما صاح؟؟
(7)
المريخ محتاج لى هدف واااحد بس وبرضو نحن ماضامنين التأهل، وناس (الطوارئ) محتاجين لى تلاتة أقوان وبرضو ضامنيييييييين، دا بيعنى إنو نحن محبطين والناس ديل متفائلين، و بيعنى إنو نحن واقعيين أكثر من اللازم وهم خياليين أكثر من أقوان سيوسيو معلق فيو، صاح ولا ماصاح؟؟؟؟
(8)
عندى ليكم فكرة سمممحة، كدا كدا إنتو طايرين، ما تسمعوا الأوهام دى عشان كدا حقو تكسبو الزمن وتقفلوا ملف الأبطال(ما بشبهكم)، وكمان حظكم سمح ملف الكونفرالية المره دى بتقفل معاو تلقائيا (اوتامتيكلى)، وشوفوا ملف الممتاز من (عصرا) بدرى، لو فقدتو دا كمان جماهير الهلال بتقطَِعكم، صاح ولا ماصاح يا جماهيرهم؟؟
(9)
قالوا قوون تراورى من تمريرة سيدا.. هسه دى حالة ناس أخدوا محاضرة نفسية، ولا ناس عندهم (جنون البرنس)؟؟
كاتب هلالى إتحسَر على الأرباب الذى كان ينتقده، شان أرادوا الكمال للهلال (الكمال لله ياخ)، فاستولى على الهلال بعده الجاهلون يتبعهم الطفيليون ومصاصو _دماء الفرح_.. دماء الفرح دى جديدة، نحن بنعرف دموع الفرح غايتو! لكين مع هلال الجنائز كلو جائز، صاح ولا ماصاح؟؟
(10)
ويظل المريخ الحاضر والمستقبل والتأريخ وكلنا مريخاب
ويا مريخ هسه الأربعة دى ما كان أولى بيها إنت؟؟
وما يضير البحر أمسى زاخرا إن رمى فيه غلام بحجر؟؟
بكره إن شاء الله صفيح ساااااخر ضحك بى نمرة (أربعة)
آخر قطرة: ال(سيوى) ما حدَاث (صاح ولا ماصاح)؟!
وهذه بصمتى
قوول تلااااتة!!
تسخينة: العرض (مستمر)!
مضحكون جدا هؤلاء الهلالاب، مضحكون حد الشفقة، وحاقدون (لى درجة)..
قبل أن يلعب المريخ بل قبل أن يسافر إلى أنغولا كانوا مهتمين به
إنشغلوا به عن فريقهم الكحيان وعن حاله المائل وطفقوا يكتبون عن الزعيم
ولما مُنى فريقهم بهزيمة ثقيلة وقاسية ومتوقعة، وكان المريخ يلعب بعدهم
ظلوا يُرسلون (الأمانى العذبة) ويدعون أن يهزم أكبر من (خيبتهم)
ولما حقق المريخ نتيجة إيجابية جدا بحساب الذهاب والإياب
نسوه و(ما جابوا ليو سيرة) لأنهم كانوا قد أعلنوا حالة الطوارئ
على مدربهم ورئيسهم ولاعبيهم وبعد كل هذا على الفريق العاجى
المضحك ان بعض الأقلام إحتفت بفوز الاهلى شندى بهدف يتيم
وقالوا إن الاهلى مسح أحزان الكرة السودانية بهذا الفوز بالله؟؟ ياسلام؟
وبحسابات الذهاب والإياب، نجد أن الأهلى موقفه أصعب من القمة
صحيح الهلال ستة وتسعين فى المية طار، وإعلامه يؤمَِل على الأربعة
فى الميه الباقية، وهذا جيَِد لأن الطموح وعدم اليأس مطلوبين
المريخ خسر بهدفين لهدف وهو الاكثر حظا برضو بى نسبة 96%
والأربعة الباقية إحتمال تأهل الفريق الأنغولى (ليوبولو)
وذلك بحسبان أن الفريقين يلعبان الرد فى أم درمان كل فى ملعبه
وبإعتبار السند والدعم المعنوى والجماهيرى الكبير الذى سيجدانه
أما أهلى شندى فهو قد طار، وليس هذا حقد أو حسد لكنها الحقيقة
وذلك لعدة إعتبارات: أولها أن الفريق حقق نتيجة (مفخخة) ومخيفة
وثانيها أن مدربه (ما متفائل)، وثالثها أن لاعبيه ومدربهم يتحدثون بثقة
فى انهم يلعبون أفضل خارج القواعد قائسين بنتائج (الموسم لسابق)
وهذه ثقة لابد أن تؤدى بهم وتخرجهم، مثلما فعلت الثقة الزائفة فى( أبو اربعة)
الشئ (الرابع).. وهو المهم.. هو أن فريق دادة البيت والذى سخرنا منه وظلمناه..
فريق طموح ومنظم وفريق حماسى يؤدى بجدية وهو متطور
شأنه شان الكرة الإثيوبية التى لعبت فى الأمم والتى اعطاها هذا جرعة
معنوية هائلة، فتقدمت على صعيد الأندية والمنتخب، وإنعكس إيجابا على كرتهم، بعكس منتخبنا الذى انعكس طيرانه من الأثيوبيين سلبا على كرة القدم السودانية، ثم أن الجمهور الأثيوبى شرس وخطر و(مزاجو رايق)
ويشجع حتى نهاية المباراة ويدعم اللاعبين نفسيا ومعنويا
لكل هذه الأسباب نقول إن الأهلى شندى سيصبح (الضحية رقم تلاتة)
بعد الخرطوم الوطنى وهلال الوطنية، وبعد أيام وفى ظل عشوائية الإختيار والتعامل مع المنتخب، سنكتب عمودا بنوان قوول (أربعة)، وهنا لانعنى الهلال بالطبع لانو موضوعو إنتهى، ولكنا نعنى المنتخب اليتيم
وبذا سيبقى الزعيم يقاتل وحيدا ولابدَ من تضافر كل الجهود معه
من إتحاد وهلال وفرق كونفدرالية بعيدا عن الحزازات والحساسيات
وبعيدا عن الحقد والحسد والدونية، فقط لأنه يمثل الكرة السودانية
وحامل لوائها الوحيد فى المحافل الخارجية صاح ولا ما صاح؟؟؟
(2)
إنقلب السحر على الساحر، أحد كتاب الهلال الظريفين كتب فى (هترشة) من هترشاتو: المريخ ح ينغلب (أربعة)، وفى نفس العمود متسائل ترى ماذا فعل(أبو الهول) بالأمس؟؟؟؟ هو الهلال دا ذاتو من ما بقى كل من هبَ ودبَ يهترش وينظَِر ويكتب، بقى يطير من بدرى! وبعدين هى الكورة (عصر) إنت ما تحضرها وتعلَق، فى داعى لى ماذا فعل الهلال بالأمس؟؟ هو من أمس الزمااان فعل شنو يعنى، لما يفعل بالأمس الغريب دا؟؟؟
(3)
قال الشقيق أسامة عطا المنان إن الهلال سوف يقلب الطاولة ويتاهل
والهلال لن يرمى المنديل (المناديل بقت غااالية)، وله نسال: إنت قاصد ياتو هلال؟؟ هلال سنكارا ولا (الهلال الأحمر).... _المنتخب_، إن كنت تعنى هلال غرزته فقد (إتسنكر) مااان ولم يبق إلا الدفن فى المقبرة، أما الهلال الأحمر السودانى _فهو كذلك_ لن يتأهل لأنو طار زمان، من يوم نقاط زامبيا طارت زى كورة داريو كان، أسامة أعرض عن هذا! وخليك واقعى وما تعشَِم الناس ديل ساكت، الناس ديل (لواييييق) انا بعرفهم يقوموا يطيروا يجو يقولوا ليك ألست وعدتنا؟؟؟ ويطالبوك ترجعهم كمان إنت الجابرك شنو؟؟؟
(4)
قال ليك فى واحد عمل لى ناس الهلال (نفسيات) أقصد محاضرة تأهيل نفسى قبل السفر لأبيدجان، وكتَاب الهلال قالوا (من أين اتى هذا)؟؟ وبعدين قالوا المحاضرة دى هى السبب، الغريبة ناس الهلال ديل متناقضين التناقض دا يخلوهو ليهم ،صاح ولا ما صاح، واحدين قالوا زمااان الهلال لما أخد خمسة مازيمبية، فى زمن الأرباب عملوا إعداد نفسى مشى هناك غلب والناس كانوا متوقعنوا ياخد فى خاترو أكتر، المشكلة كلها إنو الناس ديل عندهم مشكلة مع البرير، لانو داك فى زمن الأرباب.. لاحظت؟؟ ودا (فى زمن الغربة والإرتحال) الإرتحال يعنى الطيران باللغة السنكارية! من الآخر كدا الكورة الجاية محتاجة شغل نفسى برضو، ولا بتجيب الأربعات تانى؟؟؟
(5)
أحمدوا ربنا إنو سافرتو ساحل العاج بعد الإسبوع (الرابع) من الممتاز، لو كان سافرتو الإسبوع (رقم 8) كان جرجيركم شرب الأصلو شربان، تخريمة: بمناسبة رقم تمنية دى: سيدى (البيه) ودومنيك ديل ح يلهطوا الدولارات د كلها، ويبقوا ناس ممتاز؟؟؟
(6)
مجدى ديمباوى دا هلالابى قلبو حار وكتااااب أمس بقرأ فى صفحتو ومدمع التقول مكتوبة فى _الممشى العريض_ الممشى العريض دا كمان كلامو براو خالد ابوشيبة صاحبى، التقول مكتوبة بى بمبان شططططه بس تعالوا النقرأ ليكم منها: (تآكل من الداخل وبلغ محلة الإنهيار).. يا ساااتر، (الهلال من بره هلَ هلَ ومن جوه يعلم الله) هلا هلا! من بره أربعة ياصاحبى ومن جوه دى لسه، ياخى انا عبيط كدا لى شنو ما أخلى الزول يتم كلامو، (المجلس خارج التغطية)فى الدهب؟؟ (ثعلب التسجيلات رئيس خالى قدرات وغارزيتو مصيرو يلزم بيتو) إتقاعد؟؟ (إعلام التخدير الكذب حبلو قصير) قصر من تمريرة سنكرة؟، (تعدد أسماء الروابط الهلالية: دار أبوك كان خربت شيل ليك فيها شيلة) ما تقول العرس بقى صعب، (سياسة الإقصاء: التسوَِى كريت فى القرض تلقاهو فى جلدها) الكلام دا فى (أشرعة العشم) هو فضَل فيها عشم يا مجدى اخوى مع الرباعية العاجية دى؟؟ هسه عليك الله خليت شنو يا ديمبا؟
معناتها إنتو بتشجعوا فى (فراغ).. صاح ولا ما صاح؟؟
(7)
المريخ محتاج لى هدف واااحد بس وبرضو نحن ماضامنين التأهل، وناس (الطوارئ) محتاجين لى تلاتة أقوان وبرضو ضامنيييييييين، دا بيعنى إنو نحن محبطين والناس ديل متفائلين، و بيعنى إنو نحن واقعيين أكثر من اللازم وهم خياليين أكثر من أقوان سيوسيو معلق فيو، صاح ولا ماصاح؟؟؟؟
(8)
عندى ليكم فكرة سمممحة، كدا كدا إنتو طايرين، ما تسمعوا الأوهام دى عشان كدا حقو تكسبو الزمن وتقفلوا ملف الأبطال(ما بشبهكم)، وكمان حظكم سمح ملف الكونفرالية المره دى بتقفل معاو تلقائيا (اوتامتيكلى)، وشوفوا ملف الممتاز من (عصرا) بدرى، لو فقدتو دا كمان جماهير الهلال بتقطَِعكم، صاح ولا ماصاح يا جماهيرهم؟؟
(9)
قالوا قوون تراورى من تمريرة سيدا.. هسه دى حالة ناس أخدوا محاضرة نفسية، ولا ناس عندهم (جنون البرنس)؟؟
كاتب هلالى إتحسَر على الأرباب الذى كان ينتقده، شان أرادوا الكمال للهلال (الكمال لله ياخ)، فاستولى على الهلال بعده الجاهلون يتبعهم الطفيليون ومصاصو _دماء الفرح_.. دماء الفرح دى جديدة، نحن بنعرف دموع الفرح غايتو! لكين مع هلال الجنائز كلو جائز، صاح ولا ماصاح؟؟
(10)
ويظل المريخ الحاضر والمستقبل والتأريخ وكلنا مريخاب
ويا مريخ هسه الأربعة دى ما كان أولى بيها إنت؟؟
وما يضير البحر أمسى زاخرا إن رمى فيه غلام بحجر؟؟
بكره إن شاء الله صفيح ساااااخر ضحك بى نمرة (أربعة)
آخر قطرة: ال(سيوى) ما حدَاث (صاح ولا ماصاح)؟!
وهذه بصمتى
