على صفيح ساخن نادر التوم
قول إتنيييييييييييين!
تسخينة:
قلنالكم قبيل القمة ما مقياس
واللعب فى الديربى ما هو أساس
فريقكم منتهى ماعندو ياخى اساس
فضحتونا عديل مع كافى الأجناس
باقى الشاهد
ويوم طار الخرطوم قلنا قول واحد
وشايف يا الهلال كنت عليهو شاهد
ظنينا الصفر يمرق يبقى واحد
قول إتنين خلاص إندفنتو باقى الشاهد
ماها جديدة
ما تزعلوا روقوا ياخى ماها جديدة
من قرن عدييل هلالكم على الحديدة
ضيعتوا البلد ما قدمتو حاجة مفيدة
ونحن بنتفاءل كل ماتطلعوا جريدة جديدة
مازيمبى
الحظ وقف معاكم اداكم من حنانو لمسة
لو ما حظكم سمح كان الأقوان لى هسه
صفركم غور مافى منو مدسة
وكان ما طارت الضربة كانت خمسة
من زمان
شابككنا الهلال قيم وإعجاز
قلتونا تيمك خطير ممتاز
العجب العجيب ماعندو اى انجاز
الأبطال إنتهت أقرعوا الممتاز
جزاكم
ناسين فريقكم شغلكم كلو بالمريخ
ناسين الماضى ما بتقروا للتأريخ
الصفر المطول خلا عمركم مسيخ
والبطل الزعيم وما محتاج تأريخ
يرجع بيتو
مسكين الجمهور ياما ليهو غشيتو
خدرتوهو بالسنين من اموالو غنيتو
ما نافع معاكم الديبة أو غارزيتو
أقفلوهو النادى وكل واحد يرجع بيتو
قلنالكم هلالكم يا (أسياد) والله فطيسة
وفى درب النزال الفرق تزيدو تجريسه
باريتو المريخ بى كتابة عفنة خسيسة
جات بى أربعة ومرقتو من التخميسة
جماهير الهلال من زمن مولعه نارا
تحسب فى السنين راجيا يحصل إنتصارا
لعبكم كلو جوطة ولبع وعوارة
وضحكتونا كتير من البعمل فيهو سنكارا
الهلال يا رفاق البطولة منو بعيدا
كلمة قلتها وبكررها وليكم بعيدا
من زمان هلالكم راقد سلطة مديدة
وكيف يكون الحال بعد ما فاتكم سيدا
وباكر نشوف كلام إعلام الطابور
هلالكم مطرطش ما وقع لو الدور
غارزيتو لخبط الحكاية جاط عليكم الأمور
وجمهور الهلال ما ظنيت يكون مسرور
وماهاميهو غارزيتو أصلا كان طار
ماهاميهو يحقق للهلال إنتصار
فى فريقكم بمشى أى قرار
وكل آخر شهر ياخد 50 الف دولار
حقو نوقف المسادير هنا على امل نواصل بكره إن شاء الله
معقول ياجماعة دا الهلال اللخمتونا بيه؟
خرتمية جريدة وستمية الف كاتب والبخت ضائع
بالله شوف حكمة ربنا كيف زمان الهلال بصل دور ال4
ومع غارزيتو والأبطال المرة دى طار من بدرى بالاربعة
طار شنو؟؟ الفريق دا لسه ما طار وبكره يشبكوكم فى الموج الازرق
وفى الاسياد وفى الهلال وفىباقى الجرايد بنعوض
وأنا عارفكم يا جماهير الهلال طيبييييين أوى
ح تصدقوهم وتشتروا جرايدهم كمان
ح يقنعوكم ويخدروكم بعد الأربعة دى إنو الهلال بتأهل
وإنتو يا مؤمنين ح تصدقوا أنا عارفكم كويييس
قبل كدا قالوا ليكم جوليبا غير أربعة لاعبين
وح نرجع الكاس راجعين وصدقتوووهم ما طيبين
وقبل كدا الرجاء طقاكم خمسسسة زى السم قالوا ليم بنعوض
ولا عوضتو ولا حاجة بس (عوقتو) لعيبة الرجا الإتضاروا بالمراتب
يعنى بكره إن شاء الله حكاية أهل العوض دى ح تظهر ليكم تانى
مساكين ومعذورين عندهم جرايد خسرانين فيها قروش ودايرين يبيعوا
وكمان انتو مساكين شديييد (أصلو إنتو المدلعنهم) بتصدقوهم وتشتروا
وكل زول عندو حقوق ولا جاب ليو قروش من الدهب عمل جريدة زرقاء
هم ما بعملوا جرايد حمراء ليييه؟ لانو جمهورنا صفوة ما بتنطلى عليو الحركات دى
وكمان زعلانين من قناة الشروق وقلتو ما نقلت ليكم الكورة؟
والله إنتو حقوا تكرموها وتدوها نجومية المباراة وتدوها جائزة
قلتو المريخ بهتم بالطوابق و(البنى) التحتية وانتو بتلعبو كورة
اها هسه ح تهتموا بى شنو؟؟؟ الدكاكين؟ لا ياخ! هى الدكاكين ما زى دفاعكم
عليك الله غارزيتو دا ما مجرم فريق ياخد اربعة اقوان
وهو ياخد خمسين الف دولار؟؟؟ دا حرام والله
قال ليكم غرزته فريقكم دا ما فيو صانع العاب
قعدتو تكابروا وتنبذوا فى سيدا وسيد ابوها وسيد حلتها
وكمان ظلمتوهو وافتريتو عليهو وسميتوهو مشطوب الهلال
امس قلنا ليكم انتو ضيف الشرف فى كل البطولات
وبتصلوا البحر وبتجوا عطشانين، المرة دى البحر ذاااتو ما وصلتو
هسه عليك الله هلال كادوقلى العاجبكم دا كان بعمل عمليتكم دى؟؟
أربعة أقوان وكمان فى ضربة جزاء ضايعة؟؟ وكمان دايرين الشروق تنقلها
انتو قايلين الشروق دى بتنقل من طرف ساكت كدا؟؟ (فوضى)؟؟
هسه عليك الله الشروق لو دقست وغلطت ونقلتها كان نقبل وين ونحكى الوجعة
وياتو خديد يشيل الدمعة؟؟ والله حيرتونا كلو ما الشبكة تجى نلقى قوون فى شبكتكم
انا غايتو كلو ما (حاحا) يطلع جريدة بكون فرحاااان يوم تكون جنبى
أغرب حاجة والله العظيم قبيل بسمع ابو اللمين الفنان الفخم
ينقرش فى العود ساكت وشغال ليك (أربعة) سنين أربعة سنين أربعة سنين
وكمان كان فضل الله محمد قاااعد فضل الله بتاع (الجريدة) يا ناس اللعب على العقول
انا غايتو ح اكون واضح وصريح مع مهور الهلال ما ح اغشهم
لا عندى جريدة عايز ابيعها لا عندى مصلحة هلالكم دا مابتاهل
والله نمرة 29 و30 ديل العاملين زى الغتنين القاطعين جنب بعض ديل
هنا (إن شاء الله) ما ح يعتقوكم.. شان كدا ركزوا مع هلال كادوقلى وجرايدكم
الكتيرة ومسيخة دى وقفوها شوية لمن يبقى عندكم فريق زى الناس مع الناس
كفاية ياخ الضرب على الميت حرام خلونا مع مريخنا زعيمنا وسيد البلد الحقيقى
وتاج راسنا الرجل الصالح الذى كلما قللوا من قدره غتس حجرهم الغاتس أصلا
المريخ عليه ان يستفيد من هذه الدفعة المعنوية وياتى بنتيجة ايجابية
عليه الا يفعل مثل كل مرة يتعادى من الهلال لو الهلال دا قعد (يعاديك) كدا مشكلة
الليلة دايرين كورة قوية وعزيمة حديدية والحمد لله فريقنا ما فيو (مساوئ)
ولا عندنا سنكارا ولا عندنا اى حاجة بتاعتها، دايرين طوح وتحدى ومسؤولية
وكمان دايرين نشوف (العجب)، دايرين نشوف سيدو لانو سيدو ح يكون اسعد زول
مشكلة الحضرى مشكلة ويلام ويحاسب عليها المسؤولون
لكن ثقتنا فى اكرم كبيرة وهو ليس مثل جمعة بالطبع
لو دا هلالكم أحسن تشوفوا ليكم شغله تقضوها
الحكم بكون مبسوط لانو المباراة بعيدة من التلبع
تخريمة: اللعب فى (الإستاد) مافى الأسياد
لانريد يا مريخ ان نقول (3) بعد أن طار الخرطوم وتبعه الهلال
والأمر كذلك لأهلى شندى لا نريد أن نقول (أربعة)
كفاية أربعة أمبارح.. حياتنا كلها تبقى اربعات
محمد الطيب قال علاء فييرا بقى اربعة.. فييرا منو يا معلم
هلالك ذاااتو بقى أربعة.. وكمان أربعة وضربة ضايعة
لكين ما تخافوا وما تسمعوا كلامى دا الهلال دا معوضاتى
وح يعمل ليكم (سيد معوض) هههههههههههههااااى!
ويظل المريخ الحاضر والمستقبل والتأريخ وكلنا مريخاب
ويا مريخ: ما تبقى زيَهم.. وإنت المهم
لانريد تنظيرا اليوم يا الكوكى نحن معنوياتنا فى السماء ما تحبطنا
وما يضير البحر أمسى زاخرا إن رمى فيه غلام بحجر؟
تلميحه: غااااااااااب القمر!
ترويقة: المره دى (حسام البدرى)!
آخر قطرة: الهلال الشغل الناس هلالو
قول إتنيييييييييييين!
تسخينة:
قلنالكم قبيل القمة ما مقياس
واللعب فى الديربى ما هو أساس
فريقكم منتهى ماعندو ياخى اساس
فضحتونا عديل مع كافى الأجناس
باقى الشاهد
ويوم طار الخرطوم قلنا قول واحد
وشايف يا الهلال كنت عليهو شاهد
ظنينا الصفر يمرق يبقى واحد
قول إتنين خلاص إندفنتو باقى الشاهد
ماها جديدة
ما تزعلوا روقوا ياخى ماها جديدة
من قرن عدييل هلالكم على الحديدة
ضيعتوا البلد ما قدمتو حاجة مفيدة
ونحن بنتفاءل كل ماتطلعوا جريدة جديدة
مازيمبى
الحظ وقف معاكم اداكم من حنانو لمسة
لو ما حظكم سمح كان الأقوان لى هسه
صفركم غور مافى منو مدسة
وكان ما طارت الضربة كانت خمسة
من زمان
شابككنا الهلال قيم وإعجاز
قلتونا تيمك خطير ممتاز
العجب العجيب ماعندو اى انجاز
الأبطال إنتهت أقرعوا الممتاز
جزاكم
ناسين فريقكم شغلكم كلو بالمريخ
ناسين الماضى ما بتقروا للتأريخ
الصفر المطول خلا عمركم مسيخ
والبطل الزعيم وما محتاج تأريخ
يرجع بيتو
مسكين الجمهور ياما ليهو غشيتو
خدرتوهو بالسنين من اموالو غنيتو
ما نافع معاكم الديبة أو غارزيتو
أقفلوهو النادى وكل واحد يرجع بيتو
قلنالكم هلالكم يا (أسياد) والله فطيسة
وفى درب النزال الفرق تزيدو تجريسه
باريتو المريخ بى كتابة عفنة خسيسة
جات بى أربعة ومرقتو من التخميسة
جماهير الهلال من زمن مولعه نارا
تحسب فى السنين راجيا يحصل إنتصارا
لعبكم كلو جوطة ولبع وعوارة
وضحكتونا كتير من البعمل فيهو سنكارا
الهلال يا رفاق البطولة منو بعيدا
كلمة قلتها وبكررها وليكم بعيدا
من زمان هلالكم راقد سلطة مديدة
وكيف يكون الحال بعد ما فاتكم سيدا
وباكر نشوف كلام إعلام الطابور
هلالكم مطرطش ما وقع لو الدور
غارزيتو لخبط الحكاية جاط عليكم الأمور
وجمهور الهلال ما ظنيت يكون مسرور
وماهاميهو غارزيتو أصلا كان طار
ماهاميهو يحقق للهلال إنتصار
فى فريقكم بمشى أى قرار
وكل آخر شهر ياخد 50 الف دولار
حقو نوقف المسادير هنا على امل نواصل بكره إن شاء الله
معقول ياجماعة دا الهلال اللخمتونا بيه؟
خرتمية جريدة وستمية الف كاتب والبخت ضائع
بالله شوف حكمة ربنا كيف زمان الهلال بصل دور ال4
ومع غارزيتو والأبطال المرة دى طار من بدرى بالاربعة
طار شنو؟؟ الفريق دا لسه ما طار وبكره يشبكوكم فى الموج الازرق
وفى الاسياد وفى الهلال وفىباقى الجرايد بنعوض
وأنا عارفكم يا جماهير الهلال طيبييييين أوى
ح تصدقوهم وتشتروا جرايدهم كمان
ح يقنعوكم ويخدروكم بعد الأربعة دى إنو الهلال بتأهل
وإنتو يا مؤمنين ح تصدقوا أنا عارفكم كويييس
قبل كدا قالوا ليكم جوليبا غير أربعة لاعبين
وح نرجع الكاس راجعين وصدقتوووهم ما طيبين
وقبل كدا الرجاء طقاكم خمسسسة زى السم قالوا ليم بنعوض
ولا عوضتو ولا حاجة بس (عوقتو) لعيبة الرجا الإتضاروا بالمراتب
يعنى بكره إن شاء الله حكاية أهل العوض دى ح تظهر ليكم تانى
مساكين ومعذورين عندهم جرايد خسرانين فيها قروش ودايرين يبيعوا
وكمان انتو مساكين شديييد (أصلو إنتو المدلعنهم) بتصدقوهم وتشتروا
وكل زول عندو حقوق ولا جاب ليو قروش من الدهب عمل جريدة زرقاء
هم ما بعملوا جرايد حمراء ليييه؟ لانو جمهورنا صفوة ما بتنطلى عليو الحركات دى
وكمان زعلانين من قناة الشروق وقلتو ما نقلت ليكم الكورة؟
والله إنتو حقوا تكرموها وتدوها نجومية المباراة وتدوها جائزة
قلتو المريخ بهتم بالطوابق و(البنى) التحتية وانتو بتلعبو كورة
اها هسه ح تهتموا بى شنو؟؟؟ الدكاكين؟ لا ياخ! هى الدكاكين ما زى دفاعكم
عليك الله غارزيتو دا ما مجرم فريق ياخد اربعة اقوان
وهو ياخد خمسين الف دولار؟؟؟ دا حرام والله
قال ليكم غرزته فريقكم دا ما فيو صانع العاب
قعدتو تكابروا وتنبذوا فى سيدا وسيد ابوها وسيد حلتها
وكمان ظلمتوهو وافتريتو عليهو وسميتوهو مشطوب الهلال
امس قلنا ليكم انتو ضيف الشرف فى كل البطولات
وبتصلوا البحر وبتجوا عطشانين، المرة دى البحر ذاااتو ما وصلتو
هسه عليك الله هلال كادوقلى العاجبكم دا كان بعمل عمليتكم دى؟؟
أربعة أقوان وكمان فى ضربة جزاء ضايعة؟؟ وكمان دايرين الشروق تنقلها
انتو قايلين الشروق دى بتنقل من طرف ساكت كدا؟؟ (فوضى)؟؟
هسه عليك الله الشروق لو دقست وغلطت ونقلتها كان نقبل وين ونحكى الوجعة
وياتو خديد يشيل الدمعة؟؟ والله حيرتونا كلو ما الشبكة تجى نلقى قوون فى شبكتكم
انا غايتو كلو ما (حاحا) يطلع جريدة بكون فرحاااان يوم تكون جنبى
أغرب حاجة والله العظيم قبيل بسمع ابو اللمين الفنان الفخم
ينقرش فى العود ساكت وشغال ليك (أربعة) سنين أربعة سنين أربعة سنين
وكمان كان فضل الله محمد قاااعد فضل الله بتاع (الجريدة) يا ناس اللعب على العقول
انا غايتو ح اكون واضح وصريح مع مهور الهلال ما ح اغشهم
لا عندى جريدة عايز ابيعها لا عندى مصلحة هلالكم دا مابتاهل
والله نمرة 29 و30 ديل العاملين زى الغتنين القاطعين جنب بعض ديل
هنا (إن شاء الله) ما ح يعتقوكم.. شان كدا ركزوا مع هلال كادوقلى وجرايدكم
الكتيرة ومسيخة دى وقفوها شوية لمن يبقى عندكم فريق زى الناس مع الناس
كفاية ياخ الضرب على الميت حرام خلونا مع مريخنا زعيمنا وسيد البلد الحقيقى
وتاج راسنا الرجل الصالح الذى كلما قللوا من قدره غتس حجرهم الغاتس أصلا
المريخ عليه ان يستفيد من هذه الدفعة المعنوية وياتى بنتيجة ايجابية
عليه الا يفعل مثل كل مرة يتعادى من الهلال لو الهلال دا قعد (يعاديك) كدا مشكلة
الليلة دايرين كورة قوية وعزيمة حديدية والحمد لله فريقنا ما فيو (مساوئ)
ولا عندنا سنكارا ولا عندنا اى حاجة بتاعتها، دايرين طوح وتحدى ومسؤولية
وكمان دايرين نشوف (العجب)، دايرين نشوف سيدو لانو سيدو ح يكون اسعد زول
مشكلة الحضرى مشكلة ويلام ويحاسب عليها المسؤولون
لكن ثقتنا فى اكرم كبيرة وهو ليس مثل جمعة بالطبع
لو دا هلالكم أحسن تشوفوا ليكم شغله تقضوها
الحكم بكون مبسوط لانو المباراة بعيدة من التلبع
تخريمة: اللعب فى (الإستاد) مافى الأسياد
لانريد يا مريخ ان نقول (3) بعد أن طار الخرطوم وتبعه الهلال
والأمر كذلك لأهلى شندى لا نريد أن نقول (أربعة)
كفاية أربعة أمبارح.. حياتنا كلها تبقى اربعات
محمد الطيب قال علاء فييرا بقى اربعة.. فييرا منو يا معلم
هلالك ذاااتو بقى أربعة.. وكمان أربعة وضربة ضايعة
لكين ما تخافوا وما تسمعوا كلامى دا الهلال دا معوضاتى
وح يعمل ليكم (سيد معوض) هههههههههههههااااى!
ويظل المريخ الحاضر والمستقبل والتأريخ وكلنا مريخاب
ويا مريخ: ما تبقى زيَهم.. وإنت المهم
لانريد تنظيرا اليوم يا الكوكى نحن معنوياتنا فى السماء ما تحبطنا
وما يضير البحر أمسى زاخرا إن رمى فيه غلام بحجر؟
تلميحه: غااااااااااب القمر!
ترويقة: المره دى (حسام البدرى)!
آخر قطرة: الهلال الشغل الناس هلالو
