لم تمضي 24 ساعه الا وطلع اعلام الهلال يشمت في خروج المريخ من بطولة الاتحاد الافريقي ..كتب من كتب من منشيتات عريضه ابن كفرالبطيخ طير المريخ ونحن نقول ابن الجنوب طير الهبوب.. ومنشيت اخر الهلال يلحق بالفهود الهلال لايلحق بالفهود لانه يلعب بطريقة القرود.. وياطير ياطاير كان تعب منك جناح ياجمعة في جوباارتاح.. وياجمعة داير روحك تفرحه وتنسى همومك تروحه يلا ودع قوم سيب الخرطوم قوم بارحه سافر جوبا.. وطار سيد البلد وممثل العرب والسودان وسيكافا وركبتم معانا الماسوره.. والعرجا لمراحا ولو كانت الامة راجيةالهلال لحمل الامال على الامة السلام.. وغارزيتو قال تاهلنا مسالة وقت طبعن نحن عارفين تاهلكم مسالة وقت بس الوقت عندكم سنين يعني غارزيتو بقصد بعد 100 سنة.. وطار اب ريش من الدريش ولو صبرتو على الشماتة شوية كان مالو بس انتم دائما ماعندكم صبر.. ولسع ياحضري غلطتك عندنا مغفورة بس البغفر غلطة يوسف محمد منو وهو يطيح بضربة الجزاء والهلال من قبله ابورويس سادومبا يوسف محمد ضيع الكورة وركب الجماعة الماسورة.. وسفير السودان تصطاده الغزلان غارزيتو كان يتمنى مواجهة المريخ الذي يعتبره صيدا سهلا باين غارزيتو بحب التلاتات... ومدرب ليوبارد يتمنى مقابلة الهلال ظاهر كان بحلم يقابله في الشاشه .. حالات اغماء وسط جماهير الهلال.. الجماعة شربو روحهم جنس شراب واقول للسيد ابوبكر الماحي نتفرج وين بادب واقول ليه حمام الهلال وينو اكلته الغزلان ولا شنو والمنحوس منحوس لو ختو في راسه دجوليبا.. وان وقع الهلال مابنفع السكليب ويوسف محمد لو دقس كترة البتابت عيب .. واقول للاخوان الرشيد علي عمر ومحمد الطيب الامين لو صبرتو شوية 24 ساعة للشماتة مالو الصبر سمح يا اصحاب الصفر الدولي .. اها اشمتو مغادرة بجدارة .. اخير نحنا اول المجموعة ابن نيجيريا اطاح بالفنجرية وابن الجنوب اطاح بالمحبوب وممثل السودان الوحيد يطير من امام دجوليبا العنيد ..الهلال يودع بعد عرض جنائزي اللهم لاشماتة اللهم لا شماتة ماذا ستخرج لنا به غدا جرايد الصفر الدولي ومن يضحك اخيرا يضحك كثيرا يالرشيد.. سبحان الله امبارح فرحان عايز اعرف شعورك الان اكيد زعلان مش كده ياغبيان شفته الشماتة بتعمل شنو في صاحبه زي الجهل مصيبة
