العجب عجب البلد ، عجب البنت والولد
واحد مريخابي بتاع بحر قاعد جمب البحر وفاتح خيال
بتأمل في النيل
والزياده الجاتو
قال سبحان الله
اي شئ زاد حتي البحر
وفتح خيال
بتأمل في فيصل
قلب الذاكره الزاخره بفنون فيصل
وابتسم
جو اتنين قعدوا قريب ليهو
واحد سوداني وواحد حبشي
صاحبنا ما شغال بيهم
فاتح خيال
الحبشي عاين للنيل وقال للسوداني
مركب حلو ده ولا ده ؟؟؟
كان في مركبين واقفات في النيل
السوداني قال ليهو الغبشه اجمل
الحبشي قال غبشه ماحلو , حلو التاني
وبدوا يتغالطو
الحبشي زعل
وقف حيلو
داير يفرتق
السوداني قال ليهو اسي انت زعلت مالك ؟؟؟
بعدين حب الناس مذاهب
وعندنا يا تسفاي مثل سوداني بقول
كلو زول بي عجبو
صاحبنا بتاع الخيالات اتلفت عليهم
وقال للسوداني
ما تدقس الزول
عشان حبشي يعني داير تخمو
شوف يا تسفاي ولا يا قطر انت
في اي بلد اي زول بي عجبو
الا بلدنا دي
الناس دي كلها عجبها وااااااااااااااااااااااااااااحد
فيصل عجب ياخ
اوعه يدقسك
وزأر عجب
لما الحبشي وقع
وقال ليهم
الماعاجبو العجب الا يكون ما سوداني
الحبشي قال عجب سوداني ون ؟؟؟
بتاع الخيال قال ليهو
سوداني ون وكل الشبكات
باقل تكلفه تنضم براك سنه
تدفع خمسه جنيه وتدخل تتفرج
تمرق تنضم العمر كلو براك
عجب ياخ
وقام خلاهم قاعدين يهتفوا
سيدا سيدا سيدا
قال بالله شوف الرايحين ديل
وواصل
عجب عجب البلد
مشي وهو بردد
عجب عجب البلد
عجب عجب البنت والولد
جوا ناس قاطعين قدامو بي بوكس 78
المهم
محمد عبدالماجد كتب عن ارضية استادهم
خجل لكن كان صريح
قال زي الحظيره
والحظيره طبعا هي مكان تربية المواشي
ومكان تربية المواشي بالدارجي شنو يا ابو حميد ؟؟؟
ليه زغت وضاريتها بالحظيره ؟؟؟؟
اتحظري
صاحب الرقم 0913512654
ارسل رساله جميله
قال
اليومين ديل ناس قناة الجزيره لو اوفدوا مراسل للحظيره كان وجدوا ماده دسمه
بالذات لو كان بصوت شيرين ابو عاقله او وليد العمري
وانا بقول لصاحب الرساله
كان علي اقل تقدير فكونا من قدت سوريا دي
لا الاسد داير يمش
ولا الشعب راضي الخمش
المهم
في مباراتنا ضد الحبش
وبعد احتساب ركلة الجزاء التانيه
الركلة التي احتسبت لعرقلة البرنس
كراسي وكرستالات جات طايره ناحية غارزيتو
بسأل
مجرد سؤال
لاستاذي عبدالمجيد عبد الرازق
بما انك مع شكوي الهلال ضد المريخ
الكراسي الاتجدعت في غارزيتو دي ممكن تدخل في ملحق مع الكراسي ديك وتتقدم للاتحاد الافريقي ؟؟؟
سؤال تاني
الميتين وحداشر الف دولار التي طالب بها الهلال تعويضا عن تمن الكراسي
كراسي حملة غارزيتو دي بتقدرها بي كم يا استاذي ؟؟؟
سؤال تالت
لما الكوره كان اسمها التيوه
وبتتلعب في دار الارياضه ام درمان
ليه السواري كان بحوم بين الجمهور والملعب ؟؟؟
الوكت داك منو من كتاب الرياضه كان محرض للجماهير ؟؟؟
وهل ما يفعله الجمهور الانجليزي والجمهور الارجنتيني كان نتيجة كتابات صحفيه انجليزيه وارجنتينيه ؟؟؟
وماحدث يوم اصابة جمال ابو عنجه بكسر في ترقوته
هل كانت ردة ذلك الفعل بتوجيه من الصحافه الرياضيه يا استاذي ؟؟؟؟
استاذي عبدالمجيد
جمهور الرياضه ليس بالمنقاد ولا بالجاهل
ولا ينفذ اوامر ومقترحات الناس
جمهور يعقل ويعرف ويفهم ويتصرف من نفسه
كدي يا استاذ وقفوا صحف المريخ
ولعبوا كوره بين المريخ واي فريق
وخلوا الحكم يظلم المريخ ويتمادي في ظلمه
شوفوا الجماهير ماذا ستفعل والجرايد مافي
وكذلك جرب الامر مع الهلال
الغريبه يا استاذي قبل كم سنه
في كوره بين الناصر وود نوباوي
دخلت الجماهير الي ارض الملعب
وكسرت الحكم
وحدث عراك بالايدي بين اللاعبين
والجرايد ماكانت عارفه انو في كوره زاتو
وفي جرايد لليله ماعارفه انو في فريق اسمو الناصر
يبقي كيف ترجع تفلتات الجماهير للكتابة الصحفيه يا استاذي ؟؟؟
اها
نجي لشمارات الوالي
كان شفت يا والينا تاني ما بنشتكي ليك من الباعوض والضبان
لكن الخوف الباعوض والضبان يشكونا ليك
يقولوا ليك ديل ماعندهم دم
سلك كهربا
ننساك كيف والعجب عجب البلد عجب البنت والولد
والي لقاء
سلك
واحد مريخابي بتاع بحر قاعد جمب البحر وفاتح خيال
بتأمل في النيل
والزياده الجاتو
قال سبحان الله
اي شئ زاد حتي البحر
وفتح خيال
بتأمل في فيصل
قلب الذاكره الزاخره بفنون فيصل
وابتسم
جو اتنين قعدوا قريب ليهو
واحد سوداني وواحد حبشي
صاحبنا ما شغال بيهم
فاتح خيال
الحبشي عاين للنيل وقال للسوداني
مركب حلو ده ولا ده ؟؟؟
كان في مركبين واقفات في النيل
السوداني قال ليهو الغبشه اجمل
الحبشي قال غبشه ماحلو , حلو التاني
وبدوا يتغالطو
الحبشي زعل
وقف حيلو
داير يفرتق
السوداني قال ليهو اسي انت زعلت مالك ؟؟؟
بعدين حب الناس مذاهب
وعندنا يا تسفاي مثل سوداني بقول
كلو زول بي عجبو
صاحبنا بتاع الخيالات اتلفت عليهم
وقال للسوداني
ما تدقس الزول
عشان حبشي يعني داير تخمو
شوف يا تسفاي ولا يا قطر انت
في اي بلد اي زول بي عجبو
الا بلدنا دي
الناس دي كلها عجبها وااااااااااااااااااااااااااااحد
فيصل عجب ياخ
اوعه يدقسك
وزأر عجب
لما الحبشي وقع
وقال ليهم
الماعاجبو العجب الا يكون ما سوداني
الحبشي قال عجب سوداني ون ؟؟؟
بتاع الخيال قال ليهو
سوداني ون وكل الشبكات
باقل تكلفه تنضم براك سنه
تدفع خمسه جنيه وتدخل تتفرج
تمرق تنضم العمر كلو براك
عجب ياخ
وقام خلاهم قاعدين يهتفوا
سيدا سيدا سيدا
قال بالله شوف الرايحين ديل
وواصل
عجب عجب البلد
مشي وهو بردد
عجب عجب البلد
عجب عجب البنت والولد
جوا ناس قاطعين قدامو بي بوكس 78
المهم
محمد عبدالماجد كتب عن ارضية استادهم
خجل لكن كان صريح
قال زي الحظيره
والحظيره طبعا هي مكان تربية المواشي
ومكان تربية المواشي بالدارجي شنو يا ابو حميد ؟؟؟
ليه زغت وضاريتها بالحظيره ؟؟؟؟
اتحظري
صاحب الرقم 0913512654
ارسل رساله جميله
قال
اليومين ديل ناس قناة الجزيره لو اوفدوا مراسل للحظيره كان وجدوا ماده دسمه
بالذات لو كان بصوت شيرين ابو عاقله او وليد العمري
وانا بقول لصاحب الرساله
كان علي اقل تقدير فكونا من قدت سوريا دي
لا الاسد داير يمش
ولا الشعب راضي الخمش
المهم
في مباراتنا ضد الحبش
وبعد احتساب ركلة الجزاء التانيه
الركلة التي احتسبت لعرقلة البرنس
كراسي وكرستالات جات طايره ناحية غارزيتو
بسأل
مجرد سؤال
لاستاذي عبدالمجيد عبد الرازق
بما انك مع شكوي الهلال ضد المريخ
الكراسي الاتجدعت في غارزيتو دي ممكن تدخل في ملحق مع الكراسي ديك وتتقدم للاتحاد الافريقي ؟؟؟
سؤال تاني
الميتين وحداشر الف دولار التي طالب بها الهلال تعويضا عن تمن الكراسي
كراسي حملة غارزيتو دي بتقدرها بي كم يا استاذي ؟؟؟
سؤال تالت
لما الكوره كان اسمها التيوه
وبتتلعب في دار الارياضه ام درمان
ليه السواري كان بحوم بين الجمهور والملعب ؟؟؟
الوكت داك منو من كتاب الرياضه كان محرض للجماهير ؟؟؟
وهل ما يفعله الجمهور الانجليزي والجمهور الارجنتيني كان نتيجة كتابات صحفيه انجليزيه وارجنتينيه ؟؟؟
وماحدث يوم اصابة جمال ابو عنجه بكسر في ترقوته
هل كانت ردة ذلك الفعل بتوجيه من الصحافه الرياضيه يا استاذي ؟؟؟؟
استاذي عبدالمجيد
جمهور الرياضه ليس بالمنقاد ولا بالجاهل
ولا ينفذ اوامر ومقترحات الناس
جمهور يعقل ويعرف ويفهم ويتصرف من نفسه
كدي يا استاذ وقفوا صحف المريخ
ولعبوا كوره بين المريخ واي فريق
وخلوا الحكم يظلم المريخ ويتمادي في ظلمه
شوفوا الجماهير ماذا ستفعل والجرايد مافي
وكذلك جرب الامر مع الهلال
الغريبه يا استاذي قبل كم سنه
في كوره بين الناصر وود نوباوي
دخلت الجماهير الي ارض الملعب
وكسرت الحكم
وحدث عراك بالايدي بين اللاعبين
والجرايد ماكانت عارفه انو في كوره زاتو
وفي جرايد لليله ماعارفه انو في فريق اسمو الناصر
يبقي كيف ترجع تفلتات الجماهير للكتابة الصحفيه يا استاذي ؟؟؟
اها
نجي لشمارات الوالي
كان شفت يا والينا تاني ما بنشتكي ليك من الباعوض والضبان
لكن الخوف الباعوض والضبان يشكونا ليك
يقولوا ليك ديل ماعندهم دم
سلك كهربا
ننساك كيف والعجب عجب البلد عجب البنت والولد
والي لقاء
سلك
