قلم وحروف
عبدالحفيظ عكود
عمر بخيت في المريخ.. شتلة أبريل
* إدعت الزميلة فاطمة الصادق أن المريخ يلهث في الوقت الراهن من أجل خطب ود كابتن الهلال عمر بخيت ودللت علي ذلك برغبة المدير الفني للأحمر هيرون ريكاردو في إنتداب الفتي حتي يستنسخ تجربته مع بني زرقان في العام 2007 .
* وقالت أيضآ إن عقد المعلم لم يتبقي فيه غير ستة أشهر من مشوار وصل لسنوات تسع ولم تنسي الآنسه أن تؤكد ولاء عمر وحبه وعشقه للكيان الخ... مطالبة مجلس البرير بالدخول مبكرآ في مفاوضات لإعادة قيده.
* وفي اليوم التالي طفق الصحفي الطابوري يحدثنا عن خيانة مريخية للإتفاق الأخير بين العملاقين بمفاوضة الأحمر لود بخيت وأنهم يحتفظون بحق الرد وأعطانا إحساسآ عميقآ بأن المجلس الأزرق سيرد الصاع صاعين ويدخل في مفاوضات مثلآ مع نوارة خط الدفاع والمحترف الأفضل في البلاد باسكال واوا.
* أولآ أحب أن أقول إن الخبر الذي أوردته بت الصادق في زوايتها رمية تماس شتلة واضحة وفاضحة وغير محبوكة بالمره يا السره.
* فالمريخ الذي يضم ترسانه من أفضل المحاور في البلاد بداية بأمير كمال والشغيل والسعودي سعيد ومجدي أمبده ليس في حوجة لخدمات عمر مع إحترامنا الكامل له وهذه الشتلة كان يمكن أن تكون منطقية ومقبولة لو أنها كتبت قبل ثلاث سنوات ولكن بعد أن تجاوز الضابط حاجز الثلاثين فهو لن يحقق الإضافة المنتظره لخط وسط الزعيم مع إستصحاب مهام الوظيفة التي تتطلب دماءآ حاره بطبيعة الحال.
*قد تكون بنت الصادق والصحفي الطابوري يسعيان ( لتحرير سوق اللاعب) .. ولكن من الخطأ أن يتم إقحام المريخ في الموضوع.* ناحية أخري فاتت علي الطابوري وبنت الصادق وهو أن مجلس الهلال سبق وفاوض مهند الطاهر(ولدنا) قبل شهرين وحدث الإختلاف الشهير حول مبلغ إعادة القيد الذي وصل ل 800 مليون بعد تدخل الكاردينال الذي إستعانوا بملايينه لإغراء الغزال غير أن الأخير ركل الرقم المذكور وطالب بالمليار وإنفض سامر الجماعه بدون تجديد للقيصر وحرضوا الآله الإعلامية الهلالية لمهاجمته وإتهامه بإبتزاز الكيان متناسين أننا في عهد الإحتراف والكاش دومآ يقلل النقاش.
* حدثت كل هذه التفاصيل دون أن يتناول مجلس الإدارة قصة التجديد لعمر بخيت وأخال أنهم يعلمون جيدآ نهاية تعاقده فيا آنسه ويا طابوري إحتمال مجلس البرير ده ما عايز أصلآ يجدد لي ود البخيت تقوموا ترموهوا فينا .. لق لق لق عشان بنسجلو ليكم.
* بعدين قصة إنهيار الإتفاقية دي برضو شتله تاني لأنو البرير ده واحد شفت بالجد ح تسألوني كيف؟ ح أقول ليكم بالعقل كده.. الوالي قبل يومين دفع 500 مليون بي إسم المريخ والهلال لي جيش الوطن بعد إعتداءات حشر الجنوب الأخيرة يقوم البرير في تالت يوم يلغي الإتفاقية بتوصية من الصحفي الطابوري ؟؟
بدون تلفت كتير الإجابه لا .. البرير ده رئيس شفت يا بوري.
متفرقات
*عزيزي الزميل أحمد محمد اجمد أنا عارف إنك فترت من لاعبي المريخ ديل وأنحنا ذاتو والله فترنا بس في التوقيت ده خلينا متفاءلين أحسن.
* معركة مازيمبي حساسه للحد البعيد والحسابات فيها كتيرة ودقيقة.. وحرم لو كانت مباراتنا دي مع فريق تاني كان نبصم علي كلامك ده بالعشره بس مازيمبي.. لا لا نسك الحظوظ دي لي آخر نفس.
* ومستحيل يشمتوا فينا بني زرقان وننفضح فضيحة كمبسة الخمساوية.
* وفي كل الأحوال لك ودي وتقديري.. وأنحنا كلنا كده بربطة المعلم تعبانين عشان شنو؟؟ ما عشان نشوف مريخنا ده في العلالي.* نكتب قبل مباراتي الزعيم وأهلي مدني والهلال مع ولدو في كادوقلي.* الأولي خطيرة وما مضمونة والتانية حسمها الغزال بهدف وحيد مع اخطاء تحكيميه سنعود لها لاحقا .
* الحضري قال عايز يعمم خدمة مع الإتحاد.. قشة ما تعتر ليك يا ود أم عصام.
* الزاوية إسمها طق طاقة والإسم مغمور يا عيني خالص.. يا ولد نصيحتي ليك أمشي إشطف وألعب بعيد.
آخر حرف
أبريل..شتل وفتل .. بوري وطابوري
عبدالحفيظ عكود
عمر بخيت في المريخ.. شتلة أبريل
* إدعت الزميلة فاطمة الصادق أن المريخ يلهث في الوقت الراهن من أجل خطب ود كابتن الهلال عمر بخيت ودللت علي ذلك برغبة المدير الفني للأحمر هيرون ريكاردو في إنتداب الفتي حتي يستنسخ تجربته مع بني زرقان في العام 2007 .
* وقالت أيضآ إن عقد المعلم لم يتبقي فيه غير ستة أشهر من مشوار وصل لسنوات تسع ولم تنسي الآنسه أن تؤكد ولاء عمر وحبه وعشقه للكيان الخ... مطالبة مجلس البرير بالدخول مبكرآ في مفاوضات لإعادة قيده.
* وفي اليوم التالي طفق الصحفي الطابوري يحدثنا عن خيانة مريخية للإتفاق الأخير بين العملاقين بمفاوضة الأحمر لود بخيت وأنهم يحتفظون بحق الرد وأعطانا إحساسآ عميقآ بأن المجلس الأزرق سيرد الصاع صاعين ويدخل في مفاوضات مثلآ مع نوارة خط الدفاع والمحترف الأفضل في البلاد باسكال واوا.
* أولآ أحب أن أقول إن الخبر الذي أوردته بت الصادق في زوايتها رمية تماس شتلة واضحة وفاضحة وغير محبوكة بالمره يا السره.
* فالمريخ الذي يضم ترسانه من أفضل المحاور في البلاد بداية بأمير كمال والشغيل والسعودي سعيد ومجدي أمبده ليس في حوجة لخدمات عمر مع إحترامنا الكامل له وهذه الشتلة كان يمكن أن تكون منطقية ومقبولة لو أنها كتبت قبل ثلاث سنوات ولكن بعد أن تجاوز الضابط حاجز الثلاثين فهو لن يحقق الإضافة المنتظره لخط وسط الزعيم مع إستصحاب مهام الوظيفة التي تتطلب دماءآ حاره بطبيعة الحال.
*قد تكون بنت الصادق والصحفي الطابوري يسعيان ( لتحرير سوق اللاعب) .. ولكن من الخطأ أن يتم إقحام المريخ في الموضوع.* ناحية أخري فاتت علي الطابوري وبنت الصادق وهو أن مجلس الهلال سبق وفاوض مهند الطاهر(ولدنا) قبل شهرين وحدث الإختلاف الشهير حول مبلغ إعادة القيد الذي وصل ل 800 مليون بعد تدخل الكاردينال الذي إستعانوا بملايينه لإغراء الغزال غير أن الأخير ركل الرقم المذكور وطالب بالمليار وإنفض سامر الجماعه بدون تجديد للقيصر وحرضوا الآله الإعلامية الهلالية لمهاجمته وإتهامه بإبتزاز الكيان متناسين أننا في عهد الإحتراف والكاش دومآ يقلل النقاش.
* حدثت كل هذه التفاصيل دون أن يتناول مجلس الإدارة قصة التجديد لعمر بخيت وأخال أنهم يعلمون جيدآ نهاية تعاقده فيا آنسه ويا طابوري إحتمال مجلس البرير ده ما عايز أصلآ يجدد لي ود البخيت تقوموا ترموهوا فينا .. لق لق لق عشان بنسجلو ليكم.
* بعدين قصة إنهيار الإتفاقية دي برضو شتله تاني لأنو البرير ده واحد شفت بالجد ح تسألوني كيف؟ ح أقول ليكم بالعقل كده.. الوالي قبل يومين دفع 500 مليون بي إسم المريخ والهلال لي جيش الوطن بعد إعتداءات حشر الجنوب الأخيرة يقوم البرير في تالت يوم يلغي الإتفاقية بتوصية من الصحفي الطابوري ؟؟
بدون تلفت كتير الإجابه لا .. البرير ده رئيس شفت يا بوري.
متفرقات
*عزيزي الزميل أحمد محمد اجمد أنا عارف إنك فترت من لاعبي المريخ ديل وأنحنا ذاتو والله فترنا بس في التوقيت ده خلينا متفاءلين أحسن.
* معركة مازيمبي حساسه للحد البعيد والحسابات فيها كتيرة ودقيقة.. وحرم لو كانت مباراتنا دي مع فريق تاني كان نبصم علي كلامك ده بالعشره بس مازيمبي.. لا لا نسك الحظوظ دي لي آخر نفس.
* ومستحيل يشمتوا فينا بني زرقان وننفضح فضيحة كمبسة الخمساوية.
* وفي كل الأحوال لك ودي وتقديري.. وأنحنا كلنا كده بربطة المعلم تعبانين عشان شنو؟؟ ما عشان نشوف مريخنا ده في العلالي.* نكتب قبل مباراتي الزعيم وأهلي مدني والهلال مع ولدو في كادوقلي.* الأولي خطيرة وما مضمونة والتانية حسمها الغزال بهدف وحيد مع اخطاء تحكيميه سنعود لها لاحقا .
* الحضري قال عايز يعمم خدمة مع الإتحاد.. قشة ما تعتر ليك يا ود أم عصام.
* الزاوية إسمها طق طاقة والإسم مغمور يا عيني خالص.. يا ولد نصيحتي ليك أمشي إشطف وألعب بعيد.
آخر حرف
أبريل..شتل وفتل .. بوري وطابوري
