هيثم مصطفي.. في الأفق نذر فتنه
* إعتذار قائد الهلال هيثم مصطفي من مرافقة الأزرق في رحلة كوستي يعتبر الفصل الأحدث من الأزمه التي وصل صداها القري والحضر.
*من قبل حاولنا أن نتجاهل كل ما يشاع بعد إبعاد أو إبتعاد اللاعب من مواجهة الدبلومسي بحجة عدم جاهزيته لياقيآ لكن الجديد في القصه يعضد من وجود الأزمه ما يعني خطورتها علي مستقبل الهلال.
* هيثم تدرب بالأمس مع زملائه وعقب نهاية المران أخبر مدير الكرة خالد بخيت بأن هناك ظروفآ أسرية ستحرمه من السفر رفقة البعثه لكوستي.
* لا أريد أن أنفي أو أؤكد ما يشاع حاليآ من وجود خلاف بينه والرئيس بسبب ديمبا لكن أيآ كانت الأسباب فإن ما يحدث سيلحق ضررآ بالغآ بالهلال في مرحلة حساسه من عمر الموسم ولن تكون نذر الفتنه ببعيده عن ديار الأزرق.
* هيثم أصبح الغائب الحاضر في الهلال.
* إذا إستمرت المشكله بلا حل فإننا لن نجد القائد في تشكيلة مباراة الرد أمام الدبلوماسي.
وتاني جابو سيرة الحضري
* مسكين جدآ هذا المريخ .. قبل إنطلاقة الموسم الرسمي (فلقو راسنا) بأن لديهم فريق سيكتسح كل الأندية المحليه.
* طبعآ ما جابتو سيرة إفريقيا لأن النجمه عارفه ومنتظره ومتوقعه السينارو إذآ هي متعوده.
* بس الحصل إنو الأمل سواها والمورده حاولت تدبل الحنه وحظهم قال لأ كفاية كدا نديهم نفس ونرجع للبهدله.
* التخدير إستمر في جلسة الرابطه ونزهة الكاملين لحدي ما رجع الوجع قدام برازيليا.
* هسي عليك الله فريق متعادل خارج أرضو وعندو تلاته حراس الواحد فيهم رقبتو السيف ما يدليها تبدأ إدارتو في حملة إعلامية مكشوفه زي دفاعهم عشان تمهد لي رجعة الحضري تاني.
* آآآي الحضري ذاتو القالو عليهو أعشي وأربعيني ومضطرب نفسيآ .
* الحضري ده ببساطه إستنزف حياء المريخ في الموسم الفات ولعب بدولارتكم كوتشينه يا ناس تاني دايرين تشتروا وجع الراس وعذاب الناس.
* يعني زمان لمن تعاين في كنبة الإحتياطي تلقي محمد كمال مبحلق في الميدان ويس ده ما بقعد جنبوا لكن شفت آخر الكنبه بتلقاهوا طوالي جنب العجب عشان بشجعوا بعض وكده .
* بكره ح تلقي الكنبه فيها يس وزغبير وأكرم والحضري النجيض إقدل في الرد كاسل لا حول ولا قوة إلا بالله العلي العظيم.
* وأنا من هسي براهن لو ما الحضري ده خلاكم تقولو الروووووب.
*بس إنتو رجعوهو وللدولارات الزي لبن الطير في البلد ما تحوجوهو وأسألوني أنا من أفلام العرضه جنوب حصريآ ع شاشة الناس الخلقم الله مسااااااااااااكين.
*مازيمبي.. أنا ما كنت حاسس بيك.
السطر الأخير
صلوات ربي وسلامه علي كامل النور صلو الله عليه وسلم
* إعتذار قائد الهلال هيثم مصطفي من مرافقة الأزرق في رحلة كوستي يعتبر الفصل الأحدث من الأزمه التي وصل صداها القري والحضر.
*من قبل حاولنا أن نتجاهل كل ما يشاع بعد إبعاد أو إبتعاد اللاعب من مواجهة الدبلومسي بحجة عدم جاهزيته لياقيآ لكن الجديد في القصه يعضد من وجود الأزمه ما يعني خطورتها علي مستقبل الهلال.
* هيثم تدرب بالأمس مع زملائه وعقب نهاية المران أخبر مدير الكرة خالد بخيت بأن هناك ظروفآ أسرية ستحرمه من السفر رفقة البعثه لكوستي.
* لا أريد أن أنفي أو أؤكد ما يشاع حاليآ من وجود خلاف بينه والرئيس بسبب ديمبا لكن أيآ كانت الأسباب فإن ما يحدث سيلحق ضررآ بالغآ بالهلال في مرحلة حساسه من عمر الموسم ولن تكون نذر الفتنه ببعيده عن ديار الأزرق.
* هيثم أصبح الغائب الحاضر في الهلال.
* إذا إستمرت المشكله بلا حل فإننا لن نجد القائد في تشكيلة مباراة الرد أمام الدبلوماسي.
وتاني جابو سيرة الحضري
* مسكين جدآ هذا المريخ .. قبل إنطلاقة الموسم الرسمي (فلقو راسنا) بأن لديهم فريق سيكتسح كل الأندية المحليه.
* طبعآ ما جابتو سيرة إفريقيا لأن النجمه عارفه ومنتظره ومتوقعه السينارو إذآ هي متعوده.
* بس الحصل إنو الأمل سواها والمورده حاولت تدبل الحنه وحظهم قال لأ كفاية كدا نديهم نفس ونرجع للبهدله.
* التخدير إستمر في جلسة الرابطه ونزهة الكاملين لحدي ما رجع الوجع قدام برازيليا.
* هسي عليك الله فريق متعادل خارج أرضو وعندو تلاته حراس الواحد فيهم رقبتو السيف ما يدليها تبدأ إدارتو في حملة إعلامية مكشوفه زي دفاعهم عشان تمهد لي رجعة الحضري تاني.
* آآآي الحضري ذاتو القالو عليهو أعشي وأربعيني ومضطرب نفسيآ .
* الحضري ده ببساطه إستنزف حياء المريخ في الموسم الفات ولعب بدولارتكم كوتشينه يا ناس تاني دايرين تشتروا وجع الراس وعذاب الناس.
* يعني زمان لمن تعاين في كنبة الإحتياطي تلقي محمد كمال مبحلق في الميدان ويس ده ما بقعد جنبوا لكن شفت آخر الكنبه بتلقاهوا طوالي جنب العجب عشان بشجعوا بعض وكده .
* بكره ح تلقي الكنبه فيها يس وزغبير وأكرم والحضري النجيض إقدل في الرد كاسل لا حول ولا قوة إلا بالله العلي العظيم.
* وأنا من هسي براهن لو ما الحضري ده خلاكم تقولو الروووووب.
*بس إنتو رجعوهو وللدولارات الزي لبن الطير في البلد ما تحوجوهو وأسألوني أنا من أفلام العرضه جنوب حصريآ ع شاشة الناس الخلقم الله مسااااااااااااكين.
*مازيمبي.. أنا ما كنت حاسس بيك.
السطر الأخير
صلوات ربي وسلامه علي كامل النور صلو الله عليه وسلم