ﺣﻠﻴﻞ ﺍﻟﻜﺎﻥ
ﻣﺎﺯﺩﺍ
ﺣﻠﻴﻞ ﺍﻟﻜﺎﻥ
ﺿﻴﻌﻨﺎ ﺑﻄﻮﻟﺔ ﺗﺎﻧﻲ ﻣﺎﺑﻨﺤﻠﻢ ﺑﻴﻬﺎ
ﻣﻌﻘﻮﻟﻪ ﻳﺎ ﻣﺎﺯﺩﺍ ؟؟
ﻣﻨﺘﺨﺐ ﻣﺎﻓﻴﻬﻮ ﻋﺠﺐ !!!!
ﻭﺍﻟﻠﻪ ﺍﻧﻪ ﺍﻟﻌﺠﺐ
ﻣﻌﻘﻮﻟﻪ ﻳﺎ ﻣﺎﺯﺩﺍ ﻣﻬﺎﺭﻩ ﺯﻱ ﺑﺘﺎﻋﺖ ﻓﻴﺼﻞ ﻣﻮﺳﻲ ﺩﻱ ﺗﺴﺠﻨﻬﺎ ﻓﻲ ﺍﻟﻜﻨﺒﻪ !!!
ﻭﺗﺠﻴﺒﻬﺎ ﻓﺎﻗﺪﻩ ﻟﻠﻴﺎﻗﻪ !!!
ﻣﻌﻘﻮﻟﻪ ﻳﺎ ﻣﺎﺯﺩﺍ ﺯﻭﻝ
ﺯﻱ ﺍﻣﻴﺮ ﻛﻤﺎﻝ ﻗﺎﻋﺪ ﺑﺮﻩ !!!!
ﺍﻟﻔﺮﻕ ﺑﻴﻦ ﻣﺪﺭﺏ ﺍﻟﻠﻴﺎﻗﻪ ﺑﺘﺎﻉ ﺍﻟﻤﺮﻳﺦ ﻭﺑﺘﺎﻉ ﺍﻟﻤﻨﺘﺨﺐ
ﻳﻈﻬﺮ ﻓﻲ ﺍﻟﻔﺮﻕ ﺑﻴﻦ ﻟﻴﺎﻗﺔ ﺭﺍﺟﻲ ﺍﻟﻮﺍﻗﻒ ﺳﻨﻪ
ﻭﻟﻴﺎﻗﺔ ﻓﻴﺼﻞ ﻣﻮﺳﻲ ﺍﻟﻼﻋﺐ ﻟﻲ ﺁﺧﺮ ﺍﻟﻤﻮﺳﻢ ﻭﻣﻌﺴﻜﺮ ﻣﻊ ﻣﺎﺯﺩﺍ
ﻣﺼﻌﺐ ﻋﻤﺮ ﺍﻟﺒﻌﻴﺪ ﺟﺪﺍ ﻋﻦ ﺍﻱ ﺷﺊ
ﻳﻮﺿﺢ ﻣﺪﻱ ﺟﺪﻭﻱ ﻣﻌﺴﻜﺮ ﺍﻟﻤﻨﺘﺨﺐ
ﺍﻳﻬﺎ ﺍﻟﻨﺎﺱ
ﻛﺎﻥ ﻟﺪﻳﻨﺎ ﻓﻴﺼﻞ ﻭﺍﺣﺪ
ﻭﺍﻵﻥ ﺑﺤﻤﺪ ﺍﻟﻠﻪ ﻟﺪﻳﻨﺎ ﻓﻴﺼﻼﻥ
ﻭﺍﻟﻔﻴﺼﻞ ﻋﻨﺪﻧﺎ ﺍﻟﻤﻠﻌﺐ
ﺑﺎﻟﺪﻭﺭ
ﺗﻌﺎﻟﻮﺍ ﻛﻠﻜﻢ
ﺍﻳﻬﺎ ﺍﻟﻨﺎﺱ
ﺍﻟﺘﺤﻜﻴﻢ ﺍﻣﺲ ﺍﻋﺪ ﻧﻔﺴﻮ ﺍﻋﺪﺍﺩ ﺟﻴﺪ
ﺗﻔﻮﻳﺖ ﻣﺨﺎﻟﻔﺎﺕ ﻟﺼﺎﻟﺤﻨﺎ
ﺍﻳﻘﺎﻑ ﻫﺠﻤﺎﺗﻨﺎ ﺑﺼﺎﻓﺮﺓ ﺍﻟﺘﺴﻠﻞ
ﺍﻟﺘﺴﻠﻞ ﺯﺍﺗﻮ ﻣﺎﻋﺎﺭﻑ ﺍﻟﺤﺎﺻﻞ ﺷﻨﻮ
ﺍﺣﺘﺴﺎﺏ ﻣﺨﺎﻟﻔﺎﺕ ﻋﻠﻴﻨﺎ ﻣﻦ ﺍﻟﺨﻴﺎﻝ
ﺍﻳﻬﺎ ﺍﻟﻨﺎﺱ
ﺍﻟﺪﻗﺎﺋﻖ ﺍﻟﺘﻲ ﺷﺎﺭﻙ ﻓﻴﻬﺎ ﺳﻌﻴﺪ ﺍﺛﺒﺘﺖ ﺍﻥ ﻋﺪﻡ ﺍﻋﺎﺭﺗﻪ ﻛﺎﻥ ﺻﺎﺋﺒﺎ
ﺍﺣﻤﺪ ﺍﻟﺒﺎﺷﺎ ﻛﺎﻟﻌﺎﺩﻩ ﺩﺍﻳﺮ ﻳﺒﺪﺃ ﺍﻟﻤﻮﺳﻢ ﺑﺎﻻﺳﺘﻬﺘﺎﺭ
ﻭﻋﺪﻡ ﺍﻟﺠﺪﻳﻪ
ﻭﺍﻻﺳﺘﻌﺮﺍﺽ
ﻭﻟﻮ ﺩﻱ ﺍﻟﻄﺮﻳﻘﻪ ﻳﺎﺑﺎﺷﺎ ﻣﺎﻳﻔﻮﺗﻚ
ﻟﻴﺒﻴﺎ ﺍﺳﺘﻘﺮﺕ
ﻣﻌﻘﻮﻟﻪ ﻣﻨﺘﺨﺐ ﺑﺪﻭﻥ ﻋﺠﺐ !!!!
ﻫﺪﻑ ﺍﻟﻤﺮﻳﺦ ﺑﺪﺃ ﻣﻦ ﻫﺠﻤﻪ ﻗﺎﺩﻫﺎ ﺍﻟﻌﺠﺐ ﻣﻦ ﺍﻣﺎﻡ ﺧﻂ ﻃﻤﻨﻄﺎﺷﺮ ﺑﺘﺎﻋﻨﺎ
ﻭﺍﻧﺘﻘﻠﺖ ﺍﻟﻜﺮﻩ ﺑﺴﺮﻋﻪ
ﺍﻟﻲ ﺍﻥ ﻭﺻﻠﺖ ﺍﻟﻲ ﺭﺍﺟﻲ ﻓﻲ ﻭﺿﻊ ﺍﻧﻔﺮﺍﺩ
ﻫﺪﻑ ﺭﺍﺟﻲ
ﺍﺭﺗﺪﺕ ﻣﻦ ﺍﻟﺤﺎﺭﺱ
ﻭﺟﺪﺕ ﻓﻴﺼﻞ
ﺍﻟﻌﺠﺐ
ﻭﻋﻴﻨﻚ ﻣﺎ ﺗﺸﻮﻑ ﺍﻻ ﺍﻟﻨﻮﺭ
ﺍﻟﻌﺠﺐ ﻧﺰﻝ ﻛﺘﻴﺮ
ﻭﻟﻮ ﻧﺰﻝ ﺍﻟﺪﻭﻻﺭ ﺑﻨﺴﺒﺔ ﻧﺰﻭﻝ ﺍﻟﻌﺠﺐ
ﻋﻠﻲ ﺍﻟﻴﻤﻴﻦ ﺟﻨﻴﻬﻨﺎ ﺑﺎﻟﻘﺪﻳﻢ ﻳﺠﻴﺐ ﺩﻭﻻﺭﻳﻦ ﻭﻻﻋﺠﺐ
ﺍﻧﻪ ﺻﺒﺎﻉ ﺍﻟﻤﻌﺠﻮﻥ
ﻛﻠﻤﺎ ﺗﻘﻮﻝ ﻛﻤﻞ
ﺗﻌﺼﺮﻭ ﺗﻠﻘﺎﻫﻮ ﻓﻴﻬﻮ
ﻳﺎ ﺍﺭﺽ ﺍﺣﻔﻈﻲ ﻣﺎ ﻋﻠﻴﻚ
ﺍﻳﻬﺎ ﺍﻟﻨﺎﺱ
ﻓﻲ ﻣﺒﺎﺭﺍﺓ ﺍﻟﺤﺮﺱ ﺿﺪ ﺍﺧﻮﺍﻧﺎ ﻓﻲ ﺍﻻﺗﻔﺎﻗﻴﻪ ﺍﺿﺎﻉ ﺭﻣﺎﺓ ﺍﻟﺤﺮﺱ ﺳﺘﻪ ﺍﻧﻔﺮﺍﺩﺍﺕ ﺑﺎﻟﻤﺮﻣﻲ
ﻭﺻﺮﻑ ﺍﻟﺤﻜﻢ ﻟﻬﻢ ﺿﺮﺑﺘﺎ ﺟﺰﺍﺀ
ﻭﺍﺣﺪﻩ ﻋﻤﻠﻬﺎ ﺑﻬﻮﻳﻪ
ﻏﻴﺮ ﺍﻟﻌﻤﻠﻬﺎ ﺑﻮﻳﻪ
ﻭﺍﻟﺘﺎﻧﻴﻪ ﺍﻟﻄﺮﻑ ﺍﻟﻴﻤﻴﻦ ﺍﻟﻘﺎﻝ ﺍﻟﻤﺪﺭﺏ ﺍﻧﻪ ﻗﻠﻴﻞ ﺍﻟﻤﻬﺎﺭﻩ
ﻓﻲ ﻛﻮﺭﺗﻨﺎ ﻻﻗﺎﻛﻢ ﺍﻧﻔﺮﺍﺩ ؟؟؟؟؟
ﺍﻧﺸﺎﺀ ﺍﻟﻠﻪ ﻳﺎ ﺑﺮﻛﺔ ﺍﻟﻠﻪ ﺭﺑﻨﺎ ﻳﺜﺒﺖ ﺩﻓﺎﻉ ﺍﺧﻮﺍﻧﺎ ﻓﻲ ﺍﻻﺗﻔﺎﻗﻴﻪ ﺍﻟﻠﻌﺐ ﺿﺪ ﺍﻟﺤﺮﺱ
ﻛﻠﻮ
ﻻﻓﻴﻬﻢ ﺯﻭﻝ ﻳﻔﻮﺕ ﻭﻻ ﺯﻭﻝ ﻳﻤﻮﺕ
ﻭﻻ ﻳﻨﻄﺮﺩ ﻣﻨﻬﻢ ﺯﻭﻝ
ﻳﻠﻌﺒﻮﺍ ﻛﻞ ﺍﻟﻤﻮﺳﻢ
ﻣﺴﺎﻭﻱ ﺍﺳﺘﻔﻴﺪﻭﺍ ﻣﻨﻮ ﻓﻲ ﺍﻟﻨﺺ ﻳﺎ ﺭﻭﺷﺎ
ﻟﻜﻦ ﻣﻊ ﻧﺎﺱ ﻭﺍﻭﺍ ﺩﻳﻞ ﺍﻧﻔﺮﺍﺩ ﻧﻬﻲ ﺑﺎﻟﻜﻞ ﻛﻬﻴﻪ ﻭﻛﺮﺗﺎ ﻛﻤﺎﻥ
ﻭﺍﻭﺍ ﺩﻩ ﻣﺎﺷﺎﺀ ﺍﻟﻠﻪ
ﺗﺸﻴﻞ ﺍﻟﻜﻮﺭﻩ ﺗﻌﻤﻞ ﺭﻭﺣﻚ ﻣﻨﻔﺮﺩ
ﻳﺠﻴﻚ ﻭﺍﻭﺍ ﻭﺍﻭﺍ ﺯﻱ ﺍﻟﻨﺠﺪﻩ
ﻳﺼﻠﻚ ﻗﺒﺎﻝ ﺗﺼﻞ ﺍﻟﻜﻮﺭﻩ
ﻳﺎﺥ ﺩﻩ ﺍﻣﺲ ﻋﻤﻞ ﺧﻄﺔ ﺍﻟﻜﻼﺏ
ﺍﻟﻜﻠﺐ ﻳﻜﻮﻥ ﻭﺍﻗﻒ ﺟﻤﺒﻚ
ﺗﺠﺪﻉ ﺣﺎﺟﻪ ﺑﻌﻴﺪ
ﻳﺠﺮﻱ ﻟﻴﻬﺎ
ﻳﺼﻞ ﻣﻌﺎﻫﺎ ﺳﻮﺍ
ﻳﺨﻤﺸﻬﺎ ﻟﻴﻚ
ﺍﻫﺎ
ﺍﻣﺲ ﻭﺍﻭﺍ ﻋﻤﻠﻬﺎ
ﺍﻣﺲ ﻛﺎﻥ ﻭﺍﻗﻒ ﺟﻤﺐ ﻻﻋﺐ
ﺍﻟﻼﻋﺐ ﻟﻌﺐ ﺍﻟﺒﺎﺹ ﻟﻠﻄﺮﻑ ﺑﺘﺎﻋﻮ
ﻭﺍﻭﺍ ﻓﺤﻂ ﻟﻴﻚ ﻣﻌﺎﻫﺎ
ﻭﺻﻞ ﻫﻮ ﻭﺍﻟﻜﻮﺭﻩ ﺳﻮﺍ ﻟﻠﻄﺮﻑ ﺑﺘﺎﻉ ﺩﻳﻚ
ﺍﻟﻄﺮﻑ ﻣﻦ ﺍﻟﺨﻮﻑ ﻧﻄﻪ
ﻻﻋﺮﻑ ﻳﺴﺘﻠﻢ ﺍﻟﻜﻮﺭﻩ
ﻭﻻﻋﺮﻑ ﻳﺮﺟﻲ ﻭﺍﻭﺍ
ﻭﻻ ﻋﺮﻑ ﺍﻟﺠﺎﻱ ﻣﻊ ﺍﻟﻜﻮﺭﻩ ﺩﻩ ﺷﻨﻮ
ﻳﺎ ﺍﺭﺽ ﺍﺣﻔﻈﻲ ﻣﺎﻋﻠﻴﻚ
ﻳﻌﻨﻲ ﻧﺎﺱ ﺍﻟﺤﺮﺱ ﻟﻮ ﺍﺣﺮﺯﻭﺍ ﺍﻧﻔﺮﺍﺩﺍﺗﻬﻢ ﻭﺍﻟﺒﻠﻨﺖ ﺍﻟﻀﺎﻋﺖ ﻭﺍﻟﺒﻠﻨﺘﻴﻦ ﺍﻟﻤﺎﺣﺴﺒﻮﻫﻢ
ﻛﺎﻥ ﻛﻮﺭﺗﻬﻢ ﺿﺪ ﺍﺧﻮﺍﻧﺎ ﻓﻲ ﺍﻻﺗﻔﺎﻗﻴﻪ ﺍﻧﺘﻬﺖ ﻟﺼﺎﻟﺢ ﺍﻟﺤﺮﺱ ﺗﺴﻌﻪ ﺍﺗﻨﻴﻦ
ﻃﺒﻌﺎ ﺍﺧﻮﺍﻧﺎ ﻓﻲ ﺍﻻﺗﻔﺎﻗﻴﻪ ﻋﻨﺪﻫﻢ ﻫﺪﻑ ﻣﺎﻣﻘﺼﻮﺩ
ﻋﻴﺪ ﺍﻟﺤﺐ ﻋﺎﻛﺴﻬﺎ
ﻭﺍﻟﻠﻪ ﺑﺪﻱ ﺍﻟﺠﻨﻪ
ﺍﻧﺸﺎﺀ ﺍﻟﻠﻪ ﻳﺎ ﺑﺮﻛﺔ ﺍﻟﻠﻪ ﺭﺑﻨﺎ ﻳﺜﺒﺖ ﺩﻓﺎﻉ ﺍﺧﻮﺍﻧﺎ ﻓﻲ ﺍﻻﺗﻔﺎﻗﻴﻪ ﺍﻟﻠﻌﺐ ﺿﺪ ﺍﻟﺤﺮﺱ
ﻛﻠﻮ
ﻻﻓﻴﻬﻢ ﺯﻭﻝ ﻳﻔﻮﺕ ﻭﻻ ﺯﻭﻝ ﻳﻤﻮﺕ
ﻭﻣﺎﻳﻨﻄﺮﺩ ﻣﻨﻬﻢ ﺯﻭﻝ
ﻏﺎﻳﺘﻮ ﻟﻮ ﺭﺑﻚ ﺭﺏ ﺍﻟﺨﻴﺮ ﻗﺒﻞ ﺍﻟﺪﻋﺎﺀ ﺩﻩ ﻳﺎ ﺭﻭﺷﺎ
ﺍﻟﺸﺎﻓﻚ ﺍﻟﺴﻨﻪ ﺍﻟﺠﺎﻳﻪ ﻓﻲ ﺩﺍﺭ ﺍﻟﺮﻳﺎﺿﻪ ﺍﻡ ﻣﺪﺭﻣﺎﻥ ﻣﻦ ﻋﺼﺮﺍ ﺑﺪﺭﻱ ﻣﺘﺎﺑﻊ ﻣﺒﺎﺭﻳﺎﺗﻜﻢ ﺍﻟﺪﻭﺭﻳﻪﻣﺎﻛﻀﺐ
ﻋﻠﻴﻜﻢ ﺍﻟﻠﻪ ﻓﻲ ﺩﺍﻋﻲ ﻟﻠﺤﻀﺮﻱ ؟؟؟؟
ﺍﺑﻮ ﺍﻟﻜﺎ
ﺍﻫﺎ
ﺍﻣﺲ ﺑﻴﻦ ﺍﻟﺸﻮﻃﻴﻦ ﺣﺼﻞ ﺗﻜﺮﻳﻢ
ﻣﻦ ﺿﻤﻦ ﺍﻟﻤﻜﺮﻣﻴﻦ ﻛﺎﻥ ﻣﺪﻳﺮ ﺍﻻﺳﺘﺎﺩ
ﺻﺪﻳﻘﻲ ﺩﺣﻴﻪ
ﺧﺘﻴﻨﺎ ﺑﺎﻗﻲ ﺍﻟﻮﺭﻕ ﺍﻟﻜﻨﺎ ﺑﻨﻀﻒ ﺑﻴﻬﻮ ﻓﻲ ﺍﻟﻜﺮﺍﺳﻲ
ﻭﺧﺘﻴﻨﺎ ﺑﻮﺍﻗﻲ ﺍﻟﻘﺼﺐ ﺍﻟﻘﺎﻋﺪﻩ ﻣﻦ ﻛﻮﺭﺗﻨﺎ ﺿﺪ ﺍﻫﻠﻲ ﺍﻟﺨﺮﻃﻮﻡ
ﻭﻗﻌﺪﻧﺎ ﻧﺼﻔﻖ ﻟﺘﻜﺮﻳﻢ ﻛﻤﺎﻝ
ﻳﺎﺭﺑﻲ ﺍﻟﺠﻬﻪ ﺍﻟﻜﺮﻣﺖ ﺩﻱ ﻗﺎﻋﺪﻩ ﺗﺠﻲ ﺍﻻﺳﺘﺎﺩ ؟؟؟؟؟
ﺍﻟﺠﻬﻪ ﺩﻱ ﺯﺍﺗﻬﺎ ﺩﺍﻳﺮﻩ ﺗﻜﺮﻳﻢ
ﺍﻳﻬﺎ ﺍﻟﻨﺎﺱ
ﻟﺴﻪ ﻃﺎﺑﻖ ﺷﺎﺧﻮﺭ ﺑﺎﺏ ﻓﺎﺗﺢ ﻭﺑﺎﺏ ﻗﺎﻓﻞ
ﻃﺎﺑﻖ ﺷﺎﺧﻮﺭ ﺯﻱ ﺍﻟﺠﻬﺎﺯ ﺍﻟﻬﻀﻤﻲ
ﺍﻟﻨﺎﺱ ﻛﻠﻬﺎ ﺩﺍﺧﻠﻪ ﺑﺤﺘﻪ ﻭﺍﺣﺪﻩ
ﻭﻣﺎﺭﻗﻪ ﺑﺤﺘﻪ ﻭﺍﺣﺪﻩ
ﻟﻜﻦ ﺑﺎﻟﻐﺖ ﻳﺎﻣﺎﺯﺩﺍ
ﻣﻨﺘﺨﺐ ﺑﺪﻭﻥ ﻋﺠﺐ ؟؟؟؟؟
ﺍﻟﻠﻬﻢ ﺍﻳﺪ ﺍﻟﻤﻨﺘﺨﺐ ﺑﺎﺣﺪ ﺍﻟﻔﻴﺼﻠﻴﻦ
ﺍﻭ ﺟﻴﺐ ﺍﻟﻠﻬﻢ ﻟﻠﻤﻨﺘﺨﺐ ﻣﺪﺭﺏ ﺍﺟﻨﺒﻲ ﻳﺨﺘﺎﺭ ﻟﻠﻤﻨﺘﺨﺐ ﺍﻟﻔﻴﺼﻠﻴﻦ
ﺍﻭ ﺍﻱ ﺣﺎﺟﻪ ﺗﻔﻜﻨﺎ ﺍﻟﻠﻬﻢ
ﺍﻳﻬﺎ ﺍﻟﻨﺎﺱ
ﺍﻣﻴﺮ ﻛﻤﺎﻝ ﻻﻋﺐ ﻣﺤﺘﺮﻡ ﻟﺪﻳﻨﺎ
ﺣﻠﻴﻠﻚ ﻳﺎ ﺻﺪﻳﻘﻲ ﻣﻌﺎﻭﻳﻪ ﺍﻟﺠﺎﻙ
ﺍﻳﻬﺎ ﺍﻟﻨﺎﺱ
ﻓﻲ ﺍﻟﺸﻮﻁ ﺍﻻﻭﻝ ﺍﻟﻜﺴﺮﻩ ﺍﻟﻜﺴﺮﻩ ﻓﻴﺼﻞ ﻣﻮﺳﻲ ﺑﺒﺘﺎﻉ ﺍﻟﺤﺮﺱ
ﻭﻓﺘﺢ
ﺍﻟﻠﻪ ﻳﺴﺄﻟﻚ ﻳﺎ ﻣﺎﺯﺩﺍ
ﻣﺎﺯﺩﺍ ﻣﻮﺩﻳﻞ ﺍﻟﻔﻴﻦ ﻭﺍﻃﻨﺎﺷﺮ ﺑﺘﻜﺴﺮﻫﺎ ؟؟؟
ﻭﺗﻘﻌﺪﻭﺍ ﺑﺮﻩ ؟؟؟
ﻭﻟﻲ ﻣﻨﻮ ؟؟؟؟
ﻭﻓﻲ ﺷﺎﻥ ﺷﻨﻮ !!!!!!!
ﺍﻟﻤﻬﻢ
ﻧﺠﻲ ﻟﺸﻤﺎﺭﺍﺕ ﻭﺍﻟﻲ
ﺍﻟﺨﺮﺗﻮﻡ
ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ ﺑﺮﺩ ﺍﻣﺲ ﻭﺍﻭﻝ ﺍﻣﺲ ﺩﻩ ﻃﻴﺮ ﺍﻟﺒﺎﻋﻮﺽ
ﺍﻟﻨﺎﺱ ﻛﻠﻬﺎ ﻣﺒﺴﻮﻃﻪ ﻣﻦ ﺍﻟﻮﻻﻳﻪ ﺍﻟﺠﺎﺑﺖ ﺍﻟﺒﺮﺩ ﺍﻟﻄﻴﺮ ﺍﻟﺒﺎﻋﻮﺽ
ﻣﺠﻬﻮﺩﺍﺗﻜﻢ ﻣﻘﺪﺭﻩ ﻳﺎ ﻭﺍﻟﻴﻨﺎ
ﻭﻛﺎﻥ ﺷﻔﺖ ﻳﺎ ﻭﺍﻟﻴﻨﺎ ﺩﺣﻴﻪ ﺍﻣﺲ ﻛﺮﻣﻮﻫﻮﺍ
ﻛﻞ ﺷﺊ ﺟﺎﺋﺰ ﻳﺎ ﻭﺍﻟﻴﻨﺎ
ﻭﻛﺎﻥ ﺷﻔﺖ ﻳﺎ ﻭﺍﻟﻴﻨﺎ ﺑﻘﻴﻨﺎ ﻧﺴﺘﻐﺮﺏ ﻓﻲ ﻣﻮﺍﻫﻴﻨﺎ
ﺑﺘﻜﻔﻴﻨﺎ
ﻛﻴﻠﻮ ﺍﻟﻠﺤﻤﻪ ﺑﺘﺴﻌﻪ ﻭﻋﺸﺮﻳﻦ
ﻭﻛﻴﺲ ﺍﻟﻌﻴﺶ ﺑﻨﺤﺸﻴﻬﻮﺍ ﻟﻄﻔﻞ ﻓﻲ ﺍﻟﺮﻭﺿﻪ ﻳﻌﻤﻞ ﺑﻴﻬﻮ ﺳﻨﺪﻩ
ﻭﻣﻮﺍﻫﻴﻨﺎ ﺑﺘﻜﻔﻴﻨﺎ ﻳﺎ ﻭﺍﻟﻴﻨﺎ
ﺗﻘﻮﻝ ﻟﻲ ﺣﺎﻭﻱ ﻳﺎ ﻭﺍﻟﻴﻨﺎ
ﺣﺎﻭﻱ ﺭﺏ ﺍﻻﺳﺮﻩ
ﻭﺍﻟﻴﻨﺎ ﻳﺎ ﻭﺍﻟﻴﻨﺎ .... ﺩﺍﻳﺮ ﺍﻗﻮﻝ ﻟﻴﻚ ﻛﻼﻡ ﺳﺮﻱ
ﺷﻔﺖ ................
ﻭﺍﻟﻠﻪ ﺍﻟﻌﻈﻴﻢ
ﺍﻟﻠﻪ ﻳﻜﺘﻠﻨﻲ
ﻭﺣﻴﺎﺕ ﻛﺘﺎﺏ ﺍﻟﺪﻳﻦ
ﻟﻜﻦ ﻣﻨﻮ ﺍﻟﺒﻘﻮﻝ ﺍﻟﺒﻐﻠﻪ ﻓﻲ ﺍﻻﺑﺮﻳﻖ !!!!!
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻤﻨﺘﺨﺐ ﻣﺎﻓﻴﻬﻮ ﻋﺠﺐ ﻭﺍﻟﺒﻐﻠﻪ ﻃﻠﻌﺖ ﻣﻦ ﺍﻻﺑﺮﻳﻖ ﻭﻗﻔﻠﺖ
ﺍﻟﻄﺮﻳﻖ ﺍﻟﺨﻮﻑ ﺗﻘﻄﻌﻮﻫﺎ ﺍﻳﺼﺎﻝ ﻳﺎ ﻭﺍﻟﻴﻨﺎ
ﻭﺍﻟﻲ ﻟﻘﺎﺀ
ﺳﻠﻚ
