تأمٌلات
الطيش ماركتنا
كمال الهدي
hosamkam@hotmail.com
لعيبتنا ديل يحيروا الواحد تلعب ليهو الكورة وتاخد موقع قريب منه يلعب ليك بعيد.. تمشي بعيد يلعب ليك قريب.. تتقدم يرميها ليك وراك.. تتأخر شوية يفكها ليك صاروخ ما يلحقها.. وشيء تاني تلعب للواحد باص عرضي طويل يعاين للكورة وهو واقف في مكانو كأنه بقول للكورة لابد أن تأتي طائعة مختارة ، وطبعاً في الوقت ده بيفاجأ بي حركة لاعب من الخصم لاستلام الكورة قبلو وبعد داك يقوم على المعافرة. .. وبرضو الواحد منهم يلف ويدور وبعدما يكون فتح لنفسو منفذ للتسديد أو التمرير وتقول خلاص حا يصوب، فجأة يرجع بالكورة مرة تانية لنفس المكان المغلق الأول.. ولا العكسيات يعاين كويس يشوف زملاءه على خط الست ياردات يقوم يعكس ليك في يد الحارس.. حكاية تنبيه الزميل لأن لاعب الخصم اقترب منه دي عند لعيبتنا حرام عديل.. وكل زميل بخلي التاني ياكل نارو لغاية ما يجي واحد من لاعبي الخصم ويشيل منو الكورة.. عادي جداً انك اثنين منهم ناطين للكورة ويدخلوا في بعض ، يعني الحارس يجي طاير ويدخل في المدافع.. يا كافي البلاء (Mine) دي ما سمعوا بيها! من زمن الدافوري كل واحد فينا كان برددها حتى قبل أن نتعلم الإنجليزية، لكن لعيبتنا ديل التقول ما لعبوا الكورة دي إلا بعد ما وصولوا أندية الممتاز..وحكمة الله محل ما يكثر لاعبي الخصم تلقى لاعبنا مصر يودي ليهم الكورة في محلهم .. ومرات تلقى الواحد جاري ليك بالكورة بدون ما يرفع رأسو تقوم تطلع منه آوت التقول خط المرمى ولا التماس ده عملوهو بعد ما استلم الكورة وجرى بيها، ده شيء بتكرر زي شراب الموية عندهم.. أخطر فرص الشوط الأول للأوغندي تسبب فيها مساوي بتمريرة غلط في وسط الملعب، مش قلت ليكم التمرير الغلط ده هواية عند لاعبينا! مع انو ألوان القمصان مختلفة، يا ربي يكون الفيفا غلطان في حكاية اختلاف ألوان القصمان دي؟يعني لو لعبوهم بي لون واحد هم وخصومهم ممكن يلعبوا لزملائهم بدل ما يدو الكورة للخصم كل مرة؟!.. والواحد داخل الصندوق داير يثبت بي صدرو وينتظر وبعدين يشوت كأنه لاعبي الخصم ديل مفروض من واجبهم أن يستنوهو لمن يخلص وبعدين يجوا! والغريبة لاعب الخصم يرفع وينزل الكورة ويشوت وين ما داير طول الوقت وما في واحد من لعيبتنا بزاحمو، عشان متعودين طبعاً.. أتاريهم بحاولوا يعملوا نفس الحكاية في الهجوم وقايلين كل الناس صبورين زيهم وبنتظروهم يكملوا الدايرنو.. وإنت يا مازدا جمعة ده وكت جاهز للمشاركة بتلعب أمير الربيع مالك ياخي؟.. لعيبتنا كمان لمن يكون قدام الواحد منهم زميلين واحد قبل التاني لازم يلعبها للأول لقريب وداك يقدمها للثاني يعني فقدان زمن بدون فائدة .. ومرات يديها لي زميلو في رجلو يقوم داك يعاين للمدافع الخصم ويجدعها ليهو تحت أقدامو ويقعد يكوس ليها.. الجوز طبعاً لا زم نشاهدو، يعني لو غاب الربيع شبيهو بلة بقوم باللازم.. ولما زميلك يكون واقف معاه مدافع واحد من الفريق الخصم لازم تأخر الكورة عشان بقية المدافعين يرجعوا وبعد داك تلعب لي زميلك، ده شيء أساسي عندنا.. مهند واقف داخل الخط براهو لكن بكري الحريف لازم يحاور عشان يعملوا معاهو ضربة جزاء أصلو قايل خلاص بقى عندو ضربة جزاء في كل مباراة! .. قلنا يا جماعة الكورة دي احساس وحسن تصرف ومنطق وعقل.. انت يا بكري الهنا بالعقل كده كان معاك ثلاثة مدافعين ده معناهو شنو؟ مش معنى كده انو ممكن يكون عندك أكثر من زميل بدون رقابة ! أصلو مدافعي الخصم ديل كم واحد! يعني لو رفعت رأسك ده ربنا كان حا يحاسبك ولا شنو؟! ولا كرونقو المنفرد والحارس خلاص قرب يقعد في الواطة وبدل ما يلعب الكورة بي فوق ليهو يقوم يلعبها ليهو في جسمو.. لكن ما منك يا كرونقو من مازدا العارفك باك لكن مصر يلعبك رأس حربة.. وانتو المعز ده دخلوه ليه يعني! بهاء الدين مالو عمل شنو؟ ولا يكون يا ربي مازدا في الأول استأذن من المعز وقال ليهو بدي بهاء ده فرصة يلعب شوية وبعدين بدخلك ؟! وقلق ده القال ليهو منو أنت أحسن من يشوت المخالفات ويلعب العكسيات، يعني معقول ما تلقى أي حتة تلعب فيها غير يدي الحارس يا قلق؟! خوفي يا مازدا تكون دخلت ناس خليفة ديل في الشوط الثاني على أساس أنهم لاعبين كبار بعد ما جربت الصغار، غايتو لو دي الحقيقة تكون مصيبة، خليفة أحسن يقعد بره وانت يا مازدا كان ما عارف الود ليهو زمن في الهلال مارضنا مرض، يعني زي ما قلق عامل مع المريخاب.. زهير زكريا المهاجم الصريح يدخل في آخر دقائق بدل كرونقو الباك ولاعب الوسط مش غريبة؟!بعدين شنو حكاية الواحد من لعيبتا يعاين للمدافع قدامو ويمشي ليهو بالكورة عديل لا مراوغة لا يلف منه، يعني داير تقدو وتمشي ولا شنو؟! يعني اليوم البتكون فيهو الفرصة مواتية للفوز يقوم مازدا ينظر في التغييرات ويخلي المهاجمين بره ويلعب مدافعين ولاعبي وسط.. مباراة الكاميرون كانت صعبة تغييرات كانت أحسن حالاً وقدام يوغندا فرصتنا كانت كبيرة جداً في الفوز وقعت ليك في أخطاء ما عندها حد وضيعت فرصة العمر، انت يا زول بتفرح بالهزيمة ولا شنو؟! طيب ليه ما دخلت زكريا قبل خليفة وقلق ديل.. يعني مش كان أحسن كده؟! بكري ده كان لازم يكمل المباراة يعني؟! وشنو معنى تغييره في آخر دقيقتين من الزمن بدل الضائع! كنت قايلك راقد ليك فوق راي وقلت خلاص الود شيخ الدين أكيد ماهر في ركلات الترجيح، لكن بعدما شات تأكدت انو ما عندك رأي يا مازدا.. رمضان عجب ده ليه ما دخل مكان بكري، ولا كنت عارف مهند سيصاب يا مازدا؟ لعيبتنا كمان متعودين على حاجة وكان خلوها بمرضوا عديل، المحل البتجي منو الكورة لازم يرجعوها ليهو تاني عشان في النهاية تتقطع، هو كان أصلو المكان الأول كويس ليه مشيتوها منو؟! الشوت الطايش من رأس خط 18 ده ماركة حقتنا مسجلة باسمنا.. زي ما الطيش بقى مركزنا وما في زول بنافسنا فيهو.. يا ربي بجي يوم منتخبنا يغلب؟ خليك من يغلب بجي يوم يسجل فيهو هدف غير ركلة الجزاء بتاعت أول أمس دي؟! خليفة شنو البتفرد بي القون ويسجل؟! أها يا بكري يا دوب عرفت في أخر الدقائق انه الزول ممكن يعكس لزميل داخل الخط !ليه ما عكست قبيل لي مهند وكان براهو وفي أحسن مكان للتسجيل، مش كان أحسن من تعمل فيها سوبرمان وعاوز تحاور المدافعين كلهم؟ يعني يا المعز لو ما عملت حركاتك البايخة دي ما بعرفوك؟ المخالفة كانت واضحة، طيب النقاش مع رجل الخط والحكم في شنو؟ز. وكمان داير تشاكل الحكم عديل! قال ليك أرجع يعني أرجع ولا كان رأيك شنو يعني؟ لي علمك هي مخالفة منك وسببها عدم التصرف الصحيح يعني لو كنت طلعت الكورة من المهاجم في الآوت ما كان حصل شيء، لكن داير تجي من وراهو وتمشي قدامو وتحجزو وما يكون في مخالفة! ده فهم شنو ده؟ .. بالله دي الجبت ليها قلق عشان يشوت بلنتي بالصورة دي يا مازدا؟ والله الباشا من عاين للكورة بي طريقة ما بعرف كيف قلت لصاحبي ده حا يضيعها.. زهير زكريا ده حالتك انت القلنا مهاجم صريح! دي طريقة يلعبوا بيها ركلة جزاء دي؟!.. ناس يوغندا ما في أضعف منهم في البطولة إلا نحن وكانت فرصة العمر نغلبهم في الزمن الرسمي، لكن نقول شنو في تنظير مازدا وفي وهم لعيبتنا ديل.. ركلة ممتازة يا جمعة .. شيخ الدين دخلتو مخصوص يا مازدا عشان يطير الركلة الأخيرة مش كده؟ وهو في لاعب حديث عهد بمثل هذه المباريات بخلوهو يشوت آخر ركلة يا ناس؟! ده فهم شنو ده؟ اليوغنديون ديل فازوا على المغرب كيف! ده حمام الحمام..
عذراً أيها القراء الكرام إن أرهقكم أسلوب كتابة هذا المقال، لكنني لم أر طريقة أفضل من كده لتناول مباراة الأمس.. وقد كنت أسجلها كملاحظات أثناء متابعتي للمباراة.. وفي المرة القادمة تناول مختلف أسباب هذه الهزائم المتكررة لمنتخبنا..
الطيش ماركتنا
كمال الهدي
hosamkam@hotmail.com
لعيبتنا ديل يحيروا الواحد تلعب ليهو الكورة وتاخد موقع قريب منه يلعب ليك بعيد.. تمشي بعيد يلعب ليك قريب.. تتقدم يرميها ليك وراك.. تتأخر شوية يفكها ليك صاروخ ما يلحقها.. وشيء تاني تلعب للواحد باص عرضي طويل يعاين للكورة وهو واقف في مكانو كأنه بقول للكورة لابد أن تأتي طائعة مختارة ، وطبعاً في الوقت ده بيفاجأ بي حركة لاعب من الخصم لاستلام الكورة قبلو وبعد داك يقوم على المعافرة. .. وبرضو الواحد منهم يلف ويدور وبعدما يكون فتح لنفسو منفذ للتسديد أو التمرير وتقول خلاص حا يصوب، فجأة يرجع بالكورة مرة تانية لنفس المكان المغلق الأول.. ولا العكسيات يعاين كويس يشوف زملاءه على خط الست ياردات يقوم يعكس ليك في يد الحارس.. حكاية تنبيه الزميل لأن لاعب الخصم اقترب منه دي عند لعيبتنا حرام عديل.. وكل زميل بخلي التاني ياكل نارو لغاية ما يجي واحد من لاعبي الخصم ويشيل منو الكورة.. عادي جداً انك اثنين منهم ناطين للكورة ويدخلوا في بعض ، يعني الحارس يجي طاير ويدخل في المدافع.. يا كافي البلاء (Mine) دي ما سمعوا بيها! من زمن الدافوري كل واحد فينا كان برددها حتى قبل أن نتعلم الإنجليزية، لكن لعيبتنا ديل التقول ما لعبوا الكورة دي إلا بعد ما وصولوا أندية الممتاز..وحكمة الله محل ما يكثر لاعبي الخصم تلقى لاعبنا مصر يودي ليهم الكورة في محلهم .. ومرات تلقى الواحد جاري ليك بالكورة بدون ما يرفع رأسو تقوم تطلع منه آوت التقول خط المرمى ولا التماس ده عملوهو بعد ما استلم الكورة وجرى بيها، ده شيء بتكرر زي شراب الموية عندهم.. أخطر فرص الشوط الأول للأوغندي تسبب فيها مساوي بتمريرة غلط في وسط الملعب، مش قلت ليكم التمرير الغلط ده هواية عند لاعبينا! مع انو ألوان القمصان مختلفة، يا ربي يكون الفيفا غلطان في حكاية اختلاف ألوان القصمان دي؟يعني لو لعبوهم بي لون واحد هم وخصومهم ممكن يلعبوا لزملائهم بدل ما يدو الكورة للخصم كل مرة؟!.. والواحد داخل الصندوق داير يثبت بي صدرو وينتظر وبعدين يشوت كأنه لاعبي الخصم ديل مفروض من واجبهم أن يستنوهو لمن يخلص وبعدين يجوا! والغريبة لاعب الخصم يرفع وينزل الكورة ويشوت وين ما داير طول الوقت وما في واحد من لعيبتنا بزاحمو، عشان متعودين طبعاً.. أتاريهم بحاولوا يعملوا نفس الحكاية في الهجوم وقايلين كل الناس صبورين زيهم وبنتظروهم يكملوا الدايرنو.. وإنت يا مازدا جمعة ده وكت جاهز للمشاركة بتلعب أمير الربيع مالك ياخي؟.. لعيبتنا كمان لمن يكون قدام الواحد منهم زميلين واحد قبل التاني لازم يلعبها للأول لقريب وداك يقدمها للثاني يعني فقدان زمن بدون فائدة .. ومرات يديها لي زميلو في رجلو يقوم داك يعاين للمدافع الخصم ويجدعها ليهو تحت أقدامو ويقعد يكوس ليها.. الجوز طبعاً لا زم نشاهدو، يعني لو غاب الربيع شبيهو بلة بقوم باللازم.. ولما زميلك يكون واقف معاه مدافع واحد من الفريق الخصم لازم تأخر الكورة عشان بقية المدافعين يرجعوا وبعد داك تلعب لي زميلك، ده شيء أساسي عندنا.. مهند واقف داخل الخط براهو لكن بكري الحريف لازم يحاور عشان يعملوا معاهو ضربة جزاء أصلو قايل خلاص بقى عندو ضربة جزاء في كل مباراة! .. قلنا يا جماعة الكورة دي احساس وحسن تصرف ومنطق وعقل.. انت يا بكري الهنا بالعقل كده كان معاك ثلاثة مدافعين ده معناهو شنو؟ مش معنى كده انو ممكن يكون عندك أكثر من زميل بدون رقابة ! أصلو مدافعي الخصم ديل كم واحد! يعني لو رفعت رأسك ده ربنا كان حا يحاسبك ولا شنو؟! ولا كرونقو المنفرد والحارس خلاص قرب يقعد في الواطة وبدل ما يلعب الكورة بي فوق ليهو يقوم يلعبها ليهو في جسمو.. لكن ما منك يا كرونقو من مازدا العارفك باك لكن مصر يلعبك رأس حربة.. وانتو المعز ده دخلوه ليه يعني! بهاء الدين مالو عمل شنو؟ ولا يكون يا ربي مازدا في الأول استأذن من المعز وقال ليهو بدي بهاء ده فرصة يلعب شوية وبعدين بدخلك ؟! وقلق ده القال ليهو منو أنت أحسن من يشوت المخالفات ويلعب العكسيات، يعني معقول ما تلقى أي حتة تلعب فيها غير يدي الحارس يا قلق؟! خوفي يا مازدا تكون دخلت ناس خليفة ديل في الشوط الثاني على أساس أنهم لاعبين كبار بعد ما جربت الصغار، غايتو لو دي الحقيقة تكون مصيبة، خليفة أحسن يقعد بره وانت يا مازدا كان ما عارف الود ليهو زمن في الهلال مارضنا مرض، يعني زي ما قلق عامل مع المريخاب.. زهير زكريا المهاجم الصريح يدخل في آخر دقائق بدل كرونقو الباك ولاعب الوسط مش غريبة؟!بعدين شنو حكاية الواحد من لعيبتا يعاين للمدافع قدامو ويمشي ليهو بالكورة عديل لا مراوغة لا يلف منه، يعني داير تقدو وتمشي ولا شنو؟! يعني اليوم البتكون فيهو الفرصة مواتية للفوز يقوم مازدا ينظر في التغييرات ويخلي المهاجمين بره ويلعب مدافعين ولاعبي وسط.. مباراة الكاميرون كانت صعبة تغييرات كانت أحسن حالاً وقدام يوغندا فرصتنا كانت كبيرة جداً في الفوز وقعت ليك في أخطاء ما عندها حد وضيعت فرصة العمر، انت يا زول بتفرح بالهزيمة ولا شنو؟! طيب ليه ما دخلت زكريا قبل خليفة وقلق ديل.. يعني مش كان أحسن كده؟! بكري ده كان لازم يكمل المباراة يعني؟! وشنو معنى تغييره في آخر دقيقتين من الزمن بدل الضائع! كنت قايلك راقد ليك فوق راي وقلت خلاص الود شيخ الدين أكيد ماهر في ركلات الترجيح، لكن بعدما شات تأكدت انو ما عندك رأي يا مازدا.. رمضان عجب ده ليه ما دخل مكان بكري، ولا كنت عارف مهند سيصاب يا مازدا؟ لعيبتنا كمان متعودين على حاجة وكان خلوها بمرضوا عديل، المحل البتجي منو الكورة لازم يرجعوها ليهو تاني عشان في النهاية تتقطع، هو كان أصلو المكان الأول كويس ليه مشيتوها منو؟! الشوت الطايش من رأس خط 18 ده ماركة حقتنا مسجلة باسمنا.. زي ما الطيش بقى مركزنا وما في زول بنافسنا فيهو.. يا ربي بجي يوم منتخبنا يغلب؟ خليك من يغلب بجي يوم يسجل فيهو هدف غير ركلة الجزاء بتاعت أول أمس دي؟! خليفة شنو البتفرد بي القون ويسجل؟! أها يا بكري يا دوب عرفت في أخر الدقائق انه الزول ممكن يعكس لزميل داخل الخط !ليه ما عكست قبيل لي مهند وكان براهو وفي أحسن مكان للتسجيل، مش كان أحسن من تعمل فيها سوبرمان وعاوز تحاور المدافعين كلهم؟ يعني يا المعز لو ما عملت حركاتك البايخة دي ما بعرفوك؟ المخالفة كانت واضحة، طيب النقاش مع رجل الخط والحكم في شنو؟ز. وكمان داير تشاكل الحكم عديل! قال ليك أرجع يعني أرجع ولا كان رأيك شنو يعني؟ لي علمك هي مخالفة منك وسببها عدم التصرف الصحيح يعني لو كنت طلعت الكورة من المهاجم في الآوت ما كان حصل شيء، لكن داير تجي من وراهو وتمشي قدامو وتحجزو وما يكون في مخالفة! ده فهم شنو ده؟ .. بالله دي الجبت ليها قلق عشان يشوت بلنتي بالصورة دي يا مازدا؟ والله الباشا من عاين للكورة بي طريقة ما بعرف كيف قلت لصاحبي ده حا يضيعها.. زهير زكريا ده حالتك انت القلنا مهاجم صريح! دي طريقة يلعبوا بيها ركلة جزاء دي؟!.. ناس يوغندا ما في أضعف منهم في البطولة إلا نحن وكانت فرصة العمر نغلبهم في الزمن الرسمي، لكن نقول شنو في تنظير مازدا وفي وهم لعيبتنا ديل.. ركلة ممتازة يا جمعة .. شيخ الدين دخلتو مخصوص يا مازدا عشان يطير الركلة الأخيرة مش كده؟ وهو في لاعب حديث عهد بمثل هذه المباريات بخلوهو يشوت آخر ركلة يا ناس؟! ده فهم شنو ده؟ اليوغنديون ديل فازوا على المغرب كيف! ده حمام الحمام..
عذراً أيها القراء الكرام إن أرهقكم أسلوب كتابة هذا المقال، لكنني لم أر طريقة أفضل من كده لتناول مباراة الأمس.. وقد كنت أسجلها كملاحظات أثناء متابعتي للمباراة.. وفي المرة القادمة تناول مختلف أسباب هذه الهزائم المتكررة لمنتخبنا..
