صاحب حق الفيتو
*شاهدت بالامس مباراة المريخ وبونا مويا اليوغندي ومن أول وهلة عرفت الفارق الكبير بين الفريقين فنيا ومهاريا وبالتالي لم اتعب نفسي كثيرا في أن أقول أن المريخ فائز لامحالة ولكن جهاز المريخ الفني بقيادة البدري صاحب صاحب حق الفيتو الوالي ضرب بكل أبجديات الكرة عرض الحائط وراح يؤلف سيناريو مسرحيته هو والحضري التي سيخرج بها من المريخ بل أنني لم أري لقطة تبين حالته الترصدية (الاعتراض ) علي قرارات الحكم وعدم احترام رئيس البعثة ودعطا المنان أو حتي الشعار الأصفر الذي يمثله امام أعين المشاهدين والذي صورنه عدسة قناة الشروق ,ما قام به مدرب المريخ البدري صاحب صاحب حق الفيتو الكبير لم يرضي عنه أي مريخابي أصيل أو حتي سوداني تابع المباراة وكأنما يقول باللهجة المصرية كما ردد شباب الثورة المصرية بصورة عكسية (مش عاوزكم ) وعلي نفس النهج سار مواطنه الحضري الذي فضل الصمت ولكني تابعت ردة فعله بعد هدف السعودي في مرماه ولسان حاله يقول (جات الحزينة تفرح مالقتلهاش مطرح ) اقول من السهل جدا إصدار حكم عبر رؤية نقدية تجاه السلوك غير الرياضي الذي بدر من البدري وإن كان إحساسي ان الفيتو الممنوح من الوالي والمسنود به الحضري والبدري يجعلهم يفعلون أكثر من ذلك فمتي يوقف الوالي مهازل وفضائح البدري والحضري مع المريخ
*منذ مساء الامس وبعد نهاية مباراة المريخ وبونامويا اليوغندي وإلى ما قبل كتابة هذا المقال لم (يهدأ) هاتفي من اتصالات عدد مقدر من الأصدقاء من جمهور المريخ الذين رغبوا معرفة رأيي في تلك الحالة مع عكس مطالبهم المشروعة بإصدار الكرت الاحمر في وجه البدري الذي لم يراعي لاسم المريخ ومع ان مطالبهم مشروعة اقول لهم ان الامر ليس بيد كتاب المريخ والذين جهر بعضهم بذلك مبكرا او حتي مجلس الادارة والذي جاءت تصريحات ه نائب رئيسة قوية بالامس وهو يتصدي لتصريحات الحضري الامر يامحبي نادي المريخ يبقي بيد صاحب القرار وهو صاحب حق الفيتو الوحيد فيه ولكني ككاتب اوصل رغباتكم
اضعف الحلقات
*الرياضة بقت بقت حاجة تانية ! الادارين في الفرق والجمهور أصبحوا صعبين خلاص مابقبلوا بالرأي الأخر ولا الانتقاد
*عمليات التصفية بقت عيني عينك والضرب الكان تحت الحزام بقي علني
*مجتمع الرياضة اتغير والظاهر انو التغيير أصبح واقع
*لكن الشيئ المحير انو الناس مفروض تتغير للأحسن ونحنا بنتغير للاسواء
* حتي السياسة بتتميز لانو الناس فيها منقسمين لعدة احزاب يعني عدة اراء ومقترحات
*لكن الرياضة مقسومة لحزبين حزب تابع للمجلس واخر معارض للمجلس
*وبين الحزبين ضاع الناس البشجعوا الكيان ..فالعمليات الحربية تجري علي الساحتين وتستخدم فيها كل وسائل الحرب المشروعة وغير مشروعة
*زمان مجتمع الهلال ده كان بتميز انو فيهو ناس المعارضة وناس بتحب الهلال وناس واقفة مع المجلس وكلهم قاعدين متلمين في النادي وفي الصحافة وفي كل مكان
*ناس حلوين خلاص بجتمعوا في حب الكيان ويختلفوا في الكيان
*فجأة كده كل الحاجات الحلوة دي تلاشت ! المجلس عمل ليهو جوقة من المتعصبين والمعارضين بقوا مع بعض متلمين
*جوقة الداعمين للمجلس ديل شغالين هجوم كاسح وعندهم النظرية بتاعت خير وسيلة للدفاع الهجوم مطبقة بضبانته
*يعني لو حسو بأي خطر او أي تحركات من الحزب الاخر فلن يتوانوا في دحر فلولهم بكل الوسائل
*وجماعة المنتقدين ديل قاعدين ومترصدين ومنتظرين أي غلطة او هفوة من المجلس
*طبعا طوالي بعملوا من الفسيخ شربات ومن النقطة جملة وهاك يا انتقاد عمال علي بطال
*والاخطر من الحزبين ديل انو في ناس بتتعامل مع الهلال ده كأنوا ملكية خاصة بهم
*يمنحوا صك الهلال لمن يقف مع مايرددوا ويجردوا غيرهم من هلاليته
*ومع الاسف انو أي واحد من الحزبين يصف الاخر بانو متملق ومستفيد وغيرها من كلمات الاغصاء
*وبين هؤلاء ضاع الاهلة الخلص فلم يعد أي هلالي يعرف لأي الحزبين ينتمي
*الإعلام نفسوا أعلن عن نفسوا فالناس الكان مناط بها نقل الخبر بحيادية اصبحت لاتتواني في اعلان ميولها علي صفحات الجرايد
* فناقل الخبر المفروض ينقلوا بحيادية بقي يضع عليهو بعض اللمسات حتي يصبح الخبر متماشبيا مع توجهات من يحب
*قصة متي تنتهي وكيف الله اعلم ..لكن البعرفو بين كل هذا وذاك انو في ناس لسه بتحب الكيان وديل مناط بيهم عمل كبير جدا جدا
*والبعرفو انو في ناس في الاعلام ممسكين بالقضية منادين النقد الهادف ودي بوابه وشراع مفتوح يمنحنا امل في القادم
*فلا للحزبين ونعم ومرحب بكل حيادية لعشاق الكيان
كلمات حرة
*حق احترام كل من خدم وقدم واجب وحق احترام من يقدم أوجب
*البدري هدد مستقبله مع المريخ
*احد
الظرفاء الهلالاب قال انو الحضري معاهو مليون حق ..مش الحضري لاعب ضد 22 لاعب
*الهلال في معسيكر خارجي ومباريات اعدادية مع كاسكادا وجولدي والداخلية بدون تعليق ..
**نبارك للزميل عوض احمد عمر الزواج وبيت مال وعيال
*شاهدت بالامس مباراة المريخ وبونا مويا اليوغندي ومن أول وهلة عرفت الفارق الكبير بين الفريقين فنيا ومهاريا وبالتالي لم اتعب نفسي كثيرا في أن أقول أن المريخ فائز لامحالة ولكن جهاز المريخ الفني بقيادة البدري صاحب صاحب حق الفيتو الوالي ضرب بكل أبجديات الكرة عرض الحائط وراح يؤلف سيناريو مسرحيته هو والحضري التي سيخرج بها من المريخ بل أنني لم أري لقطة تبين حالته الترصدية (الاعتراض ) علي قرارات الحكم وعدم احترام رئيس البعثة ودعطا المنان أو حتي الشعار الأصفر الذي يمثله امام أعين المشاهدين والذي صورنه عدسة قناة الشروق ,ما قام به مدرب المريخ البدري صاحب صاحب حق الفيتو الكبير لم يرضي عنه أي مريخابي أصيل أو حتي سوداني تابع المباراة وكأنما يقول باللهجة المصرية كما ردد شباب الثورة المصرية بصورة عكسية (مش عاوزكم ) وعلي نفس النهج سار مواطنه الحضري الذي فضل الصمت ولكني تابعت ردة فعله بعد هدف السعودي في مرماه ولسان حاله يقول (جات الحزينة تفرح مالقتلهاش مطرح ) اقول من السهل جدا إصدار حكم عبر رؤية نقدية تجاه السلوك غير الرياضي الذي بدر من البدري وإن كان إحساسي ان الفيتو الممنوح من الوالي والمسنود به الحضري والبدري يجعلهم يفعلون أكثر من ذلك فمتي يوقف الوالي مهازل وفضائح البدري والحضري مع المريخ
*منذ مساء الامس وبعد نهاية مباراة المريخ وبونامويا اليوغندي وإلى ما قبل كتابة هذا المقال لم (يهدأ) هاتفي من اتصالات عدد مقدر من الأصدقاء من جمهور المريخ الذين رغبوا معرفة رأيي في تلك الحالة مع عكس مطالبهم المشروعة بإصدار الكرت الاحمر في وجه البدري الذي لم يراعي لاسم المريخ ومع ان مطالبهم مشروعة اقول لهم ان الامر ليس بيد كتاب المريخ والذين جهر بعضهم بذلك مبكرا او حتي مجلس الادارة والذي جاءت تصريحات ه نائب رئيسة قوية بالامس وهو يتصدي لتصريحات الحضري الامر يامحبي نادي المريخ يبقي بيد صاحب القرار وهو صاحب حق الفيتو الوحيد فيه ولكني ككاتب اوصل رغباتكم
اضعف الحلقات
*الرياضة بقت بقت حاجة تانية ! الادارين في الفرق والجمهور أصبحوا صعبين خلاص مابقبلوا بالرأي الأخر ولا الانتقاد
*عمليات التصفية بقت عيني عينك والضرب الكان تحت الحزام بقي علني
*مجتمع الرياضة اتغير والظاهر انو التغيير أصبح واقع
*لكن الشيئ المحير انو الناس مفروض تتغير للأحسن ونحنا بنتغير للاسواء
* حتي السياسة بتتميز لانو الناس فيها منقسمين لعدة احزاب يعني عدة اراء ومقترحات
*لكن الرياضة مقسومة لحزبين حزب تابع للمجلس واخر معارض للمجلس
*وبين الحزبين ضاع الناس البشجعوا الكيان ..فالعمليات الحربية تجري علي الساحتين وتستخدم فيها كل وسائل الحرب المشروعة وغير مشروعة
*زمان مجتمع الهلال ده كان بتميز انو فيهو ناس المعارضة وناس بتحب الهلال وناس واقفة مع المجلس وكلهم قاعدين متلمين في النادي وفي الصحافة وفي كل مكان
*ناس حلوين خلاص بجتمعوا في حب الكيان ويختلفوا في الكيان
*فجأة كده كل الحاجات الحلوة دي تلاشت ! المجلس عمل ليهو جوقة من المتعصبين والمعارضين بقوا مع بعض متلمين
*جوقة الداعمين للمجلس ديل شغالين هجوم كاسح وعندهم النظرية بتاعت خير وسيلة للدفاع الهجوم مطبقة بضبانته
*يعني لو حسو بأي خطر او أي تحركات من الحزب الاخر فلن يتوانوا في دحر فلولهم بكل الوسائل
*وجماعة المنتقدين ديل قاعدين ومترصدين ومنتظرين أي غلطة او هفوة من المجلس
*طبعا طوالي بعملوا من الفسيخ شربات ومن النقطة جملة وهاك يا انتقاد عمال علي بطال
*والاخطر من الحزبين ديل انو في ناس بتتعامل مع الهلال ده كأنوا ملكية خاصة بهم
*يمنحوا صك الهلال لمن يقف مع مايرددوا ويجردوا غيرهم من هلاليته
*ومع الاسف انو أي واحد من الحزبين يصف الاخر بانو متملق ومستفيد وغيرها من كلمات الاغصاء
*وبين هؤلاء ضاع الاهلة الخلص فلم يعد أي هلالي يعرف لأي الحزبين ينتمي
*الإعلام نفسوا أعلن عن نفسوا فالناس الكان مناط بها نقل الخبر بحيادية اصبحت لاتتواني في اعلان ميولها علي صفحات الجرايد
* فناقل الخبر المفروض ينقلوا بحيادية بقي يضع عليهو بعض اللمسات حتي يصبح الخبر متماشبيا مع توجهات من يحب
*قصة متي تنتهي وكيف الله اعلم ..لكن البعرفو بين كل هذا وذاك انو في ناس لسه بتحب الكيان وديل مناط بيهم عمل كبير جدا جدا
*والبعرفو انو في ناس في الاعلام ممسكين بالقضية منادين النقد الهادف ودي بوابه وشراع مفتوح يمنحنا امل في القادم
*فلا للحزبين ونعم ومرحب بكل حيادية لعشاق الكيان
كلمات حرة
*حق احترام كل من خدم وقدم واجب وحق احترام من يقدم أوجب
*البدري هدد مستقبله مع المريخ
*احد
الظرفاء الهلالاب قال انو الحضري معاهو مليون حق ..مش الحضري لاعب ضد 22 لاعب
*الهلال في معسيكر خارجي ومباريات اعدادية مع كاسكادا وجولدي والداخلية بدون تعليق ..
**نبارك للزميل عوض احمد عمر الزواج وبيت مال وعيال
