حكايات ما قبل النوم
+ اسدل الستار...وانفض الممثلون...انتهت اماسي المهرجانات المسرحية الصاخبة...كانت اكثرها رواجاً بغير شك..مسرحية الدافي الخرافي..التي اختارت لها الجماهير اسماً حركياً موازياً...حظ الكيشة...واذا كان المنحوس يلاقي العضم في الفشفاش...او يعضيهو الكلب في المولد..كما قالت الذاكرة الشعبية السودانية..فان السعيد بالمقابل...والدافي من هولاء بدون ادنى شك...يلاقي الدولارات من جيب الوالي .
+ لماذا يستنجز الوالي الوعود كل موسم...لماذا يبذل من فخيم بنكنوته..ونضير دولاراته...اوليس من اجل المجد الشخصي..وحتى لا نوصف بالمغالاة والشخصنة..دعونا نقول من اجل المريخ والمجد الشخصي..فهل الخلاصة ..خلاصة التسجيلات المريخية لهذا الموسم...والعمرة التي حدثت للكشف الاحمر... للفريق الذي حل طيشاً للمجموعات الافريقية للموسم المنصرم...قادرة على احداث أي مجد للمريخ....وللوالي .
+ ولنبدا بالحراسة المريخية المنبطحة...واسميناها بالمنبطحة لان البيت يسمى بكبيره..والمسرحيات تعرف بنجومها ...شاهد ما شافش حاجة يصعد منها للذاكرة على الفور عادل امام ...والحراسة الحمراء يصعد منها على الفور اكرم الهادي...فمحمد كمال...الاكاديمي الراقي...شاطر ومؤدب ومحبوب..لكنه ليس حارس مرمى بأية حال...على الاقل هذا ما قالته لائحة المريخ ومشاركاته في العام الفائت..واما حافظ الغير محافظ...فقد سبب لبسبوسة والكثير من اصدقائي الحمر الميامين...(اشكدي) دائم في الاذين الايسر...ومنخوليا مستديمة في الشريان الاورطي....
+ اذن فان ثالث الثلاثة...المنبطح الاممي...ولحقوق الطبع نقول..المنبطح السادومبي...هو المفضل في الخشبة الحمراء...ولهذا الحارس قصص وحكايات...قصص في تهوراته غير المحمودة...مباراة زيسكو وحدها تقف شاهداً..وحكايات في سهولة انبطاحاته الكوميدية...او لاتذكر عزيزي القاريء ...انبطاحته السادومبية تلك..ولسان حاله يقول ...ااااااخ يالباشا...انا كنت قايلك باشا بجد ...ده انت طلعت أي كلام......
+ او لاتتذكروا اكرم يغني لسادومبا ....من جزيل الحانه...وصميم احزانه...تعاين لي انا ما بقدر...تفوت مني وقلبي يتاثر...تعاين لي ..انا اخ اخ اخ...وقد اخبرني مصدر فضل حجب اسمه ان اكرم..بعد يوم البطحة الشهيرة... صرح لاحد اصدقائه...انه بدل (الجبجبة) مع ناس بله كان افضل له الالتحاق بدار فلاح ...لفنون الانبطاح..(مع الاعتذار)...مبتدئاً باغنية الكحلاوي الشهيرة...قالوا علي شقي ومجنون......صحيح شقي ومبطوح .
+ نجح الوالي في موضوع النفطي وقلنا مبروك...احضر كاسروكا...التكاسي العجيب...وقلنا عديلة...واخيراً كمن لعديله المجروح صلاح...واقتلع الدافي...حمرة عين و(دفعية)...وكتمنا آيات الاعجاب...وقلنا يا ولد عينا بارده عليك..والله يغطيك..من عين حسودك واعاديك...علا بس...يالوالي ...وا مغستك...لا الحضري جاك...لا المعز فسخوا حلاك...اها تاني رجعت لي ناسك..حراسك...وخليت سادومبا يغني ليك غنية الجابري مع التعديل اللازم...كل ما سالت عليك...نادوني حراسك...امانة ما انبطح راجل ،،،،،
+ اهلنا بقولوا الجواب ببين من عنوانو...والفريق من حراسو...واذا كانت حراسة المريخ هي كما هي ...نفس الملامح والشبه ...والرقدة ذاتا وبطحتوا...فكيف تكون بعد ان تأثرت النفسيات بمطاردة الحضري..وتحمل التهكمات والاستفزازت عشان خاطروا...ومحاولة فسخ عقد المعز...عملاً بمقولة حبيب افسخ لي..وانا ادفع ليك....هل سيكون الحراس كسابق عهدهم بعد ان توجهتم لمصر الشقيقة...وفتشتم على المعز الحريقة...
+ واما الدفاع فحدث ولا حرج ...فلم يبق من الرعيل الاول..غير سفاري الذي لم يعد ذاك السم الهاري...وموسى سرحان..التسمية ليست من عندي..اما تمساح الدميرة فلم تجدي توسلات مزمل ..ولا دمعات باقي رفاقه في الصحافة السالبة.. لابقائه في الكشف الاحمر...وحل ضيفاً جديداً...المتساهل الحاتمي..طارق مختار...وحقاً فان المصائب يجمعن المصابينا .
+ واما المحور فقد اطاحوا بالقدال..واناخوا بعير الشغيل...واذا كان لاسانا...السلحفاة المالية (كما اسموه) ليس مكان ثقة في اضابيرهم...وسعيد السعودي يذهب كل يوم للمقصلة..فيكتشف ان الجلاد ارجأه ليوم الغد...فان التكل والسند على الشافع اليافع حمد الشجرة...الذي ربما يكون العبرة...للتهاون وعماء التسجيلات...والتفكير في مكايدة الهلالاب ...ولو على حساب جسد المريخ الموجوع .
+ وغداً بعون المولى نواصل سرد حكاية تسجيلات المريخ...بقروشا الكتار...ونجاعتا الشوية...فلدينا امور اهم الآن .
هوت اكثر دفئاً يا هولاء
+ هوت والدافي...كلوا حار في حار..فايهما اكثر نجاعة..وامضى عزماً...واروع بذلاً...شكراً لك ايها الارباب الجياب ..الصبور المحنك...الحريف الخبير...فقد اثبت انك الرجل الاذكى..والاعرف...والاوفى .
+ يوسف محمد على اليمين...وامادو على اليسار...وسادومبا وامبيلي وكاريكا قدام..والبرنس والنعيم الشافع ..اليافع النافع...في الصناعة...قلت لي يا بسبوسة نار منقد...ها زول علي الحلال...حقتنا دي نار منجم...صهر عديل....
+ زمان كنا بنبطح...هسة بس نصهر...وتاني ما في زول يفتش الدهب بي جهاز..والا يتزاوغ من الشرطة جاي جاي...المصنع عندنا...صهر الف...دهب عيار سادومبا .
مسدار يوسف هوت
بي يوسف محمد....... الليلة ادفينا
دا الدافي التمام.......بي فنو اتكفينا
باكر يا وصيف......من تاني بتلاقينا
زي بطحة زمان......سادومبا بيهنينا
+ اسدل الستار...وانفض الممثلون...انتهت اماسي المهرجانات المسرحية الصاخبة...كانت اكثرها رواجاً بغير شك..مسرحية الدافي الخرافي..التي اختارت لها الجماهير اسماً حركياً موازياً...حظ الكيشة...واذا كان المنحوس يلاقي العضم في الفشفاش...او يعضيهو الكلب في المولد..كما قالت الذاكرة الشعبية السودانية..فان السعيد بالمقابل...والدافي من هولاء بدون ادنى شك...يلاقي الدولارات من جيب الوالي .
+ لماذا يستنجز الوالي الوعود كل موسم...لماذا يبذل من فخيم بنكنوته..ونضير دولاراته...اوليس من اجل المجد الشخصي..وحتى لا نوصف بالمغالاة والشخصنة..دعونا نقول من اجل المريخ والمجد الشخصي..فهل الخلاصة ..خلاصة التسجيلات المريخية لهذا الموسم...والعمرة التي حدثت للكشف الاحمر... للفريق الذي حل طيشاً للمجموعات الافريقية للموسم المنصرم...قادرة على احداث أي مجد للمريخ....وللوالي .
+ ولنبدا بالحراسة المريخية المنبطحة...واسميناها بالمنبطحة لان البيت يسمى بكبيره..والمسرحيات تعرف بنجومها ...شاهد ما شافش حاجة يصعد منها للذاكرة على الفور عادل امام ...والحراسة الحمراء يصعد منها على الفور اكرم الهادي...فمحمد كمال...الاكاديمي الراقي...شاطر ومؤدب ومحبوب..لكنه ليس حارس مرمى بأية حال...على الاقل هذا ما قالته لائحة المريخ ومشاركاته في العام الفائت..واما حافظ الغير محافظ...فقد سبب لبسبوسة والكثير من اصدقائي الحمر الميامين...(اشكدي) دائم في الاذين الايسر...ومنخوليا مستديمة في الشريان الاورطي....
+ اذن فان ثالث الثلاثة...المنبطح الاممي...ولحقوق الطبع نقول..المنبطح السادومبي...هو المفضل في الخشبة الحمراء...ولهذا الحارس قصص وحكايات...قصص في تهوراته غير المحمودة...مباراة زيسكو وحدها تقف شاهداً..وحكايات في سهولة انبطاحاته الكوميدية...او لاتذكر عزيزي القاريء ...انبطاحته السادومبية تلك..ولسان حاله يقول ...ااااااخ يالباشا...انا كنت قايلك باشا بجد ...ده انت طلعت أي كلام......
+ او لاتتذكروا اكرم يغني لسادومبا ....من جزيل الحانه...وصميم احزانه...تعاين لي انا ما بقدر...تفوت مني وقلبي يتاثر...تعاين لي ..انا اخ اخ اخ...وقد اخبرني مصدر فضل حجب اسمه ان اكرم..بعد يوم البطحة الشهيرة... صرح لاحد اصدقائه...انه بدل (الجبجبة) مع ناس بله كان افضل له الالتحاق بدار فلاح ...لفنون الانبطاح..(مع الاعتذار)...مبتدئاً باغنية الكحلاوي الشهيرة...قالوا علي شقي ومجنون......صحيح شقي ومبطوح .
+ نجح الوالي في موضوع النفطي وقلنا مبروك...احضر كاسروكا...التكاسي العجيب...وقلنا عديلة...واخيراً كمن لعديله المجروح صلاح...واقتلع الدافي...حمرة عين و(دفعية)...وكتمنا آيات الاعجاب...وقلنا يا ولد عينا بارده عليك..والله يغطيك..من عين حسودك واعاديك...علا بس...يالوالي ...وا مغستك...لا الحضري جاك...لا المعز فسخوا حلاك...اها تاني رجعت لي ناسك..حراسك...وخليت سادومبا يغني ليك غنية الجابري مع التعديل اللازم...كل ما سالت عليك...نادوني حراسك...امانة ما انبطح راجل ،،،،،
+ اهلنا بقولوا الجواب ببين من عنوانو...والفريق من حراسو...واذا كانت حراسة المريخ هي كما هي ...نفس الملامح والشبه ...والرقدة ذاتا وبطحتوا...فكيف تكون بعد ان تأثرت النفسيات بمطاردة الحضري..وتحمل التهكمات والاستفزازت عشان خاطروا...ومحاولة فسخ عقد المعز...عملاً بمقولة حبيب افسخ لي..وانا ادفع ليك....هل سيكون الحراس كسابق عهدهم بعد ان توجهتم لمصر الشقيقة...وفتشتم على المعز الحريقة...
+ واما الدفاع فحدث ولا حرج ...فلم يبق من الرعيل الاول..غير سفاري الذي لم يعد ذاك السم الهاري...وموسى سرحان..التسمية ليست من عندي..اما تمساح الدميرة فلم تجدي توسلات مزمل ..ولا دمعات باقي رفاقه في الصحافة السالبة.. لابقائه في الكشف الاحمر...وحل ضيفاً جديداً...المتساهل الحاتمي..طارق مختار...وحقاً فان المصائب يجمعن المصابينا .
+ واما المحور فقد اطاحوا بالقدال..واناخوا بعير الشغيل...واذا كان لاسانا...السلحفاة المالية (كما اسموه) ليس مكان ثقة في اضابيرهم...وسعيد السعودي يذهب كل يوم للمقصلة..فيكتشف ان الجلاد ارجأه ليوم الغد...فان التكل والسند على الشافع اليافع حمد الشجرة...الذي ربما يكون العبرة...للتهاون وعماء التسجيلات...والتفكير في مكايدة الهلالاب ...ولو على حساب جسد المريخ الموجوع .
+ وغداً بعون المولى نواصل سرد حكاية تسجيلات المريخ...بقروشا الكتار...ونجاعتا الشوية...فلدينا امور اهم الآن .
هوت اكثر دفئاً يا هولاء
+ هوت والدافي...كلوا حار في حار..فايهما اكثر نجاعة..وامضى عزماً...واروع بذلاً...شكراً لك ايها الارباب الجياب ..الصبور المحنك...الحريف الخبير...فقد اثبت انك الرجل الاذكى..والاعرف...والاوفى .
+ يوسف محمد على اليمين...وامادو على اليسار...وسادومبا وامبيلي وكاريكا قدام..والبرنس والنعيم الشافع ..اليافع النافع...في الصناعة...قلت لي يا بسبوسة نار منقد...ها زول علي الحلال...حقتنا دي نار منجم...صهر عديل....
+ زمان كنا بنبطح...هسة بس نصهر...وتاني ما في زول يفتش الدهب بي جهاز..والا يتزاوغ من الشرطة جاي جاي...المصنع عندنا...صهر الف...دهب عيار سادومبا .
مسدار يوسف هوت
بي يوسف محمد....... الليلة ادفينا
دا الدافي التمام.......بي فنو اتكفينا
باكر يا وصيف......من تاني بتلاقينا
زي بطحة زمان......سادومبا بيهنينا
ارجعو لكتاب المريخ وشوفو اسلوبهم
حتي نحن ظننا انه احسن استثمار في الودان انك تعمل صحيفة رياضية وتبداء تبيع الوهم والتخدير شغلانية ماعاوزة اي مؤهلات بس تعرف السمسرة والتطبيل
الامر الثالث المريخ فريق جماهيري والوالي رمز من رموز المريخ والرياضة عامة فلا تستهين ولا تسخر منه
الامر الرابع اذا كان المسرحية بي عنوانها البيت بيسموه بي كبيره فيمكن ان نقول مع المعذرة ان الهلال شلاليت (على علاء الدين شلاليت) او هلال قاقرورة (على هيثم قارورة) وهلمجر
لسانك لا تذكر به عورة إمرئ فكلك عورات ولناس ألسن
كلما نتعشم يطلع لينا جيل صحفى جديد يستفيد منه الجميع في تطور الكرة السودانية .
اذا كان كل الصحفيين طلعوا مشجعين
صراحة كدة إلا نستورد صحفيين لتطوير المستويات وتنعليم الجدد اصول الصحافة
ما ناقصين مشجعين ىابنى
تم حذف جزء من التعليق لمخالفته اللوائح
الوالي يوفي من غير ما يوعد والدليل السنة دي بالذات التسجيلات كلها بنرظة فنية خالصة بعيدة عن العشوائية .
نتمنى أن تكون نظرتك موضوعية شوية وبلاش إنحياز أكثر من اللازم .
والله الواحد ما عارف يقول شنو عليك الله انتم صحفيين ولا مشجعين لانه هذا ليس اسلوب صحفي يمكن ان يرجى منه الحيادية والشفافية
ولو بي هذا الاسلوب انا ممكن اكون احسن مشجع اقصد صحفي
اتقوا الله فينا يا جماعة الخير نحن ما ناقصين ضغط وسكري ولا ناقصين تطبيل
نحب الرياضة ونهوى كل من هو رياضى