في السلك
بابكر سلك
د س
*أمس كان الموكب
*وكان التعبير
*فكان البمبان يا مان
*ولعمري لو وجهت وزارة المالية سعر شراء البمبان لشراء مبيدات الحشرات والآفات
*لعدمت بلدنا اسم الباعوضة وجيم الجقر
*ولسلمت كبارينا وردمياتها من تحرش الجقر بها
*فالبمبان أعتقد أثبت أنه ضياع قروش ساكت
*لا خوّف زول لا فرتق موكب لا كتل باعوضة
*عشان كدة حقو نصرف قريشاتنا على شي بجيب نتائج إيجابية
*المهم
*أمس كان الموكب
*موكب الديسمبريين
*ديسمبريون كلمة طويلة خلاص
*إيه رأيكم نختصرها في (د س)
*هييي؟
*(د س)!!!!
*خليها في ديسمبريين
*لنأمن اللبس
*المهم
*ماما أمريكا قالت القرار قرار العروسة
*والعروسة هي الأمة
*والأمة قررت وأوضحت خيارها
*حقو الناس تبطل سلبطة وتنفذ وبس
*وماما أمريكا زي ماما أميرة
*بتقوم بنمرة أربعة
*أيها الناس
*اكتشفتوا شنو في جبل مون خلاكم تقبلوا على سكان المنطقة الأبرياء؟؟؟؟
*كوارث إبادة جماعية طالت النساء والأطفال
*ولما الإبادة تطال النساء والأطفال
*تبقى إبادة للأسرة
*وإبادة الأسرة تعني إبادة الاستقرار بالمنطقة
*جبل الجن ده لقيتوا فيهو شنو الله لا جاب عقابكم
*المهم
*المنتخب غيّر الجهاز الفني واللاعبين
*فهل غير بذلك جلدو؟؟؟؟
*وهل كان القرار مدروسا أم مجرد قرار والسلام عليكم ورحمة الله وبركاته؟؟؟
*تمنياتنا أن يقوي عود المنتخب برعاية أي جهاز فني وبأقدام أي حداشر يمثلوا الوطن وبتشجيع شعب كامل لا يوجد بينه من يتمنى خسارة المنتخب لأن عدد لاعبي ناديه الذي يحب بالمنتخب أقل من لاعبي الند
*المهم
*مشكلة البلد دي في سوء الإدارة وضعف الارادة
*وتعاني الرياضة عموما في بلدي من ذات المشكلات
*ممكن تلقي إداري رياضي علاقتو بالرياضة أو النادي بدأت سنة ٢٠١٦
*عادي
*طالما كان الوسط الرياضي يعج بأصحاب المصالح و(المترأيضون)
*طالما استطاع سلوك الدخلاء أن يطرد شموخ الأصلاء
*طالما أضحى مجتمع الرياضة عبارة عن كيمان مصالح
*وإن كان الأمر كذلك
*ما تستغربوا لو لقيتوني رئيس اتحاد التاكندو
*تلك اللعبه التي لا أفقه منها شيئا سوى أنها من ألعاب الدفاع عن النفس
*وما حضرت فيها ولا (كومتيه)
*وبرغم كل ذلك ممكن أبقى رئيس الاتحاد السوداني للتايكوندو
*بس أكبر الكوم وأزلل اللوم وأقلل النقاش
*ومعروف شنو البقلل النقاش
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*معقولة بس الجقور اكتر منينا؟
*وأسمن منينا؟؟؟؟
*جقور مدغلبة يا والينا
*لو دايرين نتدغلب ناكل كبارينا ولا شنو يا والينا؟؟؟؟
سلك كهربا
ننساك كيف والكلب قال عجبني المسؤول الزمان القال إننا في ثورة المياه مسكنا كل مواطن ماسورة
وإلى لقاء
بابكر سلك
د س
*أمس كان الموكب
*وكان التعبير
*فكان البمبان يا مان
*ولعمري لو وجهت وزارة المالية سعر شراء البمبان لشراء مبيدات الحشرات والآفات
*لعدمت بلدنا اسم الباعوضة وجيم الجقر
*ولسلمت كبارينا وردمياتها من تحرش الجقر بها
*فالبمبان أعتقد أثبت أنه ضياع قروش ساكت
*لا خوّف زول لا فرتق موكب لا كتل باعوضة
*عشان كدة حقو نصرف قريشاتنا على شي بجيب نتائج إيجابية
*المهم
*أمس كان الموكب
*موكب الديسمبريين
*ديسمبريون كلمة طويلة خلاص
*إيه رأيكم نختصرها في (د س)
*هييي؟
*(د س)!!!!
*خليها في ديسمبريين
*لنأمن اللبس
*المهم
*ماما أمريكا قالت القرار قرار العروسة
*والعروسة هي الأمة
*والأمة قررت وأوضحت خيارها
*حقو الناس تبطل سلبطة وتنفذ وبس
*وماما أمريكا زي ماما أميرة
*بتقوم بنمرة أربعة
*أيها الناس
*اكتشفتوا شنو في جبل مون خلاكم تقبلوا على سكان المنطقة الأبرياء؟؟؟؟
*كوارث إبادة جماعية طالت النساء والأطفال
*ولما الإبادة تطال النساء والأطفال
*تبقى إبادة للأسرة
*وإبادة الأسرة تعني إبادة الاستقرار بالمنطقة
*جبل الجن ده لقيتوا فيهو شنو الله لا جاب عقابكم
*المهم
*المنتخب غيّر الجهاز الفني واللاعبين
*فهل غير بذلك جلدو؟؟؟؟
*وهل كان القرار مدروسا أم مجرد قرار والسلام عليكم ورحمة الله وبركاته؟؟؟
*تمنياتنا أن يقوي عود المنتخب برعاية أي جهاز فني وبأقدام أي حداشر يمثلوا الوطن وبتشجيع شعب كامل لا يوجد بينه من يتمنى خسارة المنتخب لأن عدد لاعبي ناديه الذي يحب بالمنتخب أقل من لاعبي الند
*المهم
*مشكلة البلد دي في سوء الإدارة وضعف الارادة
*وتعاني الرياضة عموما في بلدي من ذات المشكلات
*ممكن تلقي إداري رياضي علاقتو بالرياضة أو النادي بدأت سنة ٢٠١٦
*عادي
*طالما كان الوسط الرياضي يعج بأصحاب المصالح و(المترأيضون)
*طالما استطاع سلوك الدخلاء أن يطرد شموخ الأصلاء
*طالما أضحى مجتمع الرياضة عبارة عن كيمان مصالح
*وإن كان الأمر كذلك
*ما تستغربوا لو لقيتوني رئيس اتحاد التاكندو
*تلك اللعبه التي لا أفقه منها شيئا سوى أنها من ألعاب الدفاع عن النفس
*وما حضرت فيها ولا (كومتيه)
*وبرغم كل ذلك ممكن أبقى رئيس الاتحاد السوداني للتايكوندو
*بس أكبر الكوم وأزلل اللوم وأقلل النقاش
*ومعروف شنو البقلل النقاش
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*معقولة بس الجقور اكتر منينا؟
*وأسمن منينا؟؟؟؟
*جقور مدغلبة يا والينا
*لو دايرين نتدغلب ناكل كبارينا ولا شنو يا والينا؟؟؟؟
سلك كهربا
ننساك كيف والكلب قال عجبني المسؤول الزمان القال إننا في ثورة المياه مسكنا كل مواطن ماسورة
وإلى لقاء
