((())) الازرق هجيب عاليها واطيها
ازمه اللقيمات ما زالت تراوح مكانها
ولا ضوء في آخر النفق
ولا جوديه ولا وزير ولا حكومه
بل هنالك تهديدات جديدة لهلال الملايين
ونية مبيته وحتي مباراة هلال مريخ التي سينسحب منها الهلال
وتهديدات كذلك لقائد الركب الذي يبني احلي جوهرة ومن كيسه الخاص
يعني بالعربي الفصيح حرب قذرة ضد الهلال
ويعني بالعربي الفصيح ممنوع بناء ملعب جميل للهلال
ويعني بالعربي الفصيح محاولة القضاء علي اكبر قاعدة جماهيريه
وهذا فرمان احمر معجون بلقيمات صفراء سخنه
ولكن هل في السودان من هو بمقدوره الوقوف امام سيد البلد
اكيد جماهير الهلال ستقلب عاليها واطيها ان تضرر هلالها
و المشهد الرياضي اصبح مرشحا للمزيد من الانفجارات
وان كنا ندعو الله ان لا تتطور الامور الي ما لا يحمد عقباها
وبالامس كشر شباب الالتراس عن انيابهم في رسالة تحذير لاتحاد الزلابيه
وحتي في مدينة ربك كانت الغضبه ضد اتحاد معتصم
وبصراحة ذكرتني الحكاية دي الصيحات التي تلاحق اللصوص في الاسواق
فعندما يتم القبض علي حرامي تلاحقه الصيحات (ياهو ياهو )
انهم يسرقون الدوري بأوامر ورقيه وستلاحقهم الصيحات
كما سرقوا الكاس بأوامر ورقيه ولاحقتهم الصيحات
وفوقها كاس المرحوم فتحي خليل وكم ابوقنفد
ومليارات من الحكومه كان المنتخب اولي بها
٦ نقاط مجانيه ستدخل المريخ موسوعة جينس للغش والتزوير
ما اتعسك ايها الاتحاد البائس وانت تفشل في ادارة كرة قدم
شهادة وفاة اتحادكم قد حررتموها بايديكم ايها الاغبياء
قلبي الي انت جرحته اتعلم يبقي اناني
لو كنت فيوم ريحته كان ممكن يرجع تاني
والجرح الي انت فتحته خلاني كرهت لؤاك
والدرس الي انت شرحته اتعلمته وهنساك
هجيب عليها وطيها وعادي ايه يعني مجتش عالمرادي
عشت عمري معاك بمرار
ومش جديد عليا النار وسبها زي متيجي تيجي هتفرق ايه
هجيب عليها وطيها وعادي ايه يعني مجتش عالمرادي
عشت عمري معاك بمرار ومش جديد عليا النار
وسبها زي متيجي تيجي هتفرق ايه
تاعب نفسك ليه بتفكرني بايه حبك مات متجزلوش الا الرحمه عليه
وانا عن نفسي خلاص مبقاش
في في الناس حد اسدا يعمل خير في البحر ويرميه
هجيب عليها وطيها وعادي ايه يعني مجتش عالمرادي

((())) النعسان يسف العطرون :
اعداد كبيره من المحترفين ومن العيار الثقيل موجودون في السودان
وكلهم دايرين الهلال والجوهرة الزرقاء
وكلهم دايرين كردنه وما دايرين وينسي
كلهم دايرين الاخضر الليموني وما دايرين بالقديم وبالجديد
كلهم دايرين الاحرار وما دايرين الظلمه
كلهم دايرين الثوار وما دايرين الكيزان
كلهم دايرين الكسكته
كلهم دايرين دبي
كلهم دايرين المستقبل
وما سمعنا زولا جاي للمريخ
عارفين جمال الوالي فات
وعارفين ان المريخ في زمان التقشف 2
ابيكو اينسون المدافع الغاني المعروف قال داير الهلال
كالابا مازيمبي الذي يعرفه اهل المريخ قال داير الهلال
شيخ موكورو مني عينه الهلال
بابا ادينجي النيجيري طبعا داير الهلال
وغيرهم الكثيرين واقفين صفوف من اجل الهلال
وفي الناحية الثانيه لا نري سوي :
عطرون
نعسان
ولو نعست ممكن تسف ليك شوية عطرون كما قال لي صديقي
وحتي العطرون انعدم من السوق ولم يتم تسجيله
وبالمناسبه العطرون له فوائد كثيره وكل زول يسأل العطارين

((())) نطالب باعدام صاحب الشحنه وليس المروج :
ضبطت السلطات السودانية بميناء بورتسودان حاوية محملة بالمخدرات في طريقها الى داخل البلاد، وهذه ثاني مرة تضع فيها السلطات يدها على حاوية مخدارت بالميناء، في غضون اسبوعين.
وكانت السلطات السودانية، قد ضبطت ، الاسبوع الماضي، حاوية تحتوي على شحنة مخدرات، تتكون من حشيش مُصنّع وحبوب مُخدرة تُقدّر بنحو 650 كيلوجرام، مخبأة داخل شحنة ثلاجات (من نوع ديب فريزر)، مشحونة داخل الحاوية. وقُدّرت قيمتها بنحو 21 مليار جنيه سوداني. ووصلت إلى ميناء بورتسودان عبر خط نقل شركة الملاحة العربية المتحدة، ووكيلها في السودان هو شركة: كانو أروى للتوكيلات الملاحية، قادمة من دولة لبنان.
وفي الشماليه اكتشف بعض منقبي الذهب علي براميل مشعة مدفونه
ومن قبل تم اكتشاف العديد من هذه السموم وهي تدخل البلاد
ويتم القبض علي السائق
ويترك المجرم الحقيقي مطلق السراح
وهو طبعا زول كبير وخطير
وكثيرا ما يحكم علي السائقين والمروجين
نريد وزيرا شجاعا يقدم لنا التمساح الكبير
ويتم اعدامه في ميدان عام
وان كان هذا لن يحدث اطلاقا

محمد حسن شوربجي