*امس امل عطبره برضو ما حضر
والغريبه لسه ماقدم خطاب بالانسحاب
*اكتب قبل لقاء ناس اللقيمات باولاد الفاشر
*لو اولاد اللقيمات حضروا يبقوا باعوا الامل
*ولو ماحضروا يكون لسه عندهم امل
*يكونوا باقين علي الامل
*واتباع القوانين بودي اللقيمات بي املو الليق
*نريد اتحاد مهاب جدا
*وهيبة الاتحاد لاتأتي الا بالمواقف القويه
*لاكبير علي الاتحاد
*ولا كبير علي القانون
*والفرصة جات للاتحاد عشان كلو زول يقعد في علبو
*الاتحاد يقطع عرق ويسيحو
*تاني لو برمج ليزول كورة الساعه اتنين صباحا بلعبها
*لا لجوديه تضرب بهيبة الاتحاد عرض الحائط
*ولو اتبع الاتحاد القانون مع الخارجين من بدري
*لو ماجاملهم في مواقف كثيره
*كانوا عرفوا قدرو
*وكانوا عرفوا معني احترام القوانين واللوائح
*بركة الجات منك يا جابر
*فرصة يجب اغتنامها
*الفايت الحدود بواسوهو
*و الفايت الحدود جاكم مقنطر يا ناس الاتحاد
*المهم
*قانونيه قانونيه
*واذا اعتاد الناس علي الخروج علي القانون
*ثم يجدوا انكسارا وتحنيسا وترضيات
*فان ذلك الموقف من الترضيات يكون ابشع من موقف الخروج علي القانون
*البحترم القانون مفروض يحترم
*مفروض نقدر ليهو حضارتو واحترامو للقانون
*والبخرج عن القانون يستتاب
*واذا تاب نملاهو عتاب
*بدل ما نحفز خروجو علينا وعلي القوانين والوضع الحضاري
*ايها الناس
*البحصل ده خرخرة دافوري سااااااي
*زي قصة ما بتتلعب
*وكسير القنا
*وطفيش الكورة
*التصرفات دي محلها الليق
*الليق واليابا صديق
*المهم
*يبدا الموسم الافريقي الجديد شهر فبراير
*وعلي المريخ واهلي شندي والخرطوم الوطني ومريخ الفاشر
*ان يحسنوا اعدادهم من اسي
*لانهم يمثلون هذا البلد الطب اهله افريقيا في الموسم القادم
*محمد عبدالماجد
*بتقدر علي الشمس في دار الرياضه 2016 يا اخوي !!!!
*شمس دار الرياضه حااااااره
*والخوف تتحالي ليكم
*وتبقي القعده الياها
*المهم
*لانريد تسجيلات من اجل التسجيلات
*تسجيلات هدوم العيد وجابوا لينا وزجابوا لينا دي ما حبابها
*خانات محدده نحتاج لدعمها
*بشرط ان يكون القادم افضل من المغادر
*قصة قنبلة التسجيلات وجوهرة التسجيلات ونجم التسجيلات دي قصة دافوري ساي
*محتاجين ثيردباك اصلي وامير يمشي الوسط
*وده ممكن يكون مصري بدل ايمن سعيد في نفس الوضع والخانه
*وبالذات ناس المحور عندنا كتااااار
*دايرين مهاجم جوار بكري علي شاكلة كلتشي وساكواها
*اذا ما بالمهاره دي ما حبابو
*يبقي لازم يكون اجنبي
*حراسة المرمي لانحتاج فيها لي زول
*جمال ومعز ومصطفي وديدا الرديف كفانا
*خانة زغبير يجي فيها اللاعب الوطني الوحيد المرشح
*وتاني ما ظنيتنا محتاجين لي وطني
*الوطنيين شفناهم
*مافيهم فايده
*الفيهم اتعرفت
*المهم
*شكرا الشفوت الذين ظهروا في عطبره
*شكرا جميلا لكل انسان جميل حضر ليحمي الحق
*وليهتف لسيادة القانون
*برا فوضه وبرا يحزنون
*شكرا لكل من طبق لن ندعك تسير وحيدا علي ارض الواقع شعارا
*اب شاكوش ورفاقه شكرا ليكم
*مريخاب نهر النيل شكرا ليكم
*الفاضلاب شكرا ليكم
*ناس شندي وضواحيها شكرا ليكم
*ولن انسي مريخاب ام الطيور والدامر وبربر
*حتي الشفوت الذين حضروا من الشماليه مشاققه شكرا كتير ليهم
*المهم
*دايرنكم في دنقلا
*والجمع بين الكاسين حلو حلا
*هيييييييييييييي مقدره
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ناس المدارس قالوا اجزوا لينا
*واقساط القرايه ماشه علينا
*حتي بتاع الترحيل يا والينا
*ماخصم ايام الاجازه لينا
*زمان اهلنا بفرحوا لما يأجزوا لينا
*اسي اخير ليهم المدرسه تفتح لينا
*علي اقل تقدير يوفروا شويه باقي السخينه
*في الاجازه ما بنضرب السخينه يا والينا
*ونقعد نتلفت بعد ضربنا السخينه منو البغدينا
سلك كهربا
ننساك كيف والكلب لما سمع المدارس اجزت قال سجمكم مع كيس العيش البياكل الجقر نصو ده
والي لقاء
سلك