* أخواننا الكصريين ناس لذيذين جداً
* وقدام شديد
* يمكن يكونوا أقدم ناس فى الدنيا دى..من قبل سيدنا موسى عليه السلام
هم قاعدين
* ناس خبره
* وتفتيحه وأولاد قلبا
* هم بقول ولاد (ألبها)
* (ألبها) دى بالسودانى قلبا
* المهم
* ناس فايدة
* الدنيا علمتهم يستفيدوا
* ومن أمثالهم
* يا بخت من نفع وإستنفع
* عشان كده لو لقو فرصه ينفعوا زول ينفعوهوا بشرط يستنفعوا هم
* والنفع والإستنفاع فى البيع والشراء
* ما كل المصريين ببيعوا ويشترى
* المصرى يا ببيع يا بشترى
* ناس القاهرة مثلاً بيشتروا
* لكن ناس الأسكندريه ببيعوا
* إتعلموا البيع ده بحكم موقعهم كأقدم ميناء مصرى فى التاريخ
* نابليون بونابرت جا مصر بالأسكندريه
* بوابو تجاريه من زمناً بدرى
* بورسعيد بتلقى فيها البيع والشراء
* دى المدينه الوحيدة فى مصر الجمعت بين البيع والشراء
* بحكم المنطقة الحره فيها
* لكن القاهرة مدينة الشراء
* والأسكندرية مدينة البيع
* بياعيييييييييييين
* المهم
* المصريين بحبوا البيع شديد
* واحد مصرى باع ابوالهول لواحد صعيدى
* ورمسيس إتباع كم مره
* ناس يبيعوا الهرم ما يبيعوا الحاجات؟
* طالما باعوا الحرم يبقى ببيعوا اى شى تانى
* ومن امثالهم
* بين البائع والشارى يفتح الله يا معلم
* ويستغلوك
* لو لقوك محتاج للبيعة دى شديد
* يرفعوا ليك السعر شديد
* تقول الف دولار
* يقولوا ليك ما ينفعش
* تقول الفين
* يقولوا ليك الراجل حا يصفر ورانا شغل
* طبعاً قاصدين بالراجل الحايصفر العطشقى بتاع المحطه بتاعت القطر
* بصفر
* وبعدو القطر بصفر
* وبسافر
* هنا عندنا موش بقولوا ليك فلان قطرو صفر؟
* ياها ذاتها عندهم
* بس بقولوها الراجل حايصفر
* وطبعاً الراجل لو صفر
* والقطر إتحرك
* بتلقى روحك واقف فى المحطة
* وعشان تلحق القطر
* تقوم تشترى منهم بالسعر البحددوهوا هم
* ولا الراجل حايصفر
* الغريبة فى الجزائر مافى كلام زى ده
* القطر بصفر براهو
* وفووووووووووو
* يفوت يخليك فى واطات الله دى
* المهم
* المصرييين ناس قدام
* وليهم من العادات والتقاليد الكثير المثير والرائع
* لكن كل عاداتهم وتقاليدهم بتعتمد على الكاش
* مثلاً
* لو حضرت ليك عرس فى حاره
* الواحد فيهم ما بغمت لى ناس العرس تحت تحت
* الحاره كلها تعرف انو غمت
* ويعملوا ليهو كمان دعايه وإعلان لى شغلو
* وشغلوا تجارة
* وطبعاً بيع
* المعلم رشوان اجدع معلم فى البلد وصاحب اكبر وكاله وقهوة فى الدقى
* تلت الآف جنيه ومعاها بوسه
* الحله كلها تزغرد
* يقوم المعلم يقيف حيلو
* ويجى وسط الحلقه
* يقول
* المعلم
* ناس الفرقة الموسيقية يقولوا وراهو
* المعلم
* يقول ليهم رشوان
* يقولوا رشوان
* صاحب اكبر وكاله فى وسط البلد
* يرددوا معاهو صاحب اكبر وكاله فى وسط البلد
* يبارك للعروسه المحروسه وميت جنيه للفرقة الموسيقية
* ورأصنى يا قدع
* الفرقة الموسيقيه تسمع بالميه
* ترقصو ليك لمن يجيهوا غضروف
* لكن لو ما دفع
* والله لو ينطط للصباح
* طبله تقول بغم مافى
* ناس فايده المصريين ديل
* ورأصنى يا جدع
* المهم
* تختلف الثقافات واللهجات حتى داخل مصر
* ناس الأسكندريه يجمعوا المفرد المتكلم..يعنى يقولوا ليك رايحين السوق
نبيعو البضاعه دي
* الماشى بكون زول واحد
* لكن بفكها فى روحو ويجمع المفرد
* يتخيل لى السبب أنهم شبعانين
* ناس الإسكندريه ديل جنهم أكل
* البحر فاتح نفسهم للأكل
* ونحنا نمشى البحر يومى
* يقولوا لينا الغدا
* نقول ما دايرين
* المهم
* تبقى مصر مصر
* بحضارتها وثقافتها ومكانتها فى العالم
* وتبقى عبارة رأصنى يا جدع
* خاصة بمصر معبرة عن تكافل أهلها مع بعضهم البعض
* المهم
* مازيمبى كمل اقوانو
* وسنحافظ على نظافة شباكنا على أرضنا فى مباراة مازيمبى إن شاء
الله
* وسنقهره رايح جاى
* فالزعيم سمات البطولة إرتسمت على وجهه منذ مباراة عزام
* أما الطرف الثانى فى المباراة الختاميه
* حايدخل مباراة المريخ بحذر شديد
* لأنو قابل المريخ السنه دى مرتين
* ولولا تدخل التحكيم لخسر السته نقاط بتاعات مباراتيه ضد المريخ
* الطرف الثانى فى المباراة النهائية
* مدجج بالنجوم
* نخاف منه فقط فى منافسة مهاجمه لبكرى فى هداف البطولة
* لأنو مهاجمهم برغم انو عندو تلاتة اهداف بس
* إلا أنه قناص بارع
* وأتوقع ان يحرز فى مباراتى دور الأربعه ما اقل من اربعة اهداف
* البلايلى خطير شديد
* أيها الناس
* الوفاء لأهل العطاء
* عبارة جسدها فتية تورنيدو أهل الروعه
* خاص صفحة الأحمر الوهاج
* لفته بارعه منهم وهم يحملون يوم مباراة الإتحاد صورة الزميل الرائع
الشفت المبدع معاويه الجاك
* تضامناً معه فى رحلة العلاج التى نتمنى ان تكون قصيرة
* ليعود القلم المصادم النزيه معانقاً للشفوت من جديد
* معاوية الجاك قدم عطاءاً للمريخ لايعرفه الناس
* لأنه لايريد ان يلمع نفسه بقدرما يهدف لخدمة الكيان الكبير
* أتم الله نعمة الشفاء لأخونا معاويه الجاك
* ودعوات الشفوت ضرورية يا شفوت
* وناس تورنيدو عملو ختمه للمصحف بنية شفاء ابوالجاك
* شكراً أهل الوفاء تقديركم لأهل العطاء
* ودمتم
* المهم
* الراجل ده إختفى مالو؟
* طبعاً مبدع برغم انو اغانيهو كلها لحن واحد
* اتخيل لى عندو اغنية بقول فيها
* كنت عايز اشترى طعمية
* قالولى لو عاوز تشترى تروح الإسكندرية
* ورحت الإسكندرية وباعولى الطعميه
* وهييييييييييييييييي
* أين انت يا شعبله؟
* المهم
* سقط سهواً مننا ان نذكر دعم تجمع الروابط للزعيم قبل مباراة الإتحاد
* خمسه مليون
* مليون ينطح مليون(بس ما بقول باع بنطح ساى)
* تبرعوا بها دعماً للزعيم فى التمرين الختامى لمباراة الإتحاد
* حقهم الألإدبى
* من واجبنا ذكره
* ودمتم يا شفوت
* أيها الناس
* إن تنصورا الله ينصركم
* أها
* نجى لى شمارات والى الخرتوم
* أنت يا والينا
* السحاب ده صينى؟
* مالو ما بصب لينا؟
* ولا إلا نغنى ليهو يا والينا
* يا مطيره صبى لينا فى عينينا؟
سلك كهربا
** ننساك كيف ولما السحاب يتلملم الكلب بتألم ويقول يا حليل سحاب
زمان لما كان الخريف قطاع اهلى والسحاب من رب العالمين والمطر
للجميع؟!!
ﻭﺍﻟﻲ ﻟﻘﺎﺀ
ﺳلللللللك
يتهم الهلال دون بينة ، ويسخر من المصريين بطريقة لا تليق، ويظن أنه يمزح
أمشي أقرأ مقال الصحفى القامة الأستاذ كمال حامد بعنوان (ليس فى الأمر عجب) بجريدة الانتباهة علك تتعلم منه شيئا.
الأستاذ كمال حامد يفاخر بصعود فريقين سودانيين لدور الأربعة ويذكر بأنه ليس فى الأمر عجب أن يصعد فريقان من دولة هي المؤسس للإتحاد الافريقي ، ويحذر فيه من أمثال هؤلاء الصحفيين من الطرفين الهلال والمريخ.
ونحن نقول بدورنا إن فى الأمر عجب أن يكون كاتب هذا العمود صحفي
والبلد قالوا فيها نظام عام ؟؟
اسامة ابرهيم