* لقاء اتحاد العاصمه ووفاق سطيف اعلن تأهل الكبير
*اثبت الاخوه في الجزائر انهم اشرف من التواطوء
*و صدق احساسي
*اليوم ليس علينا الا ان نترحم علي المليون شهيد
*نزور اهلم
*اسره اسره
*ونشيل معهم الفاتحه
*اما باقي المليون شهيد القاعدين في امدرمان
*فاظن انهم قد استشهدوا تاني بعد فوز الاتحاد علي الوفاق
*متضايقين
*وبكرة الدفن
*غايتو في دفن
*اجهز يا عابدين
*وينتهي العزاء بمراسم الدفن
*بالمقبره
*ماتنسوا ياروشا
*اعزمونا ندفن معاكم
*قاعدين ساي ماعندنا شغله
*صعدنا نحمد سيدنا
*يعني لو ما لعبنا الكورتين الفضلن برضك صعدنا
*حقو نسوق طيارتنا ونرجع
*مانلعب مع العلمه
*ونقول لي ناس الاتحاد كتر خيركم
*ماتجونا في القلعه الحمراء
*نحنا وهم
*بقينا مارقين
*بقينا ناس دور اربعه سااااااي
*لا حسابات ولا لولوه
*ولو تفتح عمل الشيطان
*واعوذ بالله من الشيطان الرجيم
*روشا
*ماتنسوا تعزمونا الدفن
*بي موقفكم بتاع الحافلات ده
*حايسموكم الشهداء تو
*موقف الشهداء الفي الشهداء
*وموقف الشهداء الفي العرضه
*ومليون شهيد لعهد جديد
*عهد مافيهو صفر متحكر ياروشا
*عهد يمرقكم لي بره
*يوديكم لوح الشرف الافريقي
*مليون شهيد لعهد جديد
*عهد مافيهو كباري تسجيلات مواسير
*عهد مافيهو خردة من البرازيل
*عهد يوديكم المطار يا فطومه يا اختي
*المليون شهيد ما كتار علي عهد زي ده
*ايها الناس
*لا نحب ان ناكل الا بايدينا
*ولكن ناس اتحاد الجزائر خصمونا وحنسونا وختوها لينا في خشمنا
*ما بناباها
*ولنا اجر المضغ والبلع
*لكن صدقوني
*اتحاد الجزائر غلب الوفاق
*لي نفسو
*هنا بنغلبوا ان شاء الله
*ديديه لازم يضع بصمتو
*لازم يجيب قون
*دردقها ليه يا بكري
*عقربها ليهو
*الراجل برضك دردقها ليك يوم العلمه
*ايها الناس
*ريحة المطار فاحت
*وعمت القري والحضر
*الكل شاميها الحيوان والبشر
*الشجر والحجر
*والبحر
*آآآآآآآآخ من البحر
*اليومين دي البحر زايد
*ايها الناس
*معانا منو في دور الاربعه غير الاتحاد ؟؟؟؟
*المهم
*شابكننا المجموعات المجموعات
*المجموعات نحنا لما ندخلها بنتأهل منها وباقي لينا كورتين
*لو ما لعبناهم ما بفرق كتير
*ويفرق كتير طعم الصبر علي الصفر لما يبقي مر
*المهم
*سعادة اللواء عبدالمنعم النذير ليهو نذر
*قال يوم المطار حاينزل في السوق عطر
*اسمو ريحة المطار
*التعبئه سودانيه ميه الميه
*والعطر تركيبه ايطاليه فرنسيه
*الديباجه غانيه
*والغطاء نيجيري
*البخاخ عاجي
*واتبخبخي
*ايها الناس
*ابو الهل ابن عمنا
*وبكره امرو بهمنا
*لازم نقيف معاهو كلنا
*الشغيل ما موقوف
*لازم يلعب
*وصلاح الجزولي ما كعب
*اشراكو ضروري
*والكوكي شاطر
*بس اقيفوا معاهو
*مساوي ما تقيل
*لكن فاقد اتير
*والبفقد اتير بفقد كتير
*والبفقد كتير
*وانا ما داير اقول بتغلب كتير
*المهم
*الشتلات كترت السنه دي
*والغريبه السخانه دي بتكتل الشجر الكبار
*يعني ده ما وكت شتلات
*فشتلوا معركة ايمن وجمال سالم
*وشتلوا صفر المريخ الدولي (بدون ادني خجله )
*وشتلوا استقبال الشفوت لي ناس مازيمبي
*والسخانه تزيد
*والشتلات تموت
*ويشتلوا تاني
*ايها الناس
*العشره الاواخر دائما بتجي فيها المشاكل للهلال
*تتذكروا ناساروا ؟؟؟
*تتذكروا فيتا ؟؟؟؟
*تتذكوا السواسيو ؟؟؟
*حقو كردنه يشتكي الكاف لي لوزان
*عشان يلغوا ليهو العشره الاواخر
*العشره الاواخر في رمضان بتدخل العضم
*وفي الهلال بتدخل الشبكه
*مكسيم عارف الكلام ده ؟؟؟
*ايها الناس
* هذا العمود بين ايديكم والمريخ قد اعلن التأهل
* الليله نحضر الكورة بي مزاااااااااج
*وغرزه يجرب
*جمال سالم رئيسا للنادي
*وجمال الوالي راس حربه
*بكري المدينه ثيردباك
*وكوفي حارس مرمي
*ايمن سعيد صانع لعب
*وجابسون مساعد مدرب
*نجرب زي ما دايرين
*يعني حايحصل شنو ؟؟؟؟؟
*المهم
*مريخابي بضحك تحت تحت لما شاف اتحاد الجزائر امس
*قال لي شاحد ربي الهلال يتأهل
*هلالابي عاقل جدا
* بحضر معانا في الكورة
*شاف اتحاد الالبلايل بتاع الجزايري
*اقصد شاف البلايلي بتاع اتحاد الجزائر
*قال لي شاحد ربي ما نتأهل السنه دي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*السخانه الفينا
*ما طبيعيه يا والينا
*كلو شئ زاد
*اوعه تكون تزدتوها لينا
*سخانه في الجيب
*سخانه في الجو
*سخانه في الاجزخانه يا والينا
*ياخفضوا سعر العلاج يا والينا
*يا السخانه دي خففوها لينا
سلك كهربا
ننساك كيف والكلب من السخانه صوفو اتحته
والي لقاء
سلك
الموضوع فيه العاقبة عندكم فى المسرات مش شكر الله سعيكم.
باب تحويل الرصيد مفتوح كشكش جيبك.
جزاك الله خير يا سلك لولاك وجبرا كان زمان طرشقنا
*غايتو في دفن
*اجهز يا عابدين
*وينتهي العزاء بمراسم الدفن
*بالمقبره
*ماتنسوا ياروشا
*اعزمونا ندفن معاكم
*قاعدين ساي ماعندنا شغله)اسالكم بالله هذا صحفي يرجي منه ان يفيد الصحافة الرياضة بشي الاجابة بالطبع لا ، اين اتحاد الصحفصين من امثال هولاء وفي اعتقادي انهم نائمون واخيرا نسال الله ان يصلح الحال والاحوال .
بالنسبة ل...
المجموعات نحنا لما ندخلها بنتأهل منها وباقي لينا كورتين
نسيت مابنطير برانا
وبعدين كل خوفك الهلال يتصدر المجموعة وياويلك
نومك بيكون ذي صاحي وماشايف
شجع مازيمبي
شجع تطوان
الهلال بطل المجموعة وبلاقي طيش المجموعة
اركز
لكن ما صاح منك توصف المواطن السودانى بالكلب .
ربنا كرم البنى ادم .. خليك من الفئة الما كرمتنا وجابت مننا الزيت .
هسى دا كلام سهران ليهو الليل كلو؟؟؟
استغفر الله العظيم!!