* أمس كورتنا كانت ما على قدر كده
* طبعاً الكلام ده ما معناهو بتشبه كورة جماعه كده
* لأنو الجماعه الكده كورتهم شبهها براها
* زى شراب الكلب
* لا بتعرفو روى
* ولا بتعرفو عطشان لسه لكن زهج وقام مشى
* ولا بتعرفو شرب ولا مصمص لسانو ساى
* جقلب جقلب جقلب
* لكن أسوأ مافيها كان كالعادة السيد الحكم الموقر
* كالعادة ماقاصد
* مجرد أخطاء بحسن نيه
* صرف تلاتة ضربات جزاء مع بكرى
* لأنو بكرى
* ده العقرب
* ده الجهجه الناس
* ده شقلوب المقطع القلوب
* لكن أسياد القلوب عاملين فيها ما هاميهم
* زى الشافع البجى جارى ويقع
* الوقعه تحرقو
* يقوم على حيلو ويعاين للناس
* ويدمع ويقعد يبكى مردداً
* ولا حارقانى ولا حارقانى
* وهى حارقاهو ومقطعه قلبو
* تلات ضربات جزاء ضربة تنطح ضربة أيمن الأصفر التانى
* لكن تقول شنو
* تمشيطيه يا عمك
* وأغرب تصرف أتصرفو الحكم كان فى الشوط التانى
* فى الجهه الشرقيه من الملعب
* إشترك ايمن سعيد مع لاعب الخرطوم فى كورة
* إحتسب الحكم مخالفة على الوطنى
* لاعب الخرطوم عفص ايمن فى رقبتو
* الغريب فى الأمر الحكم إستدعاهو
* وإتوقعنا أن يخرج له البطاقة الحمراء فى وجهه
* ولكنه بكل عدالة قسمها على إتنين
* أدى لاعب الخرطوم أصفر ورقبة ايمن أداها الأصفر التانى
* اللهم لا إعتراض فى حكمك
* خاص صفحة مريخابي وشموخي عالي
* وأسوأ حاجه فى الحكم لياقته
* ياخ فى ضربة جزاء مع بكرى فى الشوط التانى
* الحكم كان فى دائرة السنتر
* تحكمها من هنا؟؟؟
* كورة ولا دوله داير تحكمها من هنا ياعمك؟؟؟
* المهم
* إنتصرنا
* وكان الشفوت فى الميعاد
* بى طبولهم ودفوفهم
* قدموا لوحة تشجيعيه رائعه كعادتهم
* أيها الناس
* إن شاء الله نعود من الجزائر وشهدائها مليون وإتنين شهيد
* ده غير الشهيد الجزائرى القاعد هنا
* يوم نلاقى العلمه شهيد الجزائر الهنا بكون من يوم الجمعه فى غيبوبة
* السبت بسلم الروح
* أصلو الجزائريين ديل بحبوا الإستشهاد
* نعود من الجزائر باى باى علمه
* باى باى وفاق
* وصدقونى
* بعد كورة الإتحاد ماشين الكونغو
* وبعد الكونغو راجعين الجزائر تانى
* المريخ بقى قاعد فى الجزائر أكتر من عوض عيد
* أسى ضفر قال داير يعمل ليهو هايس فى الجزائر
* تشتغل العاصمه سطيف
* وتمشى مشاوير كمان
* وبله جابر حايعمل ليهو ساوند فى الجزائر
* باقى الساوند فى الجزائر بجيب مال صاح
* حفلاتهم ماليها حد
* وشغاله للصباح
* خاص صفحة مريخابي وشموخي عالي
* لاتصديق ولارخصة محليه
* قال لى بجبجبوا للصباح
* إزعاج شديد للمليون شهيد
* محمد عبدالماجد
* بتعرف ليك فنى ساوند فى الجزائر يمسك الساونات بتاعت بله جابر؟؟؟
* أب سورى
* الجزائر العرفك ليها شنو؟
* مشيتوها متين وإنتو زايغين منها سنين؟؟
* غايتو يا ابوحميد لو بله لقى لى هلالابى فنى ساوند
* وقال ليهو الشغل فى الجزائر
* الهلالابى بالأنتربول ما بمشى الجزائر
* وتستمر الإستثمارات
* أتير برضك راجل محترف وأجنبى بى حقو
* قالوا ما عاجبو إلا الحَمام المغربى
* بى صابون بشرى يا أتير بكون فى السلك
* حمام مغربى بى صابون بشرى
* المهم
* الأهلة الذ ناس
* عماد ود كوستى
* جارنا
* أجدع خضرجى فى ولاية الخرطوم
* هلالابى
* كان بسمع فى الكورة فى الراديو
* وأنا طالع متأخر ماشى على الإستاد قابلتو
* المذيع قال ضربة جزاء للمريخ
* فى الراديو
* عمده قال ما صحيحه
* هلالاب يجننوا
* بشوفوا فى الراديو
* المهم
* هل أوفى كردنه كما سمعنا بوعده تجاه علاج لاعب الميرغنى
* أم لازال اللاعب بمستشفى أمدردمان؟؟
* وإن كان كذلك
* كردنة داير يعالجوا بالتأمين ولاشنو؟
* مع تمنياتنا بالشفاء العاجل للاعب المصاب وعودته للملاعب من جديد أكثر قوة
* معليش يا كابتن
* أصلو فاقد الموهبه ماعندو طريقة غير كده
* عشان كده الفيفا جابت اللعب النضيف
* لكن نضيف وين من يخطئ ولايظلم بتاعننا ديل
* قبلك كتير شربوا من نفس الكاس
* زكريا ناسو لاعب أهلى شندى الذى كسر ساقه
* وترقوة عبدالمجيد جعفر والغريبة الحكم ما حسبها بلنت
* وفيصل العجب
* وعثمان زكى
* وغيرهم كثر
* الفيفا مفروض يطلع قرار فى الجته دى
* وحقو يا كردنة لما تمشى لوزان لموضوع بكرى المدينة
* خاص صفحة مريخابي وشموخي عالي
* أفتح ليهم الموضوع ده
* تكون خدمت المواهب فى هذا البلد
* برضك فى الآخر وطنى يا حبيب
* كردنة
* أمس حلمان بيك رسلت زول
* ما عارف الدويم ولا الديم
* النور فى الحلمه كان ضعيف ما قريتها كويس
* ياربى الحاصل شنو؟؟؟
* أيها الناس
* ريحة المطار لمن فاحت
* دموع زنطور كبت وسالت
* وآه أنا ما نسيتو وودعت الحبيب وجفيتو
* المهم
* أمس فى الإستاد شفت قال لى نكته
* قال مريخابى وهلالابى وموردابى ماشين فى الصحراء
* فجأه ظهر ليهم ابليس
* سألوهو
* المريخابى قال ليهو أنا بشيكل كاس أفريقيا للأبطال متين يا ابليس؟
* ابليس قال ليهو السنه دى لكن بتموت بعدو
* الموردابى قال ليهو وأنا بشيل الأبطال متين يا ابليس؟؟
* ابليس قال ليهو بعد عشرين سنة لكن ما بتحضرو
* الهلالابى قال ليهو وأنا بشيل كاسا فريقيا متين يا ابليس؟؟؟
* ابليس قعد يبكى
* قالوا ليهو مالك؟
* قال ليهم اليوم داك انا ما بحضروا
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* المطره بتجينا بى ضبابينا
* نازلة من سحابة ولا كرشة يا والينا؟
* ولا عشان المحليات ما شغالة بيننا؟؟
* والنسألك يا والينا
* صحة البيئه شغاله وشغاله بينا؟؟؟
* ولا أساساً بيئه ما لدينا؟؟؟
* خاص صفحة مريخابي وشموخي عالي
سلك كهربا :
** ننساك كيف والحله بقت زى ناشونال جيوغرافيك حشرات وفيران وضبان
والكلب يموت من الضحك؟!!
ﻭﺍﻟﻲ ﻟﻘﺎﺀ
ﺳلللللللك
الزول ده قاعد اورجق أقول فى شنو
فاكرين ما يكتبونه من سخرية بالهلال ورئيسه وجماهيره مجرد مناكفة بين الهلالاب والمريخاب ، ويصوروا ليك المريخ دائما مظلوم من الحكام السودانيين وجتي الافارقة موجهين لظلم المريخ لمصلحة الهلال وهكذا من خزعبلات .
مثل هؤلاء الصحفيين يكرهونك الكرة السودانية نفسها والتي تركناتشجيعها بعد هلال 87 ومريخ 89
وعدنا لتشجيعها مع هلال 2007 و2009 ، وبعد ما أصبح للسودان فرق قوية تشارك فى الابطال والكنفدرالية (المريخ ،الاهلي شندي والهلال ، الخرطوم الوطني)
هؤلاء ممكن أن يتسببوا فى صرف الجمهور عن تشجيع الفرق السودانية سوي هلال أو مريخ وعن الكرة السودانية الغير مشجعة أصلا .
أين ضمير الكلمة المهذبة ... وأين وقارها ؛
يقتاتون من اللت والعجن والفتنة واثارة الغبن؛
يا لهذا التواضع ويا للمحنة التي نحن فيها.
اسمها رياضة يا هؤلاء ...
أنظروا من حولكم ... ثم قيموا مجهودكم .. أنتم تمثلون الأزمة الحقيقية في التطور.......
مما يؤسف له ... أن هؤلاء انفسهم يقتحمون أبوابنا عبر الوسائط الإعلامية راديو، تلفزيون ... ليوصلوا رسائلهم الفجة هذي ...عنوة لنا ...رضينا أم أبينا....
لله درك يا وطن.........
فيصل موسي عندو كم كرت ؟؟
خايفين علي سمعة السودان باقي لسه شغالين نمسح في اثار 12 و2 حقت سنة 1992 لما الجماعة غيرو رقم الثعلب (2) لرقم كندورة الماكان لاعب (12) .
... افهم ياسلكونى فإذا كنت عارف معنى زنطور تبقى مصيبة وإذا كنت جهلول فالمصيبة أعظم
** ننساك كيف والحله بقت زى ناشونال جيوغرافيك حشرات وفيران وضبان
والكلب يموت من الضحك؟!! ،،،،،،،،
وبعد ان شبع الكلب ضحكا امسك بقلمه ليثبت للعالم ان الكلاب تتمتع بالمقدرة على التعبير عن ما بدواخلها