قام تاني جاب سيرة السفر
قالوا ليك (الهلالاب) الشفوت ديل قعدوا مع (شداد) ..قالوا ليه شوف لينا طريقة نشارك بيها في بطولة كاس العالم للاندية.
{ ان شاءالله نمشي هناك في لجنة تنظيم البطولة.
{ شداد طبعا اذا (سخي) ما في زول بلحقو...شداد من يلبس ليك قميصو (المشجر) دا...اعرف ان الموضوع كبير.
{ مشكلة بيتر جيمس دي شداد حلاها في سبع دقايق...كل دقيقة بي اسم.
{ غايتو الهلالاب ديل ما في حاجة بتغلبهم.
{ ناس المريخ الي الان قالوا ما عارفين المسح الايميل منو؟.
{ الناس وصلوا القمر وانتوا في (المسح الايميل).
{ قالوا لي انساه و (امسح) من جهازك ايميلاتو.
{ انتوا يا ناس المريخ ما قالوا ليك في (ايميل) بتمسح براه.
{ منو وليهو...الايميل بعد خمس دقايق بتمسح.
{ المريخاب التقنية دي ما وصلتهم...عشان كدا النقطة دي ما بفهموها لينا هسع.
{ هم (نجيلتنا) ما قدروا يستوعبوها.
{ الي الان الجماعة ما عارفين ناس الهلال ديل تموا (النجيلة) من وين؟.
{ تميناها من (سعد قشرة)....انتوا مالكم.
{ نجيلة هي ولا (شيلة)!!؟.
{ انتوا مالكم ..كلامك بقي كتير ..تقول (مشاركين) في الندوة العالمية للتطعيم ضد مرض الجدري.
{ خلاص يا الهلالاب عاوزين تفكوا اي حاجة وتقبلوا علي (الجدري).
{ هسع يقوم ينط لينا مريخابي يقول لينا : الجدري دا ذاتو (كرتو) وين؟.
{ كرت التطعيم طبعا ...ما تلافحو ساكت.
{ الناس ديل وقت رأسهم بضرب بقولوا ليك: الايميل مسحوه.
{ لا بالله.
{ متين الكلام دا حصل؟.
{ ايميل هو وإلا رقم تلفون.
{ تصوروا ناس الهلال ديل اي حاجة عندهم ليها حل.
{ سولي شريف دا لغوا ليهو اللائحة...المحكمة الدستورية بجلالة قدرها تدخلت عشان ترد الحقوق لمواطن سوداني ...اسمو (سولي شريف).
{ في سوداني اسمو (سولي شريف)...انتوا كمان ما تبالغوا يا ناس الهلال.
{ الحاجة الغايظني بالجد....الهلال دا مرة انسحب من الدوري الممتاز وهدد بتجميد نشاطه...والمفوضية ادخلت...والوزير ادخل...والمحكمة الدستورية لغت المادة 14.
{ انتوا المادة 14 دي شنو الفالقننا بيها ناس الهلال ديل.
{ انتوا يا ناس المريخ ما عندكم عقل.
{ ناس الهلال ديل المادة 14 (مسحوها) ليك مسح بواسطة المحكمة الدستورية...غالبهم يعني يمسحوا (الايميل).
{ ايميل مين يا عم؟.
{ التسجيلات القادمة الهلال عاوز يسجل ليه لاعب (القاعدة الامريكية) ما بتثبتو.
{ من هسع جهزوا (مرثياتكم) يا ناس المريخ...قولوا اي حاجة...اتمسح ما اتمسح ..اتمسح ما اتمسح.
{ بصم ..ما بصم ..بصم....وين الزول دا انت؟.
{ اتصرفوا ما تقعدوا لينا كدا...اعملوا اي حاجة ان شاءالله تعملوا ليكم (طابق ثالث).
{ قالوا ليك جمال الوالي بدرس في سيرة خمس مدربين اجانب...عشان بعد مواجهة القمة القادمة ح يعفوا كاربوني.
{ المريخابي المفتح يتابع (صدي الملاعب)...الاعلام السالب دا ما بديكم حقيقة.
{ اتمسح ما اتمسح اتمسح ما اتمسح.
{ لو اتمسح ..المسحو منو؟.
{ لو ما اتمسح ..مشي وين طيب؟.
{ انت مالك عاوز تجننا.
{ قالوا ليك مريخابي مشي يشكي للدكتور.
{ الدكتور قال ليه : مالك يا اخوي عيونك صفر كدا ...متل قدحة التوم!!.
{ المريخابي قال للدكتور : يا دكتور عندي مشكلة.
{ الدكتور قال ليه : مشكلة شنو يا زول من الصباح كدا...عامل عيونك متل شباك العزابة اليوم كلو فاتح.
{ المريخابي قال ليه : عندي مشكلة مع سيد البيت..قال لي يا تطلع يا نزيد الإيجار.
{ الدكتور ما بحب الكلام الكتير ...كتب ليه (زيد الإيجار)...حبة كل تلات ساعات.
{ كمان يا الهلالاب بقيتوا (زيادة الإيجار) حبوب.
{ المريخاب لو باروكم بي الطريقة دي...بمسكم (المصران).
{ المصران دا حاجة غير (ديمبا).
{ انا ما كملت ليكم الموضوع ...تطيروا الكلام من الرأس.
{ موضوع شنو؟.
{ موضوع (السفر).
{ سفر شنو يا زول؟.
{ سفر الهلال الي (ابوظبي).
{ تاني ...تاني يا اخوي...انت مالك عاوز تجيب لي (الضرس).
{ انتوا عارفين كمال شداد وعد الهلال خير..قال ليهم موضوع مشاركتكم في كأس العالم للاندية دا خلوه علي.
{ كيف يعني؟.
{ قالوا الفيفا السنة دي يمكن تغير القانون ..يعني بدل ما يشارك بطل الاندية الافريقية للابطال ...يشارك احسن ثالث في البطولة.
{ انت عاوز تقنعني انو الثالث بتاع البطولة الافريقية ح يشارك بدل الاول...كيف دي يعني؟...انت مالك عاوز (تلوخمنا) ...عاوز تجيب لي (الطوحال).
{ الطوحال في عينك...هو في زول الزمن دا لاقي ليهو (طوحال).
{ الموضوع بسيط يا اخوي...ناس مازمبي ديل بتاعين (منشطات)...عشان كدا ما بخلوهم يشاركوا في بطولة محترمة لو شالوا كأس الاندية الافريقية للابطال.
{ في الحالة دي يا اخوي بقوم يشارك التاني هارتلاند ..دا لو هارتلاند ما شال الكأس.
{ هارتلاند دا طلع لينا من وين كمان؟.
{ تصور انا ما كنت حاسب الحسبة دي.
{ كدى اديني 48 ساعة واتصل بي ..بنلقي ليها حل...نحن (الاعارة) لقينا ليها حل ...ح يغلبني الموضوع دا.
{ سادومبا دا زول عجيب..تصوروا جاب ليه (هدفين) في مباراة وهو ايميلو ممسوح.
{ غايتو انا قوة عين بالشكل دا اصلو ما شفتها.
{ زول كرت ما عندو ..يجيب ليه هدفين.
{ قلت ليكم ناس الهلال ديل ما بتحيروا قعدتوا تغالطوا.
{ السنة كلها تغالطوا.
{ بصم ..ما بصم ...بصم..ما بصم.
{ ناس الهلال ديل ..اغرب ناس ..فريق غلبهم خمسة...يمشوا يغلبوا اتنين في بلدو.
{ شوفتوا ليكم قوة عين بالشكل دا.
{ والله ليه حق (الايميل) يتمسح.
{ قالوا ابوظبي فيها برد شديد.
{ عشان كدا نحن ح نصرف السفر السنة دي.
{ طبعا ناس برشلونة فضوا معسكرهم بعد ما عرفوا الهلال طار.
{ الظاهر بطولة كاس العالم للاندية السنة دي بتكون حمام ميت.
{ خلاص يا الهلالاب عاوزين تفكوا اي حاجة وتقبلوا علي (الحمام).
{ عندي سؤال.
{ سؤال شنو كمان في البرد دا.
{ سفاري.
{ سفاري مالو؟.
{ سفاري ح يشارك في القمة القادمة وإلا كمان تاني بعمل لينا فيها (مصاب).
{ نحن حركاتك دي يا سفاري بنعرفها.
{ كلتشي طبعا من يشوف (ديمبا)..بعمل فيها ما شايف.
{ غايتو كلتشي دا الله ريحنا منو جنس راحة.
{ زول كلامو كتير خلاص.
{ يا عم روح.
{ اقول ليكم حاجة.
{ قول!!.
{ نحن ابوظبي دي بنمشيها ..ان شاءالله نمشي مهرجان دبي الدولي...انتوا مالكم بس.
{ ركزوا في (ايميلكم).
{ ملحوظة: انت شنو الايميل الكرهتنا بيه دا.
هوامش
{ الصحافة المصرية تكتب عن مباراة مصر والجزائر بنفس الطريقة التي تكتب بها عن حرب 6 اكتوبر.
{ الغريبة ما في اي زول شكي من هذا الشحن والضغط.
{ الموضوع اكتر من عادي.
{ الحضري يصرح وابوتريكة يصرح وسيد معوض يصرح وحسني عبده ربي يصرح وسمير زاهر يصرح.
{ اي زول في مصر بصرح.
{ غايتو جنس تصريحات.
{ مباريات الهلال القادمة في بطولة الدوري الممتاز يجب ان تحظي باهتمام خاص من الهلال.
{ حذاري من الفقدان.
{ سادومبا بي حالتو دي ..بعد دا يمكن ان يطلع هداف للممتاز.
{ الظاهرالزول دا كرتو وصل ونحن ما عارفين.
{ غايتو يا سادومبا ...(الباشا) معاك إلا يشوف ليه (كرت احمر) يتخارج بيه.
{ واحد يعمل فيها مصاب وواحد يعمل فيها (مطرود)...وواحد موقوف.
{ يا سعيد السعودي ...اثبت ساكت ..ح تكون كابتن المريخ في مباراة القمة القادمة.
{ ناس المريخ ديل ...ما اظن يستنونا.
{ الجماعة عملوها لينا كلها (علاج).
{ انتوا ريتشارد وين؟.
{ ريتشارد في الهلال كان اخر مشطوب يغادر كشوفات الهلال ..في المريخ ح يكون اول مشطوب.
{ يا اول مشطوب من دون المشاطيب...اظهر لي غرامو وبادلني المحبة.
{ كمان قولوا ما بتعرفوا الاغنية دي.
{ الظاهر (مسحوها) من الاذاعة.
{ خبر عاجل: ابوظبي ذاتها ما سمحة!!.
قالوا ليك (الهلالاب) الشفوت ديل قعدوا مع (شداد) ..قالوا ليه شوف لينا طريقة نشارك بيها في بطولة كاس العالم للاندية.
{ ان شاءالله نمشي هناك في لجنة تنظيم البطولة.
{ شداد طبعا اذا (سخي) ما في زول بلحقو...شداد من يلبس ليك قميصو (المشجر) دا...اعرف ان الموضوع كبير.
{ مشكلة بيتر جيمس دي شداد حلاها في سبع دقايق...كل دقيقة بي اسم.
{ غايتو الهلالاب ديل ما في حاجة بتغلبهم.
{ ناس المريخ الي الان قالوا ما عارفين المسح الايميل منو؟.
{ الناس وصلوا القمر وانتوا في (المسح الايميل).
{ قالوا لي انساه و (امسح) من جهازك ايميلاتو.
{ انتوا يا ناس المريخ ما قالوا ليك في (ايميل) بتمسح براه.
{ منو وليهو...الايميل بعد خمس دقايق بتمسح.
{ المريخاب التقنية دي ما وصلتهم...عشان كدا النقطة دي ما بفهموها لينا هسع.
{ هم (نجيلتنا) ما قدروا يستوعبوها.
{ الي الان الجماعة ما عارفين ناس الهلال ديل تموا (النجيلة) من وين؟.
{ تميناها من (سعد قشرة)....انتوا مالكم.
{ نجيلة هي ولا (شيلة)!!؟.
{ انتوا مالكم ..كلامك بقي كتير ..تقول (مشاركين) في الندوة العالمية للتطعيم ضد مرض الجدري.
{ خلاص يا الهلالاب عاوزين تفكوا اي حاجة وتقبلوا علي (الجدري).
{ هسع يقوم ينط لينا مريخابي يقول لينا : الجدري دا ذاتو (كرتو) وين؟.
{ كرت التطعيم طبعا ...ما تلافحو ساكت.
{ الناس ديل وقت رأسهم بضرب بقولوا ليك: الايميل مسحوه.
{ لا بالله.
{ متين الكلام دا حصل؟.
{ ايميل هو وإلا رقم تلفون.
{ تصوروا ناس الهلال ديل اي حاجة عندهم ليها حل.
{ سولي شريف دا لغوا ليهو اللائحة...المحكمة الدستورية بجلالة قدرها تدخلت عشان ترد الحقوق لمواطن سوداني ...اسمو (سولي شريف).
{ في سوداني اسمو (سولي شريف)...انتوا كمان ما تبالغوا يا ناس الهلال.
{ الحاجة الغايظني بالجد....الهلال دا مرة انسحب من الدوري الممتاز وهدد بتجميد نشاطه...والمفوضية ادخلت...والوزير ادخل...والمحكمة الدستورية لغت المادة 14.
{ انتوا المادة 14 دي شنو الفالقننا بيها ناس الهلال ديل.
{ انتوا يا ناس المريخ ما عندكم عقل.
{ ناس الهلال ديل المادة 14 (مسحوها) ليك مسح بواسطة المحكمة الدستورية...غالبهم يعني يمسحوا (الايميل).
{ ايميل مين يا عم؟.
{ التسجيلات القادمة الهلال عاوز يسجل ليه لاعب (القاعدة الامريكية) ما بتثبتو.
{ من هسع جهزوا (مرثياتكم) يا ناس المريخ...قولوا اي حاجة...اتمسح ما اتمسح ..اتمسح ما اتمسح.
{ بصم ..ما بصم ..بصم....وين الزول دا انت؟.
{ اتصرفوا ما تقعدوا لينا كدا...اعملوا اي حاجة ان شاءالله تعملوا ليكم (طابق ثالث).
{ قالوا ليك جمال الوالي بدرس في سيرة خمس مدربين اجانب...عشان بعد مواجهة القمة القادمة ح يعفوا كاربوني.
{ المريخابي المفتح يتابع (صدي الملاعب)...الاعلام السالب دا ما بديكم حقيقة.
{ اتمسح ما اتمسح اتمسح ما اتمسح.
{ لو اتمسح ..المسحو منو؟.
{ لو ما اتمسح ..مشي وين طيب؟.
{ انت مالك عاوز تجننا.
{ قالوا ليك مريخابي مشي يشكي للدكتور.
{ الدكتور قال ليه : مالك يا اخوي عيونك صفر كدا ...متل قدحة التوم!!.
{ المريخابي قال للدكتور : يا دكتور عندي مشكلة.
{ الدكتور قال ليه : مشكلة شنو يا زول من الصباح كدا...عامل عيونك متل شباك العزابة اليوم كلو فاتح.
{ المريخابي قال ليه : عندي مشكلة مع سيد البيت..قال لي يا تطلع يا نزيد الإيجار.
{ الدكتور ما بحب الكلام الكتير ...كتب ليه (زيد الإيجار)...حبة كل تلات ساعات.
{ كمان يا الهلالاب بقيتوا (زيادة الإيجار) حبوب.
{ المريخاب لو باروكم بي الطريقة دي...بمسكم (المصران).
{ المصران دا حاجة غير (ديمبا).
{ انا ما كملت ليكم الموضوع ...تطيروا الكلام من الرأس.
{ موضوع شنو؟.
{ موضوع (السفر).
{ سفر شنو يا زول؟.
{ سفر الهلال الي (ابوظبي).
{ تاني ...تاني يا اخوي...انت مالك عاوز تجيب لي (الضرس).
{ انتوا عارفين كمال شداد وعد الهلال خير..قال ليهم موضوع مشاركتكم في كأس العالم للاندية دا خلوه علي.
{ كيف يعني؟.
{ قالوا الفيفا السنة دي يمكن تغير القانون ..يعني بدل ما يشارك بطل الاندية الافريقية للابطال ...يشارك احسن ثالث في البطولة.
{ انت عاوز تقنعني انو الثالث بتاع البطولة الافريقية ح يشارك بدل الاول...كيف دي يعني؟...انت مالك عاوز (تلوخمنا) ...عاوز تجيب لي (الطوحال).
{ الطوحال في عينك...هو في زول الزمن دا لاقي ليهو (طوحال).
{ الموضوع بسيط يا اخوي...ناس مازمبي ديل بتاعين (منشطات)...عشان كدا ما بخلوهم يشاركوا في بطولة محترمة لو شالوا كأس الاندية الافريقية للابطال.
{ في الحالة دي يا اخوي بقوم يشارك التاني هارتلاند ..دا لو هارتلاند ما شال الكأس.
{ هارتلاند دا طلع لينا من وين كمان؟.
{ تصور انا ما كنت حاسب الحسبة دي.
{ كدى اديني 48 ساعة واتصل بي ..بنلقي ليها حل...نحن (الاعارة) لقينا ليها حل ...ح يغلبني الموضوع دا.
{ سادومبا دا زول عجيب..تصوروا جاب ليه (هدفين) في مباراة وهو ايميلو ممسوح.
{ غايتو انا قوة عين بالشكل دا اصلو ما شفتها.
{ زول كرت ما عندو ..يجيب ليه هدفين.
{ قلت ليكم ناس الهلال ديل ما بتحيروا قعدتوا تغالطوا.
{ السنة كلها تغالطوا.
{ بصم ..ما بصم ...بصم..ما بصم.
{ ناس الهلال ديل ..اغرب ناس ..فريق غلبهم خمسة...يمشوا يغلبوا اتنين في بلدو.
{ شوفتوا ليكم قوة عين بالشكل دا.
{ والله ليه حق (الايميل) يتمسح.
{ قالوا ابوظبي فيها برد شديد.
{ عشان كدا نحن ح نصرف السفر السنة دي.
{ طبعا ناس برشلونة فضوا معسكرهم بعد ما عرفوا الهلال طار.
{ الظاهر بطولة كاس العالم للاندية السنة دي بتكون حمام ميت.
{ خلاص يا الهلالاب عاوزين تفكوا اي حاجة وتقبلوا علي (الحمام).
{ عندي سؤال.
{ سؤال شنو كمان في البرد دا.
{ سفاري.
{ سفاري مالو؟.
{ سفاري ح يشارك في القمة القادمة وإلا كمان تاني بعمل لينا فيها (مصاب).
{ نحن حركاتك دي يا سفاري بنعرفها.
{ كلتشي طبعا من يشوف (ديمبا)..بعمل فيها ما شايف.
{ غايتو كلتشي دا الله ريحنا منو جنس راحة.
{ زول كلامو كتير خلاص.
{ يا عم روح.
{ اقول ليكم حاجة.
{ قول!!.
{ نحن ابوظبي دي بنمشيها ..ان شاءالله نمشي مهرجان دبي الدولي...انتوا مالكم بس.
{ ركزوا في (ايميلكم).
{ ملحوظة: انت شنو الايميل الكرهتنا بيه دا.
هوامش
{ الصحافة المصرية تكتب عن مباراة مصر والجزائر بنفس الطريقة التي تكتب بها عن حرب 6 اكتوبر.
{ الغريبة ما في اي زول شكي من هذا الشحن والضغط.
{ الموضوع اكتر من عادي.
{ الحضري يصرح وابوتريكة يصرح وسيد معوض يصرح وحسني عبده ربي يصرح وسمير زاهر يصرح.
{ اي زول في مصر بصرح.
{ غايتو جنس تصريحات.
{ مباريات الهلال القادمة في بطولة الدوري الممتاز يجب ان تحظي باهتمام خاص من الهلال.
{ حذاري من الفقدان.
{ سادومبا بي حالتو دي ..بعد دا يمكن ان يطلع هداف للممتاز.
{ الظاهرالزول دا كرتو وصل ونحن ما عارفين.
{ غايتو يا سادومبا ...(الباشا) معاك إلا يشوف ليه (كرت احمر) يتخارج بيه.
{ واحد يعمل فيها مصاب وواحد يعمل فيها (مطرود)...وواحد موقوف.
{ يا سعيد السعودي ...اثبت ساكت ..ح تكون كابتن المريخ في مباراة القمة القادمة.
{ ناس المريخ ديل ...ما اظن يستنونا.
{ الجماعة عملوها لينا كلها (علاج).
{ انتوا ريتشارد وين؟.
{ ريتشارد في الهلال كان اخر مشطوب يغادر كشوفات الهلال ..في المريخ ح يكون اول مشطوب.
{ يا اول مشطوب من دون المشاطيب...اظهر لي غرامو وبادلني المحبة.
{ كمان قولوا ما بتعرفوا الاغنية دي.
{ الظاهر (مسحوها) من الاذاعة.
{ خبر عاجل: ابوظبي ذاتها ما سمحة!!.
