* أيها الناس
* خسارة عطبره لاتعنى الإنفضاض عن سامر الزعيم
* فكلنا يعلم اننا لعبنا بتشكيله ليست الأساسية
* ولكننا لانعلم لماذا إختار غرزة تلك التشكيلة
* بالتأكيد له أسبابه المقنعة
* ومنها إختيار البدائل المناسبة إذا إحتاجها للمعارك الأفريقية
* ومنها الوقوف على مستويات اللاعبين ليعلم من أحق بالبقاء ومن يجب ان يرحل
* ومنها قد يكون هناك من يحتاج للراحه من الأساسيين
* ومن يحتاج للعلاج
* قد تتفاقم إصابته إذا أشركه فى مباراة عطبرة
* ومنها من أراد غرزة إراحته من الإرهاق
* فلا تنسوا ان أولاد الزعيم صاموا فى معسكر خارجى
* وخاضوا أشرس نزالين بالجزائر
* غير المباريات الإعدادية بالجزائر
* وعند عودتهم واصلوا فى مباريات الممتاز
* وكان السفر للفاشر
* وبعدها موقعة سطيف الكلملت الكيف
* أيها الناس
* بالتأكيد غرزة ليس بالبليد
* وليس بالمقلد الذى يقلد كوكى الهلال
* خاص صفحة الأحمر الوهاج
* هكذا أطلق عليه الأهلة
* لأن من يسمع أن غرزة يقلد الكوكى بالطبع سيضحك
* الكوكى ذاتو لم سمعها بضحك
* أيها الناس * فى تسعه وتمنين
* عندما كان رودر يخطط للظفر بمانديلا
* وضع الكاس الأفريقية هدف أساسى
* وضحى بأى شئ يتعارض مع ذلك الهدف
* وفى الإجتماع سأل
* كم مره شلتوا الدورى؟؟؟
* قالوا ليهو كتييييير
* قال ليهم كم مرة شلتو بطولة أفريقية؟؟؟
* قالوا ليهو ولا مره
* الوكت داك المريخ كان زى الزناطير
* بطولة أفريقية ما عندو
* لكن كان بى سيكافتو
* فقال لهم رودر
* إذن دعونا نعمل من اجل البطولة الأفريقية
* فعمل من اجلها وكانت له
* أتتنا منقادة تجرجر ضنبها
* خاص صفحة الأحمر الوهاج
* إذن
* دعوا غرزة يشتغل شغلو
* والدورى ملحوق
* فالشتره ام رقيصاً نط
* فى الواطه دى مشيها غلط
* ومصيرها براها تتعتر وتتشنقل
* وحتى ولو قادوها الحكام بأخطائهم (الغير مقصودة) من يدها عشان ما تقع
* سنقابلها ونوريها شطارتنا بتغلب شتارتها
* المهم
* الأهلة فرحوا لخسارتنا فى عطبرة
* لأنهم يحبون لغيرهم النجاح
* بفرحوا بى فرح الغير
* مساكين الفرحة مفارقاهم
* وما بقدروا يجيبوها براهم
* ودلائل الحزن كثيرة
* اولها السبعه أنفار الدخلوا كورة الميرغنى
* مريخاب ساس وأساس أكتر من الجمهور الدخل كورة الميرغنى
* لأن الجمهور عاقل
* وعرف الكضبة
* أيها الناس
* خاص صفحة الأحمر الوهاج
* من الجحور خرجت علينا الجقور والزنطور
* ولكن سرعان ما يعودوا الى جحورهم
* فسكان الجحور لايعرفون الحياة فى النور
* أيها الناس
* عمار الشفت حكى لى قصة مضحكة
* قال لى زمان عوض بابكر كان بقدم برنامج غنائى
* بجيب أغنية محددة ويستضيف زول يتناول الأغنية بالنقد والتحليل
* مرة جاب أغنية هابطة
* واحد قال لى عمار دى أغنية يجيبها عوض بابكر؟؟؟
* عمار ضحك وقال ليهو
* جاب الأغنية دى عشان يوريك عظمة الغناء السمح
* فغرزة أمس ياناس يمكن داير يورينا عظمة الغناء السمح
* ونحن فى إنتظار ذلك الغناء يا غرزة
* دايرين نشوف مريخ (قوت تالنت)
* أيها الناس
* بارك الله فى امل عطبره المرق لينا محمد عبدالماجد من جحرو
* الجحر كيف يا ابوحميد فى السخانه دى؟؟؟
* ولكن ما يحزن هو مانشيت جوهرة رمضان
* تلميح واضح وفاضح
* وبنفتكر انك أكبر من كده يارمضان
* قد نكون أخطأنا التقدير
* فكلنا نخطئ
* خاص صفحة الأحمر الوهاج
* لكن سيرة شراء المباريات لو عدتم لها
* سنعود لها بالتفصيل الممل
* بالجلاكسيات واللابتوبات
* بى البونيه
* بى اتنين إطناشر
* وبى حاجات تانية حاميانى
* وإذا ساءت أفعال المرء ساءت ظنونه
* وإتظننى
* أيها الناس
* ماسر الإتصال الغريب بعراقى؟؟؟؟؟
* معقولة؟؟؟؟؟
* قنعتوا من اهل الضلال وإقتنعتوا بأن الله لايصلح عمل المفسدين؟؟؟
* وإتصلحى
* أيها الناس
* نحن البطل برغم زعم الخيانة
* وفى الآخر البطل واحد
* بطل مابموت
* ولكن آخر خائن بموت بآخر طلقة
* ديش ناووووووووو
* أيها الناس
* خاص صفحة الأحمر الوهاج
* فى الفاشر أخرجنا زكاة الموسم
* وفى عطبرة دفعنا الضريبة
* والضريبه طبعاً ما زى الزكاة
* بتهد الحيل
* وتقديرها جزافى وخرافى ومزعن جداً
* الحمدلله أدينا كل الإستحقاقات الحكومية علينا
* يعنى من هنا ولى قدام الدخل كلو حقنا
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* الأيصال الإلكترونى سارينا
* لكن عيبو بأخر فينا
* الشبكة طوالى لاعلينا ولا حوالينا
* لكن تعال لى النسألك يا والينا
* قول الإيصال الجديد ضبط الفساد فينا
* بيعمل شنو مع الفواتير ام كبارى يا والينا؟؟؟
* يعنى الحاجة تكون بى مليون مقطوعة من لحماً لينا
* ينكتب أيصالها بعشرة مليون يا والينا
* وألكترونياً ينصرف من دماً لينا
* خاص صفحة الأحمر الوهاج سلك كهربا :
** ننساك كيف والكلب ضحك فى الأيصال الإلكترونى وقال لينا حيرتونى....هو....هو....هو؟!!
ﻭﺍﻟﻲ ﻟﻘﺎﺀ ﺳلللللللك
العيب في رؤساء تحرير الصحف
لانهم استعملوا سلك 110 لكهرباء 220
والله انت سلك شائك ما تنفع
هسي واحد من الكاسين طار و التاني في كف عفريت لأنك للان لم تبلغ و وصلت
دوري الاربعة ح تلقى السم الما فزت عليه من 2011 قدامك و شبل شيلتك
عقوبة الفرحان بيها دي ما شفنة منها شيء في عطبرة كانت تايهة و فاقدة لسمها
و اوكرا طلع اكبر ماسورة اما دفاعك فالله يجمعنا بيه و تعرف بعدين.
واحد صاحبى تبع ( القماش ) رسلت ليهو رساله قلت ليهو فيها : ( جمعه عطره ) .. رد لى : ( عطبره يا معفن ) !!