* ﺟﻤﺎﻫﻴﺮ ﺍﻟﻤﺮﻳﺦ ﻣﺒﺪﻋﻪ ﻭﺧﻼﻗﻪ
* ﻭﺍﻟﺪﻟﻴﻞ ﺃﻥ ﺍﻵﺧﺮﻳﻦ ﻳﻘﻠﺪﻭﻧﻬﺎ ﻓﻴﻤﺎ ﺗﺒﺪﻉ ﻓﻴﻪ
* ﻭﺁﺧﺮ ﺍﻟﺘﻘﻠﻴﺪﺍﺕ ﺇﺳﺘﻌﻤﺎﻝ ﻛﻠﻤﺔ ﺍﻟﺸﻔﻮﺕ
* ﻭﻧﺤﻨﺎ ﻓﻰ ﺍﻟﻤﺮﻳﺦ ﻷﻧﻨﺎ ﻣﻦ ﺃﻃﻠﻘﻨﺎﻫﺎ
* ﻧﻨﻄﻘﻬﺎ ﺣﻘﻴﻘﺔ
* ﻭﻏﻴﺮﻧﺎ ﻳﻨﻄﻘﻬﺎ ﻣﺠﺎﺯﺍً
* ﺍﻟﺘﻘﻠﻴﺪ ﺑﻜﻮﻥ ﻣﺠﺎﺯﺍً
* ﺍﻟﻤﻬﻢ
* ﻧﺤﻨﺎ ﻛﺸﻌﺐ ﻣﺘﻔﺮﺩﻳﻦ ﺟﺪﺍً
* ﻣﻮﺩﻳﻠﻨﺎ ﻭﺍﺍﺍﺍﺍﺍﺍﺍﺍﺣﺪ ﻭﺑﺲ
* ﻣﺎﺟﺎ ﻣﻮﺩﻳﻞ ﺯﻳﻨﺎ
* ﺷﻌﺐ ﻣﺘﻔﺮﺩ ﻓﻰ ﺍﻟﺼﻔﺎﺕ ﻭﺍﻟﺴﺤﻨﺎﺕ ﺑﻞ ﻭﻓﻰ ﺍﻟﻜﻠﻤﺎﺕ
* ﺍﻟﻤﻌﻨﻰ ﺍﻟﻮﺍﺣﺪ ﻋﻨﺪﻧﺎ ﻟﻪ ﻣﻴﺔ ﻛﻠﻤﻪ ﺗﻌﺒﺮ ﻋﻨﻪ
* ﺯﻭﻝ ﻳﻘﻮﻝ ﻟﻴﻚ ﻻ
* ﻭﺯﻭﻝ ﻳﻘﻮﻝ ﻟﻴﻚ ﻫﻮﺀ
* ﻭﺯﻭﻝ ﻳﻘﻮﻝ ﻟﻴﻚ ﻛﻮ
* ﻭﺯﻭﻝ ﻳﻘﻮﻝ ﻟﻴﻚ ﻫﻮﺋﻮ
* ﻭﺯﻭﻝ ﻳﻘﻮﻝ ﻟﻴﻚ ﺃﺑﺪﺍً
* ﺗﺨﺘﻠﻒ ﺍﻟﻜﻠﻤﺎﺕ ﻭﺍﻟﻤﻌﻨﻰ ﻭﺍﺣﺪ .. ﻧﺤﻨﺎ ﺷﻌﺐ ﺑﺮﺍﻧﺎ
* ﻣﺎ ﻋﻨﺪﻧﺎ ﺻﺒﺮ
* ﺗﺠﻰ ﺍﻟﻤﺨﺒﺰ
* ﺗﻠﻘﻰ ﻗﺪﺍﻣﻚ ﺧﻤﺴﻪ ﺳﺘﻪ ﺃﻧﻔﺎﺭ
* ﻭﺇﻧﺖ ﻭﺭﺍﻫﻢ ﺗﻤﺪ ﻗﺮﻭﺷﻚ ﺑﻰ ﻓﻮﻗﻬﻢ ﻟﺒﺘﺎﻉ ﺍﻟﻤﺨﺒﺰ
* ﺃﺩﻳﻨﺎ ﻳﺎ
* ﺍﻟﺘﻘﻮﻝ ﺍﻟﻮﺍﻗﻔﻴﻦ ﺩﻳﻞ ﺭﺍﺟﻴﻦ ﺍﻷﻣﻨﻴﻪ
* ﺗﺠﻰ ﺳﺎﻳﻖ
* ﺗﻠﻘﻰ ﺍﻟﻨﺎﺱ ﻭﺍﻗﻔﻴﻦ ﻓﻰ ﺍﻟﺘﻘﺎﻃﻊ
* ﺗﺨﺮﻡ ﺑﻰ ﻳﻤﻴﻨﻬﻢ ﻭﺗﻘﻔﻞ ﺍﻟﺸﺎﺭﻉ ﺍﻟﺘﺎﻧﻰ
* ﺗﻮﻗﻒ ﺍﻟﺤﺮﻛﻪ ﺳﺎﻋﻪ
* ﻭﺍﻟﻨﺎﺱ ﺗﻘﻌﺪ ﺗﻔﺘﺶ ﻟﻴﻚ ﻓﻰ ﻣﺤﺮﺝ
* ﺻﺒﺮ ﻣﺎﻓﻰ
* ﺍﻟﻜﻮﺭﺓ ﻻﻋﺒﻪ
* ﻣﻦ ﺍﻟﺪﻗﻴﻘﻪ ﺗﻤﻨﻴﻦ
* ﺍﻹﺳﺘﺎﺩ ﻛﻠﻮ ﻳﻘﻴﻒ ﺣﻴﻠﻮ
* ﻭﻳﻤﺸﻮﺍ ﺧﻄﻮﻩ ﺧﻄﻮﻩ ﻧﺤﻮ ﺑﻮﺍﺑﺎﺕ ﺍﻟﺨﺮﻭﺝ ﻭﻋﻴﻨﻬﻢ ﻋﻠﻰ ﺍﻟﻤﺒﺎﺭﺍﺓ
* ﺻﺒﺮ ﻣﺎﻓﻰ
* ﺧﺎﺹ ﺻﻔﺤﺔ ﺍﻷﺣﻤﺮ ﺍﻟﻮﻫﺎﺝ
* ﺍﻟﻄﻠﺒﻪ ﺑﻌﺪ ﺍﻟﺤﺼﺔ ﺍﻷﺧﻴﺮﺓ
* ﻳﺘﺴﺎﺑﻘﻮﺍ ﻓﻰ ﺍﻟﺨﺮﻭﺝ ﻭﻫﻢ ﻳﺼﻴﺤﻮﻥ
* ﺑﻴﻮﻭﻭﻭﺕ ﺑﻴﻮﻭﻭﻭﺕ
* ﻣﺎ ﺑﻤﺮﻗﻮﺍ ﺑﺮﺍﺣﻪ
* ﺻﺒﺮ ﻣﺎﻓﻰ
* ﻓﻰ ﺍﻟﺒﺺ ﺩﻩ
* ﺍﻟﻨﺎﺱ ﻛﻠﻬﺎ ﻣﻜﻮﻣﻪ ﺟﻤﺐ ﺍﻟﺴﻠﻢ ﻭﺍﻟﺒﺺ ﻓﺎﺍﺍﺍﺍﺍﺿﻰ
* ﻣﺴﺘﻌﺠﻠﻴﻦ ﻟﻠﺰﻭﻝ
* ﺍﻟﺰﻭﻝ ﻳﺮﻛﺐ ﻣﻦ ﺻﺎﺑﺮﻳﻦ
* ﻳﻘﻴﻒ ﺟﻤﺐ ﺍﻟﺒﺎﺏ
* ﺗﻘﻮﻝ ﻟﻴﻬﻮ ﺧﺶ ﻟﻰ ﺟﻮﻩ
* ﻳﻘﻮﻝ ﻟﻴﻚ ﻧﺎﺯﻝ ﻗﺮﻳﺐ ﻗﺎﻋﺔ ﺍﻟﺼﺪﺍﻗﻪ ﻫﻨﺎ
* ﺻﺒﺮ ﻣﺎﻓﻰ
* ﺍﻟﺸﻰ ﺍﻟﻮﺣﻴﺪ ﺍﻟﺼﺎﺑﺮ ﻋﻠﻴﻬﻮ ﺍﻟﺸﻌﺐ ﺩﻩ ﻫﻮ ﺍﻟﺤﻜﻮﻣﻪ
* ﻋﻤﺮﻧﺎ ﻛﻠﻮ ﺻﺎﺑﺮﻳﻦ ﻋﻠﻰ ﺍﻟﺤﻜﻮﻣﺎﺕ
* ﺍﻷﺗﺮﺍﻙ ﺇﺳﺘﻌﻤﺮﻭﻧﺎ ﻓﻰ ﺳﻨﺔ 1821
* ﺻﺒﺮﻧﺎ ﻋﻠﻴﻬﻢ ﻟﻰ ﺳﻨﺔ 1885
* ﺑﺎﻟﻨﺎ ﻃﻮﻳﻞ
* ﻭﺍﻷﻧﺠﻠﻴﺰ ﻣﻦ ﺳﻨﺔ 1898
* ﻣﺮﻗﻮﺍ ﺳﻨﺔ 1956
* ﺻﺒﻮﺭﻳﻦ ﻋﻠﻰ ﺍﻟﺤﻜﻮﻣﺎﺕ ﻧﺤﻨﺎ
* ﻭﻓﻰ ﺣﺘﺖ ﺍﻟﺼﺒﺮ ﺩﻯ
* ﺇﺧﻮﺗﻨﺎ ﺍﻷﻫﻠﺔ ﺑﺘﻤﻴﺰﻭﺍ ﺷﻮﻳﻪ ﻋﻦ ﺑﺎﻗﻰ ﺍﻟﺸﻌﺐ ﺍﻟﺴﻮﺩﺍﻧﻰ
* ﺳﻴﺪﻧﺎ ﺍﻳﻮﺏ ﻋﻠﻴﻪ ﺍﻟﺴﻼﻡ
* ﻣﻀﺮﺏ ﺍﻟﻤﺜﻞ ﻓﻰ ﺍﻟﺼﺒﺮ
* ﺻﺒﺮ ﻃﻤﻨﻄﺎﺷﺮ ﺳﻨﻪ
* ﺇﺧﻮﺗﻨﺎ ﺍﻷﻫﻠﺔ ﻓﺎﺗﻮﻫﻮﺍ
* ﺳﺒﻌﻪ ﻭﺗﻤﺎﻧﻴﻦ ﺳﻨﻪ ﻭﻟﺴﻪ ﺻﺎﺑﺮﻳﻦ
* ﺧﻤﺴﻪ ﺍﺿﻌﺎﻑ ﺻﺒﺮ ﺍﻳﻮﺏ ﻭﻟﺴﻪ
* ﻗﺪ ﻳﺼﻞ ﺍﻷﻣﺮ ﺍﻟﻰ ﺧﻤﺴﻴﻦ ﺿﻌﻔﺎً
* ﺍﻟﻤﻬﻢ
* ﺇﺑﺪﺍﻋﺎﺕ ﺍﻟﺸﻌﺐ ﺍﻟﻤﺮﻳﺨﻰ ﻓﻰ ﺗﺴﻌﻪ ﻭﺛﻤﺎﻧﻴﻦ ﺳﻨﻪ ﻛﺎﻧﺖ ﺣﺎﺿﺮﺓ
* ﺗﻌﺎﺩﻝ ﻭﻗﺘﻬﺎ ﺍﻟﻤﺮﻳﺦ ﻓﻰ ﺍﻟﺪﻭﺭﻯ
* ﻓﻬﺘﻔﺖ ﺍﻟﺠﻤﺎﻫﻴﺮ
* ﺍﻟﺪﻭﺭﻯ ﻓﻰ ﺩﺍﻫﻴﻪ ﺍﻟﻤﻬﻢ ﻗﻮﺭﻣﺎﻫﻴﺎ
* ﻭﻭﻗﺘﻬﺎ ﻛﺎﻥ ﻟﻨﺎ ﻟﻘﺎﺀ ﻫﺎﻡ ﻣﻊ ﻗﻮﺭﻣﺎﻫﻴﺎ ﺍﻟﻜﻴﻨﻰ ﻓﻰ ﺍﻟﻄﺮﻳﻖ ﻟﻤﺎﻧﺪﻳﻼ
* ﻭﻗﺪ ﻛﺎﻥ
* ﺧﺎﺹ ﺻﻔﺤﺔ ﺍﻷﺣﻤﺮ ﺍﻟﻮﻫﺎﺝ
* ﻭﺍﻵﻥ ﺍﻟﺘﺎﺭﻳﺦ ﻳﻌﻴﺪ ﻧﻔﺴﻪ
* ﺗﻌﺎﺩﻝ ﺍﻓﺎﺷﺮ ﺧﻼﻧﺎ ﻧﻬﺘﻒ
* ﺍﻟﺪﻭﺭﻯ ﻓﻰ ﺍﻟﻘﻴﻒ ﺍﻟﻤﻬﻢ ﺳﻄﻴﻒ
* ﻟﺬﺍ ﺃﻋﺪﺕ ﺍﻟﺠﻤﺎﻫﻴﺮ ﺍﻟﺸﻔﺘﺔ
* ﺃﻋﺪﺕ ﻣﻌﻴﻨﺎﺗﻬﺎ ﻭﺳﻨﺖ ﺣﻨﺎﺟﺮﻫﺎ ﻟﻴﻮﻡ ﺳﻄﻴﻒ
* ﻭﻟﺴﺎﻥ ﺣﺎﻟﻬﺎ ﻳﻘﻮﻝ :
* ﻧﻘﻄﻊ ﺩﻳﻞ ﺗﻮﺗﻰ ﻭﻧﺠﻴﻜﻢ ﺃﺭﺟﻮﻧﺎ ﻓﻰ ﺍﻟﻘﻴﻒ
* ﺃﻳﻬﺎ ﺍﻟﻨﺎﺱ
* ﻓﻰ ﻣﺒﺎﺭﺍﺓ ﺳﻄﻴﻒ ﻫﻨﺎﻙ ﺗﻨﺎﻓﺲ ﻛﺒﻴﺮ ﺑﻴﻦ ﺷﻔﻮﺕ ﺍﻹﺳﺘﺎﺩ
* ﻭﺍﻟﺸﻔﻮﺕ ﺧﺎﺭﺝ ﺍﻹﺳﺘﺎﺩ
* ﺍﻟﻨﺎﺱ ﺍﻟﻈﺮﻭﻓﻬﻢ ﻣﺎﺑﺘﺴﻤﺢ ﻟﻴﻬﻢ ﻳﺪﺧﻠﻮﺍ ﺍﻟﻜﻮﺭﺓ
* ﻧﺎﺱ ﻭﻻﻳﺎﺕ ﺃﻭ ﺧﺎﺭﺝ ﺍﻟﺴﻮﺩﺍﻥ ﺃﻭ ﺣﺘﻰ ﺍﻟﻤﺮﺿﻰ ﺑﺎﻟﺨﺮﻃﻮﻡ
* ﻋﻠﻴﻬﻢ ﻳﻘﻊ ﺗﻨﺎﻓﺲ ﺧﻄﻴﺮ ﻣﻊ ﺷﻔﻮﺕ ﺍﻹﺳﺘﺎﺩ
* ﻛﻠﻮ ﺯﻭﻝ ﻳﺮﺳﻞ ﻗﻴﻤﺔ ﺗﺬﻛﺮﺗﻮ ﻋﻠﻰ ﺍﻟﺮﻗﻢ 2870
* ﺍﻟﺒﺪﺧﻞ ﺷﻌﺐ ﻳﺮﺳﻞ ﻗﻴﻤﺔ ﺍﻟﺘﺬﻛﺮﺓ
* ﻭﺍﻟﺒﺪﺧﻞ ﺷﺎﺧﻮﺭ
* ﻭﺍﻟﺒﺪﺧﻞ ﺟﺎﻧﺒﻴﻪ
* ﻛﻠﻮ ﺯﻭﻝ ﻳﺮﺳﻞ ﻗﻴﻤﺔ ﺗﺬﻛﺮﺗﻮ
* ﻋﺸﺎﻥ ﻧﺸﻮﻑ ﻣﻦ ﺩﻋﻢ ﺍﻟﺰﻋﻴﻢ ﺃﻛﺜﺮ
* ﺍﻟﺸﻔﻮﺕ ﺩﺍﺧﻞ ﺍﻹﺳﺘﺎﺩ ﺃﻡ ﺍﻟﺸﻔﻮﺕ ﺧﺎﺭﺝ ﺍﻹﺳﺘﺎﺩ؟؟؟
* ﻋﺸﺎﻥ ﺍﻟﻜﻮﺭﺓ ﺗﺠﻴﺐ ﺍﺭﺑﻌﺔ ﻣﻠﻴﺎﺭﺍﺕ ﺗﻌﻴﻨﻨﺎ ﻓﻰ ﻣﺸﻮﺍﺭ ﺍﻟﻤﻄﺎﺭ
* ﺃﻣﺎ ﺍﻟﻤﻘﺼﻮﺭﺓ
* ﺍﻟﺘﺬﻛﺮﺓ ﻣﻠﻴﻮﻥ
* ﻋﻀﻮ ﻣﺠﻠﺲ ﻋﻀﻮ ﺑﺮﻟﻤﺎﻥ ﺑﻰ ﻣﻠﻴﻮﻥ
* ﺣﺘﻰ ﺍﻷﻗﻄﺎﺏ ﻣﻠﻴﻮﻥ
* ﻣﻠﻴﻮﻥ ﻣﺎﻛﺘﻴﺮﺓ ﻋﻠﻰ ﺍﻟﻤﺮﻳﺦ
* ﻭﻣﺎ ﻛﺘﻴﺮﺓ ﻋﻠﻰ ﻣﺘﻌﺔ ﺗﺨﻄﻰ ﺳﻄﻴﻒ
* ﺗﻠﺘﻤﻴﺔ ﻛﺮﺳﻰ ﻣﻔﺮﻭﺽ ﺗﺠﻴﺐ ﺗﻠﺘﻤﻴﺔ ﻣﻠﻴﻮﻥ
* ﻋﻠﻴﻬﺎ ﺳﺒﻌﻤﺎﺋﺔ ﻣﻠﻴﻮﻥ ﺩﺧﻞ ﺍﻟﺸﻔﻮﺕ ﺗﺒﻘﻰ ﻣﻠﻴﺎﺭ
* ﻋﻠﻴﻬﺎ ﻣﻠﻴﺎﺭ ﻳﺮﺳﻠﻬﺎ ﺷﻔﻮﺕ ﺍﻟﺨﺎﺭﺝ ﺗﺒﻘﻰ ﻣﻠﻴﺎﺭﻳﻦ
* ﻭﻣﻠﻴﺎﺭ ﺷﻔﻮﺕ ﺧﺎﺭﺝ ﺍﻹﺳﺘﺎﺩ ﺗﺒﻘﻰ ﺗﻼﺗﺔ ﻣﻠﻴﺎﺭﺍﺕ
* ﻗﻮﻝ ﺍﺭﺑﻌﻪ ﻣﻠﻴﺎﺭﺍﺕ
* ﺍﺭﺑﻌﻪ ﻣﻠﻴﺎﺭﺍﺕ ﻛﺘﻴﺮﺓ ﻋﻠﻰ ﻣﺸﻴﺔ ﺍﻟﻤﻄﺎﺭ؟؟؟
* ﺃﻳﻬﺎ ﺍﻟﺸﻔﻮﺕ
* ﺍﻟﻤﺎﺑﻘﺪﺭ ﻳﺪﺧﻞ ﻳﺮﺳﻞ ﺗﻤﻦ ﺗﺬﻛﺮﺗﻮ ﻋﻠﻰ ﺍﻟﺮﻗﻢ 2870
* ﺧﻠﻮﻧﺎ ﻧﻨﺎﻓﺲ ﺑﻌﻀﻨﺎ
* ﺩﺍﻳﺮﻳﻦ ﻧﻘﻮﻝ ﻟﻰ ﺟﻤﺎﻝ
* ﻋﻠﻰ ﺍﻟﻄﻼﻕ ﻣﺎﺗﺪﻓﻊ
* ﻧﺤﻨﺎ ﻓﻰ ﻭﺵ ﺍﻟﻤﺪﻓﻊ
* ﺧﺎﺹ ﺻﻔﺤﺔ ﺍﻷﺣﻤﺮ ﺍﻟﻮﻫﺎﺝ
* ﺍﻟﻤﻬﻢ
* ﻗﺮﻭﺏ ﺷﻔﻮﺕ ﺍﻟﻤﺮﻳﺦ ﻳﻜﺮﻡ ﺍﻷﺳﺘﺎﺫ ﺍﻟﺮﺍﺋﻊ ﺇﺳﻤﺎﻋﻴﻞ ﺣﺴﻦ ﺑﺪﺍﺭﺍﻟﻨﺎﺩﻯ ﺃﻣﺴﻴﺔ ﺍﻟﺠﻤﻌﻪ
* ﻓﻌﻼً ﺷﻔﻮﺕ
* ﺃﺣﺴﻨﻮﺍ ﺇﺧﺘﻴﺎﺭ ﺇﺑﻦ ﺍﻷﻛﺎﺑﺮ ﺍﻟﻤﻜﺮﻡ
* ﻓﺎﻷﺳﺘﺎﺫ ﺇﺳﻤﺎﻋﻴﻞ ﻳﺴﺘﺤﻖ ﺍﻟﺘﻜﺮﻳﻢ
* ﻳﻠﻘﺎﻙ ﺑﺎﺳﻤﺎً ﻫﺎﺷﺎً ﺑﺎﺷﺎً
* ﻳﺼﻞ ﺍﻷﺭﺣﺎﻡ
* ﻟﻮ ﺟﺎﻳﺎﻙ ﻣﻼﺭﻳﺎ
* ﻳﺠﻴﻚ ﻗﺒﺎﻟﻬﺎ
* ﻳﺘﻔﻘﺪ ﺣﺎﻟﻚ ﻭﺃﺣﻮﺍﻟﻚ
* ﺃﺑﻮﺍﻟﺴﺒﺎﻉ ﺭﺟﻞ ﻃﻮﻳﻞ ﺍﻟﺒﺎﻉ
* ﺳﻤﺢ ﺍﻟﻄﺒﺎﻉ
* ﻭﻫﻮ ﻟﻠﺘﺎﺭﻳﺦ ﻣﻦ ﺃﻃﻠﻖ ﻟﻘﺐ ﺍﻟﺼﻔﻮﺓ
* ﻭﻫﻮ ﻟﻠﺘﺎﺭﻳﺦ ﻣﻦ ﺍﻃﻠﻖ ﻟﻘﺐ ﺍﻟﺰﻋﻴﻢ
* ﻭﺑﺎﻟﻤﻨﺎﺳﺒﺔ ﻟﻤﺎ ﺟﺎ ﻳﻌﻤﻞ ﺻﺤﻴﻔﺘﻮ ﻭﻫﺞ ﺍﻟﺼﻔﻮﺓ
* ﺇﺧﺘﺎﺭ ﻟﻬﺎ ﺇﺳﻢ ﺍﻟﺰﻋﻴﻢ
* ﻓﺮﻓﻀﺖ ﺍﻟﺠﻬﺎﺕ ﺍﻟﻤﻌﻨﻴﺔ ﺍﻹﺳﻢ ﻓﻰ ﺫﻟﻚ ﺍﻟﻮﻗﺖ
* ﻭﻋﺎﺩﺕ ﻭﺻﺪﻗﺖ ﺑﻪ ﻟﺪﻛﺘﻮﺭ ﺍﻟﺒﺎﻗﺮ
* ﻭﻟﻜﻦ ﻷﻥ ﺍﻟﺤﻘﻮﻕ ﺗﻌﻮﺩ ﻷﻫﻠﻬﺎ
* ﺇﺳﺘﻌﺎﺩ ﺟﻤﺎﻝ ﺍﻟﺰﻋﻴﻢ ﻟﻠﻤﺮﻳﺦ
* ﻭﺛﺒﺖ ﺍﻷﺳﻢ ﻭﺍﻷﺟﺮ ﻟﻸﺳﺘﺎﺫ ﺇﺳﻤﺎﻋﻴﻞ ﺣﺴﻦ
* ﺃﻳﻬﺎ ﺍﻟﻨﺎﺱ
* ﺃﻗﻞ ﺗﻜﺮﻳﻢ ﻟﻸﺳﺘﺎﺫ ﺇﺳﻤﺎﻋﻴﻞ ﺍﻥ ﻧﺸﺮﻓﻪ ﺑﺎﻟﺤﻀﻮﺭ
* ﺍﻟﺮﺟﻞ ﻳﺴﺘﺤﻖ ﺗﻤﺜﺎﻻً ﻋﻠﻰ ﺑﺎﺏ ﺍﻹﺳﺘﺎﺩ
* ﻧﺠﻰ ﻛﻠﻨﺎ ﻟﻨﻜﺮﻡ ﺍﻟﺰﻋﻴﻢ ﺻﺎﺣﺐ ﻟﻘﺐ ﺍﻟﺰﻋﻴﻢ
* ﺇﻳﻬﺎ ﺍﻟﻨﺎﺱ
* ﺇﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺃﻫﺎ
* ﻧﺠﻰ ﻟﻰ ﺷﻤﺎﺭﺍﺕ ﻭﺍﻟﻰ ﺍﻟﺨﺮﺗﻮﻡ
* ﺃﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﺍﻟﻤﻮﻳﻪ ﻭﻛﺖ ﺗﺠﻴﻨﺎ
* ﺑﺘﺠﻴﻨﺎ ﺑﻰ ﻃﻴﻨﻬﺎ
* ﺳﻤﻊ ﻭﺷﻮﻑ ﻳﺎ ﻭﺍﻟﻴﻨﺎ
* ﺗﺸﺒﻌﻨﺎ ﻭﺗﺮﻭﻳﻨﺎ
* ﻛﺘﺮ ﺧﻴﺮﻛﻢ ﻳﺎ ﻭﺍﻟﻴﻨﺎ
* ﺑﺲ ﺧﺎﻳﻔﻴﻦ ﻧﻔﺘﺢ ﺍﻟﻤﺎﺳﻮﺭﺓ ﺗﻤﺴﺎﺡ ﻳﺠﻴﻨﺎ
* ﺍﻭ ﻣﺴﺌﻮﻝ ﻛﺒﻴﺮ ﻓﻰ ﻧﺺ ﺑﻄﻮﻧﻨﺎ ﻳﻘﺘﺮﺡ ﻛﻮﺑﺮﻯ ﻳﺘﻌﻤﻞ ﻓﻴﻨﺎ
* ﻋﺎﺩ ﺗﺎﻧﻰ ﺑﻨﺘﺤﻤﻞ ﻛﺒﺎﺭﻯ ﻳﺎ ﻭﺍﻟﻴﻨﺎ؟؟
* ﺧﺎﺹ ﺻﻔﺤﺔ ﺍﻷﺣﻤﺮ ﺍﻟﻮﻫﺎﺝ
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﺧﻠﻰ ﺍﻟﺠﻴﺔ ﻗﺎﻝ ﻣﺎﺟﺎﻳﺒﻪ ﺣﻘﻬﺎ؟ !!
ﻭﺍﻟﻲ ﻟﻘﺎﺀ
ﺳﻟﻠﻠﻠﻠﻠﻠﻚ
وكانت الجريده هﻻليه قبل ان تؤول ملكيتها لمزمز
وهو جرى وراءها جري شديد كي يحول اﻻسم للمريخ
تقدر تقول ﻻ؟!! الوثائق موجوده لزمن قريب مو بعيد
سؤال (قطيم) لو كانت سيكافا ليها قيمة لماذا لم تنسحب من بطولة الكبار وتشارك فيها لتحصل عليها كما حصل عليها (عزام) فريق الدقيق؟؟؟