سير سير يا التسيير نحن جنودك للتعمير :

والله نحن بنحب الديمقراطيه لكن قادتنا دايما يكرهونا

وايه الجبرك علي المر قال الامر منه

وياريت نرفع القبعه للجنة التسيير حتي وان كانوا كيزان او انقلابيين

لجنة التسيير هي من ﻗﺎﻣﺖ ﺑﺈﻋﺎﺩﺓ ﺗﺴﺠﻴﻞ ﺳﻴﻒ ﻭﻣﺪﺛﺮ ﻭﺳﻴﺪﻱ ﺑﻴﻪ ﻭﺧﻠﻴﻔﺔ ﻭﻣﺤﻤﺪ ﻋﺒﺪ ﺍﻟﺮﺣﻤﻦ و ﻣﺤﺘﺮﻓﻴﻦ ﻭﻣﺤﻠﻴﻴﻦ

ولجنة التسيير هي من ستسترد لنا ﺷﻌﺎﺭ ﺍﻟﻬﻼﻝ

ولجنة التسيير هي من حلت لنا كل ﺍﻟﺪﻳﻮﻥ ﻣﻊ ﺍﻟﻤﺤﺘﺮﻓﻴﻦ ﻭﺍﻟﻤﺪﺭﺑﻴﻦ ﺍﻟﺴﺎﺑﻘﻴن

ولجنة التسيير هي من قامت ﺑﻔﻚ ﺍﻟﺮﻫﻦ ﻋﻦ ﺑﺮﺝ ﺍﻟﻬﻼﻝ

ولجنة التسيير هي من تعاقدت مع انديه بشراكات مع انديه قطريه

ولجنة التسيير هي من تعمل ﻋﻠﻰ ﻟﻢ ﺷﻤﻞ كل ﺍﻻﻫﻠﻪ

ولجنة التسيير هي من تقوم بتأهيل استاد الهلال

ولجنة التسيير هي من تعاقدت مع هذا المدرب البلجيكي

لماذا اختفي اقطاب الهلال الديمقراطيين عن الساحه

هل هم في انتظار فشل لجنة التسيير حتي ترتفع زغاريدهم في الافق الازرق

اين هم الان

ابحثوا معي عن الكاردينال

ابحثوا معي عن البرير

ابحثوا معي عن الارباب

ابحثوا معي عن طه

لا اسكت الله لكم حسا

نريد ان نراهم يكشكشوا جيوبهم

لا يكفي ان تقولوا نحن اقطاب والسلام

جمال الوالي كتب اقرارا بالتنازل عن كل ديونه للمريخ

انتو بدون خجل قلتو دايرين قروشكم

وقروشكم ما تجي حاجه جنب قروش جمال الوالي الذي ظل لسنين طويله يصرف علي المريخ صرف الخايف من الفقر

الرئيس الهلالي السابق والمدهش الفريق عبد الرحمن سر الختم رئيس الهلال السابق هو الوحيد الذي قال بان ما حققته لجنة التسيير في اقل من 30 يوما اشبه بالمعجزة وقال بان مجلس الهلال الجديد حل مشاكل فشلت ثلاث مجالس في حلها ووضع الهلال في الطريق الصحيح و قال بان الديون المتراكة على الهلال تسببت في ازمات كثيرة الا ان لجنة التسيير حلت المعضلة قبل انطلاقة الموسم الجديد بجانب تسجيل لاعبين بمليارات الجنيهات

صلاح ادريس لم يقل كلمه طيبه في حق التسيير

البرير كذلك وطه كذلك والكاردينال كذلك

منتظرين شهر خمسه عشان يبدأ الفيلم الهندي

انا احب هلالي ولا اريده رهينة في يد البرير او الارباب او الكاردينال او طه

اخير ليه نار التسيير ولا جنة البرير والارباب

ادوهم لنهاية الموسم ولا تقطعوا مسيرة النادي عشان تتحكروا في الكرسي

بلا دوشه وبلا هم

نحن في عهودكم لم نستمع بهلال حقيقي

بل قضيتوها لينا شكل ومؤامرات وبلنجات وسب دين

وقضيتوها لينا ديون وشكاوي وفيفا وقرارات سخيفه

كنا بنضحك علي الرئيس طوالي لكنه طلع هو الصاح

وخلونا نغني زي ناس المريخ ( التسيير الحالي رئيس طوالي )

الوزير يوسف بلة قرر التمديد لمجلس الهلال لمدة شهرين اضافيين من اجل تسيير امور النادي و الاشراف على تسجيلات الفريق في يونيو المقبل خاصة ان الفريق سيواجه تحديات كبيرة في الفترة المقبلة, الى ذلك علمت كفرووتر بانه قد برز اتجاه داخل اروقة سلطات الشباب و الرياضة بولاية الخرطوم بتاجيل الجمعية العمومية لنادي الهلال من مايو المقبل الى وقت يحدد لاحقا بسبب ارتباطات الهلال في البطولتين المحلية و الافريقية

ده هو الكلام التمام

وده هو مطلب جماهير الهلال الا من ابي

ويستحسن ان يمدد للتسيير حتي نهاية الموسم

فكل اقطاب الهلال متنافرين

والبرير والارباب زي الشحم والنار ومن حسع

امشوا اتفقوا اولا ثم احكموا الهلال

لقد زاد ضجيجهم هذه الايام

انهم ينتظرون فشل التسيير ليقفزوا الي المنصه مرة اخري

كنا نتمني ان تتضافر جهود اقطاب الهلال

وان تكون قروش الارباب فوق قروش البرير فوق قروش طه فوق قروش الكاردينال فوق قروش عطا المنان

في خدمة هلال

لماذا لا يساهم اقطاب الهلال في تأهيل استاد الهلال

الارباب قالوا عائد بجماعنه والبرنس والبرير عائد بجماعته وناس شرق النيل

وحتما ستعود المشاكل والمهاترات والخسران المبين من جديد

مطلوب التمديد لاخو البشير والتسيير

مطلوب تاجيل عودة اقطاب المشاكل حتي اشعار آخر

نريد ان نري استاد الهلال بعد التأهيل

نريد ان نري المقصوره الجديده

نريد ان نري كشافات الجديده حديثه

نريد ان نري الهلال يحمل بطوله خارجيه

لا نريد اقطابا يخلقون ديونا للهلال

لا نريد اقطابا يتسببون في هزائم الهلال

لا نريد اقطابا يطالبون الهلال بفلوس

لا نريد اقطابا يجندلوا الهلال

لا نريد اقطابا يتسببون في الاعتصامات

لا نريد اقطابا يسبون العقيده

لا نيريد اقطابا يقلدون جون سينا

لا نريد اقطابا يسلمون الهلال لجمال الوالي

لا نريد اقطابا يبهدلون الهلال في المحاكم



ختام المشاهد :

(()) هدف مامادو كوليبالي في الاتحاد هدف رائع وجميل وبه قدم كوليبالي اوراق اعتماده لاعبا اساسيا في قائمة الازرق

(()) بكري المدينه لاعب من ذهب ولا يمكن الاستغناءعنه في تشكيلة الهلال ومطلوب من النابي علاجه فنيا وتدريبا فالسرعه التي يمتلكها بكري تهز دفاعات الخصم بدرجة كبيره

(()) بدأ من يسمونه خبير التحكيم المريخي ( سيحه ) تحليلاته المنحازه للمريخ بأن هدف الباشا لم يحرز من تسلل مع ان الباشا كان متقدما عن مدافعي الاكسبرس ولكن ماذا نقول وقد بدأ المريخ الاستعانة بالحكام من قولة تيت

(()) اول مره سيحه يهاجم الحكم وديدي الذي بالفعل كان سيئا بدرجة كبيره وقد فشل في ادارة المباراة

(()) رضا وبكل بجاحة يؤكد ان سيدي بييه ضرب لاعب الاتحاد بعد عرقلته للمدافع ودي ما حصلت يا رضا خليك محضر خير وانت شغال في جهاز قومي

(()) احلي ما في هلال النابي انه يحتفط بلاعبين كثر وجاهزين - ففي مباراة مدني لم نري ناس الجزولي ووارغو ومحمد عبد الرحمن ووليد - النابي جاهز لافريقيا بكتيبتين

(()) لا تحكموا علي سيسيه وكوليبالي ووارغو من مباريات الاعداد لسه بدري

(()) عصمت الايام دي ما ليهو حس - ما قال حيقلع يافطة الهلال - الظاهر تاني ماحنسمع بزول اسمه عصمت - عصمت ده زي دون كيشوت شايل ليهو سيف خشبي وداير يحارب عملاق اسمه الهلال

(()) يجب ان نحيي الرجال الذين يعملون في تأهيل ملعب الهلال - الناس ديل جنود تعمل بصمت وتجرد

(()) والله كم اشفق كثيرا علي كابتن الهلال السابق وما يتعرض له الآن وما يشاع من ان كروجر يريد الخلاص منه - من الاول اخطأ هيثم حين تحدي الهلالاب وذهب الي المريخ - فالمريخ ورغم نشوة انتصاره بتسجيل هيثم الا انه في دواخله يتمني لاعبا شابا يتناسب والمعترك الافريقي

(()) في الاخبار ان قطب الهلال الخندقاوي بصدد مساعدة الهلال والتكفل بقاعة ال في اي بي وياريت كمان يجيب باصات للهلال او يهدي الهلال مقرا دائما للاعبين - دايرين حاجات كبيره

(()) الحرب مازالت مستعره ما بين التلفزيون القومي والمريخ - المريخ طبعا يفضل قناة الشروق المملوكه للسيد جمال الوالي - في السعوديه التلفزيون السعودي هو من يمتلك حق نقل كل المباريات وهذا عرف في كل البلدان ولا ادري لماذا يصعد المريخ الموضوع بكل هذه العدوانيه ومنع للبث وقطع للكهرباء - ما في زول يحارب بلده عشان زول يربح - الحكومه صاح مؤخره القروش علي الانديه لكن صنوق النقد الدولي بكبره ما قادر يعمل حاجة للسودان والديون متلتله

(()) وحينما طالبت الانديه بقيادة الهلال الانسحاب من الدوري السنه الفاتت رفض المريخ ذلك مما دفع التلفزيون والاتحاد في التمادي

(()) فاز النصر العالمي علي الفيصلي بنتجه عريضه واداء رائع يا هو ده العالمي يا بلاش

(()) بكل صدق نتمني اليوم ان ينتصر مريخ السودان علي كمبالا سيتي و ياريت ناس المريخ ينسوا العالميه التي اوهموا بها انفسهم -



محمد حسن شوربجي