الوثبة الاولي :
صابر الخندقاوي
وثبة خندقاويه في العوالم الهلاليه
مرحبا بهذا القطب الجديد الذي لبي نداء الهلال
لم نسمع به من قبل
ولكنه ظهر في الدوحه
وتبرع لناس المريخ
وكرم ناس الهلال
وقال انه سيدعم الهلال بما يملك
وانا ساتكفل بالمصوره
ظهر هذا القطب الجديد في وقت صمت فيه الآخرون
صمت البرير وصمت الارباب وصمت الكاردينال وصمت طه
وكأنهم ما هلالاب
ويا انا اكون اكون رئيس يا ما في سندوتش طعميه للهلال
دي ما طريقه دي
يجب ان يعمل كل الاقطاب علي قلب رجل واحد
ودون منازعات وخصومات تضر بالكيان
لماذا ابتعد اقطاب الهلال عن لجنة التسيير
نريد الجميع ان يساهموا في انطلاقة الهلال
انهم ينتظرون فشل التسيير ليقفزوا الي المنصه
قروش الارباب فوق قروش البرير فوق قروش طه فوق قروش الكاردينال فوق قروش عطا المنان
تخلق هلال رهيب
لماذا لا يساهم اقطاب الهلال في تأهيل استاد الهلال
الكشافات وال في اي بي والارضيه كلها علي حساب لجنة التسيير وحدها
والجماعة الطيبين قالوا منتظرين شهر خمسه والانتخابات
الارباب عائد بجماعنه والبرير عائد بجماعته
وحتما ستعود المشاكل والمهاترات والخسران المبين
مطلوب التمديد لاخو البشير والتسيير
مطلوب تاجيل عودة اقطاب المشاكل حتي اشعار آخر
نريد ان نري استاد الهلال بعد التأهيل
نريد ان نري المقصوره الجديده
نريد ان نري الكشافات الجديده التي تدخل السودان لاول مره
لا نريد ديون محترفين
لا نريد هزائم وعوده من منصات التتويج دون الكؤوس
لا نريد اقطاب يطالبون الهلال بفلوس
نريد اقطاب يعطوا الهلال دون من او اذي
قبل الانتخابات يجب ان يتناسي الاقطاب قروشهم علي الهلال والا فلا تعودوا
وثبة المريخ العالميه:
اراد المريخ الوثوب للعالميه
فوقع وكسر رقبته
وانقلب السحر علي الساحر
ووثب عليه البايرن وهزمه شر هزيمه
ووثب عليه زينيت وهزمه شر هزيمه
ووثب عليه صغار الوحدات وهزمه شر هزيمه
ووثب عليه رد بول وهزمه شر هزيمه
ال ١٢ مليار اعادت المريخ لروضة افريقيا
والتحكيم فاشل التحكيم فاشل
ومامون ابوشيبة اخد ليهو وثبة تحكيميه وقال :
التحكيم القطري تعمد احراج المريخ في اكثر من مباراة ودية
اكثر من 5 حالات تسلل احتسبت على المريخ بالخطاء كانت اهداف محققه اختيار التحكيم لم يكن موفقا
ياريت كنت ترسل مس كول لسيحه لارسال الحكام المعروفين
وزي الدوري كانوا ظبطوكم في الدوحه
كذلك اعلام المريخ وثب وثبة كبيرة وسط الشتول وقال :
السودان كله في استقبال المريخ
وبصات المريخ الجديده في استقبال الابطال في المطار
والخطوط القطريه ما ترعي الا العالمييين بشرط ان يكونوا مهزومين
وعاليه الاردنيه سترعي العالمي بضمان السبعة الوحداتيه
وكمان لوفتهانزا الالمانيه
في مطار الخرطوم لم يحضر احد في استقبال العالمي
الا قله قليله صدقت فرية اللقب العالمي الذي تم شراءه ب ١٢ مليار
صالة مطار الخرطوم كانت فاضيه
حتي ما كان في طيارات خليجيه ينخدع بها الناس علي انها جماهير مريخيه
ولا سلك ولا مزمل ولا ابوشيبه ولا الجماهير
ودي عادة جماهير المريخ فهي لا تستقبل فريقها ان كان مهزوما
وعلي ايه نخسر مواصلات وانتظار في المطار
الهلال لعب ٣ مباريات فاز في اتنين واتعادل في واحده
نحن مغلوبين في كل المباريات
استقبال لي شنو
وياريت القروش دي كان صرفوها في حاجه مفيده
وعالمي لا تكلمني
وهاهي جماهير المريخ تخاصم فريقها ولا تكلمه ولا تستقبله
١٠ اقوان ودايرين استقبال وموكب وونان
ما قلتو نحن فرحانين بالغلب يا عتمان
مفروض جماهير الهلال كانت تستقبل تراوري وهيثم
فالمدرسة الهلاليه هي من احرزت بيضة الديك
ويارب كورنر او قون في شيلسي الغاني قبل كمبالا
وثبة الرشيد علي عمر :
يالرشيد زعلت الجماعه شديد
ما كان ضروري تسمع ناس رد بول بقصة قوارير الحصاحيصا
حسع ناس رد بول يقولوا علي العالمي شنو بعد ما دفع دم قلبه
اكيد حيقولوا عليه كذاب لانه قال علي البول فيتامين سي
بصراحه ما ظريفه منك يالرشيد
الصوره دي بكره حنلقاها منشوره في موقع الرد بول
مفروض كان تصدق ناس عبد الصمد والجكومي لما قالوا لينا ان ما في القوارير ليس بول بل فيتامين سي
يعني داير عبد الصمد ياخد ليهو جغمه حتي تصدق انو ده فيتامين سي
خلاص يا راجل فيتامين سي يعني فيتامين سي
ولحد الليله ناس الحصاحيصا لامن يمروا جنب مكاتب الاتحاد بيشموا ريحة فيتامين سي
واصلا ما في زول قال في ريحه غير كده
ومحمد سيد احمد مستعد يحلف قسم انه كان فيتامين سي بس شرط يلغوا العقوبه
٤ رد بول / ا فيتامين سي رهيبه يالرشيد
رد بول انت ايه اللي جابك الدوحه
فتحت المواجع علي ناس المريخ
ولن ينسي اهل المريخ هذا النادي النمساوي حيث ان هناك رابط وثيق بينه وبين مكاتب اتحاد الحصاحيصا
وثبة الختام :
في الطريق مالي خطير ما هو هين وداير تحضير
بسيدي بييه وكوليبالي وكاريكا ومحمد احمد بشير
وجهز يالنابي كتيبة الاقمار وفي كل خطوة معاك التسيير
محمد حسن شوربجي
صابر الخندقاوي
وثبة خندقاويه في العوالم الهلاليه
مرحبا بهذا القطب الجديد الذي لبي نداء الهلال
لم نسمع به من قبل
ولكنه ظهر في الدوحه
وتبرع لناس المريخ
وكرم ناس الهلال
وقال انه سيدعم الهلال بما يملك
وانا ساتكفل بالمصوره
ظهر هذا القطب الجديد في وقت صمت فيه الآخرون
صمت البرير وصمت الارباب وصمت الكاردينال وصمت طه
وكأنهم ما هلالاب
ويا انا اكون اكون رئيس يا ما في سندوتش طعميه للهلال
دي ما طريقه دي
يجب ان يعمل كل الاقطاب علي قلب رجل واحد
ودون منازعات وخصومات تضر بالكيان
لماذا ابتعد اقطاب الهلال عن لجنة التسيير
نريد الجميع ان يساهموا في انطلاقة الهلال
انهم ينتظرون فشل التسيير ليقفزوا الي المنصه
قروش الارباب فوق قروش البرير فوق قروش طه فوق قروش الكاردينال فوق قروش عطا المنان
تخلق هلال رهيب
لماذا لا يساهم اقطاب الهلال في تأهيل استاد الهلال
الكشافات وال في اي بي والارضيه كلها علي حساب لجنة التسيير وحدها
والجماعة الطيبين قالوا منتظرين شهر خمسه والانتخابات
الارباب عائد بجماعنه والبرير عائد بجماعته
وحتما ستعود المشاكل والمهاترات والخسران المبين
مطلوب التمديد لاخو البشير والتسيير
مطلوب تاجيل عودة اقطاب المشاكل حتي اشعار آخر
نريد ان نري استاد الهلال بعد التأهيل
نريد ان نري المقصوره الجديده
نريد ان نري الكشافات الجديده التي تدخل السودان لاول مره
لا نريد ديون محترفين
لا نريد هزائم وعوده من منصات التتويج دون الكؤوس
لا نريد اقطاب يطالبون الهلال بفلوس
نريد اقطاب يعطوا الهلال دون من او اذي
قبل الانتخابات يجب ان يتناسي الاقطاب قروشهم علي الهلال والا فلا تعودوا
وثبة المريخ العالميه:
اراد المريخ الوثوب للعالميه
فوقع وكسر رقبته
وانقلب السحر علي الساحر
ووثب عليه البايرن وهزمه شر هزيمه
ووثب عليه زينيت وهزمه شر هزيمه
ووثب عليه صغار الوحدات وهزمه شر هزيمه
ووثب عليه رد بول وهزمه شر هزيمه
ال ١٢ مليار اعادت المريخ لروضة افريقيا
والتحكيم فاشل التحكيم فاشل
ومامون ابوشيبة اخد ليهو وثبة تحكيميه وقال :
التحكيم القطري تعمد احراج المريخ في اكثر من مباراة ودية
اكثر من 5 حالات تسلل احتسبت على المريخ بالخطاء كانت اهداف محققه اختيار التحكيم لم يكن موفقا
ياريت كنت ترسل مس كول لسيحه لارسال الحكام المعروفين
وزي الدوري كانوا ظبطوكم في الدوحه
كذلك اعلام المريخ وثب وثبة كبيرة وسط الشتول وقال :
السودان كله في استقبال المريخ
وبصات المريخ الجديده في استقبال الابطال في المطار
والخطوط القطريه ما ترعي الا العالمييين بشرط ان يكونوا مهزومين
وعاليه الاردنيه سترعي العالمي بضمان السبعة الوحداتيه
وكمان لوفتهانزا الالمانيه
في مطار الخرطوم لم يحضر احد في استقبال العالمي
الا قله قليله صدقت فرية اللقب العالمي الذي تم شراءه ب ١٢ مليار
صالة مطار الخرطوم كانت فاضيه
حتي ما كان في طيارات خليجيه ينخدع بها الناس علي انها جماهير مريخيه
ولا سلك ولا مزمل ولا ابوشيبه ولا الجماهير
ودي عادة جماهير المريخ فهي لا تستقبل فريقها ان كان مهزوما
وعلي ايه نخسر مواصلات وانتظار في المطار
الهلال لعب ٣ مباريات فاز في اتنين واتعادل في واحده
نحن مغلوبين في كل المباريات
استقبال لي شنو
وياريت القروش دي كان صرفوها في حاجه مفيده
وعالمي لا تكلمني
وهاهي جماهير المريخ تخاصم فريقها ولا تكلمه ولا تستقبله
١٠ اقوان ودايرين استقبال وموكب وونان
ما قلتو نحن فرحانين بالغلب يا عتمان
مفروض جماهير الهلال كانت تستقبل تراوري وهيثم
فالمدرسة الهلاليه هي من احرزت بيضة الديك
ويارب كورنر او قون في شيلسي الغاني قبل كمبالا
وثبة الرشيد علي عمر :
يالرشيد زعلت الجماعه شديد
ما كان ضروري تسمع ناس رد بول بقصة قوارير الحصاحيصا
حسع ناس رد بول يقولوا علي العالمي شنو بعد ما دفع دم قلبه
اكيد حيقولوا عليه كذاب لانه قال علي البول فيتامين سي
بصراحه ما ظريفه منك يالرشيد
الصوره دي بكره حنلقاها منشوره في موقع الرد بول
مفروض كان تصدق ناس عبد الصمد والجكومي لما قالوا لينا ان ما في القوارير ليس بول بل فيتامين سي
يعني داير عبد الصمد ياخد ليهو جغمه حتي تصدق انو ده فيتامين سي
خلاص يا راجل فيتامين سي يعني فيتامين سي
ولحد الليله ناس الحصاحيصا لامن يمروا جنب مكاتب الاتحاد بيشموا ريحة فيتامين سي
واصلا ما في زول قال في ريحه غير كده
ومحمد سيد احمد مستعد يحلف قسم انه كان فيتامين سي بس شرط يلغوا العقوبه
٤ رد بول / ا فيتامين سي رهيبه يالرشيد
رد بول انت ايه اللي جابك الدوحه
فتحت المواجع علي ناس المريخ
ولن ينسي اهل المريخ هذا النادي النمساوي حيث ان هناك رابط وثيق بينه وبين مكاتب اتحاد الحصاحيصا
وثبة الختام :
في الطريق مالي خطير ما هو هين وداير تحضير
بسيدي بييه وكوليبالي وكاريكا ومحمد احمد بشير
وجهز يالنابي كتيبة الاقمار وفي كل خطوة معاك التسيير
محمد حسن شوربجي
