الهلال هو قنبلة التسجيلات :

بالجد الهلال هو قنبلة التسجيلات الحقيقي

وبالجد التسجيلات كانت نوعيه وانشطاريه

وبالجد تسجيل كاريكا ومساوي زي القنبله النوويه

وبالجد تسجيل وليد علاء الدين ومحمد عبد الرحمن كانت قنبله انشطاريه

وبالجد تسجيل سيدي بييه وكوليبالي وديفيد وسيسيه كانت قنابل ذريه

وبالجد الجد تسجيل وارغو براهو كان قنبله عنقوديه

والقتابل دي حتقعد تنفجر في ناس المريخ ليل نهار وحتخليهم سهرانين سهر الدجاج في كل البطولات الافريقيه

هلال التسيير فيهو المعز وجينارو وكاريكا ومساوي وخليفة ومحمد عبدالرحمن وبويا واتير وكل الكواكب القمريه

ومجموعة محترفين مكونة من وارغو وسيدي بيه وسليمانو سيسيه وكوليبالي وديفيد سيمبو وبصراحه غطوا كل الخطوط الفريق الاماميه والخلفيه

وسيدي بيه بصراحه جوكر حقيقي وكوليبالي مهاجم خطير يعرف الطريق لكرومي وكله بالطريقه الماليه

وسيسيه طرف يمين بدل هوت ومساند للهجوم وديفيد سيمبو صخرة دفاع عن كل الحدود الهلاليه

ووارغو القصير اكيد حكمه مع الغزال ونزار وانتظروا الهزائم الثلاثيه

وجيبوا من جوه وما تقولي لي تراوري والا العجب والا هيثم او كوم العجائز المريخيه

يا مزمل ما قلت الهلال مفلس شوف كيف الصرف والتسجيلات والتسديدات للديون والشغل الكبير في الاستاد ديل رجال الهلال مش شوية اونطجيه

امراء سموهم كيزان سموهم زي ما دايرين المهم الهلال في ايدي امينه من بعض الحراميه

خلاص كفايه وجعتوا راسنا بجمال الوالي وهو فت زول بيحكمكم من فداسي بالاحكام العرفيه

وانتوا عارفين جمال الوالي قرفان من اللي حوالينو من ناس طبل وصفق وكل المصلحجيه

ما ممكن زول واحد يصرف علي المريخ من جيبه والبقيه متفرجين علي الماسوره الدولاريه

عصام الحاج قال حيجرب خرب الدنيا والجماعه قعدوا في الضلمه وقفلوا البوفيه المفتوح وحولوه فول وطعميه

الهلال عظيم برجاله باقطابه بولاته بنوابه بضباطه و بالاسرة الرئاسيه

عيونا علي الكاسات والالقاب وكل البطولات الخارجيه

الكاف بيعرف الهلال سيد الاسم وما بيعرف نجمة ماجين داويد العبريه

قالوا نحن ابطال دوري - حياتو قال مش ممكن - قالوا نحن ابطال كاس - حياتو قال مش ممكن - انا ما بعرف غير الهلال وانتو تشبهوا تشبهوا التمهيديه

انتو مع ناس كمبالا سيتي والغزاله التشادي وناكنا الزامبي وكمبالا اليوغندي والأرنب المالي والكديسة العاجية

ومن سنه اولي ابتدوا وده جزاكم عشان تاني ما تاخدوا البطولات بواسطة الوزير والتحكيم والحركات الجكوميه

كيف تبولوا في الحصاحيصا دي عمله تعملوها وين الاخلاق الرياضيه

١٨ قاروره مليتوها ورصيتوها وكذبتوا علي العالم وقلتوا فيتامين سي عليكم الله دي عمله انسانيه

العقاب جاكم من الكاف وحياتو زول رسمي واحمدوا ربكم بالتمهيدي والا كان مصيركم الشطب من كل الكشوفات الرياضيه



اقطاب الهلال لا اسكت الله لكم حسا :

منذ ان جاءت لجنة التسيير الهلاليه لم نعد نسمع اصواتكم

اين البرير اين الارباب اين الكاردينال اين طه علي البشير

لماذا قاطعوا لجنة التسيير

لماذا قاطعوا الاعلام

لماذا اختبئوا وسط الزحام

لماذا صمتوا صمت القبور

واحد ثقيل قال انهم ينتظرون فشل لجنة التسيير

وحتي يعودوا بدراويشهم وحواريهم وانصارهم

لقد توقفت طبولهم وصمتت ابواقهم

الكاردينال قال انه سيفجر قنبله في التسجيلات

ولكنا لم نسمع حتي اصواتا للبنبان

الكاردينال ما قال انه سيبني استاد يليق بالهلال

ولكنا لم نري حتي راكوبه للهلال

طه البشير في لندن

وسايب الهلال

والارباب في جده

وما زال يحارب الهلال

والبرير اختفي

وقال داير قروشي من الهلال

والكاردينال في الحبشه

لا جاب سرات لا جاب العجب للهلال

حقيقه شعب الهلال لا يحب تسيس الهلال

الا انه منتعش هذه الايام بأبداعات لجنة التسيير

وقد بدأت جموعه تهتف سير سير يا بشير

وعطا المنان راجل فنان



قالوا احدهم في وارغو :

استـــــيفن معــلم من زمن نيجيريا ** دا الجاب المواجع وسـبب الهستريا

زلزال طوكيو جاكم وعاصفة سيبريا ** بيعو النادي سـاي.. او اقلبوه كافتريا

تسجيل الولد هارد قلوبهم وحارقو ** رمانة الوسط حقا اصيل مو سارقو

مفروض من زمان ينسي الوصيف ويفارقو ** في وطن الهلال مليار حبابك وارغو



جمعه مباركه يا عشاق الهلال



محمد حسن شوربجي