واخيرا قد يبسط سيطرته علي الكوكب الاحمر
واشارة الكابتنيه تبقي حقتو
وتم ازاحة الكابتن فيصل العجب
وزي ما قالوا دجاجة الخلا طردت دجاجة البيت
واصبحت يا زول سيد بيت
وحين انتقل الي المريخ اشقفنا عليه كثيرا
وتوقعنا له مصيرا كمصير هيثم طمبل
ولكن حمل البرنس صولجان الملك
والذي قال عنه د. مصطفي محمود :
لو ادرك الحكام ان صولجان الملك قبس من جهنم لما تسابقت اليه الايدي
وبعد ان كان ملئ قلوب اهل الهلال
لكنه تجاوز وبسهوله كل محطات العشق الازرق
لينتقل الي عالم احمر بدأ يعانقه بحب شديد
رغم السبعة عشر عاما التي قضاها في الهلال
ورغم كل دفء الاحضان الزرقاء
لا ادري كيف تناست جماهير المريخوبسرعه ملكها القديم
اليس الناس علي دين ملوكها
لقد قتل الحزن جماهير الهلال حين فقدت برنسها
وصعد بعض العاشقون اعمدة الكهرباء رغبة في الموت والخلاص
واقيمت من اجله الندوات واللقاءات
واستنفرت البلاد كل الفضائيات
وتحدث علي المنابر كل الخطباء
الكاروري
وعصام البشير
وحتي الحكومه فتحت قصرها لكل الوسطاء
واعتصامات
وتهديد بالعقوبات
وياويلكم لو بكيتوا علي هيثم اكتر من ساعات
و مرضي السرطان تفاعلوا وكانت الآهات
وفي العرضه جنوب كانت الحفلات
واحلي الرقصات
وتكريم للفراعنه ودولارات
وهل يفرق ملك عن ملك
يا ملك عايزنك ديمه تكون ملك وملك عظيم
وبطريقة ابن الباديه
ظلوا يتغنون : قالوا الامير زي الملك
ده كذب يا زول
كيفن امير يعادل ملك
ده بعد الهلال من المسك
يا جماعه امير الهلال اصبح ملكا
وقد دخل الكوفه شأنه شأن الحجاج بن يوسف الثقفي
و صعد المنبر متلثما وطفق ينتظر حتى امتلى المسجد باهل المدينة
ثم كشف عن لثامه وقال :
انا ابن جلا وطلاع الثنايا -- متى اضع العمامة تعرفوني
والله إني لأرى رؤسا أينعت وقد حان قطافها
وإني لصاحبها
واني لأرى الدماء ترقرق بين العمائم واللحى
إني والله يا أهل العراق ما يقعقع لي بالشنان
ولا يغمز جانبي كتغمار التين
ولقد فررت عن ذكاء وفتشت عن تجربة
وها قد اينعت رأس محمد موسي
ويا ويلك من الحجاج
============================================
الحضري السوداني
مرحبا بالحضري في بلدوا التاني السودان
بل بلدو الاول
فالرجل سوداني وعندو جنسيه سودانيه
وزي زيك
ومن حقو يلبس عمه
ومن حقو يشتري واطه
ويسف صعوط
ويغني انا سوداني انا
ومن حقه يخوض الانتخابات
ويحكمنا
وقد حكم المريخ من قبل
فظلت الحراسة حراسته
وبالضبه والمفتاح
وظل اكرم خليفته
وعلي طول كان مرتاح
هذا الفرعون يا اخوانا سوداني
حتي وان قال اعلي ما في خيلكم أركبوه
فالسودان في رأيه بلد غير آمن
وبرضو اديناهو الجنسيه بالكامل
وقد تطاول علي جماهير الهلال
واستهتر ببلدي
وتطاول علي والي المريخ
وقال عنه ما لم يقله مالك في الخمر
لقد تمادي الفرعون
واستمرأ طيبة اهلي
وما جايب خبر زول
يسافر متي يشاء
ويعود متي يشاء
وناس المريخ
دي من طين ودي من عجين
وعلي كيفك يا حضري
وهاهو خدنا الايسر فالطمنا فيه كما تشاء
وقد لطمتنا علي خدنا الايمن
وان لم تستحي فأفعل ما شئت
============================================
الفرنسيون بيقولوا ان الهلال يمثل خمسه وسبعين في من سكان السودان
والابيض وتندلتي وشندي تشهد علي ذلك
واستقبالات جماهير الابيض لهلال الملايين تشهد علي ذلك
ودموع كاريكا تشهد علي ذلك
ومره تانيه كان في تندلتي بمبا ووليد
والغرب كله كان بالهلال فرحان وسعيد
============================================
قالوا المريخ سيشارك في بطولتين عربيتين واحده في جده بطريقة ناس ملوص والثانيه في الدوحه مع فلبينيين وبنغال وهنود
الظاهر اللوردات دايرين عماله اجنبيه لمصانعهم وما جايبين خبر المريخ
============================================
لطفي رحيمي شنو يا برير اخير منه عافيه ؟؟؟؟؟؟؟؟؟؟؟
============================================
اسم رئيس الملعب المالي بوكاري سيدي بييه
اسم لاعب الهلال الازمه سيدي بييه
في حد فاهم حاجه ؟؟؟؟؟
القضيه خطيره ويا خبر بفلوس بكره ببلاش
=========================================== ===========================================
محمد حسن شوربجي
