فني فلافل فلبيني .. جوار (جياد) مقابل جهاز المغتربين
خبير (اونكتاد) يفاجيء (ورشة) (العمم) بجهاز المغتربين ويختم بـ (الليله الليله الناس في العروض لاتقيسها بي تيبانا .. لايغرك لباسهم والعروض عريانه.. ديل حراس رزق زي التكنو أمانة .. زي إبل الرحيل شايلة السقا وعطشانه
شركات المهاجر تعتذر لساسموج وتوقع 3 عقود (سفن) للعمل في خت جده سواكن و(تعتر) في زريبة مليانه (روسين قطارات) بس عايزة كفرات ممكن تعمل في خت سواكن سوبا.. وادارة (التواصل) بالجهاز (تتمشط ) للسفر لجمع حق (الخت) من المغتربين بالخارج وابنائهم بالداخل ويجوز لها (الجمع) بين الاختين في لجنة واحدة خاستن اللجنة المتوجهة للدوحة.
زغردن يابنات ناس جمايكا جو.. وأنا يسلم لي (جونير) الجنى الجمايكي الخبير الخابر دروب كنانة والبطانة وود بطان وسيف وسوط..
بعد السد وانجازات مابتنعد- لماذا نعد من الدول الاقل نمواً ؟ تسلم الاجابات بالقاعة القاعدة تسولف بجهاز المحافظة على العدة والعادات . الجائزة الكبرى كبونات عتالة مجانا بميناء سواكن لك ولعائلتك طيلة فترة اغترابك.
وفد من جهاز المغتربين يزور كوريا لتطمين شركة (ساسمونج) بعد صدور القرار الاعوج بتخصيص شركات المهاجر .. الجدير بالذكر ان شركات المهاجر كانت قد وقعت (عقود) تقيلة مع ساسمونج لصناعة (التقلية) لبناء ثلاث حلل الحلة الواحدة قدر كده اهو للمشاركة في الاسابيع الثقافية السودانية بالخارج خاستا أن كل الزائرين يطلبون لقمة بملاح تقلية. وهذه من برامج الجهاز الخاصة بالمحافظة على العادات والتقاليد. واطمأن الوفد على سير العمل في تنفيذ عقود 3 سفن اب للعمل في خت جده سواكن واطلع على التصاميم النهائية لمدينة جامعة الوطن - المغتربين سابقا. التي سوف تشيد على مساحة 100 فدان بشرق النيل .. وشكرنا مدير (ساسمونج) على حسن الضيافة ونحن مارقين لفت نظرنا زريبة كبيرة مليانه روسين قطاره بحالة جيده بس عايزه كفرات .. وتحدثنا مع السيد امين المغتربين وامين شركات المهاجر بحكم القانون لاخذ شورته في صفقة القطارات .. وقال قطارات شنو البتدخل افراج مؤقت ؟ قلنا : يادكتور القطارات ما افراج مؤقت دى عشان تعمل فوق خت السكة حديد الفاضى ده.. وتعمل شراكة ذكية مع سودان ريلو. قال: انا مرسلكم عشان مواضيع محدده انتو تناولتو شنو غير موضوع الحلل ؟ تناولنا 3 سفن . قال: أول مره اشوف سفن بسكر. وعندك واحد بلدي بالسفن الغير بلديه لنقل الحجاج وواحد مستمثر اجنبي .. وواحد خبير جمايكي بالزات د. ديفيد من منظمة (الأونكتاد) الخبير الهجري الذي شارك في ورشة (عمى وعمم) وكده يا جنى ادني رأسي النختو فوق عمتي .. والدكتور (جونير ديفيد) الذي شاركنا وما عارفين جابو الدرب ولا معزوم من جهاز ردم العدة والهدوم .. وفي موسم فورة (حلة ) الاستثمار المقدمة (للضيوف) كان لابد من زيادة موية (حلة البحص) الفائرة بجهاز المغتربين لأهل البيت وجهاز المغتربين ينظم ورشة عمل حول اقتصادات الهجرة وتحويلات المغتربين وتسمع الكلام وتشم الحرف .. تغالت نفسك وتقول يمكن أنا المابعرف (اشم) إقرأ ولا تتعقد: انعقدت بجهاز تنظيم شؤؤن السودانيين بالخارج (طمعاً في اللملمة بترت كلمة (العاملين) مما اضفى على مهام الجهاز رعاية كل السودانيين بالخارج بما فيهم منسوبي السفارات ونسائبهم وأصهارهم بالداخل ، انعقدت ورشة عمل حول اقتصادات الهجرة وتحويلات المغتربين بمشاركة هنا الكلام الجد والجاد للجدود بالخارج د. جونير ديفيد الخبير الهجري الجاميكي من منظمة اممية خبيرة وشارك في (الدوشة) بنك السودان وزارة المالية وزارة الداخلية - وزارة الخارجية - ووزارة الاستثمار وزارة الاستثمار كلها الايام دى بالخارج - وعشان عشاء الجامايكي مايبرد ما بننتظر ( د.عثمان ) ويمكن التوصيل (دليفري) عبر الاسبتكن .. هذا وقد دارت المحاور حول كيفية توظيف مدخرات المغتربين المالية والمعرفية لبناء المجتمعات في الدول النامية ، وقدم (ديفيد) تنويرا حول الهجرة في الدول الاقل نموا نحن في السودان بعد السد وانجازات مابتنعد- نعد من الدول الاقل نمواً؟ المهم نواصل واستعرض والكلام لي الجنى الجامايكي تجارب لعدد من الدول مثل اثيوبيا التي (حققت) الفائدة المثلى من مدخرات المغتربين في التنمية خاصة في القطاع الصناعي .. نعم اثيويبا حققت وحلقت وحلقات (الفول ) دى 90% منها (فول مصري) اثيوبي مقاوم للصلصة من مزارع (حبشية) .. وقدم فوال الهجرة الاصل ورقة بعنوان : حبة الفول الحبشي وشالاتنا وفوالاتنا السويسرية، وقد ابان الخبير الجامايكي الجانا زائر ان الفائدة القصوى من الهجرة يمكن ان تتحقق بالزيارات الراتبة والمنظمة للخبراء (الوطنيين) إلى دولهم برعاية وإشراف (مباشر) من حكوماتهم بعيدا عن العمل التطوعي ، يتم خلالها تبادل الافكار والخبرات وطرح المشروعات التنموية .. الجدير بالذكر أن الورشة استعرضت تجربة السودان في مجال الاستفادة من الخبرات السودانية المهاجرة عبر برنامج الشراكة السودانية لنقل المعرفة والتقانة عبر الخبرات السودانية بالخارج (ٍspakten ) الذي يتبناها ويدلعها ويدوعلها جهاز المغتربين . . وأشاد قبل أن يشوف الشريط الذي صورت فيه التقنية - جوبير بتجربة السودان في هذا المجال .. هنا انتهت دوشة النضم. بيت العصيد ماتناوله ديفيد عندما قال (زيارات الخبراء الوطنيين المباشرة) ونشكو للجامايكي من : جنوي الجهاز ياخدوا راتب لزيارات راتبة للخارج ؟ قال: ديفيد دى (اندراوه) مو جن لان الجن بداوى. النظرية بتقول الخبراء الوطنيين يرتبوا زيارات لوطنهم .. انتو كده اتوطيتوهم ووطنتوهم بالخارج .. الخبير الاجنبي سأل خبير المغتربين الامين والملم بكافة (القصات) عندما شاهد لوحة تزين القاعة يظهر فيها الأمين (يقص شريط) احدى المشاريع وطلب تزويده بقصة هذه القصة والقصاصات السابقة للمشاريع التي دشنت واللاحقة التي سوف يقص شريطها قريبا جدا . اجابوه .. ونحن كان عندنا (قصاصات) جايبنك من جامايكا لي شنو.. هذه اللوحة تحكي قص شريط المعرض التشكيلي الذي ساهم به ابنائنا المغتربين في دعم الوحدة. وهي الوحيدة القصينا شريطها ومافي زول غيرك سألنا . قال : أنا خبير في اقتصادات الهجرة وزرت بلدان كثيرة لهذا الغرض والحبشة جارتكم دى والكلام للجامايكي والبتقولوا حايشة الموية عنكم .. زرتها قبل ثلاث سنوات ومكثت فيها 3 ايام وفي كل يوم ازور 30 مشروع زراعي صناعي خاص بالمغتربين والشيء الغريب عندما شاهدت تلال من الفول المصري معدة للتصدير .. وقلت الحبش ديل بجيبوا (معدات) من وين (للخرسانة) دى. قام واحد من منسوبي جهازنا اتفولح وقاطع الجامايكي وقال ( هنا تكمن مشكلتنا في المعدات لاننا محاصرين وممنوع نستورد المعدات) وقعد .. قام الجامايكي علي حيلو وقال : أنا أقصد (المعدات) يعني (بتن) ومسك (بطنوا) وبالنسبة (للمعدات) الارض المنسبطة والموية جمبها يمكن تروى (بالسطل) يعني (جردل) . جرادل وجركانات ماعندكم.. بس انكربوا ياكرار الامكانات تكمن في كرب وقصابية وحبال .. أعرف أنكم تمتلكون الكثير وإلا ماجاكم (الجراد) ومليتوا الجرايد بأغنية الجراد جانا واكل عشانا .. ولقيتوا جركانات المبيد فاضية انتوا ياناس فاضين؟ وبعدين أين هي (المدخرات) المغتربة وتقدر بكم من الدولارات؟ هنا جاء دور الامين وقال: حسب تقديرات البنك الدولي في سنة 2002 قبل انخفاض (سعن الجبنة) بلغت 11 مليار دولار ونحن ضرانا خروج بترول الجنوب وكان مو كده عوجة واحدة جايانا مافي . قال الجامايكي عوافي يا اخي بترول شنو وجنوب شنو وجنون شنو .. ومسك شنبو وقال طلاق (تلاجة مستعملة) هو اصلو عارف البيت والعدة المغتياهو طلاق الامكانات المتوفرة عندكم لو لقت ارادة وادارة فرد زول يغترب مافي .. ياناس اخجلوا لكم خجلة العالم كلو يفتش في شيتا ياكلو ويبل ريقو .. وانتو عندكم المويه وعطشانين وشايلين شالاتكم واتفتشوا في المستثمرين الاجانب والخبراء الاجانب .. بعدها قام الجامايكي وختم المحاضرة بـ : الليله الليله الناس في العروض لاتقيسها بي تيبانا .. لايغرك لباسهم والعروض عريانه.. ديل حراس رزق زي التكنو أمانة .. زي إبل الرحيل شايلة السقا وعطشانه. وأصبح الضيف يعزم في أهل البيت (أشربوا المويه ماتحر) .. وقرأ والمؤتمر قبال خمسة يوم ما تقرأه عزيزي المغترب اليوم في واحة المغتربين تبدأ العناوين بـ ( ضوابط من البنك المركزي لتبسيط اجراءات تحويلات المغتربين العنوان الجديد والجيد جدا جدا (المدير التنفيذي لجهاز المغتربين يلتقي بمجلس الجالية السودانية بالدوحة ويتفقد (سير امتحانات الشهادة السودانية بالمدرسة السودانية ) مما يعني ان الامتحانات بالدوحة مازال جهاز السيرة (يسير) فيها والمؤتمر (المهم) جاء في خمس بوصات : بمشاركة خبير من (اونكتا) جهاز المغتربين ينظم ورشة عمل حول اقتصادات الهجرة وتحويلات المغتربين المجلس الاعلى للجاليات يشارك في مؤتمر مانحي دارفور ويشيد بدور قطر في احلال السلام والاعمار واجلاء المغتربين وترميم الآثار النوبية ايداع قانون مكافحة الاتجار بالبشر منضدة البرلمان ) انتهت المواعين وقريبا جدا ياجدودنا المغتربين الذين اصابهم الخرف بشرى لمواطني ولاية شمال كردفان وماجاورها .. ولمغتربيها بصفة خاصة قريبا سوف تصدر لكم (الخراف) من مزارع مستثمر اجنبي لكي تتوفر جنبكم بالغربة .. .. الله يعين .. قال صديقي : نحن كان ماني (إضينات) حتى تربية الضأن نكوس لها رعاوي أجنبي الجدير بالذكر أن آلية (الحماية) التي وضعت قبل عام على منضدة البرلمان واليوم (وضعت) آلية سغيرونة تحمي الرعاوية بالخارج خاستا بعد تفشي ظاهرة الانتحار بينهم أو كما قال د. كرار .. اللهم لطفك .
خبير (اونكتاد) يفاجيء (ورشة) (العمم) بجهاز المغتربين ويختم بـ (الليله الليله الناس في العروض لاتقيسها بي تيبانا .. لايغرك لباسهم والعروض عريانه.. ديل حراس رزق زي التكنو أمانة .. زي إبل الرحيل شايلة السقا وعطشانه
شركات المهاجر تعتذر لساسموج وتوقع 3 عقود (سفن) للعمل في خت جده سواكن و(تعتر) في زريبة مليانه (روسين قطارات) بس عايزة كفرات ممكن تعمل في خت سواكن سوبا.. وادارة (التواصل) بالجهاز (تتمشط ) للسفر لجمع حق (الخت) من المغتربين بالخارج وابنائهم بالداخل ويجوز لها (الجمع) بين الاختين في لجنة واحدة خاستن اللجنة المتوجهة للدوحة.
زغردن يابنات ناس جمايكا جو.. وأنا يسلم لي (جونير) الجنى الجمايكي الخبير الخابر دروب كنانة والبطانة وود بطان وسيف وسوط..
بعد السد وانجازات مابتنعد- لماذا نعد من الدول الاقل نمواً ؟ تسلم الاجابات بالقاعة القاعدة تسولف بجهاز المحافظة على العدة والعادات . الجائزة الكبرى كبونات عتالة مجانا بميناء سواكن لك ولعائلتك طيلة فترة اغترابك.
وفد من جهاز المغتربين يزور كوريا لتطمين شركة (ساسمونج) بعد صدور القرار الاعوج بتخصيص شركات المهاجر .. الجدير بالذكر ان شركات المهاجر كانت قد وقعت (عقود) تقيلة مع ساسمونج لصناعة (التقلية) لبناء ثلاث حلل الحلة الواحدة قدر كده اهو للمشاركة في الاسابيع الثقافية السودانية بالخارج خاستا أن كل الزائرين يطلبون لقمة بملاح تقلية. وهذه من برامج الجهاز الخاصة بالمحافظة على العادات والتقاليد. واطمأن الوفد على سير العمل في تنفيذ عقود 3 سفن اب للعمل في خت جده سواكن واطلع على التصاميم النهائية لمدينة جامعة الوطن - المغتربين سابقا. التي سوف تشيد على مساحة 100 فدان بشرق النيل .. وشكرنا مدير (ساسمونج) على حسن الضيافة ونحن مارقين لفت نظرنا زريبة كبيرة مليانه روسين قطاره بحالة جيده بس عايزه كفرات .. وتحدثنا مع السيد امين المغتربين وامين شركات المهاجر بحكم القانون لاخذ شورته في صفقة القطارات .. وقال قطارات شنو البتدخل افراج مؤقت ؟ قلنا : يادكتور القطارات ما افراج مؤقت دى عشان تعمل فوق خت السكة حديد الفاضى ده.. وتعمل شراكة ذكية مع سودان ريلو. قال: انا مرسلكم عشان مواضيع محدده انتو تناولتو شنو غير موضوع الحلل ؟ تناولنا 3 سفن . قال: أول مره اشوف سفن بسكر. وعندك واحد بلدي بالسفن الغير بلديه لنقل الحجاج وواحد مستمثر اجنبي .. وواحد خبير جمايكي بالزات د. ديفيد من منظمة (الأونكتاد) الخبير الهجري الذي شارك في ورشة (عمى وعمم) وكده يا جنى ادني رأسي النختو فوق عمتي .. والدكتور (جونير ديفيد) الذي شاركنا وما عارفين جابو الدرب ولا معزوم من جهاز ردم العدة والهدوم .. وفي موسم فورة (حلة ) الاستثمار المقدمة (للضيوف) كان لابد من زيادة موية (حلة البحص) الفائرة بجهاز المغتربين لأهل البيت وجهاز المغتربين ينظم ورشة عمل حول اقتصادات الهجرة وتحويلات المغتربين وتسمع الكلام وتشم الحرف .. تغالت نفسك وتقول يمكن أنا المابعرف (اشم) إقرأ ولا تتعقد: انعقدت بجهاز تنظيم شؤؤن السودانيين بالخارج (طمعاً في اللملمة بترت كلمة (العاملين) مما اضفى على مهام الجهاز رعاية كل السودانيين بالخارج بما فيهم منسوبي السفارات ونسائبهم وأصهارهم بالداخل ، انعقدت ورشة عمل حول اقتصادات الهجرة وتحويلات المغتربين بمشاركة هنا الكلام الجد والجاد للجدود بالخارج د. جونير ديفيد الخبير الهجري الجاميكي من منظمة اممية خبيرة وشارك في (الدوشة) بنك السودان وزارة المالية وزارة الداخلية - وزارة الخارجية - ووزارة الاستثمار وزارة الاستثمار كلها الايام دى بالخارج - وعشان عشاء الجامايكي مايبرد ما بننتظر ( د.عثمان ) ويمكن التوصيل (دليفري) عبر الاسبتكن .. هذا وقد دارت المحاور حول كيفية توظيف مدخرات المغتربين المالية والمعرفية لبناء المجتمعات في الدول النامية ، وقدم (ديفيد) تنويرا حول الهجرة في الدول الاقل نموا نحن في السودان بعد السد وانجازات مابتنعد- نعد من الدول الاقل نمواً؟ المهم نواصل واستعرض والكلام لي الجنى الجامايكي تجارب لعدد من الدول مثل اثيوبيا التي (حققت) الفائدة المثلى من مدخرات المغتربين في التنمية خاصة في القطاع الصناعي .. نعم اثيويبا حققت وحلقت وحلقات (الفول ) دى 90% منها (فول مصري) اثيوبي مقاوم للصلصة من مزارع (حبشية) .. وقدم فوال الهجرة الاصل ورقة بعنوان : حبة الفول الحبشي وشالاتنا وفوالاتنا السويسرية، وقد ابان الخبير الجامايكي الجانا زائر ان الفائدة القصوى من الهجرة يمكن ان تتحقق بالزيارات الراتبة والمنظمة للخبراء (الوطنيين) إلى دولهم برعاية وإشراف (مباشر) من حكوماتهم بعيدا عن العمل التطوعي ، يتم خلالها تبادل الافكار والخبرات وطرح المشروعات التنموية .. الجدير بالذكر أن الورشة استعرضت تجربة السودان في مجال الاستفادة من الخبرات السودانية المهاجرة عبر برنامج الشراكة السودانية لنقل المعرفة والتقانة عبر الخبرات السودانية بالخارج (ٍspakten ) الذي يتبناها ويدلعها ويدوعلها جهاز المغتربين . . وأشاد قبل أن يشوف الشريط الذي صورت فيه التقنية - جوبير بتجربة السودان في هذا المجال .. هنا انتهت دوشة النضم. بيت العصيد ماتناوله ديفيد عندما قال (زيارات الخبراء الوطنيين المباشرة) ونشكو للجامايكي من : جنوي الجهاز ياخدوا راتب لزيارات راتبة للخارج ؟ قال: ديفيد دى (اندراوه) مو جن لان الجن بداوى. النظرية بتقول الخبراء الوطنيين يرتبوا زيارات لوطنهم .. انتو كده اتوطيتوهم ووطنتوهم بالخارج .. الخبير الاجنبي سأل خبير المغتربين الامين والملم بكافة (القصات) عندما شاهد لوحة تزين القاعة يظهر فيها الأمين (يقص شريط) احدى المشاريع وطلب تزويده بقصة هذه القصة والقصاصات السابقة للمشاريع التي دشنت واللاحقة التي سوف يقص شريطها قريبا جدا . اجابوه .. ونحن كان عندنا (قصاصات) جايبنك من جامايكا لي شنو.. هذه اللوحة تحكي قص شريط المعرض التشكيلي الذي ساهم به ابنائنا المغتربين في دعم الوحدة. وهي الوحيدة القصينا شريطها ومافي زول غيرك سألنا . قال : أنا خبير في اقتصادات الهجرة وزرت بلدان كثيرة لهذا الغرض والحبشة جارتكم دى والكلام للجامايكي والبتقولوا حايشة الموية عنكم .. زرتها قبل ثلاث سنوات ومكثت فيها 3 ايام وفي كل يوم ازور 30 مشروع زراعي صناعي خاص بالمغتربين والشيء الغريب عندما شاهدت تلال من الفول المصري معدة للتصدير .. وقلت الحبش ديل بجيبوا (معدات) من وين (للخرسانة) دى. قام واحد من منسوبي جهازنا اتفولح وقاطع الجامايكي وقال ( هنا تكمن مشكلتنا في المعدات لاننا محاصرين وممنوع نستورد المعدات) وقعد .. قام الجامايكي علي حيلو وقال : أنا أقصد (المعدات) يعني (بتن) ومسك (بطنوا) وبالنسبة (للمعدات) الارض المنسبطة والموية جمبها يمكن تروى (بالسطل) يعني (جردل) . جرادل وجركانات ماعندكم.. بس انكربوا ياكرار الامكانات تكمن في كرب وقصابية وحبال .. أعرف أنكم تمتلكون الكثير وإلا ماجاكم (الجراد) ومليتوا الجرايد بأغنية الجراد جانا واكل عشانا .. ولقيتوا جركانات المبيد فاضية انتوا ياناس فاضين؟ وبعدين أين هي (المدخرات) المغتربة وتقدر بكم من الدولارات؟ هنا جاء دور الامين وقال: حسب تقديرات البنك الدولي في سنة 2002 قبل انخفاض (سعن الجبنة) بلغت 11 مليار دولار ونحن ضرانا خروج بترول الجنوب وكان مو كده عوجة واحدة جايانا مافي . قال الجامايكي عوافي يا اخي بترول شنو وجنوب شنو وجنون شنو .. ومسك شنبو وقال طلاق (تلاجة مستعملة) هو اصلو عارف البيت والعدة المغتياهو طلاق الامكانات المتوفرة عندكم لو لقت ارادة وادارة فرد زول يغترب مافي .. ياناس اخجلوا لكم خجلة العالم كلو يفتش في شيتا ياكلو ويبل ريقو .. وانتو عندكم المويه وعطشانين وشايلين شالاتكم واتفتشوا في المستثمرين الاجانب والخبراء الاجانب .. بعدها قام الجامايكي وختم المحاضرة بـ : الليله الليله الناس في العروض لاتقيسها بي تيبانا .. لايغرك لباسهم والعروض عريانه.. ديل حراس رزق زي التكنو أمانة .. زي إبل الرحيل شايلة السقا وعطشانه. وأصبح الضيف يعزم في أهل البيت (أشربوا المويه ماتحر) .. وقرأ والمؤتمر قبال خمسة يوم ما تقرأه عزيزي المغترب اليوم في واحة المغتربين تبدأ العناوين بـ ( ضوابط من البنك المركزي لتبسيط اجراءات تحويلات المغتربين العنوان الجديد والجيد جدا جدا (المدير التنفيذي لجهاز المغتربين يلتقي بمجلس الجالية السودانية بالدوحة ويتفقد (سير امتحانات الشهادة السودانية بالمدرسة السودانية ) مما يعني ان الامتحانات بالدوحة مازال جهاز السيرة (يسير) فيها والمؤتمر (المهم) جاء في خمس بوصات : بمشاركة خبير من (اونكتا) جهاز المغتربين ينظم ورشة عمل حول اقتصادات الهجرة وتحويلات المغتربين المجلس الاعلى للجاليات يشارك في مؤتمر مانحي دارفور ويشيد بدور قطر في احلال السلام والاعمار واجلاء المغتربين وترميم الآثار النوبية ايداع قانون مكافحة الاتجار بالبشر منضدة البرلمان ) انتهت المواعين وقريبا جدا ياجدودنا المغتربين الذين اصابهم الخرف بشرى لمواطني ولاية شمال كردفان وماجاورها .. ولمغتربيها بصفة خاصة قريبا سوف تصدر لكم (الخراف) من مزارع مستثمر اجنبي لكي تتوفر جنبكم بالغربة .. .. الله يعين .. قال صديقي : نحن كان ماني (إضينات) حتى تربية الضأن نكوس لها رعاوي أجنبي الجدير بالذكر أن آلية (الحماية) التي وضعت قبل عام على منضدة البرلمان واليوم (وضعت) آلية سغيرونة تحمي الرعاوية بالخارج خاستا بعد تفشي ظاهرة الانتحار بينهم أو كما قال د. كرار .. اللهم لطفك .
