دى هى الربطه وده هو كوة كوة ؟؟؟؟؟؟؟؟
ده هو بطل كوستى المرعب ؟
ده هو اللى هز كل العرضه جنوب ؟
ده هو اللى خلى ريكو يربط شنطو ؟
ده هو اللى رجع جبره للبهدله ؟
ده هو اللى جنن المريخ وخلاهو يقع من قد القفه
ده هو كوة كوة اللى جنن باسكال
وده هو كوة كوة اللى بكى المريخاب
وده هو كوة كوة اللى طرد المريخ من الدورى
وده هو كوة كوة اللى عمل نزيف احمر وحاد للمريخ
يا سبحان الله وديرين كمان الكونفدراليه
بصراحه المريخ تعبان شديد
وبل راسك يا ريكو
ده ريكو طلع مدرب اى كلام
وبلا خجل يستهتر بدفاع الهلال
بالله عليكم الله فى مدرب يكشف عيب منافسه قبل المباراة ؟
شكرا ليك يا ريكو
الظاهر انك داير تساعد الهلال
وما نسيت العيش والملح
وابقى قابلنى لو جبت قوون فى الهلال
واخير ليك جهز شنطك من حسع
وجهز نفسك للخروج النهائى
وسوق معاك (ليمتك ) وما تنسى مرايتو
والله المريخ تعبان شديد
تعادل شين مع طيش الدورى
وفوز بطلوع الروح على انتركلوب
وقلعه حمراء
وطوابق
ووالى
و حكومه
وفلوس زى الرز
ومزمل
وبطه وبوفيه وكوارع وام فتفت
وشعيريه وسخينه وبوش
وشاهى بالبنابر
وعلماء النفس فى المريخ قالوا لينا ان سبب تعادل المريخ مع الرابطه انو قفلوا البوفيه المفتوح
وبعضهم قال التقشف
وبعضهم قال مراية ليما
والظاهر انها زغللت عيون اكرم وما قدر يشوف ناس كوة كوة ومحمدو وهم جايين عليهو
والله المريخ تعبان شديد
والشكله قامت مع جبره
وجبره قلبو حار
وما بقبل الحقره
وريكو بصراحه استفزاهو شديد
راجل زى فاروق جبره يطردوهو من الملعب
هو شافع
والظاهر وبرغم كل تدخلات الوالى الا ان جبره لن يرجع
ولو رجع ريكو حيطفشو
لان ريكو بيحب ابراهومه وما بيحب جبره
وجماهير المريخ بتكره ابراهومه
وبتحب جبره
ولا يقبل سودانى ان يمن عليه احد
وانا حديك فرصه تانيه يا جبره
والله الحكايه معقده
ودى من تباشير خروج المريخ من الكونفدراليه كالعاده
وهل يقبل جبره ان تكون فى راسو بطحتين
والله ما تستاهل يا جبره
اقترح ان يتنازل الهلال عن كاس السودان للمريخ
خلاص نحن حنسحب من كاس السودان وانتو تشيلوهو
بس ده بشرط صعب
ان يوافق سانييه على ذلك
وكما قلت المريخ تعبان شديد
وسلك المريخ يحرض الشغيل على ضرب ايغانقا فى ركبته المصابه
وسلك المريخ يحرض اكرم بضرب مهاجمى الهلال بالبونيه
بالله عليكم ده اكبر كاتب فى المريخ
والله ليهو حق جمال الوالى سماهم الاعلام السالب
مقال سلك المريخ موجود وموثق ويجب رفع دعوى لاتحاد معتصم ان كان سيفعل بحقه شيئا
انها حقا صحافة التحريض التى يفتخر بها الوصيف
والمهم ان هجوم الهلال بقى يجهجه اى فريق
وريكو وهمد شافو هجوم الهلال مع الرابطه
وبلوو راسكم يوم السبت
والله انت فقري يا غرزيتو الفقرى عملت رعب شديد لزبائن بطه
والنوم جافانى وده كلو منك يا سانييه
انى ارى رؤوسا قد اينعت وحان قطافها
فهل من مبارز ؟؟
ومبروك للهلال ال 52 نقطه
نقطه تنطح نقطه
كلمة لابد منها :
على ادارة الهلال ان تضع حدا للعنف الذى يمارسه فييرا فى الملاعب -


محمد حسن شوربجى


- - - - - - - - - - - - - - - - -
تم إضافة المرفق التالي :
11111111111111111111111111.jpg