-
ضل الدليب
============
******ودالشريف ******
=============
** لا اعرف الكثير عن فنان الطمبور عبد الرحيم ارقي والذي رحل عن دنيانا الفانية خلال الاسبوع الماضي وبكاه الكثيرون ولا اعرف له اي أغنية سوي الأغنية الشهيرة ..عافي منك وراضي عنك سو رضاي.. وشخصي في غناء الطمبور يميل للقدامي ..ملك الطمبور النعام ادم وادريس ابراهيم وعثمان اليمني ……بالتاكيد عبد الرحيم ارقي اهتم بالتراث في مناطق الشايقية وارتقي. باغنية الطمبور واسهم في انتشارها .بشكل واسع …عبد الرحيم حتي وهو في سرير المرض كان يردد ..كان مسافر شان علاجي بلقي في شوفتك دواي …كان مسافر شان تعرس خير ابوك مالي التكاي …الرحمة والمغفرة
للمبدع عبد الرحيم ارقي
** الشمالية ومناطق الشايقية تحديدا فقدت صديق احمد ثم عبد الرحيم ارقي وهذه اقدار الله والموت حق وتبقي الذكري والذكريات والاغنيات ويبقيان فى وجدان الناس …..اعرف ان صديق احمد دائما ما كان يدعم روابط الطلاب داخل وخارج السودان واسهم من خلال حفلاته في دعم الكثير من المؤسسات التعليمية والصحية ووقف مع الفقراء والمساكين
** المعلم محمد وردي فرغ من تلحين الأغنية الكبيرة ….جميلة ومستحيلة …كلمات محجوب شريف وكانت هنالك كلمة واحدة اخرت تقديم الأغنية للجمهور والكلمة هي اقاصي …من اقاصي الدنيا جيت واتصل وردي بمحجوب شريف وقال ليهو يا اخ انا عملت اللحن وعشان ابدا بروفات مع الفرقة الموسيقية توجد كلمة لا تتناسب واللحن ولازم تشوف كلمة غيرها ووعده محجوب خيرا ومحجوب كان رجل شعبي يستغل المواصلات العادية في مشاويره وفي مرة راكب حافلة صغيرة من الثورة سمع جماعة بيتناقشو وواحد قال للتاني امشي يا اخ انتو جايين من ضواحي الدنيا والتقط شاعرنا الكبير الكلمة ونزل من الحافلة في ميدان الشهداء بام درمان واتصل بوردي وقال ليهو
وجدتها وجدتها …اعمل ضواحي بدل اقاصي وارتاح وردي من البحث وادخل كلمة ضواحي والغي اقاصي واصبح المقطع من ضواحي الدنيا جيت وجبت وعلي رحالي .
لمداين في عيونك يا محالي …ريحيني استر حالي وقدمت الأغنية لاول مرة بالمسرح القومي وكان ذلك خلال نوفمبر 1976…..شفتو الناس ديل كانو جادين وحريصين وكانو عباقرة كيف ……ابرز واشهر العازفين الذين جلسو خلف وردي ومتعو العالمين …الأساتذة علي ميرغني ….عبد الله عربي …محمدية …..عمر ميشيل …عمر فتح الله …صلاح خليل ….احمد ساطور …..فيصل عازف الببز جيتار …..جعفر حرقل …الزبير …….
….عبد العزيز عصفور ….ميرغني الزين …ميكائيل الضو …وحيد جعفر فضل المولي …الفاتح يسين …احمد محمد عبده خليل ….حمزة سعيد ….الحبر سليم ….مجدي العاقب …اسماعيل عبد الجبار واسماء كثيرة لا يتسع المجال لذكرها والحديث عنها بتفاصيل وفنان افريقيا كان يقدم العازفين للجمهور بطريقة جميلة
** حفلة ضاجة جماهيريا للمغنية مروة الدولية في قلب الخرطوم ….شباب بالميات بتمايلو ويتراقصو ما عارف جو من وين… وما عندهم مشكلة ما دام السلطات سمحت بقيام الحفل لتؤكد.ان الخرطوم آمنة …..بس معقول مروة دي عندها شعبية قدر دي
..يا اخ دي فاتت ندي القلعة وهدي عربي وعشة الجبل
** اي فنان يقول ليك.. داير الحرب تنته ده مايل للجنجويد
** حفلت نانسي عجاج في القاهرة كانت. معلنة امس الاول …كيف بدت وكيف انتهت
** حلفا القديمة احتفلت بالتراث النوبي يوم الاربعاء الماضي وكان احتفالا مهيبا شارك فيه عدد من الفنانين والشعراء والادباء وردد عدد من الشباب الاغنيات النوبية القديمة وكان يوم النوبة العالمي ……مناطق النوبة خرجت محمد وردي وصالح ووهبة ولولي وعلي سليم وجيلي عبد الرحمن وجمال محمد احمد ومحي الدين صابر ومحمد الحسن دكتور وعبد اللطيف عبد الغني واسامة داؤد والفريق محمد حامد عوض الله عديل وردي وقد توفي بالقاهرة الاسبوع الماضي واخرين كثر من المبدعين والادباء
** يا حبيبي .انا يا حبيبي .انت اغلي …انت جوهر …انت ابعد من سرابي ….وبرضي ساير فى طريقك …ما بفكر في عذابي …..اروع ما كتب شاعر العيون عبد الله النجيب وغني مبدعنا الكبير صلاح بن البادية
** الراحل مجذوب اونسة كان يردد رائعة صلاح محمد عيسي. …انا بهواك يا حبيبي..
بروعة ….طريقك دائما فارش ورد وطريقي دايما فارشو شوك
** شاعرنا الكبير صديق مدثر كتب اغنيات اخري خلاف الحببب العائد وضنين الوعد سنعود لها بإذن الله
** اغنيات لم تجد حظها من الانتشار لأسباب مختلفة منها ..السنبلاية وعصفورة لمحمد وردي وسوف ياتي ونرجسة لمحمد الامين وساقية جحا لابن البادية …..
** أربعة مغنواتية يحاولون تقليد احمد الجابري ولم ينجح احد
** شاهدت واستمعت واستمتعت بابراهيم عوض وزيدان ابراهيم يرددان أغنية عزيز دنياي معا والاغنية من كلمات و الحان الطاهر ابراهيم
** كنت اعتقد ان الفنان ود البكري صغير في السن الي ان التقيت به في قناة النيل الازرق ولقيتو اكبر مني
** الغروب يسألني عنك . …امسياتنا في شوق اليك ..والرمال الناعمة مشتاقه لمشيك ….والطيور الراحلة في ضل المساء بتسأل عليك …..كيف تفارق الضفة والنيل هان عليك ………من كتب ومن لحن ومن غني ….طبعا كلكم عارفين الا أبناء الجيل الحالي جيل مروة الدولية وندي القلعة
** ناس كبار تلقاهم بتهابلو مع الدولية وعشة الجبل وايمان الشريف وغيرهن
** في مرة قادمة. باذن الله نتحدث بتوسع عن الشاعر الكبير هاشم صديق
** حتي الآن الغموض يكتنف مقتل الفنان خوجلي عثمان
** الفنان الشاب محمد بدوي ابوصلاح يبدع في العاصمة القطرية الدوحة وما يميز حفيد ابوصلاح عدم انزلاقه وراء الغناء الهابط
** كمال ترباس اصبح يغني جالسا وللعمر احكام
** فيصل الصحافة يغني …بعد الصبر ….وعثمان حسين يستمع ….شاهدت ذلك عبر شريط فيديو
** هل يتكرر جيل سكينة عربي ويسرية محمد الحسن وليلي المغربي وسعاد ابو عاقلة ومحاسن سيف الدين ونجاة كبيدة والأخيرة كانت اجمل صوت اذاعي …رحم الله من رحل منهن وأمد في ايام الاحياء
** ولما تغيب عن الميعاد
بفتش ليها في التاريخ
واسأل عنها الاجداد
اسأل عنها المستقبل اللسع
سنينو بعاد ….بفتش ليها
في اللوحات محل الخاطر الما عاد . …وفي الاعياد وفي احزان عيون الناس وفي الضل الوقف ما زاد
