-
كلمات صريحة
بدرالدين الباشا
يا جماعة الخير..
احدي مصابنا وكوارث الرياضة بالتحديد في كرة القدم اليوم الواحد بنتلقى وينشر 50 خبر عن كورة القدم السودانية. تفتح تلفونك تلقى شطب، تسجيل، صفقة، مشكلة، فضيحة..
لكن الحقيقة المرة؟ 5 أخبار صحيحة.. والـ 45 الباقية كذب فبركة وشائعات!متعمدة مقصودة من ناس بسوء نية قاصدين يضربوا استقرار النادي. يطلعوا خبر شطب لاعب عشان يكسروا نفسياتو. ناس بتزيد التوتر عارفين البلد متوترة، والموسم مولع، والتسجيلات نار.. فيقوموا يرموا بنزين على النار عشان الصراعات تشتعل أكتر.ناس بلا ضميرالمهم اللايك والشير والترند.. حتى لو الخبر كذب ويخرب بيت ناس.
النتيجة شنو؟لاعب نايم يصحى يلقى نفسو “مشطوب” وهو ما عارف. جمهور يتضارب في القروبات بسبب خبر ملفق. إدارة تضيع وقتها تنفي بدل تشتغل.
وفي النهاية.. كرتنا هي الخسرانة.
يا أهل الرياضة.. كفاية لعب بالناريا صحفي ناشط صاحب قروب: قبل تنسخ وتلصق أي خبر.. اسأل نفسك: ده ببني ولا بهدم؟
قبل تشعل فتنة في فترة الشطب والتسجيلات.. تذكر إنو في لاعب وأسرة بتتأذى.الرسالة للجمهور العاقل ما أي خبر تشوفو تصدقو.. ما أي صورة تنزل تصدقها.
*تأكد.. اسأل.. اصبر..* عشان ما تكون انت البنقل الكذبة وبتزيد الطين بلة.
الموسم بدأ.. والتسجيلات ستبذاء والشطب بدأ. لكن خلونا نبدأها صاح.. بالصدق، بالمسؤولية، بحب الكورة دي. خبر ضرب استقرار مجلس إدارة نادي الهلال قراءت الخبر أكثر من مرة لابعاد رئيس النادي السوباط العليقي من بعض كل يوم في خبر مستوى ومزروع بينهما مرة ابتعاد العليقي مرة لظهور الكاردينال ان شالله كل المحاولات تفشل يعود السوباط العليقي اقوي من الاول ان شالله مسيرة الهلال ستمضي في الاتجاة الصحيح اصبروا شوية مجلس الهلال قادم عبر باب الديمقراطية بالانتخابات لفترة ٤ سنوات قادمة لقيادة قطار مسيرة كرة القدم السودانية
*كفاية 45 كذبة.. عايزين 50 حقيقة تبني البلد دي.*
