*امس كنا ضيوفا علي السفير البريطاني
*محمد عبدالماجد كان حضورا منورا
*وبالبلدي
*جلابيه وعمه زينه في زينه
*العمه ملفوفه زي الكنافه
*واتذكروا العمه ملفوفه دي
*المهم كنا في ضيافة الخواجه
*الراجل خواجه ود بلد ومريخابي
*وعندو راي كبير
*كتر خيرو داير يدعم الرياضه عندنا
*وقريبا حانشوف دعومات مقدره للرياضه في بلدنا
*دردشنا مع الخواجه في حضرة الريس
*والخواجه دخل كورة التطواني
*ودخل كورتنا ضد الوفاق
*معجب شديد باستاد المريخ
*وجمهور المريخ
*وباداء المريخ
*محمد عبدالماجد كان قاعد يعاين سااااي لاعجاب الخواجه بينا
*قام قال للخواجه نحنا متصدرين الدوري بي تلاته نقاط فرق
*الخواجه قال ليهو دي امور داخليه
*دبلوماسيا ما داير يقول ليهو اخطاء التحكيم بتتحكم فيها
*ومحمد مصر انهم الافضل
*قام الخواجه قال ليهو انا شفت الكورتين
*افريقيا المريخ كبير وثابت ومدهش
*الخواجه ينضم
*ومحمد عبدالماجد يفرتق في العمه
*عمة محمد الزينه في زينه
*الكانت زي آيس كريم الشعله
*اتفرتقت برااااحه
*وبقت لا تعرفها طرحه
*لاتعرفها شاشة جروح
*المهم
*مبادرة الخواجه رائعه
*واذا استثمرناها صاح
*بنستفيد رياضيا كتير
*وحانرجع لي موضوع الخواجه ده بعد محمد عبدالماجد يلملم عمتو الافرتقت دي
*-المهم
*اليوم نلتقي هلال عروس الرمال
*واتوقعها مباراه رائعه
*فيها متعه كبيره
*وتواصل بين شفوت المدرجات وشفوت الميدان
*كلنا نجي
*نساند اولادنا في بروفه افريقيه رائعه
*المهم
*موضوع الدعم ماشي صاح
*بس دايرين طريقه لمريخاب الخارج
*الناس ديل برضك معانا
*استعجل يا ادروب
*ومريخاب جنوب السودان بفتشوا في طريقة الدعم
*السياسه تفرق والمريخ يوحد
*ولان المريخ واقع
*يظل واقع الوحده عشقا مشتركا بين القلوب
*المهم
*رسالة جمعه في الفيس عجبتني
*وتحيه لمريخاب دولة الجنوب
*لشفوت الغابه
*شفت شفت
*المهم
*الدعم ماشي كويس
*بس حقو ناس الشركات يصلحوا الشبكات شويه
*الحكاية ما بتستحمل شبكه كعبه
*ساعدونا بتجويد العمل يا ناس الاتصالات
*وبتكم الكضابه دي فكونا منها
*الرقم ده ماعندنا
*الزول ده دقسك
*التلفون ده مقفول
*التلفون ده مشغول
*وحاجات تخلي الواحد يمشي لي وزولو بي ركشه لو داير يكسب زمنو
*لو سكي التلفون
*القيامه تقوم المكالمة ما بتجي
*ايها الناس
*ندخل مباراة الاتحاد الجزائري بدون ضغوط
*وهذا لايمنع من اصرارنا علي الفوز
*نرف رصيدنا من النقاط في المجموعه وفي افريقيا
*بدون توتر ممكن نغلب الاتحاد براحه
*ريحة المطار حقتنا
*وريحة المطار اصبحت ماركة مسجله لينا
*والاتحاد الافريقي يشهد بانها لنا
*المهم
*زنطور قال لي لو قابلتونا بنطيركم
*قلت ليهو كدي اصعدوا اول
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*شاعر ارجنتيني قال لينا
*كان بتكلم عن الارجنتين يا والينا
*ماتفهمنا غلط وتودينا
*قال شاعر ارجنتينا
*بلد زي الصاج مسخنه و قاعدين فيها قلنا تروق
*زادت سخانه وبقينا بس طايوق
*جيبو معراكتكم قشونا عوسوا عواستكم وودوا كسرتكم السوق
سلك كهربا
ننساك كيف والكلب لما نجيب طايوق بضحك
عموما تحياتي ليك
ود التبلدي
*واتوقعها مباراه رائعه
*فيها متعه كبيره
*وتواصل بين شفوت المدرجات وشفوت الميدان
*كلنا نجي
*نساند اولادنا في بروفه افريقيه رائعه
*المهم
إن شاء الله استمتعت بالمباراة يا سلك
قال متعة قال
جهزتوا الشكوى في مشاركة اللاعب عنكبة ضد فريقه السابق ولا لسة؟ ههههههههههه
وكان شفت ياوالينا ناس كادوقلي لعبونا في ميدان كلو حصحاص..
وكان شفت ياوالينا الدورى طار علينا ...
وكان شفت ياوالينا نحن كر علينا ..
ياراجل ماتشيل وسطك وتقعد عديل علي الحرام مريخك ده الا تعملوه مخلل
ياربي كاتب شنو
هلال التبلدي سواها
الشكوي لازم تطمنا في منو ووضعها كيف مضمونة
الحتانه والناس عطشانا ياا .