وصلت بعثة هلال العشق الجميل لأرض الوطن الحبيب بعد رحلة لمصر أدى الفريق خلالها مباراة فى مجموعات الأبطال أمام الزمالك خسرها بهدفين لهدف وأقام هلال الملايين معسكراً قصيراً إستعداداً لمباراة فيتا كلوب مساء الجمعة القادم ...ولعب الهلال خلال معسكره مباراتين الأولى ضد مصر للمقاصة خسرها الهلال بهدفين لهدف أيضاً ومنح الجهاز الفنى الهلالى الفرصة للبدلاء الذى ظهروا بمستوى طيب وكانت المباراة الودية الثانية أمام طلائع الجيش عصر السبت حيث أحرز طلائع الجيش هدفه الأول فى الدقيقة 65 بواسطة إبراهيم الهلالى وعادل للهلال صلاح الجزولى فى الدقيقة 80 بعد مباراة قوية من الجانبين ...وشارك الكثير من بدلاء الهلال بقيادة العملاق معز محجوب ومساوى ومالك وعلى النور ومحمد عبدالرحمن ووليد علاء الدين ودخل الحارس يونس الطيب بدل المعز وصد إنفراد بالمرمى وأجمل مافى مباراة الطلائع عودة نزار وبكرى وخليفة وتوهج الغزال وسيدى بيه ...أعجبنى الشكل الأنيق لنجوم الهلال بالقميص السماوى والبدلة الزرقاء ( ماشاء الله ديل نجوم الهلال ولا أعضاء السلك الدبلوماسى ) هسه ناس المريخ لو عايزين يقلدونا إلا يلبسوا أحمر زى عربات المطافئ ... أقول ليكم حاجة عندى إحساس بإذن الله سوف نشرب الفيتا بالخرطوم ، وتذكروا جيداً هوبة أمام الفيتا وإنطلاقة من كاريكا ... وعلى الهلال إحترام الخصم وعرض شرائط وسيديهات مباريات فيتا كلوب فى مباريات الأبطال الأخيرة حتى نكن على بينة من أمرنا ، ويجب على أبناء الهلال فى الداخل والخارج صالح الدعاء لهلال السودان وهو ينازل فيتا الكنغولى بأستاد الخرطوم وسط جماهيره الوفية التى تهز الأرض تحت أقدام الخصوم ...لاشك أن عودة بكرى ونزار هى من الأخبار التى تسر الأقمار فى مباراة فيتا كلوب المصيرية ونقاطها الثلاثة هى بإذن الله من نصيب هلال الوطن العزيز .
*** الضربات الثابتة والعكسيات أعيت من يداويها
نحن شعب رغم وافر طيب خصالنا إلا أننا نعشق النظرى أكثر من العملى لذا تجد عندنا المحلل الرياضى الذى يقول لك إن المدرب الأجنبى غلطان لأنه أشرك فلان وترك علان حتى يخيل لك أنك أمام جوسيب جوارديولا أو عمالقة التدريب فى العالم ، مع العلم أنه بعد أن تنتهى المباراة يمكن لأى مشجع أى يكون أشطر مدرب فى العالم !! لكن لو جبت نفس هذا الفيلسوف وطلبت منه أن يضع لك تشكيلة تجلب لنا النصر سوف تجده ( أفشل من فشل وأظلم من ظلم ) ... والغريب فى الأمر أن علة الفرق السودانية التى أعيت من يداويها فى عدم اللإستفادة من الركنيات والضربات الثابتة ولم نعطها الإهتمام اللازم ...ياترى متى نجد الحل الناجع لهذه المعضلة حتى تتنسم الرياضة فى بلادنا عبير العافية ...ونلاحظ فى الهلال أن اللاعب الذى يستفيد من الضربات الرأسية فى الركنيات هو سيف مساوى وفى الفترة الأخيرة برز أيضاً صلاح الجزولى وبشة أحرز أكثر من هدف بالرأس ...والكل يذكر هدف بشة فى مباراة القمة العام الماضى فى شباك الحضرى عندما فشل الفرعون فى صد رأسية بشة الحارقة ...بالمناسبة ناس المريخ بعد ذهاب الفرعون سجلوا هامان !! لذا لزم التنويه .
*** رسائل غنائية رياضية من الفنان صلاح مصطفى
ناس المريخ بعد طاروا من سيكافا على يد أكاديمية تشى تشى ( إستكتروا أستادهم على الضيوف ) بوصيكم على ضيف الهجوع عشوه ...بوصيكم على الضيف البلعب فى أستادكم أطردوه !! يا أخواننا ناس المريخ ديل بخجلوا !! معقول فريق عشان طار من المنافسة يحرم الضيوف من اللعب فى أستاده ( زى مكاواة الشفع الصغار !! ) ياقوم أليس منكم رجل رشيد !! والرسالة الأولى من أغنية ( ماعدت قادر أنتظر ) للفنان صلاح مصطفى من إدارة المريخ لضيوف سيكافا تأمرهم بعدم اللعب فى أستاد المريخ والتحول لأستاد الخرطوم بعد تشتشة بورندى وتقول الرسالة ***ماعدت قادر أنتظر ...سامحنى غلطان بعتذر ...بعتذر ...بعتذر ، والرسالة التانية من مدرب الهلال نصر الدين النابى ( الذى كشكر ساكت بالإستقالة ) بعد أن وصل بالهلال لدورى المجموعات ولكن إدارة الهلال وجدتها فرصة للتخلص من الشرط الجزائى وتقول الرسالة *** ماكنت قائل من عتاب ...تحكم على بالوحدة والشوق والعذاب *** إنت القبيل شلت الصعاب ...فى دربو عديت ألف باب ....والرسالة التالتة من جمال الوالى وهو يخاطب هيثم مصطفى ويقدم له مغريات عديدة عربية توسان وبيت فاخر فى الصافية و200ألف دولار ورغم ذلك غاب هيثم شهور عن التمارين والمباريات ( وقام إتعزز الليمون عشان بالغنا فى ريدو ) وتقول الرسالة الأخيرة *** لحظات خصامو المرة تتمدد شهور ... صدقنى لو أغلط معاك دائماً أقول *** إنت الأصيل ...إنت الوفى ...عن حبى ماممكن يميل ...وبرضو غلطان بعتذر .
*** همسة الوداع
حبايبنا الحلوين بعد الطيران من أكاديمية تشى تشى البورندى ( القبل الأربعة أبوا ياخدوا فيهن قبلة ) وشغالين شطب جماعى ... !! أتحدى أى صفوة يكرر 3 مرات الله... يكفينا شر تشى تشى ... ده إسم أكاديمية ولا عطسة !! ياعالم حرام عليكم هسه العطسة لزومها شنو !! إنتوا شغالين فى مخزن تمباك !! ناس المريخ قبل ناس مازيمبى والترجى والهلال مايقولوا فتاح ياعليم رزاق ياكريم قاموا طاروا من التمهيدى الشئ شنو !! وبهذه المناسبة نهمس فى أذن صاحب القلم إنتوا ليه مشاركتكم دائماً دقة سريعة وزيارة خفيفة زى الزول الماشى يصبّح ناس البكاء ؟ مجرد سؤال .
*** الضربات الثابتة والعكسيات أعيت من يداويها
نحن شعب رغم وافر طيب خصالنا إلا أننا نعشق النظرى أكثر من العملى لذا تجد عندنا المحلل الرياضى الذى يقول لك إن المدرب الأجنبى غلطان لأنه أشرك فلان وترك علان حتى يخيل لك أنك أمام جوسيب جوارديولا أو عمالقة التدريب فى العالم ، مع العلم أنه بعد أن تنتهى المباراة يمكن لأى مشجع أى يكون أشطر مدرب فى العالم !! لكن لو جبت نفس هذا الفيلسوف وطلبت منه أن يضع لك تشكيلة تجلب لنا النصر سوف تجده ( أفشل من فشل وأظلم من ظلم ) ... والغريب فى الأمر أن علة الفرق السودانية التى أعيت من يداويها فى عدم اللإستفادة من الركنيات والضربات الثابتة ولم نعطها الإهتمام اللازم ...ياترى متى نجد الحل الناجع لهذه المعضلة حتى تتنسم الرياضة فى بلادنا عبير العافية ...ونلاحظ فى الهلال أن اللاعب الذى يستفيد من الضربات الرأسية فى الركنيات هو سيف مساوى وفى الفترة الأخيرة برز أيضاً صلاح الجزولى وبشة أحرز أكثر من هدف بالرأس ...والكل يذكر هدف بشة فى مباراة القمة العام الماضى فى شباك الحضرى عندما فشل الفرعون فى صد رأسية بشة الحارقة ...بالمناسبة ناس المريخ بعد ذهاب الفرعون سجلوا هامان !! لذا لزم التنويه .
*** رسائل غنائية رياضية من الفنان صلاح مصطفى
ناس المريخ بعد طاروا من سيكافا على يد أكاديمية تشى تشى ( إستكتروا أستادهم على الضيوف ) بوصيكم على ضيف الهجوع عشوه ...بوصيكم على الضيف البلعب فى أستادكم أطردوه !! يا أخواننا ناس المريخ ديل بخجلوا !! معقول فريق عشان طار من المنافسة يحرم الضيوف من اللعب فى أستاده ( زى مكاواة الشفع الصغار !! ) ياقوم أليس منكم رجل رشيد !! والرسالة الأولى من أغنية ( ماعدت قادر أنتظر ) للفنان صلاح مصطفى من إدارة المريخ لضيوف سيكافا تأمرهم بعدم اللعب فى أستاد المريخ والتحول لأستاد الخرطوم بعد تشتشة بورندى وتقول الرسالة ***ماعدت قادر أنتظر ...سامحنى غلطان بعتذر ...بعتذر ...بعتذر ، والرسالة التانية من مدرب الهلال نصر الدين النابى ( الذى كشكر ساكت بالإستقالة ) بعد أن وصل بالهلال لدورى المجموعات ولكن إدارة الهلال وجدتها فرصة للتخلص من الشرط الجزائى وتقول الرسالة *** ماكنت قائل من عتاب ...تحكم على بالوحدة والشوق والعذاب *** إنت القبيل شلت الصعاب ...فى دربو عديت ألف باب ....والرسالة التالتة من جمال الوالى وهو يخاطب هيثم مصطفى ويقدم له مغريات عديدة عربية توسان وبيت فاخر فى الصافية و200ألف دولار ورغم ذلك غاب هيثم شهور عن التمارين والمباريات ( وقام إتعزز الليمون عشان بالغنا فى ريدو ) وتقول الرسالة الأخيرة *** لحظات خصامو المرة تتمدد شهور ... صدقنى لو أغلط معاك دائماً أقول *** إنت الأصيل ...إنت الوفى ...عن حبى ماممكن يميل ...وبرضو غلطان بعتذر .
*** همسة الوداع
حبايبنا الحلوين بعد الطيران من أكاديمية تشى تشى البورندى ( القبل الأربعة أبوا ياخدوا فيهن قبلة ) وشغالين شطب جماعى ... !! أتحدى أى صفوة يكرر 3 مرات الله... يكفينا شر تشى تشى ... ده إسم أكاديمية ولا عطسة !! ياعالم حرام عليكم هسه العطسة لزومها شنو !! إنتوا شغالين فى مخزن تمباك !! ناس المريخ قبل ناس مازيمبى والترجى والهلال مايقولوا فتاح ياعليم رزاق ياكريم قاموا طاروا من التمهيدى الشئ شنو !! وبهذه المناسبة نهمس فى أذن صاحب القلم إنتوا ليه مشاركتكم دائماً دقة سريعة وزيارة خفيفة زى الزول الماشى يصبّح ناس البكاء ؟ مجرد سؤال .
لكن الشاى بتاعك ده لبن خفيف ليه ؟ سيد اللبن ما جاكم امبارح ؟