المشهد الاول:
سامحونا يالنسور فانتم فى حضرة الهلال
وسامحونا فالمقبره لا ترحم
وكم هو رائع هلال الارض
وان لعب دون جمهور
فهو القضية على مر التاريخ
وهو القضية ان فاز أو خسر
وهو القضية أن حضر أوغاب
وهو القضيه ان خسفت كل اقماره
وهو القضيه ان اصبح بدرا
وهو القضية وان لعب للنقاط فقط
كم انت رائع ايها الازرق وانت تنثر الافراح فى سماوات الوطن
وكم انت رائع ايها الجنرال وانت تقود هلال الملايين نحو قمم يهابها الآخرون
يريدون بيعك في سوق النخاسة فأبيت
تكالبوا عليك فرفضت
الجميع أرادوا لي ذراعك الفولادي
أبيت
غرروا بك السفهاء ... اعتصمت
ذهبك البلوري القوه في اليم
طفحت وظهرت بهيا
تعانق الشمس
انك شجاع وهم بالونات حمراء وصفراء
طبعا المريخاب خايفين شديد من فرق النقطتين
ودعوات من القلب ويارب الهلال يتغلب من النسور
ولعبوهم بدون جمهور يمكن يخسروا
والمباراة الجايه يحلها الحلال
وممكن الاتحاد يلعب الهلال بدون كدارات
وممكن الهلال يلعبوا الهلال من دون فانيلات
وممكن يلعبوا الهلال بدون لاعبين
وممكن يلعبوا الهلال بدون كشافات
وممكن يلعبوا بدون البرير
وممكن يلعبوا الهلال بدون الجنرال
وممكن يلعبوهو بدون كوره
المهم المريخ يا معتصم يفوز بالدوري
واياك تزعل اللوردات وجمال الوالي
والاتحاد اتحادنا والبلد بلدنا
ظبطوا الحكام
واذا المريخ بيلعب ما تحسبوا اي تسلل
لا اهلي ولا خرطوم
ولا هلال ولا اهلي شندي
وعندكم سيحه يوم الجمعه خبير وامبراطور
ونحن علي كيفنا
والدوري دورينا
ومضمون ياوالينا
وعيشتين بألف

المشهد الثاني :
انتخابات المريخ تمخضت فولدت فارا
نفس الوجوه ونفس الاسماء
وجمال الوالي رئيس طوالي
ومتوكل رجع
وهمد رجع
وطارق ضرب الجماعه
وقريش زعلان
1- منصب الرئيس جمال الوالي (فاز بالتزكية )
2- منصب نائب الرئيس عبدالصمد محمد عثمان (فاز بالتزكية)
3- منصب الامين العام الفريق طارق عثمان الطاهر - محمد جعفر قريش
4- منصب امين الخزينة : عثمان ابراهيم ادروب - عبدالقادر همد
5- مقعد المناشط (مقعد واحد): خالد تاج السر , معتصم محمد مالك
6- مقعد قدامي اللاعبين (مقعد واحد) : حاتم محمد احمد (فاز بالتزكية )
7- مرشح الاعضاء (7 مقاعد): (حاتم عبدالغفار),(متوكل احمد علي) (فيصل الحنان),(صديق على صالح),(اسامه الشاذلي),(عبدالرحمن ابراهيم),(حمد السيد مضوي),(عمر حجوج),(معاويه الشاذلي), (هاشم الزبير),(هواري عثمان عبدالرحمن),(محمد على الجاك ضقل) ,(جلال عبدالماجد).
المريخ هو المريخ ومهما يعمل هو الوصيف
واسماء ترشح نفسها طبعا لوجود الوالي

المشهد الثالث :
اهلنا قالوا ان الاوضاع الاقتصاديه اصبحت قاسيه للغايه
ارتفع سعر (طبق البيض) من 16 جنيها الى 22 جنيها
وكيلو العدس من 7 جنيهات الى 10 جنيهات
اسعار اللحوم 50 جنيها بدلا عن 44 جنيها
كما ارتفعت اسعار الوجبات السريعة و(السندوتشات) وأصبحت تتراوح مابين 5 الى 16 جنيه
المواصلات ارتفعت
وعيشتين بالف
وفرضت الجمارك بحسب التقارير زيادة على أصناف مائدة ومطبخ وأدوات صحية من الألمونيوم (40)% ، أدوات مائدة ومطبخ من نحاس (40)% ، أزهار وأوراق ثمار اصطناعية (40)% ، فلفل (40)% ، فانيليا (40)% ، قرفة (40)% ، قرنفل (40)% ، جوز الطيب (40)% ، بذور يانسون (40)%، فواكه ثمار قشرية صالحة للأكل قشور حمضيات وقشور بطيخ وشمام فئة رسم الضريبة (20)% ، فواكه مشكلة وأناناس معلب (20)% ، خلاصات وأرواح
وزادت جمارك الشاي والبن (20)% ، والصلصة و محضرة وتوابل مركبة ودقيق خردل محضر (20)% ، حساء ومرق ومحضرات اعدادها ، ومحضرات غذائية مركبة متجانسة(20)% ، أورنيش ولماع (20)% ، ألعاب نارية وقذائف الآثار (20)%، كبريت (20)% .
وفرضت زيادة (20)% على الالبسة وتوابع ألبسة من غير المحضرات (20)% ، أصناف أخر جاهزة من نسيج ايطاليات وأحزمة (20)% ، بياضات الأسرة والمائدة والتواليت (التنشيف للمطبخ) (20)% ، ستائر (20)% ، أصناف مفروشات أخر عدا (الناموسيات ) (20)% ، أحذية (20)% ، مصنوعات مواد جلدية (20)% ، مصنوعات أسمنت أو خرسانة من حجر اصطناعي (20)%، أدوات صحية (20)% ، زجاج ملون (20)% ، زجاج مسطح ذو طبقة عاكسة (20)%، أدوات صحية وأجزائها من حديد (20)% ، أسقف مستعارة (20)%، أقفال ومزاليج (20)%، مفصلات وغالقات أبواب ذاتية الحركة (20)% .
خزائن (20)%، مصنفات ــ خزائن للملفات (20)%، صباعات لحام (20)%، مراوح قدرتها لا تتجاوز الـ(175) واط (20)%، مراوح (20)%، مراوح شفط (20)%، حجار بطارية (20)%، بطارية عربات (ما عدا بطارية الكمبيوتر (85078010) والأجزاء (850790) بنسبة (20)%، مسخنات فورية للماء ــ أدوات كهربائية (مكاوي ـ مجففات شعر) (20)% ، أجزاء أدوات موسيقية (20)% ، مسدسات نارية (20)%، دراجات بثلاث عجلات (لعب) (20)% ، ألعاب فيديو (20)% ، أصناف المهرجانات والتسلية (20)%، ولاعات السجائر ـ ولاعات أخرى 20%
وحتي الآن لم يعرف من قتل المتظاهرين
ووزير الداخليه قال انه يجب علينا انتظار نتائج التحقيقات
ووزير الاعلام بقي ينهر في الصحفيين
ووالي الخرطوم قال كل زول يكوس من قتل المتظاهرين


المشهد الرابع :
كتب احد الظرفاء يقول :

ﻧﺤﻦ ﺍﻟﺴﻮﺩﺍﻧﻴﻮﻥ ﺍﻭﻝ ﻣﻦ ﺍﺳﺘﺨﺪﻡ:-

ﺍﻟﺴﻔﻨﺠﺔ ﻛﺄﺩﺍﺓ ﻟﻠﻘﺘﺎﻝ..

ﻋﻠﺒﺔ ﺍﻟﻜﺮﻳﻢ ﻛﻤﺴﺘﻮﺩﻉ ﻟﻠﺘﻤﺒﺎﻙ..

ﺭﺍﺱ ﺍﻟﺒﻴﺖ ﻛﻤﺨﺰﻥ..

ﻟﺴﺘﻚ ﺍﻟﻌﺮﺑﻴﺔ ﻛﺤﺎﻣﻞ ﻟﻠﻄﺸﺖ

ﻋﻠﺒﺔ ﺍﻟﺼﻠﺼﺔ ﻛﻮﺯ ﻣﺰﻳﺮﺓ..

ﻭﺍﻏﻄﻴﺔ ﺍﻟﺤﻠﻞ ﺩﺭﻛﺴﻮﻥ عربية ﻋﻨﺪ ﺍﻟﺸﻔﻊ..

ﺗﺮﺱ ﺍﻟﻌﺠﻠﺔ ﺑﺮﺿﻮ ﻟﻜﺴﻴﺮ ﺍﻟﺘﻠﺞ..

ﻧﺤﻦ ﺍﻭﻝ ﺷﻌﺐ ﻳﻔﺘﻔﺖ ﺑﺴﻜﻮﻳﺖ ﺑﺮﻛﺔ ﻭﺍﻟﻄﺤﻨﻴﺔ ﻓﻮﻕ ﺍﻟﻔﻮﻝ

واول شعب يستخدم موس الحلاقة عشان يبري قلم الرصاص

وصناديق الببسي للجلوس جنب الدكان

وبرضو أستخدمنا الشراب لعمل كورة

ما تنسى نحنا اول شعب استخدم الروث فى لياسة المنازل والسقف ...

نحنا اول شعب ياكل الرز بالكستر .

أول شعب يستخدم القنا عراضات مرمى

أول شعب يستخدم انبوبة العجل لُبادات

نحن اول شعب ينشف اللحمه ( شرموط )

نحن اول شعب ينشف السمك ( كجيك )

نحن اول شعب ياكل السمك بعد ما يعفن وريحتو تملا البلد ( ملوحه )

نحن اول شعب ينشف الباميه ( ويكه )

نحن اول شعب ينشف البصل

نحن اول شعب ينشف الطماطم

نحن اول شعب ينشف الرغيف

نحن اول شعب ينشف خزاين الدوله من الموااااااااااااااارد

نحن اول و آخر شعب يستخدم اغطيه زجاجات المشروبات للعب البلى

أول شعب يعمل من كرت الاسكراتشات قرقريبه للعواسه

وأول شعب إستخدم قزاز البيبسي في هرس الفول..

والشعب الوحيد الذي (يرفع) الفاتحة حيث صاحب العزاء بلقى نفسه مضطر عند موت قريبه ان يرفع يديه وينزلهما حوالي ٣٥٣٤ مرة علي التوالي

و الشعب الوحيد لمن يضحك يقول استغفر الله

و نحن الشعب الوحيد البنقول للزول ما تتكلم ساكت - كيف يتكلم وهو ساكت ؟؟!!