لاول مرة نشاهد الهلال بهذه الصورة المهزوزة
فالهلال الذي نعرفه لم يعد كما كان
وبات منذ الخروج الآفريقي الأخير بلا هوية
ولا لون
ولا طعم
ولا رائحة
فمن أوصل الهلال لهذه المرحلة
وكيف سمح أهل البيت الأزرق لنفر من الناس بالتلاعب في كيانهم الكبير ؟
بل السؤال الأهم: كيف أصبح الهلال البيت أشبه بالأرض الخاويه
إنها أسئلة الجروح المؤلمة
واستفهامات العزف على الوتر الحساس.
الجميل في الهلال اعتراف محبيه بأن خروجه الافريقي تسبب في حالة إحباط ..
احباط في المدرج
واحباط في الملعب
واحباط وسط الجمهور ،
ففي هذا النادي الجميل لايزال هناك من يكابر ويعتقد انه الافهم بينما الواقع يؤكد العكس،
ولعل من يقرأ ما بين السطور سيدرك ان الهلال يعاني،
بل يعاني كثيرا.
الحلول لعودة الهلال كثيرة ،
لكن الجرأة في اتخاذها وهي ما سيحسم الأمور ،
وفي الهلال بالتحديد لا يمكن لأي منصف أن يقارن بين الادارات المتعاقبة على هذا النادي كون عجلة الانجازات تدور بلا توقف
وكل رئيس يمر على الهلال يكمل ما بناه من قبله ،
الهلال يمتلك أكبر قاعده جماهيريه في السودان
البعض يريد ان يختصر الهلال في أسماء معينة
ويحصره في مجموعة بذاتها لتديره على أهوائها
وهذا الفكر بالتأكيد لم يعد مقنعا لاحد،
فالهلال للجميع وكل الأسماء العظيمة في هذا النادي رحلت وبقي الهلال الكيان ثابتا لم يتغير ،
الحلول لعودة الهلال كثيرة
والافكار كثيره ،
لكن الجرأة في اتخاذها وهي ما سيحسم الأمور ،
وان كان أهل الهلال يرغبون في استعادة عافيتهم
عليهم نبذ الفرقه
ونسيان المحاصصات
==================================
مليار دولار سيدفعه الوالي لتكريم نفسه
مزمل ابو القاسم قال ان بله جابر سيحترف في فرنسا
وعاد اعلام المريخ ليكرر قنابله ان مكسيم حصل علي عرض اوروبي
اتقوا الله في انفسكم
يد ياسين اتكسرت واحد غتيت قال ان الموضوع يشبه موضوع محمد كمال وموضوع ارجاع الحضري
عصام الحاج فضح ناديه علي رؤوس الاشهاد ود ما حصلت في اي نادي
في الهلال الارباب براهو القال داير قروشي
في المريخ سنسمع العشرات في مظاهرات هادره دايرين قروشنا الظاهر الحكايه زي قصة الريان في مصر
والرجل الوحيد الما حيقول داير قروشي هو عصام الحاج لانه لم يدفع مليم واحد حتي حينما قطعت الكهرباء في نادي المريخ
ابو عاقله اماسا قال ان : مديونيات المريخ من الحان عصام الحاج
تسجيلات البرير ستحدد ان كان الرجل سيتمكن من ترشيح نفسه مره ثانيه ام لا نوعية اللاعبين والمدرب ويارايح كتر من الفضائح
معقول ان هناك 13 قضيه ضد المريخ في المحاكم
ناس المريخ خجلانين شديد من المديونيات وما قادرين يمشوا في الشارع
زمان اعلام المريخ كان شغلته ديون الهلال
ومستحقات الهلال
نصحناهم ونصحناهم كتير وما سمعوا
وكما تدين تدان
مين يطمنا يا اخوانا
سيدي بيه قالوا جاي
اتير توماس قالوا جاي
مروان الحريه قالوا اي
اطهر قالوا جاي
محمد احمد قالوا جاي
محمد عبد الرحمن قالوا جاي
نيجيري من هولندا ومن مواليد منطقة الجزاء جاي
مدرب اوربي قالوا جاي
يا ربي هلال 2013 نقدر نقول جاي
=================================
مس كول :
الو كاردينال وينك ما سامعين صوتك
الو حكيم الهلال وينك ما سامعين صوتك
اقطاب الهلال وين انتو
=================================
محمد حسن شوربجي
