تراورى احرف من موانزا
لا موانزا احرف من تراورى
اهداف تراورى اجمل
لا اهداف موانزا احلى
جدل بيزنطى وعقيم بدأ مبكرا بين الناديين
فى حين تراورى الرهيب هلاليا لم نشاهده فى منتخب مالى الاخير فى جنوب افريقيا
ولم نسمع بموانزا الفلته فى نظر اهل المريخ فى منتخب زامبيا
ولا ندرى من أي مالى او أي زامبيا اتى الاثنان
وفقط كل واحد منهم احرز هدفين فاصبحنا نهلل ونكبر لهم
وهكذا فعلنا مع سادومبا و رفعناها عاليا ثم هوينا به الى الارض ووصفناهو فى النهايه بالفاشل فى تسديد ضربة جزاء
ومع سكواها ظل الاعلام المريخى يطلق عليه الالقاب الصاروخ والدبابه والجلاد وما عارف الضباح لتنتهى به الاوصاف بالكسول والمتراخى
روقوا يا اخوانا ولا تتعجلوا الامور فالعبره بالخواتيم
=======================
قالوا :
ان نادى الهلال هو ثانى نادى فى افريقيا والعالم العربى أستخدم الابواب الالكترونيه .....
محمد احمد بحر
وما اروعك ايها الهلال
=======================
قالوا : ان وصافة المريخ للهلال سببها لهفة اهل المريخ وشغفهم بلاعيبة الهلال وعلى مر تاريخهم وفى الاخبار :
المريخ يفاوض سادومبا
المريخ يفاوض عمر بخيت
المريخ يفاوض المعز محجوب
المريخ يفاوض مساوي
المريخ يفاوض مهند الطاهر
المريخ يفاوض كاريكا
المريخ يفاوض تراوري قبل ان يكمل شهرا
====================
قالوا :
أمس شفت هيثم مصطفى
بيلعب مع ناس نجم الدين وبلة
جابر ..ومصعب ..قلت دا شنو
دا ...زي )الفول( القالبين فيه
طلب كبدة
ود عبد الماجد حفظه الله ورعاه
===============================
لا ننكر ان الهلال يعانى ماليا وغارزيتو قد توقف عن التمرين لوقت قصير وكذلك المحترفين والحاله تعبانه وفى 2012 عانى الهلال كثيرا من الديون التى صنعها الارباب ولم يتعظ اهل المريخ من درس الهلال وكان الاعتماد على الجيب الواحد وجمال الوالى
وحال نادى المريخ اليوم يستحق الشفقه فهو يعانى من تبعات سياسات الوالى ولم يلتفت اهل المريخ لنصائح عقلائهم وهتافات جماهيرهم (دايرين بطوله ما دايرين مقصوره )
الآن المريخ يعانى كثيرا واكثر من الهلال مستحقات محترفين وطرد من ملعب الخارجيه وطرد للكوكى والحضرى من فندق ابشر بالخرطوم 2 ومحمد موسى يستدين 800 جنيه من مشجع لدخول الفريق لملعب الخارجيه والنجيله بتشتكى وعصام الحضرى داير قروشو ووارغو داير قروشو وكلاتشى داير قروشو وباسكال داير قروشو وده غير المساكين من الموظفين الذين اوقفوا عن اعمالهم وما عارفين يمكن عصام الحاج طرد بطه ورمى ليها الحلل والمعالق بره النادى .....
انها حقا لعنة العديلين والتى اضرت بالناديين ايما اضرار
نكتب هنا فقط تذكيرا لاعلام المريخ والذى ظل يتغنى بغنى نادى المريخ وفقر الهلال المدقع وحقا ما دوامه الدنيا ما دوامه
====================
قالت :
عاجبنا الهلال ملك النشاط والخفه
ناس واحد أغسطس ما كان مروقهم صدفة
يشربو في الأسي ولسة الوجع ما خفا
والناس الحمر قالوا الهلال ما بجيبا ))
شغالين مواجع..غايتو حاجة عجيبة
اكان جابا الوصيف والصدفة جاتو قريبة
لسيد البلد شايفين دي حاجة غريبة
ويالمريخ دحين اسكت كلامك لمو
ناسين السباعي الكب فيكم سمو
لو تبدوا الكلام والله نحن نتمو
وإن نضم الأسد حقو الحمير ينطموا
وشن جاب القمر للنجمة....يأخ معقولة
دا القمر البغيب من شوفنا يأخد طولة
بظهر باناقة نجيماتكم ما بتطولا
ويا الكان انغلبت جوانا انت بطولة
اسع لي حق اكتب قصليدي واساهر
ودائما يالهلال إنشاء صوتك جاهر
واحمد الله شان نعمو الكتيرة علي
اول اني مسلمة وتاني سودانية
والتالتة الكبيرة الجاية منو هدية
إني وعيت وبقيت هلالبية
صح لسانك يا شاعرة الهلال نضال الحاج
====================
لا اصدق ان يحمل مشجع عاشق للهلال يافطه مكتوب عليها : سيدا وسيد ابوها وتسلم البطن الجابتك).
على منو يا اعلام المريخ السالب والى متى هذه السلبيه والمسرحيات السيئة الاخراج
هذه الكذبه اشبه بكذبة انضمام العجب للهلال
====================
اخونا وحبينا الجعلى قال ان هيثم مصطفى اصبح للهلالاب اسماء فى حياتنا وهى دعوه للمذيع عمر الجزلى
====================
قالوا :
ان ادارة المريخ الحقيقيه ليست فى امدرمان بل هى فى فداسى والظاهر ان الوالى مازال حاكما مطلقا للمريخ بالموبايل والوايت ساب والفايبر يعنى ناس عصام الحاج بيبربروا ساكت
=======================
قال قاقا :
ان هلال 2013 نار مولعه قولوا يارب
=======================
محمد حسن شوربجى
لا موانزا احرف من تراورى
اهداف تراورى اجمل
لا اهداف موانزا احلى
جدل بيزنطى وعقيم بدأ مبكرا بين الناديين
فى حين تراورى الرهيب هلاليا لم نشاهده فى منتخب مالى الاخير فى جنوب افريقيا
ولم نسمع بموانزا الفلته فى نظر اهل المريخ فى منتخب زامبيا
ولا ندرى من أي مالى او أي زامبيا اتى الاثنان
وفقط كل واحد منهم احرز هدفين فاصبحنا نهلل ونكبر لهم
وهكذا فعلنا مع سادومبا و رفعناها عاليا ثم هوينا به الى الارض ووصفناهو فى النهايه بالفاشل فى تسديد ضربة جزاء
ومع سكواها ظل الاعلام المريخى يطلق عليه الالقاب الصاروخ والدبابه والجلاد وما عارف الضباح لتنتهى به الاوصاف بالكسول والمتراخى
روقوا يا اخوانا ولا تتعجلوا الامور فالعبره بالخواتيم
=======================
قالوا :
ان نادى الهلال هو ثانى نادى فى افريقيا والعالم العربى أستخدم الابواب الالكترونيه .....
محمد احمد بحر
وما اروعك ايها الهلال
=======================
قالوا : ان وصافة المريخ للهلال سببها لهفة اهل المريخ وشغفهم بلاعيبة الهلال وعلى مر تاريخهم وفى الاخبار :
المريخ يفاوض سادومبا
المريخ يفاوض عمر بخيت
المريخ يفاوض المعز محجوب
المريخ يفاوض مساوي
المريخ يفاوض مهند الطاهر
المريخ يفاوض كاريكا
المريخ يفاوض تراوري قبل ان يكمل شهرا
====================
قالوا :
أمس شفت هيثم مصطفى
بيلعب مع ناس نجم الدين وبلة
جابر ..ومصعب ..قلت دا شنو
دا ...زي )الفول( القالبين فيه
طلب كبدة
ود عبد الماجد حفظه الله ورعاه
===============================
لا ننكر ان الهلال يعانى ماليا وغارزيتو قد توقف عن التمرين لوقت قصير وكذلك المحترفين والحاله تعبانه وفى 2012 عانى الهلال كثيرا من الديون التى صنعها الارباب ولم يتعظ اهل المريخ من درس الهلال وكان الاعتماد على الجيب الواحد وجمال الوالى
وحال نادى المريخ اليوم يستحق الشفقه فهو يعانى من تبعات سياسات الوالى ولم يلتفت اهل المريخ لنصائح عقلائهم وهتافات جماهيرهم (دايرين بطوله ما دايرين مقصوره )
الآن المريخ يعانى كثيرا واكثر من الهلال مستحقات محترفين وطرد من ملعب الخارجيه وطرد للكوكى والحضرى من فندق ابشر بالخرطوم 2 ومحمد موسى يستدين 800 جنيه من مشجع لدخول الفريق لملعب الخارجيه والنجيله بتشتكى وعصام الحضرى داير قروشو ووارغو داير قروشو وكلاتشى داير قروشو وباسكال داير قروشو وده غير المساكين من الموظفين الذين اوقفوا عن اعمالهم وما عارفين يمكن عصام الحاج طرد بطه ورمى ليها الحلل والمعالق بره النادى .....
انها حقا لعنة العديلين والتى اضرت بالناديين ايما اضرار
نكتب هنا فقط تذكيرا لاعلام المريخ والذى ظل يتغنى بغنى نادى المريخ وفقر الهلال المدقع وحقا ما دوامه الدنيا ما دوامه
====================
قالت :
عاجبنا الهلال ملك النشاط والخفه
ناس واحد أغسطس ما كان مروقهم صدفة
يشربو في الأسي ولسة الوجع ما خفا
والناس الحمر قالوا الهلال ما بجيبا ))
شغالين مواجع..غايتو حاجة عجيبة
اكان جابا الوصيف والصدفة جاتو قريبة
لسيد البلد شايفين دي حاجة غريبة
ويالمريخ دحين اسكت كلامك لمو
ناسين السباعي الكب فيكم سمو
لو تبدوا الكلام والله نحن نتمو
وإن نضم الأسد حقو الحمير ينطموا
وشن جاب القمر للنجمة....يأخ معقولة
دا القمر البغيب من شوفنا يأخد طولة
بظهر باناقة نجيماتكم ما بتطولا
ويا الكان انغلبت جوانا انت بطولة
اسع لي حق اكتب قصليدي واساهر
ودائما يالهلال إنشاء صوتك جاهر
واحمد الله شان نعمو الكتيرة علي
اول اني مسلمة وتاني سودانية
والتالتة الكبيرة الجاية منو هدية
إني وعيت وبقيت هلالبية
صح لسانك يا شاعرة الهلال نضال الحاج
====================
لا اصدق ان يحمل مشجع عاشق للهلال يافطه مكتوب عليها : سيدا وسيد ابوها وتسلم البطن الجابتك).
على منو يا اعلام المريخ السالب والى متى هذه السلبيه والمسرحيات السيئة الاخراج
هذه الكذبه اشبه بكذبة انضمام العجب للهلال
====================
اخونا وحبينا الجعلى قال ان هيثم مصطفى اصبح للهلالاب اسماء فى حياتنا وهى دعوه للمذيع عمر الجزلى
====================
قالوا :
ان ادارة المريخ الحقيقيه ليست فى امدرمان بل هى فى فداسى والظاهر ان الوالى مازال حاكما مطلقا للمريخ بالموبايل والوايت ساب والفايبر يعنى ناس عصام الحاج بيبربروا ساكت
=======================
قال قاقا :
ان هلال 2013 نار مولعه قولوا يارب
=======================
محمد حسن شوربجى