من خوسيه ادواردو دوس سانتوس رئيس انجولا للاسياد : تعادلتوا مع الانتر بطلوع الروح
قلنا ليهو يا سيادة الريس مين الانتر ده ؟
قال ما بتعرف الفريق اللى غلب المريخ 2 صفر فى لواندا زمان
وكان فى حراسة مرمى المريخ الحضرى ما قبل الاربعين
وطيب ناس المريخ حيسو شنو ياربى وباقيه ليهو لعبه فى لواندا وبالحضرى ما بعد الاربعين ؟
و ما عندنا حجاره
ولا فى كراسى يكسروها
وبصات والينا ما عندها محطه فى العرضه جنوب اللوانديه
وحتى الحكم اللى حنجيبو ما مصرى
ومااسمو ابوجريشه
وما بيعرف الحضرى ابو غرزتين
وما من النوع البيركب معاهو مصطفى توفيق الانجولى
بس لازم تعرف انو انترنا خطير مع الحكام
و بندفع ليهم بالكوانزا و الماس
قلنا ليهو طيب يا سيادة الريس عملتوها مع حكم المباراة ولا شنو ؟
وكمان لغيتو لينا قون نزار حامد
لكن برضو اتعادلنا معاكم وخلاص مرقتو
والمهم فى الكونفدراليه البيضحك فى الآخر
قال خوفى للى بيضحكوا من حسع
بس يارب مين اللى حيبكى فى الآخر
قلت ليهو يا سيادة الريس عندنا من حسع جماعه بيدربو ناسهم على الجهشه
وخلاص ابراهومه وساكواها وبله بقوا معلمين فى الجهشه والدموع
وانتهى حديثنا مع ريس انجولا خوسيه ادواردو دوس سانتوس
والمهم الهلال ما حصل اتغلب خارج ارضو
والمهم ما مبروك للبرير
وما مبروك للبرنس
وما مبروك لكل خمائر العكننه
وما مبروك للقاعدين يلتوا وبيعجنوا
وما مبروك للتبع والشيالين والطابور
وما مبروك للبغنو لهيثم طوالى :
سيدا سيدا الكوره بتريدو هي - وهو زاتو بيريدا
وما مبروك للبغنو للبرير فى القعدات :
سير سير سير يالبرير - وابقى عشره على الهلال
وما مبروك لخطة غرزتو التعبانه
واللعب بتلاته مدافعين بدون اطراف ولا صناع لعب
ووينو سانييه والراسيات والغزال
وممكن مبروك لحبوباتنا فى العرضه جنوب واللى اشتكوا كتير من ازعاج سكواها القرفان
وانتو حبوباتى دعيتو عليهو ولا شنو ؟
الراجل يا عينى لحقتوهو بوارغو
وقالوا ممكن يمشى سوق مواسير الفاشر
والظاهر هى ارخص من زامبيا
وكمان مبروك التعادل لهمشرى البريئ
ومبروك التعادل للرشيد على عمر
ومبروك التعادل لكراسى الهلال السليمه منها والمكسره
ومبروك التعادل للسور الواقع وما اتصلح
و مبروك خاصه لاهلى شندى الماعجبنا
وللمريخ سلم يفطوا والاستبنا
ومبروك التعادل لغرزات الحضرى
وبالمناسبه اللى ضربوك يا حضرى واحد من تلاته :
1- ممكن جمهور الهلال
2- ممكن جمهور اهلى شندى
3- ممكن جمهور المريخ
ليه ؟؟
جمهور الهلال عشان رفعت عليهم الجزمه
و جمهور اهلى شندى عشان ضيعت الوقت بالحركات وانا واخوى على ابن عمى وانا وابن عمى على الغريب
و جمهور المريخ وهو الاكثر اتهاما عشان الشلوت فى مباراة الهلال والتمرد القديم وشتيمتك للوالى
والسودانيين يا حضرى ما بنسو الاهانه
وحسع كويس كده ترجع كفر البطيخ بلا سنتين ؟
وكيف حتاكل البط والملوخيه بالارانب
وبصراحه منظرك وحش اوى
و بقيت تشبه اخوانا الجنوبين
ودايما السنتين القدام عندهم واقعات
وجنوبى زى الحضرى ما عندو سنتين دخل مطعم والكهربا قاطعه فيهو - قال للجرسون ادينا واحد فوووول وقدامو شمعه مولعه وكلما يقول فوووول الشمعه تنطفى ويولعها الجرسون
يجب يا حضرى ان تحترم اهل السودان - هلالاب كانوا ام مريخاب
ولا داعى للحركات التى تستفز بها الجمهور فى المباريات
اعلام المريخ السالب اثبت انه هو من يوهم جماهيرو بان الفريق لا يهزم واذا هزم فأن الحكام هم المسؤولون عن ذلك ( نظرية المؤامره)
ولعل اول من أبتدع ثورة الحجاره فى السودان هم ناس المريخ واصبحت الثوره ماركه مريخيه مسجله
آخر الحروف:
التعادل ليس مخيفا وان كان غير مقبول
اكثر فرص الهلال للتأهل هى فى متناول يد الهلال ومن جو البلد ووسط جماهيرو العظيمه
المشاكل التى تحيط بالهلال احاطة السوار بالمعصم هى سبب تدنى اداء الفريق فى انجولا
ومباراة لواندا يجب ان توقظ كل اهل الهلال وتوحد صفوفهم
ومازالنا فى الهلال فى انتظار عقوبات الكاف على المريخ وألا فالمعامله بالمثل و مباراة الرد قريبه والعين بالعين
اليس غريبا امر التحكيم الافريقى وهو يلغى هدف نزار حامد الصحيح 100% وبعد دهك لو بقولوا الهلال بيرشى الحكام
رغم التعادل فى لواندا .. كاس أفريقيا لينااا
والمتظلم يلجأ للقضاء
محمد حسن شوربجى
