- الحمد لله زالت الغمه
- وارتاحت الامة
- وناس الازرق اتلمو
- الحكيم والفريق واللواء و الكاردينال وكل القلوب الزرقاء
- فكل الامنيات ان يظل الهلال قويا
- وان يتأهل فى بلاد انجول
- و ان تكون سماء لواند زرقاء
- وكل امنيات اهل الهلال ان تمطر علينا السماء بما تتوسّله ألاكف الزرقاء بالدعاء
- وكل امنيات اهل الهلال ان يستجيب الله لصلاة كل القلوب الزرقاء وابتهالاتها النقيه .
- وكل امنيات اهل الهلال ان يتصدر الهلال
- وكل امنيات اهل الهلال ان تملآ فضاءاته زغاريد المهيرات
- وكل امنيات اهل الهلال ان يسقط الانتر
- وكل امنيات اهل الهلال ان تسكت مدافع الاعداء
- من شبيحة
- و بلطجية
- و رباطه
- و مصلحجيه
- وثوار طابور
- وناس زنتان
- و مطبلين
- وشيالين
- و شذاذ الافاق من اعلام سالب
- وجاكومى
- واسلاك
- ومزاميز
- وشياب
- وناس بطه
- وكل امنيات اهل الهلال ان لا يكون الهلال ليهم ضحيه
- وكل امنيات اهل الهلال ان لا تكون حالة البرير اشبه بمن قال :
- ترك الاحبة ان يقاتل دونهم ونجا برأس طمرة ولجام
- وهو من شعر حسان فى الحارث بن هشام حين شهد بدرا مع قريش فلما دارت عليهم الدائره فر وترك الاحبة صرعى ولم يقاتل دونهم وفيهم اخوه عمر بن هشام
- وكل امنيات اهل الهلال ان لا يكون حال الاعلام الازرق اشبه بفرار السلمى الذى كان يغرى بالحرب حتى اذا شب نارها وأذكى اوارها لاذ بالفرار وتغنى ببراعته :
وكتيبة لبستها بكتيبة حتى اذا التبست نفضت لها يدى
- المهم نريد نصرا على الاعداء
- ونصرا على الانتر
- ونصرا على المريخ
- ونصرا على الاهلى
- نريد كأسا ايها الساده
- نريد كاسا الهلال جدير به
- يا قادة الإبداع وقياصرة الفن الكروي الساحر،
- أحفاد مجد علا،
- أبناء وطن اشمخر واعتلى
- نقول لكم : انتم حماة ترسانة الإبهار ،
- انتم الصولات والجولات،
- انتم منتزعوا الإنتصارات ،
- انتم قاهروا الاعداء ...
- انتم من أندى العالمين بطون راح!! ....
- انتم من لقن الخصوم أقسى الدروس فى الادغال !!
- أنتم اسياد البلد
- و هاماتكم خالدة تناطج عنان السماء؟ ...
- أصطفوا و الازرق رغم كل الظروف وكل الابتلاءات .......
- دعوا القلق واستبدلوه فرحا وتفاؤلا،
- ساندوا الازرق الذي سطر الابداع والتألق
- ورسم البسمات على كل الشفاه ......
- فأنتم قصيدة المتنبي لسيف دولته!......
- وإبداع العقاد في عبقريته...
- وذائقة القصيبي في شاعريته...
- أنتم غلاف كتاب مجد ازرق اكتست به كل البحار وكل المحيطات وكل السماوات
- انتم من صنع كل الفرحات
- عليكم بالانتر الانجولى
- ادبوهو ادب المدايح
- وعليكم بالارسنال
- واجلدوهو مرتين
- وعليكم بالوصيف
- ادفنوهو فى حفرة الدخان
- ورجعوا ليهو سيرة الابنودى الهلاليه
- واحكوا ليهو عن بشه وناس محمدو وكوة كوة
- وخلوهو يهضرب بمنديلا وكرومه زنقار وحسن عطيه
- وغردون ومحمد على باشا وكل تاريخ المهديه
- ولامن على دينار رسل كسوة الكعبه للسعوديه
- وما تخلوهو يفلع بالحجاره
- ولا يكسر كراسى
- وخلوهو يكره اعلام الوسوسه
- وناس همد ومزمل وسلك وحسن محجوب وكل مزامير الشيطان والهلوسه
اسمعنا مره : لماذا يعادى كل حكام الارض فريق المريخ ؟
على المريخ ان يقابل شخصيا جوزف بلاتر
ويشتكى ليهو من ناس صلاح محمد صالح وابوشنب ووديدى وحكام افريقيا وحكام مصر وحكام مدغشقر وحماده بالذات
اهل المريخ يظنون انهم سيقهرون اهلى شندى بسهوله والكوكى بصراحه ما هين
والارسنال حيلعب مرتاح فى امدرمان والمريخ متوتر واعصابو بايظه والارباب مكار
وكل عيون المريخ على جمهور الهلال والكراسى والكرسى بالكرسى والبادى اظلم
والحضرى خلاص ظبطوهو ناس سنار وهدفين مضمونات من يعقوبو و2 من سانييه والحجاب وصل
وناس المريخ رجعوا وارغو وانا اقول ليه اسعار المواسير نزلت فى السوق
واكرم الهادى مسكين مطول خالص على الدكه ودى نهايتك يا كرومى
والله لا كسبك يالحضرى قطعت عيش الراجل والطموح
والحضرى يقعد ينرفز جماهير الهلال واهانات لناس لناس أبوجريشه وهروب وحركات أرعه وبرضو اساسى وحسب العقد وما فى حد يقدر يقول بم والا
برافو لعيبة الهلال البيان جميل
وبرافو كبار الهلال الانتماء الاصيل
وغصب عنى وغصب عنك - هيثم ولدنا والمعز ولدنا ومهند ولدنا وما تحلموا بالمستحيل
محمد حسن شوربجى
