[SIZE=6]30000 الف دولار = 336867322.70 فرنك ملغاشى
*30000 دولار اذا حولها حماده داير ليهو شوال وبوكسى
والفرنك الملغاشى هى عملة مدغشقر
وحماده يا عينى من مدغشقر
ونحن ممكن نساعده فى التحويل هنا
ولكن ده بالسعر الرسمى
والسوق الاسود اعلى وده بيزعل على محمود وزير الماليه
دولار ريال ين ملغاشى
وممكن حماده يمسكوهو فى الكشه يا عينى
وحرام عليكم يامريخاب ماشين ليهو ليه
حتضيعوا مستقبل الراجل
واحسن حماده يستلمها فى الخرطوم وممكن يأخد كورس فى السوق العربى
ويخلى التحكيم نهائى ويشتغل بتاع عمله فى تناناريف
* وعلموهو كيف يوقف ناسو فى سوقهم العربى
* وكيف يقولوا دولار ريال ين ملغاشيه
ومن سن سنة شر كان عليه وزرها
ومدغشقر جزيره افريقيه صغيره فى المحيط الهندى
ويمكن ما بيعرفوا الرشاوى
وناس المريخ مش كان اخير ليهم يبنوا جامع بمدغشقر بال 30000 دولار
وفى رمضان يا اخوانا الذنب ذنبين
ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون .
وما اكثر العواصف الاستوائيه على مدغشقر من جيوفانا وغيرها
الرشيد على عمر كشف المثير حين قال :
وكمان نسمع ناس أسامه عطا المنان ينشدون حماده بابه جنب بابنا حماده ده ..
عمره 25 سنة أو يزيد قليلاً..
اي انه عمر الزهور عمر الصبا ..
يعني اصغر من عمار الزبير بسنتين
وقدر محمد عثمان الكوارتي ..
وهاشم ملاح بالنسبة اليه جد
وفتى صغير في عمره وفي هذه السن حتماً من أهل ( التجكيس) الحر ..
اي انه يتطلع لبناء مستقبله الاسري وتحقيق طموحاته الذاتية ومساحات احلام لا حد لها ..
إذن 30 ألف دولار تجعله يفتح شركة صغيرة في مدغشقر وفي ستين داهية التحكيم وعذابه
يعنى الحكايه جد يا الرشيد و جابت ليها رشاوى وزيارات لاثيوبيا قبل اسبوعين للالتقاء بالمراقب الفني؛ ..
وده شنو يا الرشيد الناس دى شغاله جد ويالفوز يالانتحار الجماعى مع الجهشه الجماعيه يوم السبت
وده شنو يالرشيد الجماعه قالوا ديل سمعنا حياخدوا منشطات
وده شنو يالرشيد دى جابت ليها لبس لبس ازرق وشغب وسط جماهير الهلال وتلخبط الدنيا
وده شنو يالرشيد ناس مزمل دايرين يحولوها معركه حربيه
وده شنو يالرشيد سلك لسه بيحرض فى الشغيل عشان يضرب ركبة ايكانقا
وده شنو يالرشيد الناس دى حتحصل ليها شنو لو اتغلبت من الهلال
ويوم الاحد ممكن جمال الوالى يقلب هلالابى
وبطه ترجع للهلال وهى بتبكى
وممكن الباشا يرجع وهسسسسسسسس ما بقدر يقولها ليهم
وهلالنا بصراحه بيخوف
وسانييه صراحه بيخوف
وايكانغا صراحه بيخوف
* وسادومبا قالوا منتظر اليوم ده
وده غير كاريكا وبكرى والطاهر حماد
وكايا كمان طلع لينا من وين رهييييب
وعبده جابر صراحه فظيع
وايه ده يا هلال
بالصف التانى وكل الجمال
وبدون سانييه وكاريكا وسادومبا وديدا ضربت الافيال
والحضرى قال انه حارس المريخ الاول -
واكرم ياعينى وينو ومالو طووول
والله راحت عليك يا اكرم
وما باقى عليك الا تلطم
وقالوا مريخ حلفا محتاج حارس
بس واليهو حلفاوى
وما مرطب ولا عندو بوفيه
غرزيتو جنن ريكو وحيرو وممكن ينزل ناس عبدو جابر وكايا والوالى يطيرو
وقالوا باسكال حيجيب معاهو بسطونه وجلد شديد
والحضرى قالوا راجع قبل يوم من المباراة والله عافى منك وانت حتلعب بدون تمرين والظاهر خوفت الجماعه شديد
واللى يفتح خشمو حرجع مصر واشتكيهو للفيفا
وجمال وانتو عارفين انو لسانى زفر
يا اخوانا صحيح الرئيس القادم للاتحاد العام هو صلاح ادريس الارباب يا لطيف
هل يسمح القانون أن يتقلد سعودى الاتحاد العام
وخوفى ان يراس الحضرى نادى المريخ والحضرى عندو جنسيه سودانيه
نتمنى ان يوافق الكاف على طلب الهلال بخصوص المنشطات
والظاهر دى بركات ليما والمرايه والله يستر
وانشاء الله يتم فحص كوارع بطه وكل البوفيه
من شعر شاعر هلالى جميل : ود المجذوب*
بس ياهو الفــــــــضل..يغلبنا مريخ (ليمـــا)
التيم الضعــــيف الديمة مـــاكل النيمة
جيناك بالتقيـــل كاريكا وابراهيمـــا
لا بنـــفع شغيــــــــــل لا بنفعـــك بنزيمـة
تاريخ الهـــلال شعب الهلال يفــــخربو
عارفنو الهلال والنجمة شافت ضـربــو
تاريخ الهلال في القمة حـــلق سربـــــو
واسمك يا هلال منو الخصوم بتضطربــو
موعدنا السبت ...يوم الخبت كالعادة
والذكري الزمان..دايرين نشوفا معادة
اعلام الوصيف نافخ فريقو زيــــــادة
زي نمر الورق ..الما بيساوي جدادة
بس ياهو الفضل يغلبنا مريخ وارغـــو
سموهو الزعيم لقبا ملفق وســـــارقو
يا مريخ اقيف...اسمع كلامي المارقـــو
مركزك الوصيف ..كان طرتا ما بتفــارقو
الاسد الشرس..ما بخافلو يوم من ضبعة
وما بخاف الهلال من تيم خسر بالسبعة
نحن اسياد بلد فينا الــمكارم طبعة
والسبت القريب...النجمة تاخد لبعــــــــة
آخر الكلام :
وموعدنا السبت الا ان السبت قريب
اللهم اغفر لنا اجمعين
محمد حسن شوربجى
[/SIZE]
[/SIZE]