ضل الدليب ودالشريف

-

ضل الدليب

ودالشريف

============

** بدأ الفنان الكبير الطيب عبد الله مشواره الفني خلال النصف الاول من الستينات… قدم من شندي واستطاع ان يشق طريقه وسط العمالقة بقوة ولمع اسمه مع أول اغنية.. كيف هان عليك يا حبيب تسألني .و تنسي عطفي عليك وحناني…. . وأصبح مطلوبا بكثرة في برنامج ما

يطلبه المستمعون عبر..اذاعة هنا

ام.درمان والاغنية التي قدمته للناس هي اغنية السنين….. قالو لي انساه وامسح من خيالك دكرياتو… وانسي كل الماضي وابعد عن طريقو وعن حياتو… فات وخلاك للزمن.. ضاعت امالك سدن… ليه تحن من تاني ليه وليه تفكر في صلاتو

وما ميز الطيب عبد الله انه كتب معظم اغنيانه بنفسه ولحن بنفسه و غني كذلك من كلمات بعض الشعراء بينهم مبارك المغربي والصادق الياس… وصلاح حاج سعيد. ..ومحمد سعيد العباسي وقدم له اسحق ااحلنقي الأغنية الشهيرة.. انت يا الأبيض ضميرك.. صافي زي قلب الرضيع…كان ذلك في العام 67…. اغترب في المملكة السعودية والغربة خصمت من رصيده كثيرا وعاد بعد سنوات طويلة وبعد ان تقدمت به.السن وانشغل بحياته الخاصة و لم يتمكن من مواصلة المسيرة الإبداعية. وتوقف … اغنياته ستبقى في ذاكرة الناس واشهرها… السنين… نبع الحنان… ايامي الخوالي… لقيتو واقف منتظر… ليل الفرح…. يا فتاتي

** شاعر نوبي منسي اسمه الصاوي عبد الكافي… كتب أمير الحسن وحبيب القلب يا اغلي الحبايب لوردي والمنديل تغني بها سيد خليفة وشاعر نوبي اخر اسمه محمد الحسن دكتور كتب اماسي الغربة لوردي… يا اماسي الغربة فد يوم فرحينا

وشالي دمعات الاسي وما توجعينا وشاعر ثالث اسمه علي عبدالقيوم كتب بسبماتك تخلي الدنيا شمسية…. وحياتك بشم ريحة الجروف مغسولة بوهج القناديل واشوف ومضا بيبرق في عويناتك واشوف شفع يأشرو للقميرة التايه دورين بالمناديل.. ومرجيحة ضفيراتك.. وكتب أيضا… نحن رفاق الشهداء. نبايع السودان سيدا… نبايع الثورة َوالدا وولدا….. اكتوبر الحزين يا طفلنا الذي جرحه العداء. ها نحن نصطفيك موعدا وموردا…. ها نحن يا حبيبنا الجريح نعيد مجدك القديم؛ شامخا ورائعة

** الأستاذة نسرين عبد الهادي الصديق كتبت باحرف من ذهب عن الشاعر الكبير عمر الطيب الدوش صاحب…. سعاد والساقية والود وبناديها والحزن القديم.. وبلد رايح…. بلد رايح انشودة قدمها المعلم محمد وردي مرة واحدة بمسرح البالون بالقاهرة اوائل التسعينات وموجودة في مكتبة تلفزيون السودان لكنها لا تذاع..وموجودة في اليوتيوب .. بسأل عن بلد رايح وافتش عن بلد تايه واسأل عن أمانينا المابتدينا صوت صايح . ….. حاشتل كل نخلاتنا.. إذا جانا الزمن كاسح…. َواكتب عن بلد مجروح َوعارف الجارحو ليه جارح

وابكي على بلد ممدوح وعارف المادحو ما مادح

واحلم بحلم مسروق لا هو الليلة لا امبارح

ويقول … حأسأل عن بلد غاطس لحدي الليلة في الوجعة…….واسأل يا وطن يا بيتنا ليه شوقك مواجهني وليه حبك مجهجهني َ……. هذه الأنشودة اتمني ان يسمعها كافة الشعب السوداني

** اغنية اسراب الحسان من أروع ما غني . سيد خليفة وتسبقها روعة رائعة صلاح بن البادية. ليلة السبت

** مرت علينا الذكرى 42 لرحبل مبدعنا عبد العزيز محمد داؤد والذي تألق وبصورة ملفته في تقديم كل أنواع الغناء. حديث.. شعبي… حقيبة.. غناء وطني….. . في مدينة الشجرة بالخرطوم كان يسكن جوارنا شاب مصري… يحب ابو داؤد لدرجة الوله ودايما ما كان يردد.. صوت ابو داؤد صوت فريد لا يوجد في كل العالم العربي…. واديبنا الكبير الراحل على المك كان من اشد المعجبين بابو داؤد وكان يلقبه بالكحلي…. وشخصيا لا أمل الاستماع لأغنية زهرة الروض الليل بصوته …. زحم الله عبدالعزيز داؤد…. لو مرة نسميك على الف ميل…. يخلي العالم طربا تميل

** لو غني صلاح مصطفى.. بعد الغياب وحدها لكفته

** اسآل عن شاعر العيون الاستاذ عبدالله النجيب وارجو ان يكون في كامل الصحة والعافية

** رواد النقد الفني هم ميرغني البكري واانعمان على الله وسليمان عبد الجليل و َمحجوب عبدالحفيظ وحسن مختار وهؤلاء هم الرعيل الأول ثم كان الجيل الثاني…. عبدالباقي خالد عبيد..و الزبير سعيد.وعامر باشاب وسراج الدين مصطفى.. ورفاقهم لهم التحية

** أسرة مقندلة بالشمالية دفعت 8 مليار لفنان يدعي ود دوبا ليغني في زواج ابنهم….. رحم الله خليل اسماعيل وغيره من الفنانين الذين ماتو كمدا

** سميرة دنيا أميز من يزدد اغنيات عثمان حسين… اين هي

** هذا الفنان الذي تحول من الغناء الشعبي للحديث. شاخ صوته

** ملك الغناء الشعبي دون منازع هو الراحل محمد احمد عوض وملك المسرح هو الراحل الفاضل سعيد وملك الغنأء الحديث وملك الابداع طبعا معروف

** عاجل الشفاء للفنان ذكي عبدالكريم المولود بقرية اقجة بمدينة دنقلا ووالده كان من رجال الدبن وتأثر ذكي بالمديح واهازيج الصوفية والزكر واختار طريق الغناء ووصل الخرطوم في النصف الاول من الستينات وقدم نفسه للناس من خلال اغنيات رائعات اشهرها .. انت يا بسام…. وشوية غزل .. واميرة الشباب يا السمحة انا جاييك عريس ثم حلاة بلدي وحلاة نيلا

** تبقى جنبي ننسى كل الدنيا نغرق في الاماني

واشتكيلك يا حبيبي منك انت ومن زماني

في غيابك يا ما ليل الوحدة بالالم رماني أبكي عيني وابكي روحي وابكي قلبي يا حناني

يا امل يا لطف يا حنية وينك من عيوني.