-
كلمات صريحة
بدرالدين الباشا
40 يوم بس.. وتدق ساعة الحسم الأفريقي
قرعة بطولات الأندية الأفريقية جاتنا هدية على طبق من ذهب.. لكن خوفي نضيع الفرصة بيدنا زي كل مرة.الهلال القرعة رحيمة وسهلة شديد اذا لم يتفوق علي ايجل البورندي فايدة مافي جيش من المحترفين بعد بطل بورندي الصقر .الطريق ساهل وممهد
المريخ قدام ديناموز.. وبعدها حوريا أو شبيبة على الورق؟ مفروض الفريقين في دور ال١٦ دوري المجموعات وهم مغمضين
لكن الورق براهو ما بلعب كورة.
الكونفدرالية؟
الأهلي مدني لبسوه في الحيطة.. توسكر من البداية. دايرين رجالة وقلب
هلال الساحل القرعة خدمته.. الجيت الإثيوبي في المتناول. دي فرصتك يا ساحلاوي أثبت وجودك
هنا الكلام الصريح:
ما تقولوا لي “القرعة ساهلة” ونرجع نبكي بعد شهرين. الهلال والمريخ قاعدين في رواندا.. كويس. لكن دايرين مباريات جد.. دايرين احتكاك.. ما تمارين ساي.
الأهلي مدني وهلال الساحل؟
يا ناس توقف النشاط ده شماعة.. الكرة ما بتنتظرك. اعداد اهلي مدني وهلال الساحل ضعيف جدا نشاط متوقف الفريقين في حاجة لمعسكر بره البلد الليلة قبل بكرة.. انسوا التأهل من هسي.
قلبي معاكم والله. لكن القلب براهو ما بجيب قون.الفرصة جات.. والقرعة خدمتنا.. والتقصير مننا نحن. يا نكون قدرها.. يا نخليها لغيرنا. بالتوفيق لممثلي السودان
