-
قصيدة ود المجذوب بمناسبة فوز الهلال على المريخ
كتب الشاعر ود المجذوب
للمريخاب فقط بمناسبة هدف فلومو ..اسئلة ليست للإجابة ؟
…
السؤال الاول :
(قالو) فلومو جاب في النجمة قون ببراعة
مسك الكورة كشف الهجمة بالسماعة
الهدف الجميل اصبح حديث الساعة
هل هذا الكلام… فعلا ام إنو إشاعة ؟
…
السؤال الثاني
الخبر الاكيد سهر الجداد ولا نومو
قونا كان وحيد ما شفنا أصلا تومو
جمهور الوصيف شوف عيني اعلن لومو
ماذا يعني للمريخ حبيبنا فلومو ؟
…
السؤال الثالث
القون الدخل في النجمة زي الهمسة
سنوات الوصافة اظنو تمت خمسة
إيمانويل فلومو هدف من اول لمسة
هل الحزن فيكم يا فلوماب أمسي ؟
…
السؤال الرابع
وفي آخر سؤال يا نجمة ليك تأكيدي
اقدلي فوق عديلك وفي وصافتك زيدي
إيمانويل فلومو صراحة هدفو حديدي
ايهما احر ..القون ام التمهيدي ؟
ترسل الإجابات علي صندوق بريد
Flomo1@yahoo.com
ود المجذوب
