-
قسم الخالق بابكر.. ابن اللعوتة البار واليد البيضاء الحاضنة لأهله
في بلدنا السودان، دايماً بنقول “البلد بي ناسو”، وفي قريتنا الوادعة اللعوتة، بيتجلى المعنى ده في أبهى صوره لما نذكر اسم رجل الأعمال ود البلد الأصيل قسم الخالق بابكر. الراجل ده ما نسى أهله ولا نكر ضل الشجرة الرمت عليه وهو صغير، بل رجع وفي إيدو الخير والعطاء، عشان يغير حال المنطقة ويزرع الفرحة في قلوب الكبار والصغار… الى جانب مواقف انسانية واجتماعية كبيرة قدمها لاهله في #اللعوتة وساهم في علاج الكثير وحل مشاكل عديدة وكان دوما ” قداااامي” وأياديه ممدودة للجميع.
## حول مدارس اللعوتة.. من فصول بسيطة لمنارات تسر الناظرين…التعليم بالنسبة لـ “قسم الخالق” لا يعتبر مباني وجدران، كان همّ حقيقي شايلو في قلبه عشان أولاد وبنات اللعوتة يقروا في مكان سمح ويفتح النفس.
بدأ الرجل بالمدارس الثانوية في المنطقة، وعمل ليها صيانة وتحديث شامل من مجاميعه، قلبها قلب لدرجة إنها اصبحت تشبه الجامعات النموذجية في ترتيبها ونظافتها…بفضل وقفته دي، المدارس اصبحت بيئة تفتح النفس للدراسة والنجاح، ومكان يرفع الراس قدام كل القرى والمدن المجاورة.
## خدمات من قلب حنين وعطاء ما بنقطع
الجميل في خدمات قسم الخالق بابكر رئيس مجلس ادارة شركة #تاركو للطيران إنها طالعة من قلب حنين وحاسس بي أهله…ما قصر في أي مرفق خدمي بيحتاجه المواطن في حياته اليومية؛ تلمس النواقص وسدّها، وكان دايماً يده ممدودة بالخير في كل ضيق…عطاؤه ده ما كان من وراء مكاتب، بل كان سند حقيقي ووقفة رجال مع أهله وعشيرته في اللعوتة، عشان كده محبته سكنت النفوس وبيوت الحلة كلها.
## ود البلد الما غيرته الأيام
قصة قسم الخالق وأخوانه وأبناء المنطقة واذكر منهم صديقي الطيب بابكر مع اللعوتة هي درس حي في الوفاء وحب الأهل…الراجل واخوانه أثبتوا إنه القروش والنجاح في العمل بكون ليهم طعم سمح وفائدة لما يخدموا الناس ويسعدوا الغبش.
اللعوتة الليلة بتفخر بيهم، وسيرتهم الطيبة حتفضل محفورة في قلوب الأجيال، يحكوها الأولاد للي بعدهم عن ود البلد البار الما نسى أصله، وفضل دايماً السند والـمَـقْـنَع لأهله.
@إشارة
Tarco Aviation تاركو للطيران
الجزيرة – السودان
Sudan News اخبار السودان
Al Arabiya Sudan العربية السودان
@
